ယခုလက်ရှိ PTT ၏ ယာဉ်လက်မှတ်စီးနင်းခ ဈေးနှုန်းများမှာ ရိုးရိုး ငါးထောင့်ငါးရာကျပ်နှင့် အထူး ရှစ်ထောင်ကျပ်အသီးသီးဖြစ်ပါတယ်။ နေ့ခင်းနှင့် ည အချိန်နှစ်မျိုး ပြေးဆွဲပေးပါသည်။ ၁၈.၀၂.၂၀၁၃ ရန်ကုန်မှ မော်လမြိုင်သို့ နေ့ခင်းပိုင်း ပြေးဆွဲခဲ့သော ဓါတ်ပုံပါ အမြန်ယာဉ်ဟာ ရန်ကုန်မော်လမြိုင် အဝေးပြေးလမ်းပေါ်ရှိ သထုံမြို့ အနီးတွင် ၁၀ဘီးကျောက်ကား တစ်စီးအား ဘရိတ် မမိပဲ ကားဦးခေါင်းဖြင့် ၀င်ရောက်တိုက်မိသဖြင့် ကားအရှေ့ မှန်ကြီးကွဲကာ မော်လမြိုင်သို့ ည၇နာရီတွင်ဝင်ရောက်ရမည့်အစား ၂နာရီတိတိနောက်ကျပြီးမှ ည၉နာရီခွဲအချိန်တွင် ခရီးစဉ်ဆိုက်ရောက်ခဲ့ပါတယ်။
ပုံမှန်အားဖြင့် ရန်ကုန်မှမော်လမြိုင်သို့ နေ့ခင်းထွက်လာတဲ့ကားသည် ညနေတွင်ခရီးသည်များအားပြန်လည်တင်ဆောင်ကာ မော်လမြိုင်မှ ရန်ကုန်သို့ပြန်လည် ထွက်ခွါပါတယ်။ ယခုကဲ့သို့ ညနေကမှ ကျောက်တင် ၁၀ဘီးကားကို ၀င်တိုက်ပြီး ရှေ့မှန်ကြီးကွဲကာ ပြန်ရောက်လာတဲ့ PTT အထူး ကားဟာ ကား အစားထိုး ပြီးပြန်လည်ထွက်ခွါရမည့်အစား ယင်း တိုက်ကား(ရှေ့မှန်လုံးဝမပါတော့) သောကားဖြင့်ပင် ပုံမှန်အချိန်ထက် ၁နာရီနီးပါး နောက်ကျပြီးမှ မော်လမြိုင်မှရန်ကုန်သို့ ခရီးစဉ်ပြန်လည်ထွက်ခွါခဲ့ပါတယ်။
ယခုကဲ့သို့ မိမိ၏ အကျိုးအမြတ်ကို ရှေ့တန်းတင်ကာ ခရီးသည်များ၏ လုံခြုံရေး၊ ကျန်းမာရေး ကို လုံးဝမငဲ့ကွက်ပဲ ၀ိသမ လောဘဖြင့် စီးပွါးရှာကာ ကြီးပွါးလျှက်ရှိသော ပစ်တိုင်းထောင်(PTT/ရွှေမြိုင်သား) ရန်ကုန်-မော်လမြိုင် ယာဉ်လိုင်းပိုင်ရှင် ဦးပြုံး၏ အကြောင်းအား မြန်မာပြည်သူပြည်သားများ သိရှိ ရှောင်ရှားနိုင်ရန် သတင်းပေးတင်ဆက်လိုက်ရပါတယ်။
ခရီးသည် တဦး
No comments:
Post a Comment