ထို ကာလအတွင်း မီးလောင်မှုများမှာ မီးဖိုမီး ၂၅၅ ကြိမ်၊ ပေါ့ဆမီး ၃၀၀ ကြိမ်၊ အလိုအလျောက်မီး ၂၁ ကြိ်မ်၊ လျှပ်စစ်မီး ၁၂၇ ကြိမ်၊ မသမာသူရှို့မီး ၁၁၉ ကြိမ်၊ တောမီး ၁၀၅ ကြိမ်၊ မိုးကြိုးပစ် ၂ ကြိမ် ဖြစ်ပွားခဲ့၍ အိမ်ခြေအဆောက်အဦ ၃,၇၇၃ လုံး၊ စက်ရုံ၊ အလုပ်ရုံ၊ ဂိုဒေါင် ၃၈ လုံး၊ သေဆုံးသူ လူဦးရေ ၄၃ ဦး၊ ဒဏ်ရာရရှိသူ ၆၆ ဦး၊ မီးဘေးဒုက္ခသည် ၁၂,၁၄၂ ဦးနှင့် တိရိစ္ဆာန် ဆုံးရှုံးမှု ၂,၅၀၂ ကောင် ရှိခဲ့သည်။
“မြန်မာနိုင်ငံမှာ နှစ်စဉ်ကြုံတွေ့ရတဲ့ မီးလောင်မှုတွေကို ပြန်လည် ဆန်းစစ်ကြည့်တဲ့အခါ သတိမပြု၊ ဂရုမစိုက်မိတဲ့ ပေါ့ဆမီး ဟာ ၆၅ ရာခိုင်နှုန်းကျော် ရှိတယ်” ဟု ၆၇ နှစ်မြောက် မီးသတ်တပ်ဖွဲ့ နေ့တွင် ပြည်ထဲရေးဝန်ကြီး ဒုတိယ ဗိုလ်ချုပ်ကြီး ကိုကို က မှတ်ချက်ပြု ပြောဆိုသွားသည်။
လေးလ အတွင်း မီးလောင်မှု ကြိမ်ရေ အများဆုံး ဖြစ်ခဲ့သည့် မန္တလေးတိုင်းတွင် ၁၃၅ ကြိမ် လောင်ကျွမ်း၍ ကျပ် ၁,၀၃၆ ဒဿမ ၇၅ သန်းဖိုး ဆုံးရှုံးခဲ့ရသည်။
ဒုတိယမြောက် ကြိမ်ရေ အများဆုံးလောင်ကျွမ်းမှု ဖြစ်ခဲ့သည့် ရန်ကုန်တိုင်းတွင် ၁၀၅ ကြိမ် လောင်ကျွမ်း၍ ကျပ် ၁၉၇ ဒဿမ ၀၄ သန်းဖိုး ဆုံးရှုံးခဲ့ရသည်။
“မီးလောင်မှုတွေ အများအားဖြင့်က လျှပ်စစ်နဲ့ ပတ်သက်တဲ့ မီးလောင်မှုတွေ ဖြစ်တယ်။ မီးသတ်တပ်ဖွဲ့တွေက တအိမ်တက်ဆင်း စစ်ဆေးတာတွေ ဆော်သြတာတွေ လုပ်နေတဲ့ကြားက ပေါ့ဆမှု တွေရှိနေတုန်းပဲ၊ မီးမမှန်တာ တွေ၊ မီးပြတ်တဲ့အချိန်မှာ မီးကို ပြန်မပိတ်တာကနေ မီးလောင်မှု ဖြစ်တယ်။ အရည်အသွေး မပြည့်မီတဲ့ ဝါယာကြိုးတွေ၊ လျှပ်စစ် ပစ္စည်းကိရိယာတွေ သုံးလို့ မီးလောင်မှု ဖြစ်တာ များတယ်” ဟု ရန်ကုန်တိုင်း မီးသတ် ဦးစီးမှူး ဦးကြည်ဝင်း က ပြောသည်။
ကြိမ်ရေ အနည်းဆုံး ဖြစ်ခဲ့သည့် ကယားပြည်နယ်တွင် ၂ ကြိမ် လောင်ကျွမ်း၍ ကျပ် ၂ ဒဿမ ၇၈ သန်းဖိုး ဆုံးရှုံးခဲ့ရသည်။
နေပြည်တော်တွင် ၉၂ ကြိမ် လောင်ကျွမ်း၍ ကျပ် ၂၄ ဒဿမ ၃၇ သန်းဖိုး ဆုံးရှုံးခဲ့ရသည်။
ကျန် ပြည်နယ်နှင့်တိုင်းများအလိုက် လေးလတာအတွင်း မီးလောင်ကျွမ်းမှု ကြိမ်ရေနှင့် ဆုံးရှုံးရမှု တန်ဖိုးမှာ ကချင်ပြည်နယ်တွင် ၃၆ ကြိမ် ကျပ် ၃၅ ဒဿမ ၆၄ သန်းဖိုး၊ ကရင်ပြည်နယ်တွင် ၁၆ ကြိ်မ် ကျပ် ၁၈ ဒဿမ ၁၃ သန်းဖိုး၊ ချင်းပြည်နယ်တွင် ၁၂ ကြိမ် ကျပ် ၁၅၇ ဒဿမ ၉၇ သန်းဖိုး၊ စစ်ကိုင်းတိုင်းတွင် ၉၂ ကြိမ် ကျပ် ၂၅၀ ဒဿမ ၈၈ သန်းဖိုး၊ တနင်္သာရီတိုင်းတွင် ၂၉ ကြိမ် ကျပ် ၆၂ ဒဿမ ၂၇ သန်းဖိုး၊ ပဲခူးတိုင်းတွင် ၈၃ ကြိမ် ကျပ် ၁၉၂ ဒဿမ ၆၂ သန်းဖိုး၊ မကွေးတိုင်းတွင် ၈၆ ကြိမ် ကျပ် ၂၇ ဒဿမ ၉၃ သန်းဖိုး၊ မွန်ပြည်နယ်တွင် ၃၆ ကြိမ် ကျပ် ၆၇၂ ဒဿမ ၄၈ သန်းဖိုး၊ ရခိုင်ပြည်နယ်တွင် ၆၄ ကြိမ် ကျပ် ၃၄ ဒဿမ ၅၃ သန်းဖိုး၊ ရှမ်းပြည်နယ်တွင် ၇၈ ကြိမ် ကျပ် ၆၂ ဒဿမ ၈၃ သန်းဖိုးနှင့် ဧရာဝတီတိုင်းတွင် ၆၃ ကြိမ် ကျပ် ၂၄ ဒဿမ ၄၇ သန်းဖိုး ဆုံးရှုံးခဲ့ရကြောင်း သိရှိရသည်။
ယခင်နှစ်က အလားတူ လေးလ ကာလနှင့် နှိုင်းယှဉ်ပါက မီးလောင်မှု ကြိမ်ရေ ပိုမို များပြားလာခဲ့သော်လည်း ဆုံးရှုံးမှု တန်ဖိုးမှာ ထက်ဝက် လျော့နည်းခဲ့သည်။ ၂၀၁၂ ခုနှစ်၊ ဇန်နဝါရီလမှ ဧပြီလအတွင်း မီးလောင်မှု ၅၆၆ ကြိမ် ဖြစ်ပွားခဲ့ပြီး ဆုံးရှုံးမှုတန်ဖိုး ကျပ်သန်းပေါင်း ၅,၄၇၂ ကျော် ဖြစ်ခဲ့ရသည်။
နန်းမြင့် | ရန်ကုန် (မဇ္ဈိမ)
Mizzima - News in Burmese
 |
No comments:
Post a Comment