လျှိဝှက်ဥယျာဉ်

Search This Blog

Loading...

အဖွဲ့ဝင်မယ်..Followers

သတင်း


<<<< ကြိုဆိုပါတယ် ပျော်ရွှင်သောနေ့လေးဖြစ်ပါစေ >>>>

Thursday, 19 September 2013

ကလေးမှစ လူကြီးအဆုံး ယာဘသုံးစွဲ၍ တောင်ယာစိုက်ပျိုး


သျှမ်းပြည်မြောက်ပိုင်း နမ္မတူမြို့နယ်ဆိုင်းခေါင်ကျေးရွာအုပ်စု၌ အသက်၁၀နှစ်ကျော်ကလေးအရွယ်မှစ၍ ယာဘသုံးစွဲကာတောင်ယာစိုက်ပျိုးလုပ်ကိုင်နေကြကြောင်းဒေသတွင်းသတင်းအရသိရှိရပါသည်။

“ယာဘကလူကိုတက်ကြွလန်းဆန်းစေတယ်၊အားရှိစေတယ်ဆိုတော့အရွယ်စုံယာဘသုံးပြီး အလုပ်လုပ်ကြတယ်။ကျောင်းမတက်နိုင်ဘဲတောင်ယာတွေမှာအလုပ်လုပ်နေတဲ့ကလေးတွေလည်း ယာဘသုံးကြတယ်။၁၀နှစ်ကျော်လေးတွေ။အမျိုးသမီးအချို့လည်းသုံးကြတယ်” ဟုနမ္မတူဒေသခံခေတ်ပညာတတ်လူငယ်စိုင်းလောဝ်ကပြောပါသည်။

ဆိုင်းခေါင်ကျေးရွာအုပ်စုမှရွာသူရွာသားများကဖာဆွမ်ကျေးရွာအုပ်စုအနီးရှိတောင်ယာတို့၌ သွားရောက်လုပ်ကိုင်ကြကြောင်း၊ယခင်ကဆိုင်းခေါင်ကျေးရွာအုပ်စုအိတ်ဖတ်ရွာ၊ ပါမော်ခန်ရွာနှင့်ပန်လော့ရွာတို့၌ယာဘမရှိကြောင်း၊ယခုယာဘဆေးပြားများကိုရပ်ရွာအတွင်း ပေါများစွာလာရောက်ရောင်းချကြကြောင်းဆို၏။

“လင်ယောကျာ်းကယာဘသုံးပြီးသောင်းကျန်းနေတယ်ဆိုပြီးလာဖမ်းပေးဖို့ဇနီးသည်ကကျနော်တို့ဆီ လာတိုင်တဲ့အဖြစ်တွေလည်းရှိတယ်” ဟုရပ်ရွာတွင်းမူးယစ်ဆေးဝါးတိုက်ဖျက်ရေးအဖွဲ့ဝင်တစ်ဦးကပြောပါသည်။

မူးယစ်ဆေးဝါး(အဓိကယာဘ) အလွန်ပေါများသည့်အတွက်သျှမ်းပြည်တပ်မတော် SSPP/SSA ထံမူးယစ်ဆေးဝါးတိုက်ဖျက်ပေးရန်အကူအညီတောင်းခံဖူးကြောင်း၊ SSPP/SSA ကအဆိုပါနယ်မြေအတွင်းမြန်မာစစ်တပ်ကအမြဲတမ်းသွားလာလှုပ်ရှားနေသည့်အတွက်မူးယစ်ဆေးဝါး လာရောက်တိုက်ဖျက်ရန်အခက်အခဲရှိသည်ဟုပြန်လည်အကြောင်းကြားလာကြောင်းဆိုပါသည်။
နမ္မတူမြို့နယ်ဆိုင်းခေါင်ကျေးရွာအုပ်စုနှင့်ဖာဆွမ်ကျေးရွာအုပ်စုအတွင်းပလောင်လူမျိုး အများဆုံးနေထိုင်ကာပဲပုပ်၊ပြောင်းဖူးစသည်တောင်ယာလုပ်ငန်းများလုပ်ကိုင်ကြသည်။ 

No comments:

နောက်ဆုံးတင်ပြီသမျှ..ဆက်ဖတ်ရန်...အောက်သို့