"တရားအားထုတ်ခြင်းသည် အကောင်း ဆုံး စိတ်အပန်းဖြေနည်း"

"တရားအားထုတ်ခြင်းသည် အကောင်း ဆုံး စိတ်အပန်းဖြေနည်း"

တရားအားထုတ်ရတာ ပင်ပန်းတယ်ထင်လို့ နေ့တိုင်းမလုပ်ဖြစ်တာလားလို့တောင် မေးလိုက်ချင်တယ်။ တရားအားထုတ်ရတာလောက် အပန်းပြေတာမရှိဘူး။ တရားအားထုတ်ရတာကို အလေ့အကျင့်ရသွားတဲ့လူဟာ ဘယ်လိုပြောလဲဆိုတော့ တပည့်တော်အလုပ်လုပ်လို့ တအားပင်ပန်းလာရင် တရားပဲထိုင်တော့တာပဲတဲ့။ နာရီဝက်လောက်ထိုင်မိတယ်ဆိုရင်ပဲ ပင်ပန်းတာတွေဟာ တဖြည်းဖြည်းနဲ့ ပြေပြီးတော့ ပျောက်သွားတယ်။ ဘယ်လောက်ကောင်းသလဲ။ စဉ်းစားကြည့်စမ်းပါနော်။

မနက်မှာ နာရီဝက်လောက် ထိုင်လိုက်ပါ။ ကောင်းရင်ကောင်း မကောင်းရင်နေပါစေ။. မနက်စောစောဆိုတာ အိပ်ရေးဝပြီးတော့ နိုးတဲ့အချိန် ။ ခန္ဓာကိုယ်မှာ အနားရထားတယ်။ အားတွေပြည့်နေတယ်။ စိတ်ကလည်း အိပ်ရေးဝထားတဲ့အတွက်ကြောင့် ဘာပြောပြော နဲနဲတော့ တည်ငြိမ်မှုရှိတယ်။ စိတ်ထဲမှာ လုပ်စရာကိုင်စရာတွေ ဟိုတွေးဒီတွေးနဲ့ ရှုပ်ထွေးပြီးတော့ ပေါ်မလာသေးဘူး။ အဲဒါကြောင့် စောစောစီးစီးထပြီးတော့ မျက်နှာသစ်ပြီးတော့ ခဏလေးတရားထိုင်ဖို့ကောင်းတယ်။ အလေ့အကျင့် နေ့တိုင်းလုပ်ထားတဲ့သူဆိုရင် အဲဒီခဏလေးဟာ အင်မတန် တန်ဖိုးရှိတယ်။
အလေ့အကျင့်ရနေပြီဆိုရင် တရားထိုင်တဲ့အခါမှာ ခန္ဓာကိုယ်မှာ ဖြစ်ပေါ်နေတဲ့ တိုက်ရိုက်သိလို့ရတဲ့ အာရုံရဲ့  သဘာဝလေးတွေကို လွယ်လွယ်ကူကူသိနိုင်တယ်။ ဘယ်အာရုံဖြစ်ဖြစ် တစ်ခုခုကို သိနေရင် ရတာပဲ။ ခန္ဓာကိုယ်မှာ အာရုံ (sensations) ကလွဲလို့ သိလို့ရတဲ့အရာ မရှိဘူး။
မာတာ ပျော့တာ ရုပ်ရဲ့ သဘာဝပဲ။ မာမှန်း ပျော့မှန်း ဘယ်လိုလုပ်သိလဲ ဆိုရင် မာတဲ့အာရုံခံစားမှုအဖြစ်နဲ့သိရတယ်။ ပျော့တဲ့ အာရုံခံစားမှုအဖြစ်နဲ့ သိရတယ်။ အာရုံအဖြစ်နဲ့  ခံစားမှပဲ သိရတာပါ။ အာရုံအဖြစ်နဲ့  မခံစားရရင် မသိနိုင်ဘူး။ အရာရာတိုင်းကို အာရုံအဖြစ်နဲ့ ခံစားပြီးတော့ပဲ သိကြရတာပါ။ ခံစားမှုကလွဲလို့ တခြားဘာကိုမှ သိလို့မရပါဘူး။ တစ်ခုခုကို ထိထားတဲ့နေရာလေးကို အာရုံပြုကြည့်ရင် မာတာသိတယ်၊ ပျော့တာ သိတယ်။ နွေးနေတာ သိတယ်၊ အေးနေတာ သိတယ်။ ဒီထက်ပိုပြီးတော့ သတိထားကြည့်လို့ ရှိရင် လှုပ်ရှားမှုလေးတွေ ရှိတယ်။
အာရုံလေးတွေကို သိဖို့ရာ မခက်ပါဘူး။ ပစ္စုပ္ပါန် တည့်တည့်သိနေရင် ဘာမှ ကြံစည်တွေးတောစရာမရှိဘူး။ ကြံစည်တွေးတောပြီးမှ သိလို့ရတဲ့အာရုံဟာလည်း ပစ္စုပ္ပါန်တည့်တည့် အာရုံမဟုတ်ဘူး။ ပရမတ်လည်းမဟုတ်ဘူး။
စိတ်ကူးနဲ့သိလို့ရတဲ့အတွက်ကြောင့် ပညတ်ပဲဖြစ်နေတယ်။ ပရမတ်အကြောင်းပင်ဖြစ်သော်လည်း တွေးတဲ့အချိန်ရောက်တဲ့အခါမှာ ပညတ်ပဲဖြစ်သွားတာပဲ။ အတွေးနဲ့ သိသမျှ အားလုံးဟာ ပညတ်တွေပဲ။ မာတဲ့အကြောင်းကို အတွေးနဲ့ထိုင်တွေးနေရင် ပရမတ်မဟုတ်ဘူး။ ပညတ်ပဲဖြစ်သွားတယ်။ တွေးနေတာမဟုတ်ဘဲနဲ့ တကယ်ထိပြီးတော့ သိနေတဲ့အချိန်မှာ ပရမတ်တည့်နေတာပဲ။ ခန္ဓာကိုယ်မှာ မာတာပျော့တာ ပူတာအေးတာ လှုပ်တာ ရှိနေတာပါပဲ။ လှုပ်တယ်ဆိုတာမှာ ကြမ်းကြမ်းတမ်းတမ်းလှုပ်တာလည်းရှိသလို အင်မတန် သိမ်သိမ်မွေ့ မွေ့ လှုပ်တာလည်းရှိတယ်။ သေသေချာချာ သတိထားကြည့်ရင် ဘယ်နေရာဖြစ်ဖြစ် တုန်ခါနေတဲ့သဘောရှိတယ်။ လက်နှစ်ဖက် ထိထားတယ်ဆိုရင် အဲဒီထိတဲ့နေရာလေးကို အာရုံပြုကြည့်စမ်းပါ။ တုန်ခါမှုရှိနေတယ်။ ခန္ဓာကိုယ်မှာ မတုန်တဲ့နေရာရယ်လို့မရှိဘူး။ နေရာမလပ်တုန်နေတယ်။ Vibration သဘောမျိုးရှိနေတယ်။ အဲဒီတော့ တစ်ခုခုထင်ရှားတာ၊ သိလို့လွယ်တာကို focal point အဖြစ်နဲ့ ထားပြီးတော့ အမြဲတမ်းအလေ့အကျင့်လုပ်ဖို့ကောင်းတယ်။
ဘယ်နည်းနဲ့ပဲ အားထုတ်အားထုတ် နောက်ဆုံးသိရတာဟာ အာရုံတွေကိုဘဲ သိရတာပါ။ ဝေဒနာအနေနဲ့ကြည့်မယ်ဆိုရင် ချမ်းသာတဲ့ဝေဒနာ၊ ဆင်းရဲတဲ့ဝေဒနာ။ ဒီနှစ်ခုကို ထင်ထင်ရှားရှားသိနိုင်တယ်။ ဒါလည်းပဲ ခံစားမှုအဖြစ်နဲ့ သိတာပဲနော်။ ခန္ဓာကိုယ်မှာ ချမ်းသာတဲ့ဝေဒနာ၊ ဆင်းရဲတဲ့ဝေဒနာတွေဟာလည်း အချိန်မရွေးအမြဲတမ်းရှိနေတယ်။ ဝေဒနာလုံးဝမရှိဘဲ မဖြစ်နိုင်ပါဘူး။ ဒီနှစ်ခုထဲက တစ်ခုခုကို သိလို့ရတယ်။ သူတို့နှစ်ခုလုံးမရှိရင် ဥပေက္ခာဝေဒနာဖြစ်တော့တာပဲ။
ဥပေက္ခာဝေဒနာဟာ သိမ်မွေ့ လွန်းလို့အစမှာသိဖို့ရာနဲနဲခက်တယ်။ သူ့ကိုသတိလေးနဲ့ကြည့်ပြီး သိနေလို့ရှိရင် ချမ်းသာတဲ့သဘောကိုဆောင်သွားတယ်။ ဘာဖြစ်လို့ချမ်းသာတဲ့သဘောကိုဆောင်သလဲဆိုတော့ ဒုက္ခမရှိလို့ပဲ။ ဒုက္ခမရှိတာကို သိနေတဲ့အချိန်မှာ သက်သာမှုရှိနေတယ်။ မသိရင်တော့ လေးလံမှု ထိုင်းမှိုင်းမှုသဘောမျိုး ဖြစ်နေတယ်။ ဥပေက္ခာဝေဒနာဟာ အင်မတန်သိမ်မွေ့ တဲ့အတွက်ကြောင့် သူ့ကိုမသိလို့ရှိရင် စိတ်ထဲမှာ လှုံ့ဆော်မှုမရှိသလိုဖြစ်သွားတယ်။ စိတ်ထဲမှာ stimulation မရှိသလိုဖြစ်တယ်။ သက်သာမှုဖြစ်နေတာကို မသိရင် သက်သာမှုရှိတယ်လို့ မထင်ဘူး။
သိလွယ်တာ ထင်ရှားတာကိုပဲ အမြဲတမ်းသတိကပ်ပြီးတော့နေမှ။ သတိကောင်းလာရင် အရင်တုန်းက သိဖို့မလွယ်တာ၊ မထင်ရှားတာတွေ တဖြည်းဖြည်း သိလာတယ်။ ဘယ်အချိန်ပဲ ရှုမှတ် ရှုမှတ် မာတာ ပျော့တာ တုန်တာ အေးတာ ပူတာ။ ဒါတွေပဲ ခံစားမှုအဖြစ်နဲ့ သိလို့ရတယ်။
အသက်ရှူတဲ့အခါ တင်းတာ လျော့တာ သိလို့ရတယ်။ ချမ်းသာတဲ့ဝေဒနာ ဆင်းရဲတဲ့ဝေဒနာလည်း ခံစားရတယ်။ အဲဒီတော့ ခန္ဓာကိုယ်ကိုကြည့်ရင် ဒါတွေပဲ တွေ့ ရတယ်။ ဘယ်လိုနာမည်တပ်တပ် ကြိုက်သလိုနာမည်တပ်။ သိစရာတော့ ဒါပဲရှိတယ်။ များသောအားဖြင့်တော့ နာမည်နောက်ကို ပါသွားတတ်တယ်။ နာမည်တွေခဏဖယ်ထားပြီးတော့ အာရုံပေါ်မှာ ခံစားပြီး သိလို့ရတာလေးကိုပဲ သိနေဖို့အရေးကြီးတယ်။
ထွက်လေ၀င်လေ ရှူတဲ့လူဟာ ထွက်လေ၀င်လေမှာ ၀င်လာတဲ့လေ အေးနေတယ်၊ ပြန်ထွက်သွားတဲ့လေဟာ နွေးနေတယ်။ တိုးပြီးတော့ထွက်သွားတယ်၊ ၀င်သွားတယ်။ သူ့မှာ နူးညံ့တဲ့ အတွေ့ရှိတယ်။ နူးညံ့တာကိုသိတယ်။ ပူတာသိတယ်၊ အေးတာသိတယ်။
ဝင်လေအစကနေ ၀င်လေအဆုံးထိ သတိထားကြည့်လို့ရှိရင် တစ်ပိုင်းနဲ့တစ်ပိုင်းမတူဘူး။ ဘာဖြစ်လို့လဲဆိုတော့ ၀င်လာတဲ့လေဟာ speed မတူဘူး။ အစမှာ speed ကတစ်မျိုး၊ အလယ်မှာ speed တစ်မျိုး၊ အဆုံးမှာ speed တစ်မျိုးပြောင်းသွားတယ်။ ဒီလို speed ပြောင်းသွားလို့ရှိရင် သူနဲ့ပက်သက်ပြီး ဖြစ်ပေါ်လာတဲ့ sensation ဟာလည်း လိုက်ပြီးတော့ပြောင်းသွားတာပဲ။ ၀င်လာတဲ့လေဟာ သိမ်သိမ်မွေ့ မွေ့ လေးဝင်လာတဲ့အခါ ရှိတယ်။ မြန်မြန်ဆန်ဆန်ကြမ်းကြမ်းတမ်းတမ်း ၀င်လာတဲ့အခါလည်း ရှိတယ်။ အဲသလို ၀င်လာတဲ့နှုန်း အင်မတန်သိမ်သိမ်မွေ့ မွေ့ လေးနဲ့ အဆက်မပြတ်ပြောင်းသွားတာပဲနော်။
ဝင်လေထွက်လေမှာ အဲသလို အနှေးအမြန် မတူတာတွေဖြစ်နေတယ်နော်။ မြန်လာပြီးတော့ ပြန်နှေးသွားတယ်၊ ဒီကြားထဲမှာ sensation အပြောင်းအလဲရှိတယ်။ သူ့ ကိုထိရ သိရတဲ့ အာရုံခံစားမှုဟာလည်း မတူတော့ဘူးနော်။ အေးတာပူတာကို သိတဲ့သဘောလေးဟာလည်း အပြောင်းအလဲရှိတယ်။ တိုးထိပြီး ထွက်သွားတဲ့ ၀င်သွားတဲ့သဘောလေးတွေဟာလည်း တစ်ချိန်နဲ့  တစ်ချိန်မတူဘူး။ ဒီလို အသေးစိတ် သတိကပ်ပြီးတော့ သိမှသာလျှင် တရားတိုးတက်နိုင်တယ်။ မတူတာလေးကို သတိနဲ့ကြည့်ဖို့လိုတယ်။ မတူမှန်းသိဖို့လိုတယ်။ မတူမှန်းကို သိနေလို့ရှိရင် သတိပိုကောင်းလာတယ်။ သမာဓိပိုကောင်းလာတယ်။ အာရုံကိုထိထိမိမိသိသွားတဲ့အခါမှာ အာရုံအပေါ်မှာ ပိုပြီး စိတ်ဝင်စားမှုရှိတယ်။
အာရုံကို သေသေချာချာမသိတဲ့အခါ စိတ်ရဲ့ သဘာဝဟာ တခြားအာရုံတစ်ခုခုကို ရှာချင်တယ်။ စိတ်က လက်ရှိအာရုံကို အားမရဘူး။ စိတ်ကအာရုံကို ဖမ်းထားချင်တဲ့အကျင့်ရှိတယ်။ အာရုံကို ဖမ်းထားချင်တယ် ၊ ဆုပ်ထားချင်တယ်။ ဘာအာရုံကိုဖြစ်ဖြစ် ထိထိမိမိ ယူလို့ရရင် အဲဒီအာရုံမှာ အနေများတယ်။ အဲဒါ အာရုံကို ဆုပ်ယူထားတာပဲ။ အဲဒီတော့ အာရုံတစ်ခုကို ထိထိမိမိ မရလို့ရှိရင် နောက်အာရုံတစ်ခုကို ရှာတယ်။ ဒီအာရုံကို စိတ်မ၀င်စားတော့ဘူး။ ဒါဆိုရင် ဘာမှမထူးပါဘူးလို့ ထင်လာတယ်။ တကယ်ထိထိမိမိလုပ်ရင် ရက်ပိုင်းအတွင်းထူးပါတယ်။
အိမ်မှုကိစ္စတွေ အရောင်းအ၀ယ်ကိစ္စတွေနဲ့နေတဲ့ကြားထဲက တချို့ လူတွေဟာ ရသမျှအချိန်တွေမှာ တကယ်စူးစူးစိုက်စိုက်လုပ်တယ်။ အဲတော့ လုပ်တဲ့အချိန်ပင်နည်းသော်လည်း လုပ်သမျှအချိန်မှာ အင်မတန် စူးစူးစိုက်စိုက် ကြိုးကြိုးစားစားလုပ်တဲ့အတွက်ကြောင့် တကယ်ပဲ တိုးတက်နေတာ တွေ့ရတယ်။ ဒါကြောင့် လုပ်တဲ့အခါမှာ ဘယ်အလုပ်ပဲ ဖြစ်ဖြစ် whole heartedly စိတ်နှလုံးကို အပြည့်ပေးပြီးတော့ လုပ်လိုက်ပါ။ အဲသလိုဆိုရင် လုပ်ရသလောက် အကျိုးများတယ်။ အချိန်နဲ့တန်သလောက် အကျိုးအင်မတန်ရှိတယ်။
လုပ်တော့ လုပ်တယ်၊ စိတ်မပါတပါ လုပ်နေမယ်ဆိုရင် ထင်သလောက်အကျိုးမရှိဘူး။ ထင်သလောက်အကျိုးမရှိတဲ့အခါ ငါလုပ်လို့ရမယ်မထင်ပါဘူးဆိုပြီးတော့ ကိုယ့်ကိုယ်ကို စိတ်ပျက်တတ်တယ်။ ကိုယ့်ကိုယ်ကို အထင်လည်း သေးသွားတတ်တယ်။ အဲဒီအခါ ဟာ.. ဒီအလုပ်ဟာ တော်တော်တော့ မလွယ်ဘူး။ ကောင်းမှန်းတော့ သိတယ်၊ ငါလုပ်လို့ ဖြစ်မယ်မထင်ပါဘူးဆိုပြီးတော့ တွေးမိသွားတယ်။ မဟုတ်ရင်လည်း ငါနောင်အခါကျမှ တစ်နေရာရာသွားပြီး အေးအေးဆေးဆေးသွားပြီးတော့ လုပ်တော့မယ်ဆိုပြီးတော့လည်း စိတ်ကူးမိတတ်တယ်။ သဘောကတော့ အခုမလုပ်ချင်လို့ အချိန်ရွှေ့ တာပဲ။
စိတ်ရဲ့ သဘာဝဟာ သိပ်ဆန်းကြယ်တယ်နော်။ အလုပ်တစ်ခုကို ကောင်းမှန်းတော့သိတယ်၊ အခုမလုပ်ချင်သေးရင် အနာဂတ်မှာ စီမံကိန်းကြီးကြီးထားပြီးတော့ ကိုယ့်ကိုယ်ကို လှည့်စားတယ်။ ဒီလိုဖြစ်ရင် ကိုယ့်စိတ်ကို ကိုယ်ပြန်ကြည့်ပါ။ အခုမလုပ်ချင်လို့ အနာဂတ်စီမံကိန်းကြီး ဆွဲနေတာလို့ မြင်လိမ့်မယ်။ စိတ်ဝင်စားမှုနည်းတာဟာ မလုပ်တတ်သေးလို့ ထိထိမိမိမလုပ်နိုင်သေးလို့လည်း ဖြစ်နိုင်တယ်။ ထိထိမိမိလုပ်လိုက်လို့ရှိရင် အာရုံရဲ့  သဘာဝဟာ သိပ်ထင်ရှားလာတယ်။ သိပ်ထင်ရှားရင် ပိုပြီးတော့ စိတ်ဝင်စားတယ်။ စိတ်က ထားတဲ့အာရုံကို မိမိရရ ယူလို့ရတဲ့အတွက်ကြောင့် အာရုံနဲ့စိတ်ကပ်ပြီး နေလို့ရတယ်။ အာရုံကို မိမိရရယူလို့မရရင် စိတ်က တခြားအာရုံကိုရောက်သွားလိမ့်မယ်။
ဥပမာ တင်းနစ်ဘောလုံးတစ်လုံးကို ပစ်လိုက်တဲ့အခါ နံရံကိုထိရင် ပြန်ကန်လာတယ်။ တစ်ချက်ပဲထိပြီး ပြန်ကန်ထွက်သွားတယ်နော်။ ဒီတိုင်းပဲ စိတ်က အာရုံကို ထိထိမိမိယူလို့မရတဲ့အတွက် တစ်ချက်ပဲ သိလိုက်တယ်၊ တခြားကိုရောက်သွားတယ်။ သတိ သမာဓိကောင်းလာတဲ့အခါကျရင်တော့ အင်မတန်စေးကပ်တဲ့အရာတစ်ခုကို လုံးပြီး ပစ်လိုက်တဲ့အခါ ထိတဲ့နေရာမှာ သွားကပ်နေသလိုဖြစ်သွားတယ်။ စိတ်နဲ့အာရုံနဲ့ဟာ ကပ်ကပ်ပြီးတော့နေတယ်။
အာနာပါန အားထုတ်တဲ့သူများဟာ သိမ်သိမ်မွေ့မွေ့အပြောင်းအလဲလေးတွေကို ပိုပြီးတော့ အာရုံစိုက်ပါနော်။ နည်းနည်းလေးပြောင်းသွားတာကို ပြောင်းသွားမှန်းသိအောင်ကြည့်ပါ။. သေသေချာချာကြည့်တတ်သွားရင် သိဖို့ရာမခဲယဉ်းပါဘူး။ အသက်ရှူတဲ့အခါ အဆုတ်ထဲမှာ လေဟာ ပြည့်ပြီးတင်းလာတယ်။ တင်းလာတဲ့အခါမှာ တင်းတဲ့ခံစားမှုကို သိလို့ရတယ်။ လေပြန်ထွက်သွားတဲ့အခါ အထဲမှာလျော့သွားတယ်။ လျော့သွားတဲ့ခံစားမှုကို သိလို့ရတယ်။ နာမည်တပ်ဖို့မလိုပါဘူး၊ ဖြစ်လာတာကို တိုက်ရိုက်ထိတွေ့  ခံစားပြီးတော့သိနေလို့ရတယ်။ ခံစားမှုသဘောတစ်ခုအနေနဲ့သိရမှာ၊ အကြမ်းစားနာမည်တပ်ပေးရုံနဲ့ မရနိုင်ဘူး။ တင်းလာတဲ့အခါ တင်းမှုအဆင့်ဆင့်ကို သတိလေးနဲ့ကပ်ပြီးတော့ သိနေပါ။ လျော့တဲ့အခါမှာလည်း လျော့မှုအဆင့်ဆင့်ကို သိနေပါ။
ထိထိမိမိသိနေမယ်ဆိုရင် စိတ်က စိတ်ဝင်စားလာတယ်။ အာရုံပေါ်မှာ စိတ်အနေများတယ်၊ စိတ်အနေများရင် သမာဓိပိုကောင်းတယ်။ သတိ သမာဓိပိုကောင်းလာရင် စိတ်ချမ်းသာလာတယ်။ စိတ်ချမ်းသာလာရင် ပိုပြီးတော့ လုပ်ချင်လာတယ်။ ဒါကြောင့် တရားအားထုတ်ရတာ ပိုပြီးတော့ အဆင်ပြေချင်တယ်ဆိုလို့ရှိရင် ဖြစ်ပေါ်လာတဲ့ခံစားမှုအပြောင်းအလဲလေးတွေကို သတိလေးနဲ့ကပ်ပြီးတော့ကြည့်ပါ။
ခန္ဓာကိုယ်မှာ အာရုံတွေအများကြီးရှိပါတယ်။ ပူတာ အေးတာ လှုပ်တာ ဆင်းရဲတာ ချမ်းသာတာ အမျိုးမျိုးရှုမှတ်လို့ရတယ်။ ပူတဲ့သဘောကိုကြည့်မယ်ဆိုရင် ပူတဲ့နေရာလေးကို သတိလေးနဲ့ကပ်ပြီးတော့ သိလို့ရတယ်။ ခန္ဓာကိုယ်ဟာ အမြဲတမ်း အပူဓါတ်ရှိတယ်။ ဘယ်နေရာဖြစ်ဖြစ် ထိထားလို့ရှိရင် တဖြည်းဖြည်းပူလာတယ်။ အစမှာတော့ သာမာန်ပူတယ်လို့ သိနေတာပဲ။ သတိကောင်းလာရင် ပူတဲ့သဘောက အငွေ့လေးတွေလို ဖြစ်လာတယ်။ အငွေ့တွေ တရှိန်းရှိန်းထွက်နေသလို ခံစားရတယ်။ ဒီအဆင့်က တော်တော်သိမ်မွေ့ တယ်။
အရင်တုန်းကတော့ ငါ့လက်က ထိထားတဲ့နေရာမှာ ပူနေတယ်လို့သိတယ်။ ပစ္စုပ္ပါန်တည့်တည့်သိနေတဲ့အချိန်မှာ ငါဆိုတာလည်း ပေါ်မလာတော့ဘူး။ လက်ဆိုတာလည်း ပေါ်မလာတော့ဘူး။ ပူတာလေးတစ်ခုပဲ သိနေတော့တယ်။ ပူတာတောင် နာမည်မတပ်တော့ဘူး။ ပူတဲ့သဘောကို တိုက်ရိုက်သိနေတာပဲ။
ခန္ဓာကိုယ်မှာ ဖြစ်ပေါ်နေတဲ့ ထင်ရှားတဲ့ ရုပ်ရဲ့ သဘာဝ ၊ ဝေဒနာရဲ့ သဘာဝတွေကို ကြည့်နေတဲ့အခါမှာ ဘာနာမည်မှ မတပ်ပါနဲ့။ နာမည်တပ်တာကြီးက အကျင့်ပါသွားတတ်တယ်။ တချို့ အားထုတ်နေတာ တော်တော်ကြာနေပြီ၊ နာမည်တပ်တာကြီးက အကျင့်ပါနေတော့ နာမည်ကြီးကိုပဲ စိတ်ထဲက လိုက်လိုက်ဆိုနေတုန်းပဲရှိသေးတယ်။ ပညတ်အဆင့်ကနေ ရှေ့ မတက်တော့ဘူး။ ပရမတ်ပေါ်ကို ရောက်မလာဘူး။
ဒကာမကြီးတစ်ယောက်ကပြောတယ်၊ တပည့်တော် တရားအားထုတ်တိုင်း စိတ်ထဲမှာ စကားလုံးတွေ နာမည်တွေ ဆိုနေတယ်။ အဲဒါကြီးက နားထဲမှာ အကျယ်ကြီးကြားသလိုဖြစ်ပြီးတော့ ဆူနေတယ်တဲ့။ ဒီအသံကြီး တိတ်သွားအောင် ဘယ်လိုလုပ်ရမှန်းလည်း မသိဘူး။ တပည့်တော်က တိတ်တိတ်ဆိတ်ဆိတ်လေး တရားအားထုတ်ချင်တော့တာ၊ စိတ်ထဲမှာ ဘာနာမည်မှမတပ်ဘဲ တိတ်တိတ်ကလေး အာရုံကိုကပ်ပြီး သိနေချင်တာတဲ့။
နာမည်တပ်တာပင်ပန်းပါတယ်။ စိတ်က နာမည်တပ်ရတဲ့အပေါ်မှာ အလုပ်ရှုပ်နေတယ်။ စိတ်အလုပ်များတယ်၊ နာမည်တပ်တဲ့အချိန်မှာ ပညတ်ကို အာရုံပြုရတယ်။ ပညတ်ကိုအာရုံပြုရင် အမြဲတမ်းပစ္စုပ္ပါန်မတည့်တော့ဘူး။ အစပိုင်းမှာတော့ နာမည်တပ်တာ အကူအညီရသလိုလိုပဲ။ သို့သော် အကျင့်ပါသွားရင် တော်တော်ကို ဒုက္ခရောက်တယ်နော်။ ကိုယ့်ကိုယ်ကိုသိရတာ တိုက်ရိုက်သိတာပဲ။ ဘာလို့နာမည်တပ်ရမှာလဲ။ သူများကို ပြောပြတာမှ မဟုတ်ဘဲ။ ရိုးရိုးလေး သိနေရုံပဲ။ ပူတာကို သိနေရင် သူ့ဟာသူ ပူနေတာပဲ၊ နာမည်ခေါ်စရာမလိုဘူး။ စိတ်ကအလုပ်နှစ်ခုမလုပ်တော့ဘူး။ တစ်ခုတည်းပဲ လုပ်တော့တယ်။ တစ်ခုတည်းလုပ်ရင် အထိမိဆုံးပဲ။ မြန်မြန်လည်း တိုးတက်တယ်။
အစမှာ ခန္ဓာကိုယ်မှာရှိတဲ့ ထင်ရှားတဲ့ အာရုံတစ်ခုကနေ စရတာပဲ။ တပြိုင်နက်တည်း ခြုံသိဖို့ဆိုတာ အစမှာ မလွယ်ပါဘူး။ ဒါကြောင့် နှာသီးဝက စလို့လည်းရတယ်။ ဒါမှမဟုတ် လက်နှစ်ဖက်ထိထားတဲ့နေရာမှာ ထိတဲ့အာရုံသဘောလေး ရှိတာကို သိနေလို့လည်းရတယ်။ ထိထားတဲ့နေရာလေးမှာ အာရုံလေးတွေရှိတယ်။ တုန်ခါမှုသဘောလေးတွေ၊ သွေးကြောလေးထဲမှာ သွေးတိုးတဲ့ခံစားမှုလေးတွေ သိလို့ရတယ်။ ဒီကနေ တဖြည်းဖြည်းကြာတဲ့အခါ ပိုပြီးတော့ သိမ်မွေ့တဲ့ အပူဓါတ်လေး တငွေ့ငွေ့တရှိန်ရှိန် ဖြစ်နေတဲ့ သဘောလေးကို သိလာတယ်။ ဒီလိုသိရင်းသိရင်းကနေ သတိ သမာဓိကောင်းလာတဲ့အခါမှာ သတိဟာ တကိုယ်လုံး ပျံ့သွားတယ်။ သိတဲ့သဘောဟာ တကိုယ်လုံးမှာ ဖြစ်သမျှကို သိနေတော့တာပဲ။ ဒီကြားထဲ အတွေးလေးပေါ်လာရင် အဲဒီအတွေးလေးကို ကြည့်လိုက်တယ်၊ သိတယ်။
အတွေးကတော့ မပေါ်ဘဲမနေဘူးနော်။ အမြဲတမ်းတွေးတဲ့အကျင့်က ပါနေတာဆိုတော့ တွေးမိနေမှာပဲ။ တွေးတာကိုလည်း စိတ်မပျက်ဖို့၊ စိတ်မညစ်ဖို့လိုတယ်။ အဲဒီအတွေးတွေ ပေါ်တိုင်းပေါ်တိုင်းသာ သိနေမယ်ဆိုရင် နည်းတဲ့အကျိုးမဟုတ်ဘူးနော်။ သိတာအားကောင်းလာရင် အတွေးက တဖြည်းဖြည်းနည်းသွားတယ်။ အတွေးတွေ နှေးလာတဲ့အခါ အတွေးတွေကို ကြည့်ရတာ ပိုပြီးတော့ စိတ်ဝင်စားဖို့ကောင်းလာတယ်။ အတွေးထဲမှာ စိတ်ကူးနဲ့ ပုံဖော်မှုတွေလည်း ရှိတယ်။ သတိကောင်းလာရင် အဲဒီပုံဖော်မှုတွေလည်း မြင်ရတယ်။ စိတ်ထဲမှာ စကားပြောတာလည်း ကြားရတယ်။ အပေါ်ယံလေး ယှက်ပြီးတော့ သိရုံနဲ့တော့မရဘူး။ တွေးတဲ့အခါမှာ ဖြစ်ပေါ်နေတဲ့ဖြစ်စဉ် process ကို သေသေချာချာစိတ်ဝင်စားပြီးတော့ ကြည့်ပါ။ လောကမှာ စိတ်ဝင်စားစရာ အကောင်းဆုံးဟာ အတွေးပဲ။ အတွေးဟာ အင်မတန် နက်နဲကျယ်ပြန့်တယ်။ တစ်လောကလုံး ဒီလောက်ဆန်းပြားနေတာ အတွေးကြောင့်ပဲနော်။ ဘယ်လိုအတွေးမျိုးပဲ ဖြစ်ဖြစ် ပေါ်လာတဲ့အတွေးကို သေသေချာချာကြည့်ပါ။ အတွေးရဲ့  သဘာဝကို သိဖို့လိုတယ်။ တချို့ က သမာဓိကို အားပေးတဲ့သဘောနဲ့ အတွေးဝင်လာရင် ချက်ချင်းဖျောက်လိုက်တယ်။ အစမှာတော့ ဖျောက်ချင်ဖျောက်ပေါ့၊ သို့သော် နောက်ပိုင်းကျရင်တော့ ဒီအတွေးရဲ့သဘာဝကို သေသေချာချာမြင်အောင်ကြည့်ပါ။ သူ့ကိုသိဖို့က ပိုတောင် အရေးကြီးသေးတယ်။
အတွေးက အင်မတန်အရာကျယ်တယ်။ အမျိုးမျိုး ခြယ်လှယ်တတ်တယ်။ အမျိုးမျိုးလွှမ်းမိုးတတ်တယ်။ နောက်ဆုံးတရားအားထုတ်လို့ မကောင်းအောင် သူပဲလုပ်တယ်။ ကောင်းအောင်လဲ သူပဲလုပ်တာပဲ။ အဲဒီတော့ သူ့သဘာဝကို အရင်ဆုံးမြင်အောင်ကြည့်ဖို့လိုတယ်။ တွေးတဲ့အခါမှာ အတွေးနဲ့အတူ စိတ်ထဲမှာ ဘယ်လိုခံစားမှုတွေ ဖြစ်လာသလဲဆိုတာ သိအောင်လုပ်ပါ။ ၀မ်းသာတဲ့အတွေးဝင်လာရင် ၀မ်းသာတဲ့ခံစားမှုတွေ ဖြစ်လာတယ်။ စိတ်ထဲမှာ သောမဿနဖြစ်တယ်။ ၀မ်းမြောက်ပြီးတော့ စိတ်ကလေးက မြူးနေတယ်။ ၀မ်းသာစရာ အတွေးတွေကို တစ်လုံးချင်း တစ်လုံးချင်း မြင်အောင်ကြည့်ပါ။ တွေးတာနဲ့ စကားပြောတာနဲ့ဟာ သဘာဝချင်း သိပ်မကွာလှဘူး။ စကားပြောတာက ပါးစပ်က အသံထွက်တယ်၊ တွေးတာက ပါးစပ်က အသံမထွက်ဘူး။ ပါးစပ်ကသာ အသံမထွက်တာ၊ စိတ်ထဲမှာတော့ အသံထွက်တယ်။
စိတ်ထဲမှာ စကားပြောနေတဲ့ ကိုယ့်အသံကိုယ် ပြန်ကြားတယ်။ စိတ်ထဲမှာ ဒေါသဖြစ်နေရင် ဒေါသအသံကြီးကို အကျယ်ကြီးကြားရတယ်။ အဲဒါ သေချာနားထောင်၊ စိတ်ထဲမှာ အသံကျယ်ကြီးနဲ့ ဒေါနဲ့မောနဲ့ပြောနေတာ၊ ဟန်အမူအရာ လက်ဟန်ခြေဟန် အကုန်လုံးကို သေသေချာချာကြည့်ပါ။ ဒေါသကြောင့်ဖြစ်ပေါ်လာတဲ့ ပင်ပန်းမှု၊ မခံမရပ်နိုင်ဖြစ်မှုဆိုတဲ့သဘောတွေကိုလည်း မြင်အောင်ကြည့်ပါ။ တကယ်မြင်ရင် ရပ်သွားလိမ့်မယ်။ နောက်ထပ်ပေါ်လာရင် နောက်ထပ်မြင်အောင် ကြည့်ရုံပဲ။ စိတ်ဝင်စားနေဖို့လိုတယ်။ သိနေလို့ရှိရင် တရားအားထုတ်တာပဲ။
တချို့ကပြောတယ်၊ တပည့်တော်တို့ တရားအားထုတ်တဲ့အခါမှာ၊ ဟိုတွေးဒီတွေး အလွန်ပေါတယ်ဘုရားတဲ့။ လောဘတွေက သိပ်များတာပဲ၊ ဒီလောဘတွေကို ဖြတ်နိုင်မှ တရားအားထုတ်လို့ရမှာလို့ ပြောကြတယ်။ လောဘကို ဖြတ်နိုင်မှ တရားအားထုတ်လို့ ဖြစ်မယ်ဆိုရင်တော့ တရားအားထုတ်လို့ ဘယ်တော့မှ ဖြစ်မှာ မဟုတ်တော့ဘူး။ လောဘဟာ သူ့အလိုလို ပြတ်ဖို့ရာ အကြောင်းမရှိဘူး။ သူ့ရဲ့  သဘောသဘာဝတွေကို သိရင်း သိရင်းနဲ့ အသိဉာဏ်ရင့်ကျက်လာပြီး တဖြည်းဖြည်း သူ့ဟာသူ အားနည်းသွားတာပါပဲ။ အဲဒီတော့ သူ့ရဲ့  သဘောသဘာဝတွေကို သိဖို့က အင်မတန်အရေးကြီးပါတယ်။
လောက မှာ လောဘ ဒေါသဆိုတာတွေဟာ အရာကျယ်ဆုံး အရာတွေပဲ။ အဓိကကျတာ သူတို့နှစ်ခုပဲ။ ဖြည့်ပြောလိုက်ရမယ်ဆိုရင်တော့ မာန၊ က္ကုဿာ မစ္ဆရိယ၊ ဥဒ္ဒစ္စ ကုက္ကုစ္စ၊ ၀ိစိကိစ္ဆာ အများကြီးရှိတယ်။ သူတို့က နေရာတကာ ချယ်လှယ်နေတာပဲ။ တစ်ခုဖြစ်မနေရင် နောက်တစ်ခုဖြစ်တယ်။ လောဘဖြစ်ရင်ဖြစ် ၊ မဖြစ်ရင် ဒေါသဖြစ်တယ်။ သို့မဟုတ်ရင် မာနဖြစ်တယ်။ မဟုတ်ရင် မနာလို ၀န်တိုတဲ့စိတ်တွေဖြစ်တယ်။ ဒါမှမဟုတ်ရင် ဖြစ်ခဲ့ပြီးတဲ့ ကိစ္စတွေ ပြန်တွေးပြီးတော့ စိတ်မကောင်းဖြစ်နေတယ်။ ဒါတွေဟာ တစ်ခုမဟုတ် တစ်ခု တစ်လှည့်စီဖြစ်နေတယ်။
ဒီကိလေသာတွေဖြစ်လာတဲ့အခါ ချက်ချင်းကြီးဖျောက်ပစ်ဖို့ မကြိုးစားပါနဲ့။ သူတို့ရဲ့  သဘောသဘာဝတွေကို စိတ်ဝင်စားပြီးတော့ သေသေချာချာကြည့်ပါ။ သူတို့နဲ့အတူတူပါလာတဲ့ ဆင်းရဲတဲ့သဘော၊ ပင်ပန်းတဲ့သဘောတွေကိုလည်း တွေ့ ရလိမ့်မယ်။ ဆင်းရဲတဲ့သဘော ပင်ပန်းတဲ့သဘောတွေကို မြင်ပါများလာလို့ရှိရင် ကိလေသာတွေကို ကြာကြာလက်မခံချင်တော့ဘူး။ ဒီလိုသူတို့ကို သိပါများရင် သူတို့အဖြစ်နည်းလာလိမ့်မယ်။ ဖြစ်တဲ့အခါမှာလည်း သူတို့ရဲ့  intensity သူတို့ရဲ့  ပြင်းအားကလည်း နည်းသွားလိမ့်မယ်။ အရင်တုန်းက မသိတဲ့အခါမှာ လောဘဖြစ်စေ၊ ဒေါသဖြစ်စေ ဖြစ်လာပြီဆိုရင် နာရီပေါင်းများစွာ ကြာချင်လည်းကြာမယ်။ သတိနဲ့ဒီလိုကြည့်နေလို့ရှိရင် ဖြစ်လာတဲ့အခါ သိလိုက်လို့ရှိရင် မိနစ်ပိုင်းလောက်ပဲ ကြာမယ်။ ပြီးသွားတယ်။ သတိပိုကောင်းလာရင် စက္ကန့်ပိုင်းလောက်ပဲ ကြာမယ်။ ဒီထက်သတိပိုကောင်းလာရင် ဖြစ်မှန်းသိလိုက်တာနဲ့ မရှိတော့ဘူး။
အဲဒီတော့ လောဘ ဒေါသဖြစ်တဲ့အခါမှာ အင်မတန်ပင်ပန်းတယ်ဆိုတာ ကိုယ်တွေ့ သိအောင် ဖြစ်တိုင်း ဖြစ်တိုင်း သေသေချာချာမြင်အောင်ကြည့်ပါ။ ကိလေသာက အမျိုးမျိုးလှည့်စားတတ်တယ်နော်။ လိုချင်တာလေးရရင် ချမ်းသာမယ်။ ဖြစ်ချင်တာလေး ဖြစ်ရရင် ချမ်းသာမယ်လို့ ထင်နေတာ။ ဒီလိုထင်နေရင်တော့ မှားမယ်။ အဲဒါမိမိစိတ်က မိမိကို လှည့်စားတာပဲ။ အဲဒါ လောဘက လှည့်စားတာပဲ။ ငါလိုချင်တာ ငါဖြစ်ချင်တာတွေ အကုန်လုံးဖြစ်ရရင် စိတ်ချမ်းသာမယ်ဆိုတာ စိတ်ရဲ့  လှည့်စားမှုပါပဲ။ လောကရဲ့  သဘာဝက လိုချင်တာအကုန်လုံး ဘယ်တော့မှ ဖြစ်မှာ မဟုတ်ဘူး။ ဖြစ်ချင်တာတွေ အများကြီးထဲက နည်းနည်းပါးပါးလောက်ပဲ ဖြစ်မယ်။ ဖြစ်လာတဲ့ ကိစ္စတိုင်းကလည်း ကိုယ့်စိတ်တိုင်းကျ ဖြစ်မှာ မဟုတ်ဘူး။ စိတ်တိုင်းကျ ဖြစ်လာတောင်မှ စိတ်တိုင်းမကျဘူး။ စိတ်ရဲ့ သဘာဝကိုက ဒီတိုင်းပဲ။ မကျေနပ်ခြင်းဆိုတဲ့ သဘောဟာ စိတ်ရဲ့ သဘာဝပဲ။
စိတ်ရဲ့ သဘာဝကို ကြည့်ကြည့်ပြီးတော့ အဲဒီလို သိလာတယ်ဆိုရင်ကိုပဲ အင်မတန် အသိဉာဏ်နက်နဲတဲ့သူ ဖြစ်လာပြီ။ ဘ၀လမ်းကြောင်းဟာ နည်းနည်းပြောင်းသွားပြီ။ အရာရာကို ပိုပြီးတော့ လေးလေးနက်နက် စဉ်းစားပြီးတော့ လုပ်တော့မှာ။ လောဘ ဒေါသအကြောင်းကို သိတယ်ဆိုရင်ပဲ ဉာဏ်ပညာတော်တော်ရှိတဲ့ ပုဂ္ဂိုလ်၊ ဉာဏ်ပညာ အင်မတန်ရင့်ကျက်တဲ့ပုဂ္ဂိုလ်ဖြစ်သွားပြီ။ သာမန်လူတွေမှာ ဘာဖြစ်လို့ မရင့်ကျက်သလဲဆိုတော့ လောဘ ဒေါသတို့ရဲ့  လွှမ်းမိုးမှုကို ခံနေရလို့ပဲ။ ဒီကိလေသာတွေကို နည်းနည်းသိတယ်ဆိုရင်ပဲ သူတို့ရဲ. လွှမ်းမိုးမှုကနေ သက်သာရာရပြီ။ သူတို့လုံးဝ အပြီးတိုင် ချုပ်ငြိမ်းမသွားသေးတောင်မှ သူတို့ရဲ့  လွှမ်းမိုးမှုက အများကြီးနည်းသွားပြီ။
ဒီတော့ သိလိုက်တယ်ဆိုရင်ဘဲ တစ်နာရီလောက်ဖြစ်ရမယ့် လောဘ၊ ဒေါသ၊ မာန၊ က္ကုဿာ မစ္ဆရိယရဲ့ ပူလောင်မှုဟာ လေးငါးစက္ကန့်လောက်နှင့် ပြေသွားတယ်။ အဲဒါဆိုရင် ဘယ်လောက်သက်သာနေပြီလဲ။ ရာခိုင်နှုန်းနှင့်ပြောမယ်ဆိုရင် ၉၉ရာခိုင်နှုန်းလောက်သက်သာနေတယ်နော်။
လောဘကြောင့် စိတ်ပင်ပန်းတယ်၊ ဒေါသကြောင့် စိတ်ပင်ပန်းတယ်။ မာနကြောင့် စိတ်ပင်ပန်းတယ်၊ ကိုယ့်ထက် သူများက သာသွားပြီ၊ ကိုယ်ရမယ့် အခွင့်အရေးကို ကိုယ်က မရဘဲနဲ့ သူများက ရသွားပြီ၊ အဲဒါတွေ တွေးတွေးပြီးတော့ အိပ်မပျော်တော့ဘူး။ အင်မတန်စိတ်ဆင်းရဲရတယ်။ မာနဖြစ်နေရင်လည်း ပြိုင်ချင်တယ်၊ ယှဉ်ချင်တယ်။ သားသမီးချင်းလည်း ပြိုင်လိုက်တာပဲ။ လင်မယားချင်းလည်း ပြိုင်လိုက်တာပဲ။ ငါ့ယောကျာ်းက ဘယ်လိုတော်တာ၊ ငါ့မိန်းမက ဘယ်လိုတော်တာ၊ ငါ့သားသမီးက ဘယ်လိုတော်တာ၊ နောက်ဆုံးရောဂါချင်းတောင် ပြိုင်လိုက်သေးတယ်။ ငါ့ရောဂါက မြန်မာပြည်ကဆေးနဲ့ မပျောက်ဘူး၊ ငါ့ရောဂါက အဆင့်အတန်း သိပ်မြင့်တယ်။ ဂျာမနီက လာတဲ့ ဆေးနဲ့မှရတာ။ ငါ့ရောဂါက တော်ရုံတန်ရုံဆရာဝန်နဲ့ ပြလို့မရဘူး။ ဘယ်နိုင်ငံကလာတဲ့ ပါရဂူကို ပြမှဖြစ်မှာ။ အဲဒီလို တွေးပြီးတော့ ပြိုင်ချင် ကြွားချင်တဲ့ သဘောတွေက ဖြစ်တတ်တယ်။ တော်ရုံတန်ရုံ ဆရာဝန်နဲ့ ပျောက်သွားရင်ကိုပဲ သိပ်မကြိုက်ချင်ဘူး။ စိတ်ရဲ့ သဘာဝဟာ ဒီလိုပါပဲနော်။ တခါတလေ တော်တော်ရယ်စရာကောင်းတယ်။ တရားအားထုတ်ရင်တောင်မှ ရိပ်သာချင်းပြိုင်ချင်တယ်။ တော်တော်ကို ပြိုင်ချင်တဲ့စိတ်ပဲ၊ အင်မတန်ဆန်းကြယ်တယ်နော်။
မာနကို အဓိပ္ပါယ်ပြန်တဲ့နေရာမှ တချို့  ကထောင်လွှားခြင်းလို့ အဓိပ္ပါယ်ပြန်တယ်။ ထောင်လွှားခြင်း သက်သက်မဟုတ်ပါဘူး၊ သူနဲ့ငါနဲ့ဆိုတဲ့ ယှဉ်တဲ့သဘော၊ ပြိုင်တဲ့သဘောကလည်း မာနပါပဲ။ သူတို့က ငါ့ထက်သာသွားပြီ။ ငါတို့ကတော့ နိမ့်ကျတယ်ဆိုတာတွေဟာ မာနတွေပဲ။ ဘယ်လိုနည်းနဲ့ပဲဖြစ်ဖြစ် မိမိနဲ့သူတစ်ပါးနဲ့ဖြစ်ဖြစ်၊ မိမိပစ္စည်းနဲ့ သူတစ်ပါးပစ္စည်းဖြစ်ဖြစ် မိမိနဲ့ပက်သက်နေတာတစ်ခုခုနဲ့ သူတစ်ပါးနဲ့ ပက်သက်နေတာ တစ်ခုခုဖြစ်ဖြစ် တစ်နည်းနည်းနဲ့ နှိုင်းယှဉ်လိုက်တာဟာ မာနပဲ။ compare လုပ်တာ မာနပဲ။ တကယ်အသိဉာဏ်ရင့်ကျက်သွားတဲ့ ပုဂ္ဂိုလ်ဟာ compare မလုပ်တော့ဘူး။ သူလုပ်နိုင်တာလုပ်ပြီးတော့ သူ့ဟာသူ အေးအေးဆေးဆေးနေသွားတာပဲ။ ဘယ်သူက ဘာဖြစ်တယ်ဆိုတာ သူ့စိတ်ထဲမှာ မရှိတော့ဘူး။ compare လုပ်တာ နှိုင်းယှဉ်တာ အင်မတန် ပင်ပန်းပါတယ်။ ကိုယ့်စိတ်ထဲမှာ သတိထားကြည့်စမ်းပါ။ တစ်နေ့တစ်နေ့ ဘယ်လောက် compare လုပ်နေလဲဆိုတာ၊ ဒါတွေကို မြင်အောင်ကြည့်စမ်းပါနော်။ ကိုယ့်ကို နှိပ်စက်နေတာ သူများမဟုတ်ဘူး။ ကိုယ့်စိတ်ပဲ။ အဲဒါကို သေသေချာချာလေးလေးနက်နက် သဘောပေါက်ဖို့လိုတယ်။
စားစရာမရှိလို့ စိတ်ဆင်းရဲတယ်ဆိုရင် နားလည်နိုင်ပါတယ်။ ၀တ်စရာမရှိလို့ စိတ်ဆင်းရဲတယ်ဆိုရင်လည်း နားလည်နိုင်ပါတယ်။ နေစရာမရှိလို့ သူ့မှာ စိတ်ဆင်းရဲခြင်းဖြစ်နေတယ်ဆိုရင်လည်း နားလည်နိုင်ပါသေးတယ်။ သို့သော် လူတော်တော်များများမှာ စားစရာလည်း ရှိပါတယ်။ နေစရာကောင်းကောင်းမွန်မွန်လည်း ရှိပါတယ်။ ၀တ်စရာတွေလည်း အများကြီးရှိပါတယ်။ ဒါပေမယ့် စိတ်မချမ်းသာဘူး။ ငါ့မှာစားစရာလည်းရှိတယ်၊ ၀တ်စရာလည်းရှိတယ်၊ နေစရာလည်းရှိတယ်။ ငါဘာလို့ စိတ်ဆင်းရဲနေတာလဲ။ ဘယ်သူကနှိပ်စက်နေတာလဲ။ ကိုယ့်စိတ်က ကိုယ့်ကို နှိပ်စက်နေတာပါ။ အဲဒီတော့ စိတ်ချမ်းသာချင်ရင် စိတ်အကြောင်းကို သိမှဖြစ်မယ်။ လောလောဆယ် နှိပ်စက်နေတာကြီး မပျောက်ခင်မှာ နှိပ်စက်နေမှန်း အသေးစိတ်သိဖို့လိုတယ်။ ဘယ်လောက်ထိအောင် အသေးစိတ် နှိပ်စက်နေလဲဆိုတာ သိဖို့လိုတယ်။ စိတ်ဝင်စားမှုရှိဖို့လိုတယ်။
ဒါကြောင့် ခဏခဏ Quote လုပ်တာလေးတစ်ခုရှိတယ်။ When you understand mind, you are not at its mercy. တဲ့။ စိတ်ကိုသိလို့ရှိရင် စိတ်ရဲ့ လွှမ်းမိုးမှု နှိပ်စက်မှု ခြယ်လှယ်မှုကို မခံရတော့ဘူး။ စိတ်ကိုမသိလို့ရှိရင် သူနှိပ်စက်သမျှ လွှမ်းမိုးသမျှ ခြယ်လှယ်သမျှ ဧကန်မုချ ခံရမှာပဲ။ သေသည်ထိအောင် နှိပ်စက်မှာ။
အဲဒီတော့ သေခါနီး နောက်ဆုံးအချိန်အထိအောင် မနှိပ်စက်အောင်ဆိုရင် သူ့သဘာဝကို သေသေချာချာသိဖို့ အင်မတန် အရေးကြီးပါတယ်။ အဲဒီတော့ နေတတ်ရင် စိတ်ချမ်းသာမယ်။ စိတ်ထားတတ်ရင် စိတ်ချမ်းသာမယ်။ အသိဉာဏ်နဲ့ နေတတ်ရင် အများကြီး သက်သာရာရမယ်။
လူတွေဟာ စိတ်ချမ်းသာမလားဆိုပြီး အမျိုးမျိုး ရှာကြံလုပ်ကြတယ်။ ဘယ်ဟာမှ တကယ်နက်နက်နဲနဲ အတွင်းကျကျ စိတ်ချမ်းသာမှု မပေးနိုင်ဘူး။ ဘယ်ဟာရရ ခဏလေးပဲ စိတ်ချမ်းသာတယ်။ အဆင်မပြေမှုဟာ တစ်ခုပြီး တစ်ခုပေါ်နေမှာပဲ။ အဆင်မပြေမှုဆိုတာ လောကရဲ့  သဘာဝပဲ။ လောကကြီးဟာ ဘယ်တော့မှ perfect မဖြစ်နိုင်ဘူး။ ဒီလိုဖြစ်နေတဲ့ သဘာဝတွေကို ဉာဏ်နဲ့ယှဉ်ပြီးတော့ နေသွားရင် အသိဉာဏ် တဖြည်းဖြည်းနဲ့ ရင့်ကျက်လာပြီးတော့ စိတ်က ဖြစ်သမျှ ကိစ္စတွေပေါ်မှာ လိုက်ပြီးတော့ တုန့်ပြန်မှု react မလုပ်တော့ဘူး။ မြင်ရုံမျှ၊ ကြားရုံမျှ၊ သိရုံမျှလေးပဲ နေသွားလို့ရတယ်။ စိတ်က မတုန့်ပြန်ရင် အများကြီးသက်သာပါတယ်။ ဘာဖြစ်လို့ စိတ်ဆင်းရဲနေတာလဲဆိုတာ သိဖို့လိုတယ်။ စိတ်က တုန့်ပြန်နေလို့ ဆင်းရဲနေတာပါ။
ဒါကြောင့် စိတ်က တုန့်ပြန်နေတာ react လုပ်နေတာတွေကို လိုက်ကြည့်ဖို့ သိဖို့လိုတယ်။ သိလာလို့ရှိရင် react လုပ်တာ နည်းနည်းသွားတယ်။ စိတ်အကြောင်း အပြည့်အစုံသိသွားပြီဆိုရင် စိတ်က မတုန့်ပြန်တော့ဘူး။ မတုန့်ပြန်တော့ရင် လုပ်သမျှ ကိစ္စတိုင်းက reaction မဟုတ်တော့ပဲနဲ. ဉာဏ်နဲ့ သိပြီးလုပ်တဲ့ Wholesome Action၊ ဉာဏ်နဲ့သိပြီး လုပ်တဲ့ ကုသိုလ်စိတ်ဖြစ်တယ်။ အချိန်ပြည့်လောဘနဲ့ react လုပ်တယ်၊ ဒေါသနဲ့ React လုပ်တယ်၊ မာနနဲ့ React လုပ်တယ်၊ မနာလို ၀န်တိုမှုနဲ့ React လုပ်တယ်။ တုံ့ပြန်နေကြတာနော်။
သတိနဲ့မနေတတ်ရင်တော့ မြင်လိုက်တာနဲ့ Automatic reaction ဖြစ်ပြီးနေပြီ။ ကြားလိုက်တာနဲ့ Automatic reaction ဖြစ်ပြီးနေပြီ။ တစ်ခုခုသိလိုက်တာနဲ့ အလိုအလျောက် စိတ်က တုန့်ပြန်ပြီးနေပြီ။ အဲဒီတော့ အလိုအလျောက် automatic စိတ်က တုံ့ပြန်လိုက်လို့ရှိရင် များသောအားဖြင့်တော့ Unwholesome Reaction ဖြစ်နေပြီနော်။ အကုသိုလ်နဲ့ တုံ့ပြန်တာဖြစ်နေပြီ။ ဒီလိုဖြစ်နေရင် စိတ်က ရှုပ်ထွေးတယ်။ ဘ၀ရှုပ်ထွေးတယ်။ အကုသိုလ်ဆိုတာ ဘ၀ကို သိပ်ရှုပ်ထွေးစေတယ်။ စိတ်ချမ်းသာဖို့ဆိုတာ သိပ်မျှော်လင့်လို့မဖြစ်တော့ဘူး။ ဒီလိုဖြစ်နေတာကိုပဲ ဖြစ်နေမှန်းသိနေရင် အဲဒီလို အလိုအလျောက် တုံ့ပြန်နေတဲ့ သဘောတွေ automatic reaction တွေ နည်းသွားတယ်။ ဖြစ်လာရင် ချက်ချင်းသိတယ်၊ ချက်ချင်းပျောက်သွားတယ်။ ဒီထက်ကြာလို့ရှိရင် ဖြစ်ကိုမဖြစ်တော့ဘူး။
သိပြီးတော့ လုပ်လိုက်တဲ့အလုပ်တစ်ခုဟာ Wholesome Action ဖြစ်သွားတယ်။ ကုသိုလ်ဖြစ်သွားတယ်။ သတိနဲ့အတူ ပါလာတဲ့ ဉာဏ်ပညာ wisdom က ဘ၀ကိုရှင်းလင်းပေးသွားတယ်။ ဘ၀ဟာအများကြီး simple ဖြစ်လာတယ်။ ရိုးရှင်းလာတယ်။ စိတ်ရှုပ်ထွေးရင် ဘ၀ရှုပ်ထွေးတယ်။ စိတ်ရှင်းရင် ဘ၀လည်းရှင်းသွားတာပါပဲ။ ဘ၀ဆိုတာ စိတ်ရဲ့  Reflection ၊ စိတ်ရဲ့ ရောင်ပြန်ဟပ်မှုပါပဲ။ အဲဒီတော့ ရှုပ်နေတာကို အရင်သိဖို့လိုတယ်။ ရှုပ်နေတာကို သေသေချာချာသိသွားရင် တဖြည်းဖြည်း တဖြည်းဖြည်း ရှင်းရှင်းသွားတယ်။ automatic reaction မလုပ်တော့ဘူး။ အဲဒီ automatic reaction ကြောင့် ရှုပ်နေတာ။ mindful wholesome action က မရှုပ်ဘူး။ ဉာဏ်နဲ့သိပြီးတော့ သေသေချာချာလုပ်တဲ့အလုပ်က ဘ၀ကို မရှုပ်ထွေးစေဘူး။
(မြန်မာ့ရိုးရာ နှစ်သစ်ကူး သင်္ကြန်အတွင်း ကိလေသာတော မှ အမောတကော ထွက်ခွာ၍ တရားရိပ်သာတွင်တရားအားထုတ်ကြသော ဓမ္မမိတ်ဆွေသူတော်ကောင်းများသို့..)
ဆရာတော်ဦးဇောတိက (ဝေဒနာနုပဿနာ တရားတော်မှ ကောက်နုတ်ပူဇော်ပါသည်)
ချမ်းသာပါစေ၊အေးငြိမ်းပါစေ၊
သံသရာဝဋ်ဆင်းရဲမှ..လွတ်မြောက်ကြပါစေ။
ဘ၀တုသဗ္ဗမင်္ဂလံ
သင့်
ကလျာဏ မိတ္တ