ပဲခူးတိုင်းဒေသကြီး၊ပဲခူးမြို့၊ အင်းတကော်ရဲစခန်းအပိုင်၊အမှတ်(၄)ရပ်ကွက် တွင် (၇.၁၀.၂၀၁၃)နေ့ နံနက်(၁၁း၀၀)အချိန်ခန့်က လင်မယား နှစ်ယောက် စကားများရန်ဖြစ်ရာ ဇနီးမှယောက်ျားအား ကြက်သွန်လှီးဓါးဖြင့် ထိုးသတ်မှုတစ်ခုဖြစ်ပွားခဲ့သည်။ဖြစ်စဉ်မှာဦးစိုးကြည်၊အသက်(၄၀)နှစ်၊ (ဘ)ဦးလှမောင်၊ အမှတ်(၄)ရပ်ကွက်၊ အင်းတကော် ကျေးရွာနေသူနှင့် ဇနီးဖြစ်သူ မကြည်ကြည်မြင့်၊အသက်(၃၉)နှစ်၊(ဘ)ဦးသန်းမြင့်၊တို့ နေအိမ်မီးဖိုချောင်တွင် နှမ်းဖတ်ချဉ်သုတ်ရန်ကြက်သွန်လှီး နေစဉ်စကားများကြရာ ဒေါသစိတ်မထိမ်းနိုင်ဘဲ မကြည်ကြည်မြင့်မှ ခင်ပွန်းဖြစ်သူ ဦးစိုးကြည်အား ကော်ရိုးတပ်အရိုးအသွား (၉)လက်မခန့်ရှိ ကြက်သွန်လှီးဓါးနှင့်ထိုးလိုက်ရာ ဦးစိုးကြည်မှာဝဲဘက်ရင်အုံနှင့် ၀ဲဘက်လက်မောင်းတို့တွင် စူးဝင်ဒဏ်ရာများဖြင့်သဆုံးသွားခဲ့သည်။
သေဆုံးသူ ဦးစိုးကြည်၏အကိုဖြစ်သူ ဦးစိန်မောင်မှ တရားလိုပြုလုပ်၍ အင်းတကော်ရဲစခန်းသို့ အမှုဖွင့်တိုင်ကြားရာ အင်းတကော် ရဲစခန်းစခန်းမှူး ရဲအုပ်ကျော်ထင်ဦးမှ(ပ)၂၀၇/၂၀၁၃ ပြစ်မှုဆိုင်ရာဥပဒေပုဒ်မ ၃၀၂အရ အမှုဖွင့်ပြီးတရားခံအား ဖမ်းဆီးအရေးယူ ထားကြောင်းသတင်းရရှိသည်။
No comments:
Post a Comment