Search This Blog

အဖွဲ့ဝင်မယ်..Followers

သတင်း


<<<< ကြိုဆိုပါတယ် ပျော်ရွှင်သောနေ့လေးဖြစ်ပါစေ >>>>

Saturday 15 December 2012

ကမ္ဘာလှည့် ခရီးသည်များ လာရောက်လည်ပတ်မှု တိုးလာခြင်းက အင်းလေးကန်ကို ခြိမ်းခြောက်နေ

အင်းလေးကန်အတွင်း ကျွန်းမျောစိုက်ခင်းအတွက် ပြင်ဆင်နေသည့် ဒေသခံတစ်ဦး။ စတူးဝပ်ဒိ/ မြန်မာတိုင်း(မ်)
ပြည်ပ ခရီးသွားများ လာရောက် လည်ပတ်မှု ရုတ်တရက် မြင့်တက်လာ မှုကြောင့် အင်းလေးကန်

ကာကွယ် ထိန်းသိမ်းရေး အစီအစဉ်ကို အမြန် လုပ်ဆောင်ရန် လိုအပ်လာသည်ဟု စီမံကိန်းအဖွဲ့
မှ ထိပ်တန်း အဖွဲ့ဝင်များက နိုဝင်ဘာလ လယ်ခန့်က ပြောကြားသည်။

စာမျက်နှာ ၁၁၈ မျက်နှာရှိ 'အင်းလေး ကန် ကာကွယ်ထိန်း သိမ်းရေးစီမံချက်၊ အနာဂတ် အတွက်
အစီအမံတစ်ခု' ဟူ သည့် အစီရင်ခံစာတွင် မစ္စတာဂျိုအန် ခရစ္စဆန်က မှတ်ချက်ပေးထားခြင်း
ဖြစ်သည်။ ထိုအစီရင်ခံစာကို နိုဝင်ဘာလ လယ်ခန့်က ထုတ်ပြန်ခဲ့ခြင်းဖြစ်ကာ မြန်မာပညာရှင်
၁၁ ဦးအပါအ၀င် ပညာ ရှင် ၂၀ က ခြောက်လကြာလေ့လာပြု စုထားခြင်း ဖြစ်သည်။

အကြံပြုချက်များတွင် ကာကွယ်ထိန်း သိမ်းရေးလုပ်ငန်းများအားလုံးကို ညှိနှိုင်း ဆောင်ရွက်ပေး
ရန်နှင့် ရန်ပုံငွေများကို စီမံကွပ်ကဲရန် အင်းလေးကန်ကာကွယ် ထိန်းသိမ်းရေးအာဏာပိုင်အဖွဲ့
တည် ထောင်ရေးလည်း ပါဝင်သည်။

နော်ဝေအစိုးရက ငွေကြေးထောက်ပံ့ သည့် ထိုစီမံချက်ကို ဩစတြေးလျအခြေ စိုက်ပညာရှင်
ကွန်ရက်တစ်ခုဖြစ်သည့် Institute for International Deve-lopment က IID-Myanmar
မှ တစ် ဆင့် ညှိနှိုင်းပေးနေသည်။

ထို့ပြင် အကြံပြုချက်များတွင် ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာနအနေ
ဖြင့် ၎င်းတို့၏  အင်းလေးကန်ပတ်ဝန်းကျင်ထိန်းသိမ်းရေးနှင့် ရေရှည်တိုးတက်ရေးစီမံချက်
၂၀၁၀ -၂၅ ကို ဆောင်ရွက်ရန်လည်း ပါဝင်သည်။

ဝန်ကြီးဌာန၏ စီမံချက်တွင် ခရီးသွား လုပ်ငန်းမှ သက်ရောက်မှုများကို ထည့် သွင်းမစဉ်းစား
ထားသည့်အတွက် ယခု အချိန်တွင် ကာကွယ်ထိန်းသိမ်းရေးစီမံ ချက်အတွက် အမြန်ဆုံး
လုပ်ဆောင်ရန် အသေအချာလိုအပ်နေသည်ဟုIID-Myanmar ၏ ဒါရိုက်တာလည်းဖြစ်သူ
မစ္စတာခရစ္စဆန်က ပြောသည်။

"ပုဂံမှာ ကမ္ဘာလှည့်ခရီးသည်တွေ အများကြီးကို လက်ခံနိုင်ပေမယ့် အင်းလေးမှာတော့
ဧည့်သည်အရေအတွက် အကန့်အသတ်မရှိရင် ကန်ကိုပျက်စီးစေ မှာပါ။ အနာဂတ်အတွက်
တစ်ခုခုကို သတိပြုမိဖို့လိုတယ်ဆိုတာ သေချာနေ ပါတယ်" ဟု ၎င်းက ပြောသည်။

ခရီးသွားလုပ်ငန်းတိုးတက်လာသည့် အတွက် ဒေသခံများအတွက် ၀င်ငွေများ ပိုမိုရရှိလာ
သော်လည်း ယခုကတည်းက ပင် ၀န်ပိနေပြီဖြစ်သည့် ပတ်ဝန်းကျင် ပျက်စီးမှုများကြောင့်
ပြန်ပေးဆပ်ရမှုများ ဖြစ်လာမည်ဟု အစီရင်ခံစာနှင့်အတူ ပါဝင်သည့် စာတွင် ဖော်ပြ
ထားသည်။

"ထိုကဲ့သို့ဖြစ်ပေါ်လာပါက အင်းလေးကန် ဧရိယာတွင်နေထိုင်ကြသည့် တိုင်းရင်းသားများ၏
စားဝတ်နေရေးပေါ် ထိခိုက်မှုများ ဖြစ်ပေါ်လာနိုင်သည်။ ထို့ပြင် ကန်၏ ဇီဝစနစ်ကို ထိခိုက်နိုင်
ပြီး ခရီးသည်များကို အဓိကဆွဲဆောင်နေ သည့် သဘာဝနှင့် ယဉ်ကျေးမှုအရင်းအမြစ်များကို
အဆင့်နိမ့်ကျသွားစေလိမ့် မည်" ဟု စာတွင် ဖော်ပြထားသည်။

"သို့ရာတွင် ၀င်ငွေသစ်များကို စီမံခန့် ခွဲကာ ကန်၏သာယာရေးအတွက် ရင်းနှီးမြှုတ်နှံနိုင်မည်
ဆိုပါက ကောင်းမွန်သည့် ရလဒ်များ ထွက်ပေါ်လာနိုင်မည့် အခွင့်အလမ်းများလည်း ရှိနေသည်။
ထိုသို့ ဖြစ်လာရန် အင်းလေးကန်ကို စီမံအုပ်ချုပ်မည့် အမြဲတမ်းအဖွဲ့အစည်းတစ်ခု ဖွဲ့စည်း
တည်ထောင်ရန် လိုအပ်မည် ဖြစ်သည်။

ထို့ပြင် ကန်ဝန်းကျင်ဒေသများမှ ဒေသခံလူငယ်များကို တောင်ယာ လုပ်ငန်းမှ တိုးတက်နေ
သည့် ခရီးသွား လုပ်ငန်းသို့ ကူးပြောင်းလုပ်ကိုင်လာကြ နိုင်ရန်အတွက် ကူညီပေးရန်လည်း
လိုအပ်သည်" ဟု ဖော်ပြထားသည်။

ကန်ရေပြင်အမြင့် ထူးထူးခြားခြား ကျဆင်းသွားခဲ့ရာမှ အကျိုးဆက်အဖြစ် ၂၀၁၀ ပြည့်နှစ်
တွင် ပေါ်ထွက်လာခဲ့သည့် ၀န်ကြီးဌာန၏ လုပ်ငန်းစီမံချက်တွင် အဓိက ဖော်ပြထားသည့်
သေချာစွာပူးပေါင်း လုပ်ဆောင်ခြင်းနှင့် စီမံခန့်ခွဲခြင်းမှာ စီမံချက်၏ အဓိကဦးစားပေးလုပ်ငန်း
ဖြစ်သည်ဟု ခရစ္စဆန်က ပြောသည်။

အင်းလေးကန်စီမံခန့်ခွဲခြင်းအတွက် ပူးပေါင်းဆောင်ရွက်ခြင်း လုပ်ငန်းများ နှင့် အစိုးရက
ကူညီရန် သန္နိဋ္ဌာန်ချထား မှုများကလည်း စီမံချက်အတွက် နော်ဝေ နှင့် အခြားအလှူရှင်များက
ဆက်လက် ကူညီမှုပေးသွားရေးကို သေချာစေလိမ့် မည်ဟု ၎င်းက ပြောသည်။

အစီရင်ခံစာတွင် ထပ်မံအကြံပြုထား သည့် အခြားအချက်တစ်ခုမှာ လက်ရှိ တွင် ကမ္ဘာလှည့်
ခရီးသည်များထံမှ ကောက်ခံနေသည့် အင်းလေးကန်ဝင် ကြေးတစ်ဦးလျှင် အမေရိကန်ဒေါ်လာ
ငါးဒေါ်လာကို ထပ်မံတိုးမြှင့်ရန်လည်း ပါဝင်သည်။

ဝင်ကြေးကို နှစ်ဆတိုးမြှင့်လိုက်ခြင်း အားဖြင့် ပုဂံနှင့် အခြားသောဒေသများ ၏ ၀င်ကြေးနှင့်
တန်းတူဖြစ်သွားမည်ဖြစ် သလို တိုးမြှင့်လိုက်သည့် ငါးဒေါ်လာကို  ထိန်းသိမ်းရေးရန်ပုံငွေတွင်
ထည့်သွင်း လိုက်ခြင်းအားဖြင့် ခရီးသည်များက လည်း ကန်ကာကွယ်ထိန်းသိမ်းရေးလုပ် ငန်းများ
အတွက် တစ်စိတ်တစ်ဒေသ ပါဝင်ပြီးဖြစ်သွားစေမည်ဟု ခရစ္စဆန်က ပြောသည်။

"တစ်နှစ်မှာ ခရီးသည် ငါးသိန်းလာ ရင် ဒေါ်လာ ၂ ဒသမ ၅ သန်းရရှိမယ်။ ဒါဆိုရင် အကျိုးရှိမည့်
အလုပ်တွေအများကြီးအတွက် ရန်ပုံငွေရရှိစေမှာပါ" ဟု ၎င်းက ပြောသည်။

ဒေသခံများနှင့် ပြောဆိုဆွေးနွေးချက် များအရ စီမံကိန်းပေါင်းမြောက်မြားစွာ နှင့် ဒေါ်လာသန်း
ပေါင်းများစွာသုံးစွဲပြီး ဖြစ်သော်လည်း မြင်သာသည့် ရလဒ် ထွက်ပေါ်လာခြင်းမရှိသည်ကို
သိရှိခဲ့ရ သည်ဟု ဆိုသည်။

ထို့ပြင် အလျင်အမြန် ဆောင်ရွက်ရန် လိုအပ်နေသည့် အချက်များကိုလည်း IID ကဖော်ပြထား
ရာ အင်းလေးကန် တွင်းနှင့် ၀န်းကျင်ဒေသနေသူများအတွက်ရေ၊ မိလ္လာစနစ်နှင့် လျှပ်စစ်မီးရရှိ
ရေး ဆောင်ရွက်ပေးရန်အချက်လည်း ပါဝင်သည်။ ပတ်ဝန်းကျင်ထိမ်းသိမ်းရေးအတွက်
လုပ်ဆောင်ချက်များကြောင့် IID စီမံချက် များကို နော်ဝေနိုင်ငံက ငွေကြေးထောက်ပံ့ခြင်း
ဖြစ်သည်။

No comments:

နောက်ဆုံးတင်ပြီသမျှ..ဆက်ဖတ်ရန်...အောက်သို့