Search This Blog

အဖွဲ့ဝင်မယ်..Followers

သတင်း


<<<< ကြိုဆိုပါတယ် ပျော်ရွှင်သောနေ့လေးဖြစ်ပါစေ >>>>

Monday 22 April 2013

တိမ်တွေကိုမျှားကြည့်ခြင်း


ဘ၀တဲ့.....
အဖြေညိမရတဲ့ပဟေဠိတစ်ပုဒ်ပါ
သွေး၊ချွေးတွေကိုရင်းပြီးအဖြေရှာကြည့်နေရတာ
ပီကာဆိုရဲ့ကင်းဗတ်စပေါ်ကဆေးစက်များလို
လှောင်အိမ်ထဲကငှက်တစ်ကောင်အလား
ထုသားပေသားကျနေပြီးခါမှရရှိခဲ့ Freedom
အတုလား?အစစ်လား?ဓါတ်ခွဲခန်းဝင်မကြည့်အားခဲ့။
ကမ္ဘာကြီးအမောဖောက်တိုင်း ပျက်၊မပျက်
မသေချာ....
ပုတ်သင်ညိုလိုသင်ပုန်းကြီးကြေညက်လို့
ဘ၀ပျက်နေကြတဲ့စံပယ်ဖြူတွေပိုပိုများလာ
ဆာလောင်ခြင်းနဲ့တရင်းတနှီးရှိနေခွင့်မှာ
မျှော်လင့်ချက်က နက္ခတ်လွဲမှား
အိပ်မက်ကိုခေါက်သိမ်းနေရတာထန်းသီးကြွေခိုက်ကျီးနင်းခိုက်
မဟုတ်ခဲ့။
တစ်စုံတစ်ယောက်က
ဈေးကြီးကြီးပေးထားရတဲ့ဟိုတယ်လ်ပေါ်ဇိမ်ခံနေချိန်
တစ်စုံတစ်ယောက်မှာတော့
သမုဒ္ဒရာဝမ်းတစ်ထွာအတွက်အမှိုက်ပုံကြား မျှားနေခဲ့ရ။
ကျားဥပုသ်စောင့်သလို"ရိုးသားမူ့"ဆိုတာ ပုံပြင်
ချိန်ခွင်လျှာဇောက်ထိုး "ဂလိုဘယ်လိုက်ဇေးရှင်း"ခေတ်ထဲ
ရေလိုက်၊ငါးလိုက်မှာ အောင်မှတ်မရသေးတော့
ဒီတောမှာသားရဲပေါတယ်ဆိုလည်းဆက်လျှောက်ရမှာပဲ
ငါ့ဆီကအစာကိုမျှော်နေရှာတဲ့ ယုန်ဖြူလေးတို့အတွက်
ကောက်ပဲတစ်ဆုပ်စာလည်း အာဟာရမို့
တစ်ခဏတော့ ဆာလောင်ခြင်းဝေဒနာသက်သာလိမ့်မယ်...
ငါလာပြီ...ယုန်ဖြူလေးတို့ရေ...မင်းတို့စောင့်နေ.......။        ။

No comments:

နောက်ဆုံးတင်ပြီသမျှ..ဆက်ဖတ်ရန်...အောက်သို့