လျှိဝှက်ဥယျာဉ်

Search This Blog

Loading...

အဖွဲ့ဝင်မယ်..Followers

သတင်း


<<<< ကြိုဆိုပါတယ် ပျော်ရွှင်သောနေ့လေးဖြစ်ပါစေ >>>>

Friday, 20 September 2013

ကျောင်းနေကလေးများတွင် ကော်ရှူနှုန်းမြင့်တက်

 ရန်ကုန်၊ စက်တင်ဘာ ၁၉

မူးယစ်ဆေးစွဲမှု ရာခိုင်နှုန်း မြင့်မားစေသော ကော်ရှူခြင်း ဓလေ့သည် လေလွင့် ကလေးသူငယ်များသာမက အခြေခံပညာ ကျောင်းများမှ ကလေးသူငယ်တို့တွင်လည်း အပေါင်းအသင်း၊ မိတ်ဆွေများကြောင့် ကော်ရှူသည့်ဓလေ့ တိုးလာကြောင်း မူးယစ်ဆေးစွဲသူများ ပြန်လည် ထူထောင်ရေးအသင်း (မြန်မာ) မှ ကြီးကြပ်ရေးမှူး ဦးမြင့်အေး (ရူပဗေဒ) က ပြောကြားသည်။

ကျောင်းနေအရွယ် ကလေးသူငယ်များ ကော်ရှူနှုန်း မြင့်မားခြင်းသည် မိတ်ဆွေ၊ အပေါင်းအသင်းများမှ အဆင့်ဆင့် ပြန့်ပွားခဲ့ခြင်းဖြစ်ပြီး ရှူသည့် ကော်အမျိုးအစားများတွင် သစ်သားကပ်ကော်၊ ကျွတ်ဖာသောကော်များ ပါဝင်ကြောင်း၊ ယင်းကော် အမျိုးအစားများသည် အချိန်ကြာကြာ ရှူရှိုက်မိပါက မူးယစ်ဆေးဝါးစွဲသည့် အဆင့်သို့ ရောက်ရှိသွားနိုင်ကြောင်း ပြည်ထဲရေးဝန်ကြီးဌာန ရန်ကုန်တိုင်းဒေသကြီး (အရှေ့ပိုင်းခရိုင်) က ရဲအုပ် ဦးစန်းဦးက ပြောကြားသည်။

“အပြင်ပတ်ဝန်းကျင်မှာတော့ မပြောတတ်ဘူး။ ကျောင်းမှာတော့ ကလေးအားလုံးကလဲ ဆရာ၊ ဆရာမ အုပ်ထိန်းမှု အောက်မှာပဲ ရှိနေတော့ အဲဒီလိုအလေ့အထတွေ မတွေ့ရဘူး” ဟု ရန်ကုန်မြို့က မူလတန်းလွန် ကျောင်းအုပ်တစ်ဦးက The Voice သို့ ပြောဆိုသည်။

ကော်ရှူသည့် လေ့လွင့် ကလေးသူငယ်များ တွေ့ရှိပါက ရန်ကုန်မြို့တော် စည်ပင်သာယာရေး ကော်မတီက လူမှုဝန်ထမ်း ဦးစီးဌာနသို့ ပို့ဆောင်ပေးကြောင်း၊ ယင်းအပြင် ကော်ရှူသည့် ကလေးများ၏ မိဘအုပ်ထိန်းသူ ကိုယ်တိုင် လူမှုဝန်ထမ်းဦးစီးဌာနသို့ ဆက်သွယ်မှုများ ရှိကြောင်း ရန်ကုန်တိုင်းဒေသကြီး အစိုးရအဖွဲ့ ပြောရေးဆိုခွင့် ရှိသူတစ်ဦးက ပြောကြားသည်။

လက်ရှိလူမှုဝန်ထမ်းဦးစီးတွင် လက်ခံထားသော ကော်ရှုကလေးသူငယ် ၁၂၅ ဦးရှိပြီး ရန်ကုန်မြို့တော် စည်ပင်သာယာရေး ကော်မတီက လူမှုဝန်ထမ်း ဦးစီးဌာနသို့ တစ်ကြိမ်ပို့လျှင် လူဦးရေ ၃၀ ဦးမှ ၄၀ ဦးထိ ရှိကြောင်း လူမှုဝန်ထမ်း ဦးစီးဌာနမှ ညွှန်ကြားရေးမှူးက ဆိုသည်။

မြန်မာနိုင်ငံ တစ်ဝန်းတွင် မူးယစ်ဆေး ဖြတ်ပြီးသည့် သူများကို ပြန်လည် ထူထောင်ရေး ပြုလုပ်ပေးနေသည့် သင်တန်းကျောင်း ၁၀ ကျောင်းရှိပြီး၊ လူမှုဝန်ထမ်းဦးစီးဌာနက ကြီးကြပ်သော စခန်းခုနစ်ခုနှင့် မူးယစ်ဗဟိုအဖွဲ့က ကြီးကြပ်သော စခန်းသုံးခု ရှိကြောင်း မူးယစ်ဆေးစွဲသူများ ပြန်လည် ထူထောင်ရေးအသင်း (မြန်မာ) ထံမှ စုံစမ်းသိရှိရသည်။

No comments:

နောက်ဆုံးတင်ပြီသမျှ..ဆက်ဖတ်ရန်...အောက်သို့