Search This Blog

အဖွဲ့ဝင်မယ်..Followers

သတင်း


<<<< ကြိုဆိုပါတယ် ပျော်ရွှင်သောနေ့လေးဖြစ်ပါစေ >>>>

Wednesday 2 October 2013

မြန်မာတွေဟာ အာဏာရဖို့အတွက် အမြဲတမ်းရန်ဖြစ်ကြတယ်

 ပြည်ထောင်စုဝန်ကြီး ဦးစိုးသိန်းနှင့် တွေ့ဆုံခြင်း 

အစိုးရသက်တမ်းတစ်ဝက်ကျော် ကာလကို ရောက်လာတဲ့အချိန်မှာ ဝန်ကြီးတို့အနေနဲ့ ဘာတွေ လုပ်ခဲ့နိုင်ခဲ့ပြီလဲခင်ဗျ။

နိုင်ငံရေးအရဆိုရင် ဒေါ်အောင်ဆန်းစုကြည်ပါတီအပါအဝင် ပါတီတွေ အားလုံးနဲ့ ပို၍နားလည်အောင် တွေ့ဆုံ လို့ရအောင် လုပ်ခဲ့တာပေါ့။ နောက်ပြီး လွှတ်တော် ထဲထိေ ရာက်အောင် လုပ်နိုင် ခဲ့တယ်။ ဒါတွေအပြင် နိုင်ငံတကာ နယ်ပယ်မှာ မြန်မာအစိုးရကို ယခင်က ထက်စာရင် တင့်တောင့်တင့် တယ် ဆောင် ရွက်ရတာပေါ့။ ထို့အတူ ပဲမီဒီယာ တွေ ထို့အတူပဲ ဆန္ဒပြခွင့်တွေ၊ ထို့ အတူပဲ အသင်းအဖွဲ့ ဖွဲ့စည်းခွင့်တွေ စလုပ်ပေးခဲ့တာပေါ့ဗျာ။ တချို့တော့ လည်း ထင်သလောက် ခရီးမပေါက် သေး ဘူး။ စီးပွားရေးပိုင်းကျတော့ ကျွန် တော်တို့က Frame work  ဆွဲရတယ်။ Socio Economic Development Frame Wark ဆွဲရတယ်။ ဒါမှစီးပွားရေး ဖွံ့ဖြိုးတိုးတက် မယ်။ ပြီးခဲ့တဲ့နှစ်ကစပြီး တော့ တချို့လည်း Private Sector  တွေဖွင့်ပေး၊ ရင်းနှီးမြှုပ်နှံမှု ဥပဒေကို အသစ်တွေရေးဆွဲပြီးတော့ ဒါတွေ လုပ် ခဲ့ရတာပေါ့။ ဆက်သွယ်ရေး ပိုင်း ဆိုင်ရာ ဆိုလည်း အင်တာနေရှင်နယ် တင်ဒါ စနစ်ကို စနိုင်ခဲ့တယ်။ စဖွင့်တဲ့အထိ တစ်နှစ်ခွဲလောက်ကြာတယ်။ ဒါပေမဲ့ ခု မရတော့ဘူး။ နိုင်ငံတကာ တင်ဒါ ခေါ် မယ်။ နိုင် ငံတကာက တင်ဒါကျွမ်း ကျင်သူတွေရွေးမယ်။ ဒီလိုလမ်းကြောင်း တည့်နိုင်ခဲ့တယ်။ ဒီလိုပဲ ရင်းနှီးမြှုပ်နှံမှု အပိုင်း ဒီလိုပဲ တင်ဒါအပိုင်း ဒါတွေလည်း မှန်ကန်တ ည်ငြိမ်တဲ့ လမ်းကြောင်း ပြောင်းပေးနိုင်ခဲ့တယ်။

အရင်ကဝန်ကြီး ဌာနအချို့တွေဆိုရင် ပေးချင်သလို ပေးတာတွေ ရှိတယ်။ ဥပမာ ဆီဒိုနားဘေးက ဗိယက်နမ်ဟိုတယ်မြေကွက်ဆိုရင် တစ်ဧက ဒေါ်လာ ငါးသိန်းနဲ့ ပေးခဲ့ တယ်။ ဒါကို တစ်ဧက သုံးသန်း ထိရအောင် တောင်းနိုင်ခဲ့တယ်။ ဒါ ဥပမာတစ်ခုပဲ။ ပြည်ပခရီးသွားတွေ လာတဲ့အခါ ရန်ကုန်လေဆိပ်ကို ဝင်လို့ ထွက်လို့လွယ်တဲ့ဗီဇာတို့ အဲဒီလိုတွေ ပြီးခဲ့တဲ့ နှစ်နှစ်က အဓိက ဆောင်ရွက် ခဲ့တယ်။ ပြီးခဲ့တဲ့ နှစ်နှစ်တာကာလမှာ အခြေခံ အုတ်မြစ်တွေ တည်ဆောက်ရ တာများတယ်။ မြင်သာ ထင်သာဆို ရင် နိုင်ငံရေးဘက်က မြင်သာ၊ ထင်သာ ပိုများတယ်။ စီးပွားရေးဘက်က ပြုပြင်ပြောင်းလဲဖို့ အချိန် နည်းနည်းယူရမယ်။ သို့သော်လည်း ယခင်ကထက် စာ ရင် စီးပွားရေး ဘက်ကလည်း ပွင့်လင်း မြင်သာလာတယ်။ ကျွန်တော်တို့ မှားရင် လည်း ပြောနိုင်တယ်။ ဆွေးနွေးနိုင်တယ်၊ ဝေဖန်နိုင်တယ်၊ ထောက်ပြနိုင်တယ်၊ ဒါတွေ ကတော်ေ တာ် ပြောင်းလဲလာ တယ်။ ဝန်ထမ်းတွေပိုင်း ဘက်ကျတော့  အချိန်ယူရတယ်။ ကျွန်တော်တို့အပါအဝင် ပါဘဲ။ ပုဂ္ဂလိကအခန်းကဏ္ဍကလည်း လိုတယ်။ ဒါတွေ ပြုပြင် ရတယ်။ အချိန် ယူရတာပေါ့။ နိုင်ငံတကာက အကြွေးတွေ လျှော့ပေးလာတယ်။ နိုင်ငံတကာ ကလည်း လက်ခံလာနေတယ်။ ကျွန် တော်တို့ အစိုးရကို ယုံကြည်လာေ တာ့ ချေးပေးမယ်၊ ကူညီပေးမယ် ဒါမျိုးတွေ ဖြစ်လာတော့တာပေါ့။ စီးပွားရေးပြုပြင် ပြောင်းလဲတာက  မွေးခါစကို ရေကန် ထဲချပြီး ၁၆ နှစ်သား မဖြစ်ဘူး။ သူအ ချိန်နည်း နည်းယူရတယ်။ တော်တော် ယူရတယ်။ အလွှာတိုင်းလည်း နားလည် အောင် ယူရတယ်။

အစိုးရသစ် တက်ပြီးစအချိန်မှာ အပြောင်းအလဲဆိုတဲ့ ကြွေးကြော်သံဟာ တော်တော့်ကို ကျယ်လောင်ခဲ့တယ်။ လူတွေကလည်း အပြောင်းအလဲ အပေါ် မျှော်လင့်ခဲ့ကြ တယ်။ ယခုအခါမှာတော့ ပြည်သူတွေကြားထဲမှာ အပြောင်းအလဲ ဆိုတဲ့အသံဟာ မှိန်ကျသွားပြီး ဘာမှ မထူးဘူးဆိုတဲ့ အသံက ပိုကျယ်လောင် လာတယ်ခင်ဗျ။ ဒီအပေါ် မှာ ဝန်ကြီးအနေနဲ့ ဘာများ ပြောလိုပါသလဲ။

အောက်ခြေအထိ ရောက်ဖို့ကလည်း အချိန်ယူရတယ်။ သို့သော်လည်းပဲ တချို့နေရာတွေမှာ ထိရောက်ပါ တယ်။ မြန်မာနိုင်ငံရဲ့ လိုအပ်ချက်က မီးမရ ရေမရတာကျတော့ ဒီ မီးမရ ရေမရတဲ့အခါ လုပ်ရတဲ့အဲဒါကျတော့ အလုပ်တစ်ခု၊ အထူးသဖြင့် ရန်ကုန်လို ဟာမျိုးကို လုပ်ရတဲ့အခြေအနေကိုတော့ အဆင်ပြေအောင် ဖန်တီးဖို့ စဉ်းစားရ တယ်။ အကောင်အထည်ဖော်ဖို့ထက် ဒါပေမဲ့ ထင်သလောက်အကောင်အထည် ဖော်ရတာ အဆင်မပြေဘူး။ ဥပမာ တံတားကြီးတွေ ဆောက်တယ်။ တစ်နှစ် လောက်ကြာ တယ်။ အခု တံတားကြီး တွေ ဆောက်နေတယ်။ အဲဒါတွေပြီးမှ သွားရေးလာရေး အဆင်ပြေမယ်။ ဒီလိုပဲ ပြည်သူကလည်း သူ့ကို ထိရောက် ဖို့ နှစ်ပေါင်း ၆ဝ လောက် သူတို့နဲ့ အံချော်တယ်ပေါ့။ အဲဒီလို မြင်ရတာ တွေက ချက်ချင်းတော့ ခက်သား။ တော် တော်ခက်တယ်လို့ ထင်တယ်။ ဒါပေမဲ့ ကျွန်တော်ထင်တယ်။ အောက်တော့ မကျဘူး ဗျ။ တက်တော့ တက်တယ်။ နည်းနည်းချင်းစီ တက်တယ်။ ဦးတည် ရာလမ်းကြောင်းက အောက်ကိုသွားတဲ့ လမ်းကြောင်းမဟုတ်ဘူး။ အပေါ်ကို သွားတဲ့လမ်းေ ကြာင်း၊ အခုသမ္မတကြီး ကလည်း ပြောတယ်။ ပြည်သူလိုအပ် တာပဲ လုပ်ပေး။ ပြည်သူက ဒါမှထိ ရောက်မယ်။ အဲဒီလိုပဲသွားကြမယ်လို့ မှာထားပြီးပြီ။

နောက်တစ်ခု၊ ဆင်းရဲနွမ်းပါးမှု လျှော့ချရေးပေါ့ဗျာ။ အစိုးရရဲ့လုပ်ဆောင် ချက်တွေကိုတော့ ကျွန်တော်တို့လည်း တွေ့ရပါတယ်။ ဒါပေမဲ့ ယနေ့တိုင် ပြည်သူအများစုဟာ အရင်တုန်းကနဲ့ မခြား ကျပ်တည်းမြဲဆိုတာလည်း တွေ့ နေရပါတယ်။ ဆင်းရဲမှုဟာ ကြီးလွန်းလို့ ဆင်းရဲနွမ်းပါးမှု လျှော့ချရေး အစီအစဉ် က ချက်ချင်းထိရောက်မှုမရှိတဲ့ သဘော များလား။

ထိရောက်မှုက နည်းနည်းလေးတော့ ရှိတယ်။ ကျွန်တော် မြို့ပေါင်း ၃၃ဝ ကို ရောက်တော့ မေးကြည့်တယ်။ မတိုးတက်ဘူးဆိုတာတော့ မရှိဘူး။ နည်းနည်းလေးတော့ တိုးတက်တယ်။ မတိုးတက် ဘူးလို့ ပြောတဲ့သူ ရှားတယ်။ ဒီတော့ ဆင်းရဲနွမ်းပါးမှုနဲ့ ပတ်သက် ပြီးတော့ ကျွန်တော်တို့ ဌာနတစ်ခုတောင် ထပ်ဖွဲ့ပေးတော့မယ်ဆိုတော့ ဒီ အခြေ အနေကနောက်တစ်နှစ်၊ နှစ်နှစ်လောက် မှာ ထိရောက်မယ်လို့ ထင်တယ်။ နောက် ၆ လနဲ့ တစ်နှစ်ကြာရင်တော့ သူတို့ရဲ့ဘဝလေးတွေက နည်းနည်းလေး တိုးတက်လာလိမ့်မယ်လို့တော့ ကျွန်တော်ထင်တယ်။

အစိုးရအဖွဲ့မှာ ဝန်ကြီးအပြောင်းအလဲတွေကို မကြာခဏ တွေ့နေရပါတယ်။ အစိုးရအဖွဲ့က တည်ငြိမ်မှုမရှိတဲ့သဘောလား။ အဲဒါဟာ ဘာကြောင့်ပါလဲ ခင်ဗျ။

ဒါက ဒီမိုကရေစီအစိုးရလက်ထက် နိုင်ငံတွေမှာ ဒီလိုဘဲလေ။ ကျွန်တော် တို့နဲ့ ခပ်ဝေးဝေးနေတော့ မကြည့်ဖြစ် တာပါ။ ယင်လပ်ရဲ့ ထိုင်းအစိုးရဟာ အကုန်လုံး အများကြီးေ တာ့ တစ်ကျော့၊ တစ်ကျော့ပြောင်းတာဘဲ။ ဒါက ဘာနဲ့ သွားတူလည်းဆိုတော့ အရင်တုန်းက ကျွန်တော်တို့က အရိုးစွဲနေတာ၊ တပ်မ တော်အစိုးရမှာ ဝန်ကြီး တစ် ပါး ပြောင်း တယ်ဆိုရင် ထူးထူးဆန်းဆန်း ဖြစ်နေတယ်။ အခု ဒီမိုကရေစီအစိုးရဆိုတော့ ဥပမာ ပြောရရင် ဘောလုံးကန်တဲ့မန်ယူအသင်း လိုဘဲ ဒီနေ့ ရွန်းနီ က ခြေ မပေါ်ဘူးဆိုရင် အတွဲလဲရတယ်။ လူလဲရတယ်။ နေရာ လဲရတယ်။ ဒါက ဒီမိုကရေစီအစိုးရ တွေရဲ့ လုပ်ရိုးလုပ်စဉ်ပဲ။ မြန်မာနိုင်ငံ အဖို့တော့ ထူးဆန်းတယ်။ ကျွန်ေ တာ် တစ်ခါပြောဖူးတယ်။ ဦးအောင်မင်း ကိစ္စနဲ့ပတ်သက်လို့ ဦးအောင်မင်း ထွက် တယ်ဆိုတော့ ကျွန်တော် ဘာမှမပြော ဘူး။ ဒါ ဒီမိုကရေစီ အစိုးရသဘောပဲ။ သမ္မတ ကြီးရဲ့ ချမှတ်လိုက်တဲ့မူဝါဒသည် ကျွန်တော်တစ်ဦးတည်းနဲ့ ဆန့်ကျင်နေ ရင် ကျွန်တော် ဒီမူဝါဒကို သဘောမတူ လို့ ကျွန်တော် ထွက်ပါရစေ ဒီသဘော ဘဲ။ သမ္မတကြီးက ဝန်ကြီးတွေကို  အ ကောင်အထည်ဖော်မှု လုပ်ငန်း လုပ် ခိုင်းတာ နှေးနေတယ်ဆိုရင် သမ္မတကြီး က အဲဒီပုဂ္ဂိုလ်ကို ထွက်ပါ။ ဒီလိုမျိုးပဲ။ ပြည်သူလူထုနဲ့ လွှတ်တော်ကြီးက ဒီ ပုဂ္ဂိုလ်ကို စည်းမျဉ်းစည်းကမ်းနဲ့ မညီ ရင်လည်း ထွက်ခိုင်းနိုင်တယ်။ ဒီတော့ ထွက်နည်းတွေအများကြီးဘဲ ဒီမိုကရေစီ အစိုးရမှာ ဒီအတိုင်းပဲလေ။

ဟိုဝန်ကြီးဌာနရောက်၊ ဒီဝန်ကြီး ဟိုဌာနရောက်ဆိုတော့ ငါတို့ဝန်ကြီးတွေဟာ စွယ်စုံကို တတ်နေပါလားလို့ ပြည်သူတွေကြားမှာပြောနေကြတယ်ဗျ။ ပြည်သူတွေ ရဲ့အသံကို
ဝန်ကြီးရောကြားမိပါသလား။ ဒီအပေါ်မှာ ဘာများပြောလိုပါသလဲ။

ဝန်ကြီးက ဒီ subject  ကိုကိုင်တာ မဟုတ်ဘူး။ သူက နိုင်ငံရေးသမားပဲ။ စီမံခန့်ခွဲတတ်တာရယ်၊ နိုင်ငံရေးရယ် သူကပေါ်လစီမိတ်ကာပဲ။ တချို့ကျ တော့ ဒီမိုကရေစီ မရင့်သန်သေးတော့ ပြောကြတာပေါ့။ ဒီမိုကရေစီ ရင့်သန်ရင် ပါတီတွေကလည်း သူ့အမျိုးကို ဝန်ကြီး တစ်နေရာပေးလိုက်တာပဲ။ ဝန်ကြီးက ကျွမ်းကျင်သူ မဟုတ်ဘူး။ တတ်တဲ့လူတွေ ရှိတယ်။ အဓိက ဝန်ကြီးက တတ်တာ နိုင်ငံရေးပဲ။ ဒါကို ကျွန်တော်တို့အရိုးစွဲ ဖို့ မလိုဘူး။ သဘောက သူက နိုင်ငံ ချစ် တဲ့စိတ်နဲ့ ပေါ်လစီအရ လုပ်ရတာ။ တ ကယ်လုပ်တာက အမြဲတမ်း အတွင်းဝန် က ဝန်ကြီးဌာနကို ကွပ်ကဲတာ။ အိန္ဒိယ တို့၊ အမေရိကားတို့ ကြည့်။ တချို့က ဒီဝန်ကြီးက ဒါနဲ့သက်ဆိုင်တဲ့သူ မဟုတ် ဘူး။ ဒေါက်တာမှ ကျန်းမာရေးဝန်ကြီး ဖြစ်ရမယ် မဟုတ်ဘူး။ ကာကွယ်ရေး ဝန်ကြီးဌာနဆိုရင်လည်း နိုင်ငံတကာမှာ စစ်သားတွေမှ မဟုတ်တာ။

ဒီနေ့ ဌာနဆိုင်ရာတွေဟာ ထူးမခြားနား ပတ်ပျိုးကိုပဲဆက်တီး နေတုန်းပဲဗျာ။ ဒါဟာ သက်ဆိုင်ရာဌာနရဲ့ အကြီးအကဲတွေရဲ့ မကျွမ်းကျင်မှုလို့ ပြောလို့ မရဘူးလား။

အရင်တုန်းကတော့ဗျာ။ စပ်ကူး မတ်ကူးဆိုတော့  Mind Set တွေက မပြင်ရသေးဘူး။ ဒီမိုကရေစီဆိုလည်း သူတို့လည်း မမြင်ဖူးဘူး။ ကျွန်တော် လည်း မမြင်ဖူးဘူး။ စာထဲဖတ်ပြီး လုပ် နေတာ။ ဘာလို့လဲဆိုတော့ ကျွန်တော် တို့ ငယ်ငယ်ကတည်းက ဒီမိုကရေစီ ဆိတ်သုဉ်းသွားတာကို။ ပါလီမန်အစိုးရ မဟုတ်ဘူး။ သူတို့ မပြောင်းသေး တာ လည်း အဆန်းမဟုတ်ဘူး။ သူတို့ တွေး တတ်ကြတာက သူတို့ကို သူတို့လုပ် ပိုင်ခွင့်ရှိတဲ့လူလို့ဘဲ မှတ်နေတာ၊ အဲဒါ ဘယ်လိုလုပ်မလဲ။ ဒါပေမဲ့ ဒါလေးတွေ က အချိန် ယူ ရတယ်လေ။ ကျွန်တော် ပြောချင်တာ နှစ် ၆ဝ လောက်က ဖြစ် ပျက်နေတာတွေကို ဝုန်းဆိုပြီး ချက်ချင်း ကို အမေရိကန်၊ အိန္ဒိယ အစိုးရလို မဖြစ်နိုင်ဘူး။ ဒါပေမဲ့ သွားတဲ့လမ်းကြောင်း ကြည့်ရင်တော့ ဒီလို သွားနေတယ်။ ဒါဟာ ကျွန်တော်တို့ လက်ခံရမယ်။ ကျွန်တော့်ကို ပြောဖူးပါတယ်။ အမေရိကန်ကတော့ ဦးစိုးသိန်း ခင်ဗျား အခက်အခဲကြီးကို ခင်ဗျားသိလား  ဒီလို ပြောဖူးတယ်။ ဒီမိုကရေစီဆိုတာနဲ့ ခင်ဗျားလူထုက လှမ်းမြင်လိုက်တာမှာ အမေရိကန်နိုင်ငံကို လှမ်းမြင်လိုက်တာ။ ကျွန်တော်တို့အစိုးရနဲ့ပြည်သူမှာ ဖြည့်တင်း နိုင်တဲ့ စွမ်းရည်လိုသေးတယ်လို့ ပြော တယ်။ ပိုက်ဆံလည်း မရှိဘူး။ Human Resource လည်းမရှိဘူး။ ရေမီးမှာ လည်း မရှိဘူး။ လျှပ်စစ်မှာလည်း မရှိဘူး။ မော်တော်ကား၊ လမ်းလည်း ကောင်းကောင်း မရှိဘူး။ မဟုတ်ဘူးလား။ ဒါပေမဲ့ လူတွေက အရမ်းမျှော်လင့်တာ ပဲ။ အမေရိကန်နိုင်ငံလို ကျွန်တော်တို့ ဖြစ်ရမယ်။ အဲဒီခြားနားချက်ကြီးက သိပ်ကြီးတာပဲ။ အဲဒီပြဿနာ ကြီးတယ် လို့ ကျွန်တော့်ကို ပြောတယ်။ အဲဒီ ပြဿနာကို ကျဉ်းအောင်လုပ်၊ လူထုကို လည်း သိပ်မျှော်လင့်ချက် မပေးနဲ့လို့ လည်း ပြောထားတယ်။ ကျွန်တော်တို့ ဘက်ကလည်း ကြိုးစားမယ်။ ပြည်သူ ဘက်ကလည်း ကြိုးစားမယ်။ ဒီလို သွားရမယ်။

ပြည်ပရင်းနှီးမြှုပ်နှံမှုတွေဟာ အခုပဲလာတော့မလိုလို၊ အလုပ်အကိုင် အခွင့်အလမ်းတွေ၊ လုပ်ခလစာတွေ တိုးလာတော့မလိုလိုနဲ့ ဒီနေ့အထိတော့ ထူးထူးခြားခြား မြင်ရ တာမျိုးတွေ မတွေ့ ရသေးဘူး။ ဘာကြောင့်လဲ။ ဘယ်တော့လဲ။ ပြည်ပရင်းနှီးမြှုပ်နှံမှုတွေ အလုံးအရင်းနဲ့ ဘယ်တော့လောက် ဝင်လာနိုင်မယ်ထင်လဲ။

ပြည်ပ ရင်းနှီးမြှုပ်နှံမှုတွေကတော့ လာနေပါတယ်။ တစ်သန်း နှစ်သန်း တန်တွေကတော့ လာနေတာပေါ့။   ပိုက် ဆံများတော့ သူတို့က ဥပဒေတွေ တည် ငြိမ်ရဲ့ လား။ နိုင် ငံရေး အချင်းချင်းရော ရန်ဖြစ်နေကြလား။ ပြီးတော့ အာဏာ သိမ်းသွားဦးမလား။ ဒါကတော့ သူတို့ လည်း ချိန်ရတော့ မလာသေးတာပါ။  ပြောပြမယ် မနှစ်က ထက် လူတစ်သိန်း နီးပါးတောင် အလုပ်အကိုင်အခွင့်အလမ်း တွေရတယ်။ ကျွန်တော်ပြောချင်တာ လူသန်း ၆ဝ ထဲမှာ လူ ၁ သိန်း အလုပ် ရတော့ မတတ်သာသေးဘူးပေါ့။ မင်္ဂလာဒုံလေဆိပ် သွားကြည့်တော့ လေဆိပ်မှာ လေယာဉ်ပျံတွေ ပြည့်နေတယ်။ ရပ်စရာ မရှိဘူး။ လေကြောင်းလိုင်း Service တွေမှာ ရလာတယ်။ Taxi  မောင်း သမားေ တွ အလုပ်ရလာတယ်။ ဒါပေမဲ့ မြန်မာပြည်အကြီးကြီး နဲ့စာရင် တိုးတက်မှုက နည်းနည်းလေးပဲ ရှိသေးတယ်။ အဲဒီလိုပဲ ဟိုတယ်ကိုလာ တည်းတဲ့ သူတွေ က နှစ်သန်းေ လာက် ဖြစ်လာပြီ။ သူတို့တွေက အလုပ်တွေ ရလာတယ်။ ဒါပေမဲ့ သိသိသာသာတော့ မပြောင်းသေးဘူး။ တိုးတော့ တိုးတက် တယ်။ ဒါပေမဲ့ သိသိသာသာ မဟုတ် သေး ဘူး။ ကိုယ်လည်း လုပ်ချင်တာရယ်။ ကျွန်တော်တို့လည်းလုပ်ချင်တာ အရမ်း။ ဒါပေမဲ့ ခါးကမသန်သေးဘူး။ Samsung  ကဖုန်းလုပ်မယ်။ ကျွန်တော်တို့က လျှပ်စစ်မီးအား မပေးနိုင်သေးဘူး။ ကားစက်ရုံ တွေလာမယ်ဆိုရင်လည်း ဒီလိုမျိုးပဲ။

အပြောင်းအလဲဆိုတဲ့ အသံဟာ လက်တွေ့ဘဝထဲကို မရောက်လာခဲ့ဖူး ဆိုရင် နောက်တစ်ဆက်အစိုးရ ဆိုတာ အိပ်မက်ဖြစ်သွားမယ် ထင်တယ်။ ၂ဝ၁၅ အပေါ်ရော၊ ဘယ်လို မျှော်လင့်ထားသလဲ။

နှစ်ပေါင်း ၆ဝ အခြားစနစ်ကနေ  ဒီမိုကရေစီ အစိုးရ ၂ နှစ်ခွဲ၊ ဒီဘက် နှစ် ၆ဝ အထိ ရှိတာကနေ ဒီဘက် နှစ်နှစ်ခွဲ အထိမှာ ကျွန်တော်တို့ဘာလုပ်နိုင်မလဲ။ ဖောင်ဒေးရှင်းပဲ လုပ်နိုင်မှာ။ အမှတ်ရ စရာမရှိဘူး။ ဒီငါးနှစ်အတွင်းမှာ ဒါပေမဲ့ ဒီဖောင်ဒေး ရှင်းကို အခြေခံပြီး ဒုတိယ ဒီမိုကရေစီ အစိုးရက အပေါ်ကတက်ရုံ ပဲလေကွာ။ သူက ပေါက်တူးေ ပါက်ပြီး အုတ်ခဲစီစရာ အကြောင်းမရှိတော့ဘူး။ ဒါသဘာဝပဲ။ တတိယဒီမိုကရေစီ အစိုးရပိုကောင်း သွားမယ်။ ဒီမိုကရေစီ ချစ်မြတ်နိုးရင် ပေါ့ကွာ။ အခြားပုဂ္ဂိုလ် ရေးအရ ဆိုရင်တော့ ကျွန်တော်လည်း မသိဘူး။ တို့ကိုယ်တိုင်က လက်ခံပါတယ်။ ပထမလူက အမှတ်ရစရာ မရှိဘူး။ ဘာကြောင့်လဲ သူက ဖောင်ဒေးရှင်းပဲ။ တို့ကလည်း တို့အလုပ် တို့လုပ်နေတာ ပဲ။ သမ္မတကြီးကလည်း နောက်မျိုးဆက် တွေအတွက် ဒီမိုကရေစီလမ်းကြောင်း ကို ချပေးခဲ့တာဘဲ။ ၂ဝ၁၅ ကတော့   ပြည်သူက လက်ရှိ အစိုးရကို မှတ်ကျောက် တင်တဲ့အပေါ်ရယ်၊ ပြည်သူရဲ့ နားလည် မှုတွေ ပိုများလာတဲ့အပေါ်မှာ မူတည် မှာပေါ့။ ကျွန်တော့်ဘက်က တစ်ခုပြော ရရင် မြန်မာနိုင်ငံရဲ့ သမိုင်းကြောင်းကို တစ်ခုပြောချင် တယ်။ ၁၉၅၈၊ ၅၆၊ ၅၇ မင်းတို့ ပြန်ဖတ်ကြည့်။ မြန်မာတွေဟာ အာဏာရဖို့အတွက်အမြဲတန်း ရန်ဖြစ်တယ်။ ၂ဝ၁၅ ကျရင် ဒီထက်ပြင်းထန်တဲ့ ကိုယ် ရေး ကိုယ်တာတိုက်ခိုက်မှုတွေ၊ ကိုယ်ရေး ကိုယ်တာ အပုပ်ချမှုတွေ အောက်တန်း စားနိုင်ငံရေးတွေ အဲဒါနဲ့တိုင်းပြည် မငြိမ် မသက် ဖြစ်နိုင်တယ်။ အဲဒါ သတိပြုရမယ်။ အများကြီးသတိပြုရမယ်။ ဒီမိုကရေစီချစ်သူတိုင်းသတိထားဖို့လိုတယ်။

ဝန်ကြီးတို့ ဦးဆောင်လုပ်နေတဲ့ ပြည်တွင်းငြိမ်းချမ်းရေးဟာ အတိုင်းအတာတစ်ခုအထိတော့ ရောက်နေပါပြီ။ ထာဝရ ငြိမ်းချမ်းရေးကို ရောက်ဖို့ဆိုရင် တိုင်းရင်းသားတွေ တစ်သံတည်း တောင်း ဆိုနေကြတဲ့ ဖက်ဒရယ်နဲ့ အခြေခံဥပဒေ ပြင်ဆင်ရေးဟာ ဝန်ကြီးတို့အတွက် အဓိက စိန်ခေါ်မှုဖြစ်မယ်ထင်တယ်။ ဖက်ဒရယ်နဲ့ အခြေခံဥပဒေပြင် ဆင်လိုတဲ့ တိုင်းရင်းသား အဖွဲ့တွေရဲ့အမြင်အပေါ် ဝန်ကြီးဘာများ ပြောချင်ပါသလဲ။

ကျွန်တော်နဲ့ တိုင်းရင်းသားအဖွဲ့ တွေ တော်တော်တော့ တရင်းတနှီး တွေ့နေပြီ။ ဖက်ဒရယ် ကျွမ်းကျင်တဲ့ ဒေါက်တာအင်ထရွန်း ကျွန်တော့်ဆီမှာ ရှိတယ်။ အခုတော့ ခရီးသွားနေတယ်။ သူ့ပြောဆိုချက်အရ လက်ရှိဖွဲ့စည်းပုံမှာ ဖက်ဒရယ်ရဲ့ အနှစ်သာရလေးတွေပါတယ်။ ကြီးတာနဲ့ သေးတာ။ နည်းတာနဲ့ များတာပဲရှိတယ်။ အဲဒါကြောင့် ပူစရာ မရှိဘူး။ အရင်ဆွဲထားတဲ့သူတွေကိုက ဖက်ဒရယ်သဘောလေးပါအောင် ဆွဲ ထားပြီးသား။ သူ့ကိုလိုချင်တဲ့အကြောင်း အရာတွေကို ငြိမ်းချမ်းရေးဖော်ေ ဆာင် နေ တဲ့လူတွေက ဒါတွေ အမြဲတမ်း ဆွေး နွေးနေကြရင် ပါသွားပြီ။ သူတို့ဒေသ သူတို့ အုပ်ချုပ်ရအောင် သူတို့ဒေသ ယဉ်ကျေးမှုတွေ သူတို့ တည်ဆောက် ရအောင် အားလုံး ပါနေပြီ။ ထို့အတူပဲ တစ်နိုင်ငံလုံးမှာထွက်နေတဲ့ သယံဇာတ တွေ ရေပေါ်ရေအောက် သစ်တောတွေ ရော၊ သတ္တုတွေရော အဲဒါတွေအားလုံးကို EITI  ဆိုတဲ့ ထင် သာမြင်သာရှိအောင် လုပ်တဲ့လမ်းကြောင်းကို သွားနေတဲ့အ တွက်ကြောင့် တိုင်းရင်းသားတွေအားလုံး က ထွက်သမျှသယံဇာတကို သင့်တော် တဲ့ အချိုးနဲ့ ခံစားကြပြီးေ တာ့ ပျော်ပျော် ရွှင်ရွှင်နဲ့ ဖက်ဒရယ်စနစ်ကိုသွားဖို့အတွက် မျှော်လင့်ထားပြီးဖြစ်တဲ့အတွက် ပြဿ နာ မရှိဘူး။ သူတို့ ပြောနေတဲ့ ငြိမ်းချမ်း ရေး လက်မှတ်ထိုးပြီးရင် နိုင်ငံရေး စကားဝိုင်းကို သွားမယ်။ တိုင်းရင်းသား တွေနဲ့ ညှိနှိုင်းပြီးတော့ အကောင်းဆုံး အဖြေဟာမကြာဘူး ထွက်လာမယ်။ ဒီထွက်လာတဲ့အထဲမှာ တိုင်းရင်းသား တွေ အကုန်လုံး သဘောတူ ထားတဲ့စနစ် ထွက်လာမယ်။ ဒါပေမဲ့သူတို့မှာ လုပ်နိုင် တဲ့စွမ်းရည်ပဲလိုတယ်။ ယခုပြည်ထောင် စုအစိုးရနဲ့ ပြည်နယ် တိုင်းဒေသကြီး အစိုးရနဲ့ လုပ်ငန်းဆောင် တာတွေ ခွဲဝေ ပြီးတော့ လုပ်ကိုင်ရမယ့်အခါမှာ အချို့ ပြည်နယ်တိုင်းအစိုးရမှာ လုပ်နိုင်တဲ့ စွမ်းရည် မရှိဘူး။ တိုင်းရင်းသားတွေ အကုန်လုံးက ညီအစ်ကိုတွေပဲ။ တို့ရဲ့ အတွေးအမြင်တွေ ပြောင်းသွားတဲ့အခါ မှာ ကချင် အရင်ကလည်း ညီအစ်ကို တွေဘဲ။ ပြောင်းသွားပြီ အရင်တုန်းက သူစိမ်းရန်သူပေါ့။ ပြောင်းသွားတာနဲ့ အမျှ ရင်းနှီးသွား မှာပဲ။

အခုတလောဝန်ကြီးနဲ့ ပတ်သက်ပြီး ရေးသားဖော်ပြမှုက ဆက်တိုက်ရှိလာနေ ပြီ။ ဒါကိုရော ဘာပြောချင်ပါသလဲ။

ကျွန်တော့်မှာ ဝန်ကြီးဖြစ်ဖို့လည်း စိတ်လည်း မရှိဘူး။ ဘာစိတ်မှမရှိဘူး။ တိုင်းပြည်ကောင်းဖို့။ ကျွန်တော် အလုပ် ထွက်သွားဆိုလည်း ထွက်သွားမယ်။ တိုင်းပြည်ကောင်း ဖို့ပဲ ကူညီနေတာ။ ဒါ ဒီသမ္မတကြီးကို လေးစားရိုသေလွန်းလို့ ကူညီနေတာ။ ဘာရာထူးမှမက်လို့ မဟုတ်ဘူး။ လာမယ့် ၂ဝ၁၅၊ ၁၆ မှာ လည်း ဝင်လည်း မရွေးဘူး။ လူမှုဝန် ထမ်းအလုပ် ကျွန်တော့်ဟာကျွန်တော် လုပ်မယ်။ သမ္မတ အိုဘားမားကို ၁၉ ရက်တည်းနဲ့ ဖိတ်နိုင်ခဲ့တယ်။ ဒါသမ္မတ ကြီးရဲ့ ဦးဆောင်မှုနဲ့ ကျွန်တော်တို့တွေလုပ် ခဲ့တာ။ ဒီကနေ့ ဘန်ကီမွန်းက သမ္မတ ကြီးကို ဖုန်းဆက်နေတာပဲ။ ဒီလို အနေ အထားနဲ့ ကျွန်တော်တို့ ပြုပြင်ပြောင်း လဲလာတာ။ နည်းနည်းလေး တိုးတက် လာတာကို လက်မခံဘူး။ ဒီမိုကရေစီ ဆန်ကျင်တဲ့ သူတွေက လက်မခံတာ။ အရင်တုန်းကစနစ်ကို ကြိုက်တဲ့ သူတွေ က လက်မခံဘူး။ ပြည်သူက အဲဒီလို လူမျိုးတွေကိုသတိပြုဖို့ လိုတယ်။ ဘယ် သူက ဒီမိုကရေစီ ဘက် တော်သားလဲ၊ ဘယ်သူက ဒီမိုကရေစီ ဆန့်ကျင်တဲ့လူ လဲဆိုတာ သိဖို့လိုတယ်။ ဒီမိုကရေစီ ဘက်တော်သားဆိုတာ ပါးစပ်ကပြော ရင် သိပ်လွယ်တာပဲ။ လုပ်ရပ်တွေက ဒီမိုကရေစီဟုတ်လား မဟုတ်လားဆိုတာ ပြည်သူကပဲအကဲခတ် ရမယ်။ သတင်း စာတစ်စောင်၊ ဂျာနယ် တစ်စောင်ရေး သားမှုကို ကျွန်တော်တို့က မတုန်လှုပ်ပါ ဘူး။ အဲဒီလို တုန်လှုပ်ရမယ်သိရင် အစ ကတည်းက ဒီအလုပ်မလုပ်ဘူး။ ကျွန် တော်တို့လည်း မလုပ်ဘူး။ Peace Center  အဖွဲ့သားတွေလည်းမလုပ်ဘူး။ ဒီလိုအခက်အခဲတွေ ရှိမယ်ဆိုတာ ကျွန် တော်တို့ မျှော်လင့်ထားပြီးသား။ အီဂျစ် နိုင်ငံပဲကြည့်လေ။ တစ်နှစ်၊ နှစ်နှစ်ပဲ ခံတယ်။ အီဂျစ် ဘယ်လိုဖြစ်သွားလဲ။ ၁၉၅၈ ခုနှစ်က ဘယ်လို လွှဲပေးလိုက်ရ လဲ။ ၁၉၅၈ မှာ ဦးနုက ဘာ့ကြောင့် ဦး နေဝင်းကို လွှဲပေးလိုက်ရလဲ။

ဒီသမိုင်းကိုပြန်လေ့လာဖို့ ကောင်းတယ်။ အမြဲတမ်း မြန်မာ့သမိုင်းဟာ တစ်ပတ်လည်တတ်တယ်။ သတိပြုဖို့လိုတယ်။ တိုင်းပြည်ကောင်းအောင် အားလုံး ကြိုးစားကြမယ်။ ဒါမှ တိုင်းပြည်က ဖွံ့ဖြိုးတိုးတက်သွားမှာပါ။

ဟုတ်ကဲ့ ကျေးဇူးတင်ပါတယ်။

No comments:

နောက်ဆုံးတင်ပြီသမျှ..ဆက်ဖတ်ရန်...အောက်သို့