ဗုဒ္ဓဘာသာဝင်တိုင်းသိသင့်သော အမြတ် ဆုံး ဒါန နှင့် အမြတ်ဆုံးအကျင့်

ဗုဒ္ဓဘာသာဝင်တိုင်းသိသင့်သော အမြတ် ဆုံး ဒါန နှင့် အမြတ်ဆုံးအကျင့်
******************************************************

ဒီအကြောင်းလေးကို စာရေးသူ ဒီနေ့ သင်္ကြန် အကြိုနေ့ မှာ သီလယူအပြန် နေ့လည် တနာရီမှာ
တရား နားယူမိရာကနေ အော် ဒီတရားလေးက ကောင်းလိုက်တာ မိမိတို့ရဲ့ ဓမ္မ မိတ်ဆွေများနဲ့
တို့ ဘာသာဝင်တိုင်း တကယ့်ကိုလေးလေး နက်နက်သိသင့်ပါလားဆိုတာ လေးကိုတွေးတောမိရင်း
မျှဝေ ခံစားစေချင်တဲ့ ဓမ္မ စေတနာရယ် ဗုဒ္ဓ ဘာသာဝင်တိုင်း လေးလေးနက်နက် ကိုယ့်ဘာသာ
တရားကို သိစေချင် ခံစားစေချင်တဲ့ ဂရုဏာ တရား ရယ် ကျင့်သုံးစေချင် တတ်သိနားလည်စေချင်
သော မေတ္တာ တရား ရယ် ပေါ်ထွက်လာတာကြောင့် သီလဆောက်တည်နေစဉ် အတွင်း အင်တာနက်
ပေါ် မှာ စာမေ၇း မသုံးတော့ဘူးလို့ ဆုံးဖြတ်ထားပေမဲ့ စေတနာမေတ္တာ တရားကို ကျွနုပ်ရဲ့ အကျင့်
တရားက မလွန်ဆန်နိုင်ပဲ စာထိုင်ရေး နေမိရင်း ဖတ်သူတိုင်း ကုသိုလ်တရား တွေဆထက်ထပိုး တိုးကာ
ဘာသာ သာသနာကို လေးစားသက်ဝင် ယုံကြည်လွန်းစေချင်တာကြောင့် .........................
မြတ်စွာဘုရားရှင် သက်တော်ထင်ရှားရှိစဉ် အခါကာလ ....................မြတ်စွာဘုရားရှင်က
အနာထပိဏ် သင် အလှူကော လှူဖြစ်ရဲ့လား လို့ မေးလာစဉ်က ခဏ ..........အရှင် ဘုရား
တပည့်တော်အိမ် မှာ ပဲဟင်း နဲ့ ဆန်ကွဲထမင်း လောက်တော့ လှူဒါန်းနိုင်ပါသေးတယ် ဘုရား လို့
အနာထပိဏ် သူဌေး ကလျောက်ထား စဉ် မှာ ဘုရားရှင် ....အေး ...အနာထပိဏ် အလှူကိုလက်လွတ်
စပယ် ဖြစ်သလို မလှူရဘူး ရိုရိုသေသေ တလေးတစား ပေးလှူ၇တယ် ။ ကိုယ့်လှူတဲ့အလှူ ပစ္စည်း
ဟာ တန်ဘိုးနည်းချင်နည်းမယ် အရသာရှိချင်မှရှိမယ် ဒါပေမဲ့ မိမိတတ်နိုင်တဲ့ ဒါနတရားကို တန်ဘိုး
အနည်းအများနဲ့ မတွက်ပါနဲ့ လှူခြင်း မှာ ရိုရိုသေသေလေးလေးစားစားပေးလှူတတ်ရမယ် ။
နောက် မြတ်စွာဘုရားရှင်က ငါ ...ဝေလာမ ပုဏ္ဏား ဘ၀တုံးက အလှူကြီး များစွာကိုပေးလှူခဲ့
ဘူးတယ် ။ အဲဒါတွေကတော့ ငွေအပြည့်နဲ့ ရွှေအပြည့် ရတနာ ၉ မျိုး အပြည့်နဲ့ ၈၄၀၀၀ ရှစ်သောင်း
လေးထောင် ဆင်ရတနာ ရှစ်သောင်းလေးထောင် ရထား ၊ ဘွဲ့ဖြူ ပုဆိုးခင်း နွားမ ၊ ပတ္တမြားနားတောင်း
ဝတ်ထားတဲ့ အမျိုးသမီးပေါင်း ၊ ပလ္လင်ပေါင်း ၊ ပိုး ဖဲ သက္ကလက် ကုဋေပေါင်း ၊ ရှစ်သောင်းလေးထောင်ကို အခုခေတ် ထမင်းရည် ချောင်းစီးသလို မဟုတ်ဘူး မြစ်ရေယဉ်စီးဆင်းသလို
ဆင်ဆက်မပြတ် ဆွမ်း ခဲဖွယ် ဘောဇဉ် ချိုချင် အရသာ တွေကို မြစ်ရေစီးဆင်းသလိုပေးလှူခဲ့တယ်။
အနာထပိဏ် သင် အဲဒီ ငါလှူခဲ့ဘူးသော အလှူတွေထက် မြတ်တဲ့ အလှူကိုလှူချင်သလား။
ဘုရားလောင်းလှူတော်မူခဲ့တာထက် ကြီးကျယ်မြင့်မြတ်တဲ့သာလွန်တဲ့အလှူကို လှူချင်ရင် ရှိသေးတယ်
အနာထပိဏ် အဲဒီ အလှူကတော့ သောတာပန်တစ်ဦးကို လှူ ပါ ။ ငါဘုရားဝေလာမပုဏ္ဏားဖြစ်စဉ်က
လှူတဲ့ အလှူက သာသနာပ အချိန်မှာ လှူတဲ့အလှူဖြစ်တယ် ။သာသနာပအလှူ မှာ လှူတာထက်
သာသနာတွင်း မှာ လှူတဲ့ အလှူရှင်တွေက ပိုပြီး ကြီးကျယ်မြင့်မြတ်လှပါတယ် ။
ဒီမှာ မြတ်စွာဘုရား ရှင် က အလှူဒါနအတွက် အဆင့် ( ၁၃ ) ဆင့် ကို ခွဲခြားပြထားတယ်။
၁ ။ ။ မြစ်ရေစီးဆင်းသလို လှူခြင်းထက်
၂ ။ ။ သောတာပန်တစ်ဦးကို လှူ ပါ
၃ ။ ။ သောတာပန်တစ် ဦးထက် ဦးရေ ၁၀၀တိုး ပြီး သဒါဂါမ် တစ်ဦးကို လှူ ပါ
၎ ။ ။ သဒါဂါမ်တစ်ဦးထက် အနာဂါမ်တစ်ဦး ကိုလှူပါ ။
၅ ။ ။ အနာဂါမ်တစ်ဦးထက် ရဟန္တာ တစ်ဦးကိုလှူပါ ။
၆ ။ ။ ရဟန္တာ တစ်ဦးထက် ပစ္စေကဗုဒ္ဓ ဘုရား တစ်ဆူကိုလှူပါ ။
၇။ ။ ပစ္စေက ဗုဒ္ဓ အပါးတစ်ရာထက် သာလွန်တဲ့အလှူက သဗ္ဗင်ညုတ ဘုရားရှင်ကိုလှူပါ ။
အဲဒီအလှူထက်သာလွန်တဲ့အလှူရှိသေးတယ်
၈ ။ ။ ဘုရားအမှူးရှိသော သံဃာကို လှူပါ ။
၉ ။ ။ အဲဒီအလှူထက်သာလွန်တဲ့ အလှူက အရပ်လေးမျက်နှာ အရပ်ရှစ်မျက်နှာမှာ ရှိတဲ့
သံဃာ အားလုံးကို လှူပါ ( သံဃိဃ ) အလှူပေါ့ ။
( ဒီ ၁ မှ ၉ ထိ ကတော့ ဒါန အပိုင်းပေါ့ )
သံဃိဃ အလှူထက် သာလွန်မြင့်မြတ်တဲ့ အလုပ်ရှိသေးတယ် အနာထပိဏ် သင်လုပ်ချင် သေးသလား လုပ်ချင်ရင်ရှိသေးတယ် ။
၁၀ ။ ။ သရဏဂုဏ်ဆောက်တည် ပါ ။
၁၁ ။ ။ သရဏဂုဏ်ဆောက်တည်ခြင်းထက်မြင့်မြတ်တဲ့အလုပ်ရှိသေးတယ် အဲဒါကတော့
ငါးပါးသီလကိုစောင့်ထိန်းပါ ။
၁၂ ။ ။ ငါးပါးသီလစောင့်ထိန်းခြင်းထက် မြင့်မြတ်တဲ့အလုပ်ကတော့ သတ္တ၀ါတွေအပေါ်ကို
နံ့သာတရိူက် ခန့်လောက်မေတ္တာပို့ပေးပါ ။( နံ့သာတရိူက်ဆိုတာ အမွေးအကြိုင်လေး
လေးတစ်ခုကို ကိုယ့်လက်ကလေးမှာစွတ်ကြည့်ပြီး ရူရိူက်ကြည့်လို့တဲ့ အချိန်ကာလလေး
ကိုပြောတာပါ )
၁၃ ။ ။ မေတ္တာပို့တာထက် သာလွန်မြင့်မြတ်တဲ့အလုပ်ရှိပါသေးတယ် အဲဒီအလုပ်ကတော့
လက်ဖျစ်တတွတ် အချိန်လေးလောက်ကို အနိစ္စ သင်္ညာ ကိုပွားများပါ ။ဒီနံပါတ် ၁၃ အလုပ်
ကတော့ ကျန်တဲ့ ၁၂ ချက်ထက်ကို သာလွန်ကြီးကျယ်မြင့်မြတ်လှပါပေတယ် လို့မြတ်စွာ
ဘုရားရှင်က အနာထပိဏ် သူဌေး ကြီး ကိုဟောပြတော်မူခဲ့ပါပေတယ် ။
ကျွနုပ် ဒီမှာ ပြောပြချင်တာက ကျွနုပ်တို့ ဗုဒ္ဓ ဘာသာ မြန်မာလူမျိုးတွေဟာ ရှေးရိုးစဉ်ဆက် ကိုးကွယ်
ခဲ့ကြလို့သာ ဗုဒ္ဓ ဘာသာအမည် ရနေကြတယ် ကိုယ့်တကယ်လုပ်နေတဲ့ အလုပ် ကျင့်စဉ်တွေဟာ
ကြီးကျယ်မြင့်မြတ်လွန်ပါလားဆိုတာကို တော်တော်များများ ဟာ မသိကြပေဘူး ၀မ်းနည်းစရာ အလွန်
ကောင်းလှပါတယ် ။ မိမိတို့နေ့စဉ်လုပ်နေတဲ့ အလုပ် ဒါနကုသိုလ်တွေဟာ ငွေမကုန်ပဲနဲ့တောင်
နိဗ္ဗာန်ကိုထုပ်ခြောက်ရောက်နိုင်တယ် ဆိုတာသိစေချင်လွန်းပါတယ် ။
စာရေးသူထပ်ပြီးပြောပြချင်တာက ကျွနုပ်တို့ ဗုဒ္ဓ ဘာသာ ပေါ်ထွန်းလာတာ မြတ်စွာဘုရားရှင်
ပွင့်ထွန်းတော်မူရာဒေသ ဟာ အိန္ဒိယပြည်မှာပါ ။ ဒါပေမဲ့ အိန္ဒိယပြည်သူတွေဟာ ဘုရားရှင်ကို အရင်
ဆုံးဖူးမြင်ခွင့် မရခဲ့ပါဘူး အရင်ဆုံး ဖူးမြင်ခွင့် ရသူတွေဟာ ဗမာနိုင်ငံသား များဖြစ်တဲ့ တဖုဒ်ဿနဲ့
ဘလိက ညီနောင် နှစ်ဦး ပါ ဒါကိုလည်း မြန်မာလူမျိုးတိုင်းသိသင့်တယ်လို့ မှတ်ယူခံစားပါတယ် ။သိလည်းသိစေချင်ပါတယ် ။
နောက်တစ်ခု အဲဒီ အမြင့်မြတ်ဆုံးအလှူ အလုပ်တွေမှာ မှာ အပိုင်းတွေထပ်ခွဲလို့ထားပါသေးတယ်။
၁ မှ ၉ ထိ က ဒါနအပိုင်း ပါ ။ ၁၀ ကနေ- ၁၃ - ထိကတော့ စရဏ ပိုင်း ပါ ။ ဒီ ၁၃ ချက်ကို အပိုင်း
၎ ပိုင်း ခွဲထားပါသေးတယ် ။ ၁- ၉ ထိ ဒါနပိုင်း ၁၀ - ၁၁ ထိ သီလပိုင်း ၁၂ - ကတော့ သမထပိုင်း
၁၃ - ကတော့ ၀ိပဿနာပိုင်း ပါ ။ဒီအပိုင်း တွေဟာလုံးထဲမှာ မှာ ကျန်တဲ့ ၁၂ ပိုင်းထက် နံပါတ် ၁၃ x
ပိုင်းဖြစ်တဲ့ ၀ိပဿနာပိုင်းဟာ ငွေလည်းမကုန်ပါဘူး လူလည်းမပင်မပန်းပဲ အလကားနီးနီး ရတဲ့
ကုသိုလ်ထူး တစ်မျိုးပါ ဒါကြောင့်စာဖတ်သူ ဓမ္မ မိတ်ဆွေသူတော်ကောင်းတွေဟာ မိမိတို့လုပ်နေတဲ့
ကုသိုလ်တွေကို တန်ဘိုးကြည့်ကြမယ် ဆိုရင် ဘယ်အလုပ်ကအမြတ်ဆုံးအလုပ်ဖြစ်သလည်းဆိုတာ
မြင်သာလာပါလိမ့်မယ် လက်ဖျစ်တတွက်တီးလောက်လေး ဖြစ်တဲ့ အချိန်လေးအတွင်း မှာ ရုပ်နာမ်တွေ
ရဲ့မမြဲမူ့ အနိစ္စ တရားလေးကိုမြင်အောင် ကျင့်ကြံပွားများလိုက်တာဟာ ဘုရားရှင် ပစ္စေကတွေ
မေတ္တာဘာဝနာတွေ ငွေကြေးသိန်းပေါင်း ထောင်သောင်းပေါင်းမြောက်များစွာအကုန်ခံပြီးပြုနေတဲ့အလှူ
ဒါန တရားတွေထက် သာလွန်မြင့်မြတ်ပါတယ် ။
ကျွနုပ်တို့ ဗုဒ္ဓ ဘာသာ အကုန်လုံးနီးပါ တောင်းလိုက်တဲ့ နိဗ္ဗာန် ဆု လိုချင်လို့ပဲတကယ်
တောင်းသလားသူများတောင်းလို့ပဲလိုက်တောင်းနေကြသလား တကယ်ကိုပဲ မြတ်စွာဘုရားသာသနာ
တော်ကြီး အတွင်း မှာ ကျွတ်တမ်းဝင်ချင်ကြလို့လား ဆိုတာ မိမိကိုယ်တိုင်မှ တစ်ပါး မသိနိုင်ပေဘူးပေါ့
သို့သော်ညားလည်း စာေ၇းသူပြောပြချင်တာကလေ ကျွနုပ်တို့လုပ်နေကြတဲ့ အလှူတွေ သမထတွေ
ဘာဝနာ ပွားများအားထုတ်နေကြတာဟာ တကယ့်ကို အကျိုးကျေးဇူး ကြီးလွန်းပါတယ် မြင့်မြတ်စင်ကြယ်လွန်းလှပါတယ် ။ ဒါကြောင့် နိဗ္ဗာန် ဆုကိုတော့ ပေါပေါလောလော တောင်းနေလိုက်
ကြတာ နိဗ္ဗာန် ဆိုတာ ဘာလည်းလို့များမေးလာ ခဲ့တဲ့ ဘာသာခြားများရှိခဲ့ရင် ကျွနုပ်တို့ဘာသာဝင်
များ မဖြေနိုင် ခဲ့ဘူးဆိုရင် သိပ်ကိုရှက်စရာကောင်းလှပါတယ် ။ ဘယ်သူမသိသိ မိမ်ိသိအောင် လေ့လာ
ပါ ဆည်းပူးပါ ။
နိဗ္ဗာန် ဆိုတာ လောဘ ။ ဒေါ သ ။ မောဟ ။ တရားတွေကို ငြိမ်းရာ ချုပ်ရာ ကုန်ရာ
သည် နိဗ္ဗာန် စင်စစ်မည်ပေ၏ လို့ သံယုတ်ပါဠိတော်မှာလာရှိပါတယ် ။ဤကဲ့သို့သိနိုင်ခြင်းသည်
တ၇ားတော်များကို နားကြားမှသာလျှင် သိနိုင်ပေ၏ ။ နိဗ္ဗာန် ( ၂ ) မျိုး ရှိပေသည် ။ မသေခင် ရတဲ့
နိဗ္ဗာန် ရယ် သေပြီးမှရတဲ့ နိဗ္ဗာန် ပါ ။ လောဘ ၊ ဒေါသ ၊ မောဟ တရားတွေကို တကယ်ချုပ်ငြိမ်းစေ
တာက မဂ္ဂင်ရှစ် ပါး အကျင့်တရားပါ ။နောက်ကြောင်းကိုပြန်ဆုတ်ပြီးတော့ မဂ္ဂင်ရှစ်ပါး အကျင့်တ၇ား
တွေကို ပြုကျင့်နိုင်ဖို့အတွက် သရဏဂုဏ် ဆောက်တည် ထားသူတွေမှ ပါ ။ သရဏဂုဏ် ဆောက်တည်
ခြင်းဆိုရာမှာ ကျွနုပ်တို့ ဗုဒ္ဓ ဘာသာ ၀င်များသာလျှင် ပြုကျင့်နိုင်သော တရားတော်များဖြစ်ပေတယ်။
သရဏဂုဏ်တော့ဆောက်တည်နေလိုက်ကြတာ တကယ့်အကျိုးထူးကိုတော့ ခံစားနားလည်မိကြပါ
သလား ။ တကယ့်အလေးအနက်မသိသေးဘူးဆိုရင် နောက်မကျသေးပါဘူး ဒီနေ့ကစပြီးငါတော့
တကယ့် ဗုဒ္ဓ ဘာသာ ၀င်စစ်စစ်ဖြစ်ပြီလို့ မှတ်ထားလိုက်ပါ ။အခြေမဲ့ ဗုဒ္ဓ ဘာသာ တွေဖြစ်နေကြခြင်း
ထက် အရည်အချင်းရှိတဲ့ ဗုဒ္ဓ ဘာသာ ထက် အရေအတွက် ဗုဒ္ဓ ဘာသာ တွေ မဖြစ်ကြပါစေနဲ့ ။
နောက် ဗဟုသုတလေးတစ်ခုပြောချင်တာက သရဏဂုဏ် ပျက်ခြင်း ( ၂ ) မျိုးရှိပါတယ် ။
အယူဝါဒပြောင်း၍ သရဏဂုဏ်ပျက်ခြင်း နဲ့ သေ၍ သရဏဂုဏ်ပျက် ခြင်းတို့ဖြစ်ပါတယ် ။ဘာသာတခု
ကိုပြောင်းလိုက်ပြီဆိုတာနဲ့ သရဏဂုဏ်က အလိုလိုပျက်ပျယ်သွားပါတယ် ။နောက် သေလွန်ပြီဆိုတာနဲ့
လည်းသရဏဂုဏ်က ပျက်သွားပါပြီ ။ ဒီအခါ ဗုဒ္ဓ ဘာသာ ၀င်တော်တော်များများက လူတစ်ယောက်
သေလွန်တဲ့ အခါ မှာ သရဏဂုဏ် တင်ပေးကြပါတယ် တကယ်တော့သေပြီးသားသူဟာ သရဏဂုဏ်
ပျက်သွားပါပြီ ပြန်တင်လို့ မရတော့ပါဘူး တကယ်တန်းကျတော့ကျန်ရှိနေတဲ့သူများကို သရဏဂုဏ်
ဆောက်တည်စေတာပါ ။
မိမိတို့ကိုမိမိတို့ ဘယ်အဆင့်မှာလည်းဆိုတာကို ဘုရားအပေါ် မမှိတ်မသုံယုံကြည်ခြင်း
တရားအပေါ်မမှိတ်မသုံယုံကြည်ခြင်း သံဃာအပေါ်မမှိတ်မသုံယုံကြည့်ခြင်း အရိယာသီလနဲ့ပြည့်စုံခြင်း
ဆိုတဲ့ ပေတဲ့ နဲ့ ဒီနေ့ကစပြီးတိုင်းတာကြည့်ကြပါ ။ သာသနာတော်အတွင်း ဘုရားရှင်ပွင့်ထွန်းပေါ်
ပေါက်ရာ ကမ္ဘာတွင်လူဖြစ်နေရခြင်း ဘုရားရှင်ရဲ့ သားတော် သံဃာတော်များကို ဆည်းကပ် ကိုးကွယ်
ရခြင်း ဘုရားရှင်ရဲ့တရားတော်များကို နာကြားရခြင်း နားကြားနိုင်အောင် လမ်းပြတော်မူနိုင်သော
အရိယာသူတော်ကောင်းများ နှင့်ဆုံတွေ့နေရခြင်း ဒီလိုမတောင်းမတမကြောင်းမကျ ရနေတဲ့ကျွနုပ်တို့
ှဗုဒ္ဓ ဘာသာ ၀င် တွေဟာ မြန်မာနိုင်ငံမှာလူဖြစ်ရတာ သိပ်ကိုအကျိုးကျေးဇူးကြီးမားလှပါတယ် .ဒီလိုအ
ကျိုးကျေးဇူးတွေနဲ့ပြည့်စုံကြွယ်ဝနေပါလျက်သားနဲ့ မိမိတို့လုပ်နေတဲ့ အလုပ် ဒါနကုသိုလ် ဘာဝနာ
တွေကိုမေ့ပြစ်လိုက်မယ် ဘာသိဘာသာနေကြမယ် ပေါ့ပေါ့ဆဆ လုပ်နေကြမယ်ဆိုရင် တော့လမ်း
ပျောက်ကုန်ကြပါလိမ့်မယ် ။
သရဏဂုဏ်ဆောက်တည်ပြီး ကုသိုလ်ယူနိုင်သလို ငွေမကုန်လူမပန်းပဲ နဲ့ ကံငါးပါးကို
လုံခြုံအောင်စောင့်ထိန်းလို့ တသွယ် သူထက်မြင့်မြတ်ကြီးကျယ်တဲ့ကုသိုလ်တရားဖြစ်တဲ့ ၀ိပဿနာကု
သိုလ်ထူးတရားကိုလည်း အချိန်ရှိခိုက်လုံးလစိုက်လျှက် အနိစ္စ ဆိုတာ မမြဲတာ သင်္ညာဆိုတာ မှတ်သိတာ
ရုပ်နာမ်တွေရဲ့မမြဲမူ့ ဖြစ်ပျက်နေမု့ဆိုတဲ့ ၀ိပဿနာ အလုပ် အမြတ်ဆုံးအလုပ်ကို မြန်မြန်ကြီးလုပ်
နိုင်ကြပါစေ ။ လမ်းနှစ်လမ်းရှိနေတဲ့ အထဲမှာ
ဒါန ၊ သီလ ၊ သမထ က တစ်လမ်း အဲဒါက ကံလမ်း
ဝိပဿနာလမ်းက တစ်လမ်း အဲဒါက ဥာဏ် လမ်း
ကံလမ်းကလျောက်သူကတော့ သုဿန်ကို ထပ်ရောက်နေအုံးမှာပဲလေ။ ဥာဏ် လမ်းကလျောက်သူ
ကတော့ နိဗ္ဗာန် ကိုအသေအချာရောက်ပါလိမ့်မယ် ဒါနတစ်ခုပြုတိုင်း တောင်းဆုတခုပြုတိုင်း တောင်း
လိုက်ကြတဲ့ နိဗ္ဗာန် တကယ်လိုချင် အဟုတ်လုပ် တကယ့်ကိုဖြစ်ပါလိမ့် ပေါပေါလောလောတောင်းပြီး
ပေါပေါလောလော နဲ့မေ့မေ့လျော့လျော့ နေနေကြအုံးမယ်ဆိုရင်တော့ ကံလမ်းကလျောက်သူတွေမို့
သေပြီးရင်းသေ နေပြီးရင်းနေ အိုပြီးရင်းအို နာပြီးရင်းနာအဆုံးအဆမရှိသော သံသရာ ၀ဲ ကွန်ယတ်
ကြီးထဲ့မှာ လယ်ကြပေးအုံးတော့ ။ သံသရာကိုအဆုံးသက်နိုင်သော ကောင်းမြတ်သော အကျင့်သီလ
တို့နှင့်ပြီးပြည့်စုံသော လူသူတော်ကောင်းများ ဖြစ်ကြပါစေကြောင်း တောင်းဆုပဌာနာ ပြုပေ၏။
ထို့ကြောင့် ******** သဗ္ဗေ သင်္ခါရ အနိစ္စ ဒုက္ခ အနတ္တာ ။ သဗ္ဗေ = ခပ်သိမ်းကုန်
သော သင်္ခါရ = သင်္ခါရ တရားတို့သည် အနိစ္စ = အမြဲမရှိကုန် ဒုက္ခ = ဆင်းရဲခြင်း အနတ္တ = အစိုးမရ
ပါတကား ။
အဟံ - ငါသည် ၊ ၀ဒညူ- ကောင်းသောသူတို့၏ စကားကို သိသည် ၊ သီလသမ္ဗန္နော - သီလနှင့်ပြည့်စုံ
သည် ၊ ဟုတွာ - ဖြစ်၍ ၊ နူန - စင်စစ်သဖြ**့ ၊ ဗဟုံ - များစွာသော ၊ ကုသလံ - ကုသိုလ်ကို ၊ ကာဟာမိ
- ပြုအံ့ ။