Search This Blog

အဖွဲ့ဝင်မယ်..Followers

သတင်း


<<<< ကြိုဆိုပါတယ် ပျော်ရွှင်သောနေ့လေးဖြစ်ပါစေ >>>>

Tuesday 23 October 2012

Yangon Times ဂျာနယ် မေးမြန်းချက် အပေါ် နိုင်ငံတော် သမ္မတကြီး၏ ရှင်းလင်း ဖြေကြားချက်




သမ္မတ၏ အမေရိကန်ခရီးစဉ်အတွင်း သဘောတူညီချက်များ နှင့် ပတ်သက်ပြီး မေးမြန်းချက်၊ နိုင်ငံရေး အကျဉ်းသားများ ထပ်မံလွတ်ပေးဖို့ရှိ မရှိ နှင့် မြန်မာနိုင်ငံတွင် နိုင်ငံခြားစစ် အခြေစိုက်စခန်းထားဖို့ တောင်းဆိုမှုရှိ၊ မရှိ Yangon Times Journal မှ မေးမြန်းချက်။ 



နောက်ဆုံးအချက်တွေပဲ ဖြေပါ့မယ်။ ကျွန်တော်တို့ရဲ့ မူဝါဒကိုက ကျွန်တော်တို့ရဲ့နိုင်ငံ အတွင်း မှာ တခြားနိုင်ငံတွေကို ဆန့်ကျင်တဲ့အဖွဲ့အစည်းမှန်သမျှ ဘယ်အဖွဲ့မှ လက်မခံဆိုတာ ကျွန်တော်တို့ရဲ့ နိုင်ငံခြားရေးမူဝါဒ ဖြစ်ပါတယ်။ နောက်တစ်ခုကတော့ အကျဉ်းသားတွေ လွှတ်တာနဲ့ပတ်သက်ပြီးတော့ ခင်ဗျားတို့ ကျွန်တော်တို့ ဆောင်ရွက်နေတာတွေလည်း တွေ့နေတာပဲနော်။ အဲဒီတော့ ကျွန်တော်တို့ ချည်းပဲ ဒီဟာကတော့ အကျဉ်းသားဖြစ်တယ်။ လွှတ်သင့်တယ် မလွှတ်သင့်ဘူး ဒီလို ကျွန်တော်တို့ သဘောနဲ့ ဆုံးဖြတ်တာ မဟုတ်ပါဘူး။ ကျွန်တော်တို့ မေးပါတယ်။ UN အဖွဲ့တွေ လာလို့ရှိရင်လည်း ခင်ဗျားတို့ လွှတ်စေချင်တယ် ဆိုတာ ဘယ်သူတွေလဲပေး ကျွန်တော်တို့ စိစစ်ပေးမယ်။ အလားတူပဲ နိုင်ငံရေး ပါတီတွေက လည်း ဒီလိုပဲတောင်းတာတွေ ရှိပါတယ်။ အဲဒီတော့ ကျွန်တော်တို့ စိစစ်ရတာပေါ့။ စိစစ်တဲ့ နေရာမှာ တစ်ချို့ကတော့ သိပ်ပြီးတော့ ပြင်းထန်တဲ့ပြစ်မှုမျိုး မဟုတ်ဘူး။ ပြင်းထန်တဲ့ ပြစ်မှု မဟုတ်ဘူး ဆိုလိုရှိရင် ဒါကို ကျွန်တော်တို့ စဉ်းစားပြီးတော့မှ သူ့ရဲ့ကျန်းမာရေး အခြေအနေ၊ နောက်တစ်ခါ တိုင်းပြည်အပေါ် သူအလုပ် လုပ်နိုင်တဲ့ သူ့ရဲ့ လုပ်အားတွေကို ကျွန်တော်တို့ ဆုံးရှုံးသွားနိုင်မဲ့ အခြေအနေ သူ့အသက်အရွယ်ပေါ့ ဒါတွေကို တွက်ပါတယ်။ နောက်တစ်ခု ကလည်း လွတ်ရက်က နီးလားနေပြီဆိုရင် ကျွန်တော်တို့ warning တက်ပါတယ်။ ဒါကို မကြာမကြာ လွှတ်ပေးတာတွေလည်း ရှိပါတယ်။ ရှေ့ဆက်ပြီးတော့လည်း မကြာခင် ကျွန်တော်တို့ လွှတ်ပေးသွားရမှာ ဖြစ်ပါတယ်။
နောက်ပထမဦးဆုံး မေးတဲ့အချက်ကတော့ တော်သေးတယ် ကျွန်တော့်စိတ်ထဲမှာ ခင်ဗျား ဒီလိုမေးမယ် ဆိုတာများ သိနေသလားမသိဘူး။ ကျွန်တော်က ကြိုပြီးတော့ ပြင်လာ တယ်။ အမေရိကန်မှာ ငါဘာတွေ လုပ်ခဲ့တယ်ဆိုတာကို ငါပြောမှ ဖြစ်မယ်ဆိုပြီးတော့ ကျွန်တော်တို့ တွေ့ခဲ့ပြုခဲ့ လုပ်ခဲ့ကိုင်ခဲ့ရတဲ့အလုပ်တွေ အတော်လေး များပါတယ်။ အဲဒီတော့ ၂၅ ရက်နေ့က ကျွန်တော်တို့ မြန်မာနိုင်ငံကနေပြီးတော့ အဲ ၂၄ ရက်နေ့ပေါ့လေ ၂၄ ရက်နေ့ည ကျွန်တော်တို့ ထွက်ပါတယ်။ ဟိုရောက်တဲ့ အချိန်ကလည်း အရှေ့နဲ့ အနောက် ဆိုတော့ နေ့တွေညတွေလည်း ကျွန်တော်တော့ ကောင်းမမှတ်မိတော့ဘူး။ အိပ်ချင်တဲ့ အချိန်ကျတော့ ညလို့ပဲ ဒီအတိုင်းပဲ သဘောထား လိုက်တယ်။ တစ်ခါတစ်လေလဲ နေ့ခင်း ကြောင်ကြောင်မှာ အိပ်ချင်နေတော့ လှမ်းမေးကြည့်လိုက်တော့ ဒီမှာတော့ သန်းခေါင်လောက် ဖြစ်နေပြီ ဆိုပြီးတော့ ပြောတယ်။ အဲဒီတော့ ၂၄ ရက်နေ့မှာ ထွက်ပြီးတော့ ၂၅ ရက်နေ့မှာ ရောက်ပါတယ်။ ၂၅ ရက်နေ့မှာပဲ နော်ဝေနိုင်ငံခြားရေး ဝန်ကြီးအသစ် ကျွန်တော်နဲ့ လာတွေ့ပါတယ်။ မစ္စတာ  Espen Barth Eide လို့ကျွန်တော်တို့က ခေါ်ပါတယ်။ ကျွန်တော် ဧည့်ခန်းမှာ လာတွေ့ပြီးတော့ ဒါကတော့ နှစ်နိုင်ငံ ချစ်ကြည်ရင်းနှီးမှု ကိစ္စတွေပါပဲ။ အဲဒီတော့ နော်ဝေနဲ့ ပတ်သက်ပြီးတော့ ကျွန်တော်တို့ကို စီးပွားရေး ဆန်ရှင်နဲ့ ပတ်သက်ပြီးတော့ အစောဆုံးဖြုတ်ပေးတဲ့ နိုင်ငံဖြစ်ပါတယ်။ တစ်ခြားလည်း နောက်ထပ်လည်း သူတို့ အကူအညီ ပေးနိုင်တာတွေ ကူညီဖို့အတွက် သူ့မှာ အဆင်သင့်ရှိတယ်။ နောက်တစ်ခါ ငြိမ်းချမ်းရေး တည်ဆောက်တဲ့အခါမှာ ငြိမ်းချမ်းရေး တည်ဆောက်တာနဲ့ တစ်ချိန်တည်းမှာပဲ ပြန်လည် ထူထောင်ရေး လုပ်ငန်းတွေ လုပ်ပေးရမှာ ဖြစ်ပါတယ်။ အဲဒီတော့ ဒါကို peace process လို့ခေါ်ပြီး ဒီမှာသူတို့တွေ နေဖို့ထိုင်ဖို့တွေ နောက်တစ်ခါ အဲဒီဒေသမှာရှိတဲ့ မိုင်းတွေ ရှင်းပေးဖို့တွေ၊ နောက်တစ်ခါ သူတို့ရဲ့ စားရေးသောက်ရေးတွေ၊ နောက်တစ်ခါ ကလေးတွေရဲ့ ပညာရေးတွေ၊ ဆေးဝါးကုသရေးတွေ ဒါတွေက ပြန်လည်ထူထောင်ရေး လုပ်ငန်းတွေပါ။ ဒီက ငြိမ်းချမ်းရေးနဲ့ ဆက်နွယ်ပြီးတော့ ရှေ့ကို ဆက်ပြီးတော့ လုပ်သွားရမဲ့ လုပ်ငန်းတွေ ဖြစ်ပါတယ်။ ဒီလုပ်ငန်းတွေနဲ့ ပတ်သက်ပြီးတော့လည်း သူတို့ တတ်နိုင်သလောက် သူတို့တိုင်းပြည်ကနေ အကူအညီ ပေးပါ့မယ် ဆိုပြီးတော့ ဒီကတိကဝတ်တွေ ရခဲ့ပါတယ်။ ဒါလည်း ကိုယ့်တိုင်းပြည်အတွက် အကျိုးအမြတ် တစ်ခုလို့ ပြောရမှာ ဖြစ်ပါတယ်။
နောက်တစ်ခုက နယူးယောက်ကို ကျွန်တော်တို့ ရောက်နေတုန်းမှာပဲ ကျွန်တော်တို့ရဲ့ လုပ်ဖော်ကိုင်ဖက် ဖြစ်နေတဲ့ ဒေါ်အောင်ဆန်းစုကြည် ကျွန်တော့်ကို လာပြီးတော့ တွေ့ဆုံ နှုတ်ဆက်ပါတယ်။ သူလည်း နယူးယောက်ကို ရောက်နေတဲ့အတွက် လာပြီးတော့ တွေ့ဆုံ နှုတ်ဆက်တဲ့ သဘောပါပဲ။ အဲဒီမှာတော့ သူလည်း ဘာတွေပြောမယ်၊ ကျွန်တော်လည်း ဘာတွေပြောပါ ပြုပါနဲ့ ဒီလိုတိုင်ပင် ဆွေးနွေးတာတော့ မရှိပါဘူး။ အချိန်လည်း သိပ်မရတော့ နှုတ်ဆက်ပြီးတော့ သူ့ကို လိုက်ပို့လိုက်တယ်။ နှုတ်ဆက်တဲ့ သဘောပဲ တွေ့တာ ဖြစ်ပါတယ်။
နောက် အဲဒီနေ့မှာပဲ အမေရိကန် သမ္မတဟောင်း မစ္စတာ ဘီလ်ကလင်တန် က ကျွန်တော်တို့နဲ့ လာတွေ့ပါတယ်။ သူ့အဖွဲ့လေးနဲ့ လာတွေ့ပါ တယ်။ အဲဒီမှာ ဘီလ်ကလင် တန်ကို ခင်ဗျားတို့လည်း သိပါတယ်။ စစ်အေးကာလ နောက်ပိုင်းမှာ အမေရိကန်နိုင်ငံရဲ့ အအောင်မြင်ဆုံး သမ္မတဖြစ်ပါတယ်။ သမ္မတ သက်တမ်း နှစ်ဆက် တာဝန်ထမ်း ဆောင်ရတာ ဖြစ်ပါတယ်။ အခုတော့ သူလူမှုရေး လုပ်ငန်းတွေ လုပ်နေတယ်။ ကလင်တန်ဖောင်ဒေးရှင်း ဆိုတာရှိပါတယ်။  ဒီ ကလင်တန်ဖောင်ဒေးရှင်းကို ကျွန်တော်လည်း သိထားပါတယ်၊ ဒီဖောင် ဒေးရှင်းက ပညာရေးကိစ္စတွေ၊ ကျန်းမာရေးကိစ္စတွေမှာ ဒီလောက် အကူအညီပေးနိုင်တယ်။ ကျန်းမာရေးကိစ္စ ဆိုတဲ့နေရာမှာ တီဘီ လိုဟာမျိုးတွေ၊ အိတ်စ် ရောဂါလို ဟာမျိုးတွေ စသည်အားဖြင့်ပေါ့ ဒါတွေကို အကူအညီ ပေးနိုင်တယ် ဆိုတာ သိထားတဲ့ အတွက်ကြောင့် သူ့ရဲ့ဇနီး မစ္စစ် ဟီလာရီကလင်တန် လာကတည်းက ဒါလေးကို ကျွန်တော်က အဆက် အသွယ် လုပ်ထားတယ်။ ခင်ဗျား အမျိုးသားကြီး နည်းနည်းပြောပြပါ ကျွန်တော် တို့လည်း ကလင်တန် ဖောင်ဒေးရှင်းလို ဖောင်ဒေးရှင်း ကနေပြီးတော့ ကျွန်တော်တို့ အခုလို ဒီမိုကရေစီ ဖော်ဆောင်နေတဲ့ တိုင်းပြည်အတွက် အကူအညီ ရချင်ပါတယ် ဆိုပြီးတော့ ကျွန်တော်က ဒီလို ပြောထားတာ။ ကျွန်တော်ထင်ပါတယ် သူ့အမျိုးသမီးက ပြန်ပြောပုံရပါတယ် ခုနကလို။ အဲဒီတော့ ဟိုရောက်တော့ ကျွန်တော်တို့နဲ့ လာပြီးတော့တွေ့ပါတယ်။ ဒီကလင်တန် ဖောင်ဒေးရှင်း ကိစ္စတွေဘာ တွေဆွေးနွေးပါတယ်။ အဲဒီမှာ သူကူညီနိုင်တဲ့ဟာတွေ ပညာရေး၊ ကျန်းမာရေးတွေနဲ့ ပတ်သက်ပြီးတော့ သူကူညီပေးမယ် ဆိုပြီးတော့ ဒီလိုမျိုး ပြောပါတယ်။ သူ့ကိုလည်း မြန်မာနိုင်ငံကို အလည်အပတ်လာဖို့ အတွက် ကျွန်တော်ဖိတ်ပါတယ်။ သူလည်း ဆန္ဒရှိတဲ့ အနေအထားရှိပါတယ်။ အဲဒီတော့ ဘာပဲဖြစ်ဖြစ် ဒီကိစ္စကလည်း ကျွန်တော်တို့ တိုင်းပြည်အတွက် အကျိုးရှိမဲ့လုပ်ငန်းအဖြစ် ကျွန်တော် တွေ့ခဲ့ရတယ်လို့ ဒီလို ကျွန်တော်တို့ ပြောရမှာဖြစ်ပါတယ်။
ကျွန်တော်တို့ အဲဒီကို ရောက်တုန်း ရောက်ခိုက်မှာပဲ နိုင်ငံခြားရေး ဝန်ကြီး မစ္စစ် ဪ ရင်လပ် ရင်လပ် လာပြီးတော့ တွေ့ပါတယ်။ ထိုင်းက ဝန်ကြီးချုပ်ပါ။ မစ္စစ် ရင်လပ် လာပြီး တော့ တွေ့တာကတော့ အဓိကကတော့ ထားဝယ် deep-sea port နဲ့ အဲဒီမှာလုပ်မဲ့ special economic zone ဒီဟာကို မြန်မာနိုင်ငံရယ် ထိုင်းရယ် government to government၊ နောက်တစ်ခါ Third Country ကတော့ တစ်နိုင်ငံပေါ့လေ ဂျပန်ဖြစ်ဖို့ များပါတယ်။ ဒီဟာနဲ့ ပတ်သက်ပြီးတော့ စီမံကိန်းတွေ ကျွန်တော်တို့ ချထားပြီးဖြစ်ပါတယ်။ အဲဒီမှာ နှစ်ဖက်မြန်မြန် အကောင် အထည်ဖော်ဖို့ ဆိုပြီးတော့ လာရောက်ဆွေးနွေးတာ ဖြစ်ပါတယ်။ ဒါလည်း ကိုယ့်နိုင်ငံအတွက် အပြု သဘောနဲ့ တွေ့ဆုံဆွေးနွေးခြင်း ဖြစ်ပါတယ်။
နောက်တစ်ခုက အမေရိကန် နိုင်ငံခြားရေးဝန်ကြီးဟောင်း မစ္စတာ ဟင်နရီကစ်ဆင်ဂျာ ကစ်ဆင်ဂျာ ဆိုရင်အားလုံးသိပါတယ်။ သမ္မတ ဆယ် ဆက်လောက် သူက မှီခဲ့ပါတယ်။ သူရေးတဲ့ စာအုပ် တွေကလည်း မနည်းပါဘူး။ ဒီထဲမှာ ကျွန်တော် ဖတ်ဖူးသိဖူးတဲ့ စာအုပ် တစ်အုပ်ကိုပဲ နည်းနည်းလေး ကိုးကားပြလိုက်တာမှာ သူနဲ့ကျွန်တော်နဲ့ တော်တော်ပဲ ရင်းနှီး သွားတယ်။ အသက်က ၈၉ နှစ်ရှိနေပါပြီ။ ၉၀ ပြည့်ဖို့ ၁ နှစ်ပဲ လိုပါတော့တယ်။ ကျွန်တော်က ခင်ဗျားကို ဆုတောင်းပေးပါတယ်။ ခင်ဗျားဒီကျန်းမာရေး အခြေအနေနဲ့ ဆိုရင် ဒုတ်ကောက် လေးနဲ့ သူလာပါတယ်။ ဒါပေမဲ့ တော်တော်လေး သန်သန်မာမာ ကျန်းကျန်း မာမာနဲ့ပါ။ ခင်ဗျားကို ကျွန်တော် ဆုတောင်းပေးတယ် ခင်ဗျား ဒီကျန်းမာရေး အခြေအနေအရ ဆိုရင် တော့ အသက် ၁၀၀ နေရမှာပဲ ဆိုတော့ သူက သိပ်သဘောမကျဘူး အဲဒါနဲ့ နည်းနည်း လေ့လာ ကြည့်တော့ ဘယ်ဟုတ်မလဲ သူက အသက် ၁၂၀ နေရမယ်လို့ သူများက ဟောထား တယ်ပေါ့။ ဒါကို ၁၀၀ နဲ့ သူမကျေနပ်နိုင်ဘူး ဆိုပြီးတော့ သူလည်း ခုနကလို မြန်မာနိုင်ငံကို လာချင်ပါတယ်။ ကျွန်တော်တို့ ဖိတ်တာပြုတာတွေ သူ့ကိုလုပ်တာပေါ့။ အဲဒီတော့ မြန်မာနိုင်ငံ စနစ်တစ်ခုကနေ တစ်ခုကို ပြောင်းလိုက်တဲ့ အခါမှာ သွေးထွက်သံယို မရှိပဲနဲ့ ညင်ညင် သာသာ ကူးပြောင်းနိုင်ခြင်းဟာ ကမ္ဘာမှာ အံ့သြစရာ တစ်ခုပဲ။ ဒါကြောင့်မို့ ဘယ်လိုတွေများ ပြောင်းလဲသလဲ ပြောင်းလဲတဲ့ ခေါင်းဆောင်ကို မြင်ချင်တယ်ဆိုပြီးတော့ သူလာတွေ့တာပဲ ဖြစ်ပါတယ်။ သူနဲ့ ကျွန်တော်နဲ့လည်း ဟိုးတုန်းက တစ်ခါမှ တွေ့ဖူးတာမရှိပါဘူး။ သူလည်း ဝမ်းသာအားရနဲ့ တွေ့ပြီးတော့မှ မြန်မာနိုင်ငံလည်း သူမသေခင်မှာ လာချင်တယ်ဆိုလို့ ကျွန်တော်လည်း လှမ်းပြီးတော့ ဖိတ်ထားတဲ့ အနေအထား ရှိပါတယ်။
နောက် သူ ပြီးတော့ နိုင်ငံခြားရေးဝန်ကြီး ဟီလာရီ ကလင်တန် လာတွေ့ပါတယ်။ သူကတော့ အဖွဲ့နဲ့ပါဘဲ။ ဒီမှာ အကျိုးအမြတ်ကတော့ တစ်ခါတည်းပဲ တွေ့ဆုံပွဲမှာ သူကြေ ညာပေးပါတယ်။ ကျွန်တော်တို့ မြန်မာနိုင်ငံကနေပြီးတော့ ပို့ကုန်တွေနဲ့ ပတ်သက်ပြီး တော့ သူတို့ လက်ခံတော့မယ်၊ လက်ခံပေးမယ် ဆိုပြီးတော့ ဒါကလည်း ကိုယ့်တိုင်းပြည် အတွက် ဘာပဲဖြစ်ဖြစ် အပေါင်း လက္ခဏာတစ်ခု ဖြစ်ပါတယ်။
နောက် သံရုံးမိသားစုတွေနဲ့ ဒါကတော့ နိုင်ငံခြား ရောက်တဲ့အခါ ပုံမှန်တွေ့တဲ့အတိုင်း တွေ့ပါတယ်။ ၂၇ ရက်နေ့ မနက်ပိုင်းမှာ UN Assembly မှာ မိန့်ခွန်း တက်ပြီးတော့ ပြောရပါတယ်။ ကိုယ့်နိုင်ငံကို ကိုယ်စားပြုပြီးတော့ မိန့်ခွန်းပြောပါတယ်။ ဒီမိန့်ခွန်းနဲ့ ပတ်သက်ပြီးတော့လည်း ဝိုင်းဝန်း ဖြည့်စွက်ပေး ကြတဲ့သူတွေ၊ အကြံပေးကြတဲ့ သူတွေ ဒီလူတွေလည်း ကျေးဇူးတင်ရမှာ ဖြစ်ပါတယ်။ ကမ္ဘာ့နိုင်ငံ အများအပြားက ဒါကိုအတော်လေး လက်ခံကြပါတယ်။ ဒါကို သူတို့ သဘောကျပါတယ်။ နောက်တစ်ခုကလည်း ဒေါ်အောင်ဆန်း စုကြည်နဲ့ ပတ်သက်ပြီး သူတို့ သံသယ ဖြစ်နေတာ မဟုတ်ဘူး၊ ကျွန်တော်တို့ ဒါ လုပ်ဖော် ကိုင်ဖက်ပဲ ဒီကနေ့ ဆိုလိုရှိရင် ကျွန်တော်တို့ တိုင်းပြည် လုပ်ငန်းတွေကို လုပ်ဖို့အတွက် လွှတ်တော်ထဲတောင်မှ ရောက်နေပြီ။ အခုဆိုရင် လွှတ်တော် ကိုယ်စားလှယ် ဖြစ်နေပြီ။ ဒါကိုလည်း သူတို့အတော်လေး ကျေနပ်ပါတယ်။ နောက်ကတော့ ဦးသန့်နဲ့ ပတ်သက်ပြီး တော့ တကယ်ကျတော့  ဦးသန့်ဟာ ဂုဏ်ယူထိုက်တဲ့ ကျွန်တော်တို့ရဲ့ ပုဂိုလ်ကြီး တစ်ဦး ဖြစ်ပါတယ်။ ကမ္ဘာကြီးတစ်ခုလုံးမှာမှ ဆိုကြပါစို့ ဒီနေ့လူဦးရေ သန်းပေါင်း (၇) ထောင် လောက်ရှိ တာပေါ့။ သန်းပေါင်း (၇) ထောင်လောက်မှာမှ ဒီအထွေထွေ အတွင်းရေးမှူးချုပ် ဆိုတာ တစ်ယောက်ပဲ ဖြစ်တာပါ။ တစ်ယောက်ပဲဖြစ်တာပါ။ ဦးသန့်ရဲ့ ဂုဏ်ပုဒ်ကလေး တွေလည်း ကျွန်တော်တို့ ပြန်ပြုပြီးတော့ ရှင်းလင်းလိုက်တဲ့ အတွက် UN ကလည်း သိပ်ပြီး တော့ သဘောကျသွားတယ်။ ငါတို့ UN ကို  အသိအမှတ်ပြုတယ်ဆိုပြီးတော့ ဟုတ်တယ် ကျွန်တော်တို့ ပြောပြီးတော့ နောက်ဘက် passage လေး ထဲကို ထွက်ရပါတယ်။ ထွက်တဲ့အချိန်မှာ ကျွန်တော့်ကို နှုတ်ဆက်ဖို့အတွက် အကုန်လုံး တန်းစီ နေကြပါတယ်။ အဲဒီတော့ ဒီဟာကတော့ တကယ်ပဲ သဘောကျလို့ နှုတ်ဆက်သလား ဒါမှမဟုတ်လို့ရှိရင် လုပ်ရိုးလုပ်စဉ် တန်းစီပြီးတော့ပဲ နှုတ်ဆက်သလားတော့ မသိပါဘူး။ တော်တော်တော့ များ ပါတယ်။ အဲဒီမှာ။ နောက်ပြီးတော့ UN မှာ မိန့်ခွန်းပြောကြားတဲ့ ကိစ္စပါပဲ။ နောက်တစ်ခါ UN က အထွေထွေ ညီလာခံ သဘာပတိက ကျွန်တော့်ကို လာတွေ့ပါတယ်။ ဒါက ကျွန်တော်တို့ အလာပသလာပ ပြောတဲ့ ကိစ္စပါ။
အဲဒီနေ့မှာပဲ အီးယူကောင်စီ ဥက္ကဌ ကလည်း အီးယူက နိုင်ငံခြားရေးနဲ့ လုံခြုံရေး ကောင်စီ တာဝန်ခံ ဒုတိယဥက္ကဌ မစ္စစစ် ကက်သရင်းအက်ရ်ှတန် ဆိုတာ လာပြီးတော့ တွေ့ပါတယ်။ ဒီအမျိုးသမီးက မကြာခင်က မြန်မာနိုင်ငံကို ရောက်ဖူးပါတယ်။ ရောက်ဖူးတဲ့ အတွက်ကြောင့် ဒီမှာလည်း ကျွန်တော်တို့ တွေ့ပါတယ်။  အဲဒီတော့ အီးယူကလည်း ကျွန်တော်တို့ မြန်မာနိုင်ငံ စီးပွားရေး အခွင့်အလမ်းတွေကို ဖြေလျှော့ပေးဖို့အတွက် အရေး ပါတဲ့ အဖွဲ့အစည်းတစ်ခု ဖြစ်ပါတယ်။ စုစုပေါင်း နိုင်ငံပေါင်း (၂၇) နိုင်ငံ ရှိပါတယ်။ အဲဒီတော့ တစ်ချို့ တော်တော်များများကိုလည်း ကျွန်တော်တို့ ဖြေလျှော့ပေးပြီးပြီ။ တစ်ခုပဲကျန် နေတာကတော့ ကျွန်တော်တို့ကို ခုနကလို ဖွံ့ဖြိုးစ နိုင်ငံမျိုးတွေ ဖွံ့ဖြိုးဆဲ နိုင်ငံမျိုးတွေ ဖွံ့ဖြိုးစ ဖွံ့ဖြိုးဆဲပဲ ပြောချင်ပါတယ်။ အဲဒီတော့ ဒီနိုင်ငံတွေကနေပို့တဲ့ ပို့ကုန်တွေပေါ်မှာ သူက GSP စနစ်ဆိုပြီးတော့ အခွန်နှုန်းတွေကို လျှော့ပေးတဲ့ အခွင့်အရေးကို အီးယူကနေ ပေးတာပါ။ အဲဒီတော့ ဘယ်လောက် လောက် သက်သာသလဲဆိုရင် ၂၅ ရာခိုင်နှုန်း ၃၅ ရာခိုင်နှုန်း လောက် သက်သာပါတယ်။ အဲဒီတော့ ဒီကိစ္စနဲ့ ပတ်သတ်ပြီး ကျွန်တော်သူတို့ကို ပြောခဲ့ ပါတယ်။ သူတို့လည်း  ဒါလေးကိုတော့ မကြာခင်သူတို့ လျှော့ပေးပါ့မယ်။ သို့သော်လည်းပဲ (၂၇) နိုင်ငံရှိတဲ့ အနက်က (၂၂) နိုင်ငံရဲ့ သဘောထားလေးတော့ နည်းနည်းလေး ရယူရမှာ ဖြစ်တဲ့အတွက် အချိန်လေး နည်းနည်း စောင့်ပါလို့ ပြောပါတယ်။ အဲဒီတော့ နောင်ကျရင် ကျွန်တော်တို့ ပို့ကုန်တွေပေါ်မှာ ဘာပဲဖြစ်ဖြစ် GSP အခွင့်အရေးကို ခံစားရမှာဖြစ်တဲ့ အတွက်ကြောင့် ကျွန်တော်တို့ရဲ့ စီးပွားရေး လုပ်ငန်းရှင်တွေ အကောက်ခွန်က ၂၀ ရာခိုင်နှုန်း ၂၅ ရာခိုင်နှုန်းလောက် သက်သာသွားမှာ ဖြစ်ပါတယ်။
ဒီပုဂိုလ်တွေနဲ့ တွေ့လိုက်တဲ့ အတွက်ကြောင့် ဒီအခွင့်အရေးလည်း ရပါတယ်။ နောက်တစ်ခုကတော့ အမေရိကန်-အာဆီယံ စီးပွားရေးကောင်စီ ဥက္ကဌ နဲ့ အမေရိကန် ကုန်သည်ကြီး အသင်းကနေပြီးတော့ အသင်းဝင်တစ်ချို့ လာပြီးတော့တွေ့ပါတယ်။ နောက် ဒါနဲ့ပတ်သက် ပြီးတော့လည်း ကျွန်တော်တို့ မြန်မာနိုင်ငံမှာ ရင်းနှီးမြှုပ်နှံဖို့အတွက် စီးပွားရေး အခွင့်အလမ်းတွေ ရှိတဲ့အကြောင်း ဒါတွေ ကျွန်တော်တို့ ရှင်းလင်းဆွေးနွေးပြပြီး သူတို့ ကိုလည်း ဖိတ်ခေါ်ခဲ့ပါတယ်။ နောက်ပြီး ကျွန်တော်တို့ နယူးယောက်မှာရှိတဲ့ Asia Society အသင်းနဲ့လည်း တွေ့ပါတယ်။ တွေ့ပြီးတော့ ခင်ဗျားတို့ကို ကျွန်တော်တို့ ဒီမှာလည်း သတင်းတွေ ကျွန်တော်တို့ ထုတ်ပေးပါတယ်။ ပြီးတော့ stage ပေါ်မှာ သုံးလေးယောက် လောက်ထိုင်ပြီးတော့ ကျွန်တော်တို့ သူတို့မေးတဲ့ မေးခွန်းတွေကိုလည်း ဖြေရတာတွေ ရှိပါတယ်။
နောက်တစ်ခုကတော့ အဲဒီနေ့မှာပဲ ကျွန်တော်တို့ ဟိုမှာ ရှိနေတဲ့ BBC၊ VOA၊ RFA၊ နောက်တစ်ခါ Myanmar National TV ကအဖွဲ့တွေနဲ့ တွေ့ပါတယ်။ အားလုံးက တော့ ကျွန်တော်တို့ မြန်မာနိုင်ငံ ပုဂ္ဂိုလ်တွေပဲ ဖြစ်ပါတယ်။ နောက်အဲဒီမှာ နေ့လည်ပိုင်းမှာ တော့ နယူးယောက်မှာ နာမည်ကြီး Metropolitan အနုပညာပြတိုက်ကိုလည်း ကျွန်တော် တို့သွား ကြည့်ပါတယ်။ ဒီပြတိုက်ကိုလည်း ကျွန်တော်တို့ တစ်ကြိမ်တစ်ခါမှလည်း မကြည့် ဖူးပါဘူး။ သို့သော်လည်း အဲဒီမှာ ကျွန်တော်တို့ အဲဒီမှာ ခင်းကျင်းထားတဲ့ အခင်းအကျင်းတွေ သူတို့ရဲ့ အတွေးအခေါ်တွေ အယူအဆတွေမှာ တစ်ချို့ဟာတွေကလည်း ကျွန်တော်တို့ အတုယူဖွယ် ရာတွေ အများကြီး တွေ့ခဲ့ပါတယ်။  နောက်အဲဒီနေ့မှာတော့ ကျွန်တော်တို့ မြန်မာ-အမေရိ ကန် ကုန်သည်ကြီးများ အသင်း ဥက္ကဌ နဲ့အမှုဆောင် ဒီပုဂိုလ်တွေနဲ့ ကျွန်တော်တို့ တွေ့ပါ တယ်။ နောက်တစ်ခါ မြန်မာနိုင်ငံက ကျွန်တော်တို့ရဲ့ မိသားစုတွေ တော်တော်များများနဲ့ သံရုံးမှာတွေ့ပါတယ်။ တွေ့တဲ့အခါမှာ ကျွန်တော်တို့ ဘာပဲဖြစ်ဖြစ် သူတို့လည်း နိုင်ငံရဲ့ အမိအဖလိုပဲ ကျွန်တော့်ကို သဘောထားပါတယ်။ တော်တော် လေးလည်း ဝမ်းပမ်းတသာနဲ့ ပျော်ပျော်ရွှင်ရွှင်နဲ့ ဟိုးတုန်းက ဆိုလို့ရှိရင် ကျွန်မတို့ အမေရိကန်မှာ နေရတာ မျက်နှာပန်း မလှပါဘူး။ ကျွန်မတို့ကို ဆေးဖော် ကြောဖက်တောင်မှ သိပ်ပြီးတော့ မလုပ်ချင် ကြပါဘူး။ အဲဒါ ခေါင်းလေးငုံ့ပြီး ကျွန်တော်တို့ ဒီလိုသွားရတဲ့ အနေအထား ဖြစ်ပါတယ်။ အခုတော့ ကျွန်တော်တို့ မြန်မာနိုင်ငံသူ မြန်မာ နိုင်ငံသားတွေဟာ ကျွန်တော်တို့ ခေါင်းမော့လို့ ရပါပြီ၊ ခေါင်းမော့ပြီးတော့ ဆက်ဆံလို့ ရပါပြီ၊ ဒါလည်း ဒါကိုယ့်နိုင်ငံအတွက် ဂုဏ်ယူစရာ တစ်ခုပါပဲ။ ပျော်ပျော် ရွှင်ရွှင်နဲ့ ကျွန်တော်တို့ အဲဒီမှာ ကျွန်တော်လည်း မိန့်ခွန်းလေးဘာလေး နည်းနည်း ပါးပါးပြောပါတယ်။ မြန်မာနိုင်ငံရဲ့ အခြေအနေလည်း ရှင်းလင်းပြီး တော့ပြပါတယ်။ ပြီးတော့ လည်း ဧည့်ခံပွဲ လေးတစ်ခု လုပ်ပြီးတော့မှ အစားအသောက် တစ်ချို့ ကျွေးပြီးတော့မှ ရင်းရင်းနှီးနှီး ဆက်ဆံခဲ့ရတာ တွေလည်း ရှိပါတယ်။ အဲဒီတော့ ဒီမိသားစုတွေနဲ့ သူတို့ဟာ အကြောင်းတွေကြောင့် အမေရိကန်နိုင်ငံသား အဖြစ် ခံယူထားတယ်။ မြန်မာနိုင်ငံ ၏မှာ သူရဲ့ ဆွေစဉ်မျိုးဆက်တွေရှိတယ်။ ကျွန်မတို့ ပြန်လာချင်ပါတယ်။ မြန်မာနိုင်ငံကို ကြာကြာလေး လည်း နေချင်ပါတယ်။ ဘယ်လိုလုပ်ရမလဲ။ ဆိုတော့ ဟိုနိုင်ငံသား ခံယူထား ကျွန်တော်တို့က Duel Citizen တော့ပေးလို့မရဘူး။ သို့သော်လည်း ကျွန်တော်တို့ လုပ်ပေးမယ်။ ကျွန်တော် တို့ PR စနစ်နဲ့ လုပ်ပေးမယ်ဆိုတော့ သူတို့လည်း တော်တော်လေး ဝမ်းသာ ပါတယ်။ အဲဒီတော့ ခင်ဗျားတို့ထဲက အမျိုးတွေ အဆွေတွေ ရှိမယ်ဆိုရင်လည်း ကျွန်တော် ထင်တယ် မကြာခင် သူတို့ရောက်လာ တော့မယ် ခင်ဗျားတို့ မျှော်သာနေကြ ပေတော့နော်။
နောက်တစ်ခုကတော့ ၂၉ ရက်နေ့ မနက်ကျတော့ UN ရဲ့ အထွေထွေ အတွင်းရေးမှူးချုပ် မစ္စတာ ဘန်ကီမွန်းက သူ့အိမ်မှာ ဖိတ်ပြီးတော့ Breakfast ကျွေးပါတယ်။ ကျွေးရင်းနဲ့ UN ကနေပြီးတော့ အကြီးအကဲ လေးငါးယောက် လောက်ကိုလည်း သူခေါ်ထား ပါတယ်။ အဲဒါကတော့ လူ့အခွင့်အရေး ကော်မတီ၊ လူသားချင်း စာနာ ထောက်ထားမှုဆိုင်ရာ ကော်မတီတို့ အဲဒီက ပုဂိုလ်တွေပဲ ဒီပုဂိုလ်တွေနဲ့လည်း တွေ့ပြီးတော့ မြန်မာနိုင်ငံနဲ့ ပတ် သက်ပြီးတော့ မြန်မာနိုင်ငံရဲ့ဖြစ်ပေါ် ပြောင်လဲမှုတွေကို သူတို့အနေနဲ့ အသိအမှတ် ပြုတဲ့ အကြောင်း၊ UN အပိုင်းကလည်း အကူအညီပေး နိုင်တာတွေ အကူအညီပေးမယ် ဆိုပြီးတော့ ဒီအတိုင်း ကျွန်တော်တို့ ပြောပါတယ်။
နေ့လည်ပိုင်းမှာ BBC world news က စောစောက ကျွန်တော် ပြောတဲ့ Stephen Sackur ဆိုတဲ့ပုဂ္ဂိုလ် ဒီပုဂ္ဂိုလ်နဲ့ ကျွန်တော် တွေ့ပါတယ်။ တွေ့တော့သူလည်း သူ ခဲရာ ခဲဆစ်တွေ မေးပါတယ်။ ကျွန်တော်လည်း ကံအားလျော်စွာပဲ သူ့ခဲရာခဲဆစ် တွေကို သူကျေနပ် လောက်အောင် ပြန်ပြီးတော့ ဖြေပေးနိုင်တဲ့ အနေအထား ရှိပါတယ်။
အဲဒီတော့ စောစောက ခင်ဗျားမေးတဲ့ အမေရိကန် ခရီးစဉ်မှာ အကျိုးရလဒ်တွေအနေနဲ့ ဘာတွေရခဲ့လဲ ဆိုတော့ - တစ်အချက် ကတော့ ကျွန်တော်တို့ နိုင်ငံရဲ့ပြုပြင်ပြောင်းလဲတဲ့ လုပ်ငန်းတွေကို ကမ္ဘာကို အသိပေးနိုင်တဲ့ အကျိုးရလဒ်ရှိပါတယ်။ တစ်ကမ္ဘာလုံးကလည်း ဝိုင်းဝန်းပြီးတော့ ဒါကို အသိအမှတ်ပြုကြတဲ့ အနေအထားနော် ဒါတွေ ကျွန်တော်တို့ ရရှိခဲ့ပါတယ်။ နောက်တစ်ခုကတော့ ကျွန်တော်တို့ တိုင်းပြည်ရဲ့ ပို့ကုန်တွေအပေါ်မှာ အမေရိကန် အနေနဲ့ ခုနကလို ကင်းလွတ်ခွင့်တွေ ပေးတော့မယ်၊ ပို့ကုန် တွေကို လက်ခံတော့မယ်ဆိုတဲ့ ဒီစီးပွားရေး အမြတ်အစွန်းတစ်ခုလည်း ကျွန်တော်တို့ ရခဲ့ပါတယ်။ နောက်တစ်ခုကတော့ အမေရိကန် ရောက်နေတဲ့ ကျွန်တော်တို့ရဲ့ တိုင်းရင်းသား မြန်မာတွေနဲ့ ရင်းရင်းနှီးနှီး တွေ့ဆုံခွင့်ရခဲ့တဲ့ အတွက်ကြောင့် သူတို့လည်း အင်မတန်မှ ဝမ်းသာအားရ ဖြစ်ပြီးတော့မှ ကိုယ်နိုင်ငံ အပေါ်မှာ တတ်နိုင်တဲ့ အကူအညီတွေ သူတို့ ပေးချင်ပါတယ်။ စွမ်းအားရှိ သလောက် သူတို့လည်း အကူအညီ ပေးချင်ပါတယ် ဆိုတဲ့ ကတိကဝတ်တွေ လည်း ကျွန်တော် တို့ ရခဲ့ပါတယ်။ နောက်တစ်ခါ စီးပွားရေး အခွင့်အလမ်းတွေကို ရှင်းပြနိုင်တဲ့ အတွက်ကြောင့် စီးပွားရေး အဖွဲ့အစည်းတွေနဲ့ တွေ့တဲ့အခါမှာ မြန်မာနိုင်ငံမှာ မကြာခင်မှာ လာရောက်ပြီးတော့ သူတို့ တတ်နိုင်တဲ့ နေရာကနေပြီးတော့ ရင်းနှီးမြှုပ်နှံ ကြလိမ့်မယ်လို့ ကျွန်တော့် အနေနဲ့ မျှော်လင့်ထားပါတယ်။ အဲဒီတော့ ဒါကတော့ ပထမဦးဆုံးမေးတဲ့ ဟိုနင်းဖြစ်ပါတယ်။ ဒီလောက် ဆိုရင်တော့ စုံပါပြီ ထင်ပါတယ်။

No comments:

နောက်ဆုံးတင်ပြီသမျှ..ဆက်ဖတ်ရန်...အောက်သို့