ကချင်ပြည်နယ် အတွင်း သမ္မတ ဦးသိန်းစိန် အစိုးရ လက်အောက်ခံ မြန်မာ တပ်မတော်နှင့် ကချင် လွတ်လပ်ရေး အဖွဲ့ (KIO) တို့အကြား တိုက်ခိုက်မှုများ ပြန်လည် ဖြစ်ပွား ခဲ့သည်မှာ တစ်နှစ်ကျော် ကြာခဲ့ပါပြီ။ ၁၇ နှစ်ကြာ အပစ်အခတ် ရပ်စဲရေးကို အဆုံးသတ် ပစ်ခဲ့သော ထိုတိုက် ခိုက်မှုများကား ထောင်ပေါင်းများစွာ သော ဒုက္ခသည် များနှင့် နေရပ်စွန့် ခွာထွက်ပြေးရသူ များကို ဖန်တီးခဲ့ ပြီး ကချင်ပြည်နယ်ကို မြန်မာနိုင်ငံ အတွင်း အရပ်သားများ အတွက် အန္တရာယ် အထူပြောဆုံး နေရာ တစ်ခု ဖြစ်အောင် လုပ်ဆောင် ခဲ့သည်။
ကျွန်တော်သည် ကချင်ပြည် နယ်မှဖြစ်ပြီး ဒုက္ခသည်များအကြား တွင် စေတနာ လုပ်အားပေးတစ်ဦး အဖြစ် လောလောဆယ် နေထိုင်လျက် ရှိသည်။ ဤဒုက္ခသည်များအတွက် အနာဂတ်ဆိုသည်မှာ မျှော်လင့်ချက် နည်းနည်း မျှသာ ရှိပါသည်။ မကြာခင်တစ်ချိန်ချိန်တွင် သူတို့၏ နေအိမ်များသို့ ပြန်နိုင်လိမ့်မည် ဟူ သော မျှော်လင့်ချက် နည်း နည်းလေး ဖြစ်ပါသည်။ ဤကြောက်မက်ဖွယ်ရာ လုံခြုံမှုကင်းမဲ့သော အခြေအနေတွင် ကလေး အများအပြား မှာ ကျောင်း တက်ရန် မတတ်နိုင်ကြပါ။
မြန်မာနိုင်ငံ၏ ဤတိုက်ပွဲဒဏ် ခံဒေသမှ ဒေသခံပြည်သူများ အတွက် အမေရိကန်သမ္မတဘားရက်အိုဘားမား ၏ မကြာမီက ဤတိုင်းပြည်သို့ လာရောက်သည့် သမိုင်းဝင်ခရီးစဉ် မှ မည်သို့သော မျှော်လင့်ချက်မျှ ထွက်ပေါ် မလာခဲ့ပါ။ အိုဘားမားက ရန်ကုန်တက္ကသိုလ်၌ မိန့်ခွန်းပြော ကြားရာတွင် ကချင်ပဋိပက္ခကို ထည့်သွင်း ဖော်ပြသွားသဖြင့် ကချင် အတော်များများ ပျော်ရွှင်နေကြစဉ် ဤရည်ညွှန်းပြောဆိုမှုက မြန်မာ အစိုးရကို ဤဒေသသို့ စစ်တပ်များ တိုးပို့အောင် ဆွပေးသလို များ ဖြစ်လေမလားဟု ခံစားနေရသူများလည်း ရှိနေပါသည်။
မကြာသေးမီ အစိုးရက ဤ ဒေသသို့ နောက်ထပ်တပ်များ ထောင်ချီပို့ခဲ့ပြီးနောက် ကချင်ပြည် နယ်တွင်း နေရာ အတော် များများတွင် တိုက်ခိုက်မှုများ ပိုမိုပြင်းထန်ခဲ့ပါ သည်။ ထို့ပြင် ကပ်လျက်ရှိသော မြောက်ပိုင်း ရှမ်းပြည်တွင်လည်း အလားတူဖြစ်ခဲ့ပါသည်။ အခြေအနေက ပို၍ပင် ဆိုးရွားလာခဲ့သည်။ အစိုးရ တပ်များနှင့် ကေအိုင်အို သူပုန် များကြား တိုက်ပွဲများနေ့စဉ်ပေါက် ကွဲဖြစ်ပွားနေပြီး အရပ်သားများမှာ ကျွဲနှစ်ကောင် ခတ်သည့်ကြားမှ မြေစာပင် ဖြစ်နေရပါသည်။
ရွာသားထောင်ပေါင်းများစွာမှာ သူတို့၏ နေအိမ်နှင့် လယ်ယာများ ကို စွန့်ခွာထွက်ပြေးခဲ့ကြရသည်။ အိမ်ရာပစ္စည်း အတော်များများမှာ အစိုးရတပ်များ၏ ဖျက်ဆီးခံကြရ သို့မဟုတ် တစ်တိတစ်တိ ခိုးယူခံကြ ရပါသည်။ အမျိုးသမီးများနှင့် ကလေးများအပါအဝင် ရွာသူရွာ သားအများအပြားမှာ ယခုအခါ ကချင်ပြည်နယ် တွင်း ခြေခင်း လက်ခင်း မသာသော တောကြိုအုံကြား တွင် ကုတ်တွယ်နေကြရပါသည်။ ထိုနေရာတွင် အေးခဲသော ရာသီဥတုဒဏ်ကို သူတို့ခံကြ ရသည်။ အမိုးအကာနေစရာ မရှိ၊ ရှားပါးသော အစားအစာ အထောက်အပံ့များ ကိုသာ မှီခိုနေကြရသည်။ စစ်သားများ၏ မတော်မတရားပြုမှုနှင့် အကြမ်းဖက် မှုများကို ကြုံတွေ့နေကြရသည်။
အစိုးရတပ်များ အတွက် ခဲယမ်း မီးကျောက်များ အတင်းအဓမ္မ သယ်ခိုင်းခြင်းနှင့် မိုင်းကာဒိုင်းများသဖွယ် လုပ်ဆောင် ခိုင်းခြင်းများ ခံစားနေ ကြကြောင်း၊ ဒေသခံပြည်သူ များက ကျွန်တော့်ကို ပြောပြကြသည်။ ဗလက္ကာရ ပြုမှုနှင့် ညှဉ်းပန်းနှိပ်စက်မှု သတင်းများလည်း ကြားခဲ့ရ သည်။ တစ်ဖက်တွင်လည်း ကေအိုင်အို တပ်မှူးများ က ကျေးရွာသူ ကျေး ရွာသားများကို စစ်သားအဖြစ် အမှုထမ်းရန် ဆက်လက်စုဆောင်း နေကြပါသည်။ မကြာသေး မီက ဒုတိယကမ္ဘာစစ် အတွင်း ကျော်ကြားခဲ့သော လီဒိုလမ်းမပေါ်မှ ကာမိုင်းရွာကလေးတွင် အစိုးရတပ်များက လယ်သမားများ ကို ဝါးတုတ်များ ဖြင့် ရိုက်နှက်ညှဉ်း ပန်း မေးမြန်း စစ်ကြော ခဲ့ကြကြောင်း ဤအဖြစ်အပျက် ကို သိမြင်သူများ၏ အဆိုအရ ကြားသိရပါသည်။
လူ့အခွင့်အရေးချိုးဖောက်မှုများ အနှံ့အပြားရှိနေလင့်ကစား သမ္မတ ဦးသိန်းစိန်အစိုးရက ညှိနှိုင်းဖျန်ဖြေ သူများမှ တစ်ဆင့် ကေအိုင်အိုခေါင်း ဆောင်များနှင့် မကြာမီက ဆွေးနွေး မှုများအပါအဝင် နိုင်ငံရေးနည်းဖြင့် ပဋိပက္ခ ပြေငြိမ်းအောင် ရည်ရွယ် လုပ်ဆောင်နေကြောင်း ပြောခဲ့သည်။ သို့တစေ ဆွေးနွေး မှုများ ပြုလုပ်စဉ်နှင့် ပြုလုပ် အပြီးတွင် နောက်ထပ် တပ်သားထောင်နှင့်ချီ၍ ပို့လိုက်ကြပြန်ပါသည်။
ဆွေးနွေးပွဲများ အကြိမ်ကြိမ် အလီလီလုပ်နေသော်ငြား အစိုးရ အနေဖြင့် အဆုံးတွင် ပဋိပက္ခကို စစ်ရေးနည်းဖြင့် ဖြေရှင်းရန် ရည်ရွယ် ထားသည်ဟု ကချင်ပြည်သူ အများအပြားက ခံစားနားလည်နေကြ သည်။ တိုက်ခိုက်မှုများ အရှိန်မြင့် လာခြင်းက ကချင်ပြည်နယ်တွင်း အခြေအနေများကို အန္တရာယ်နှင့် အခက်အခဲများ ဖြစ်ပေါ်စေခဲ့သည်။ ထိခိုက်ခံရသည့် ကျေး ရွာများတွင် ပို့ဆောင်ရေးနှင့် ဆက်သွယ်ရေး သာမက အစိုးရက ချမှတ် ထားသည့် ညမထွက်ရ အမိန့်များကြောင့် လွတ်လပ်စွာ သွားလာ လှုပ်ရှားခွင့်ကဲ့သို့ သော အခြေခံ လွတ်လပ်ခွင့်များ ပါ ဆုံးရှုံးနေကြရသည်။
ကေအိုင်အို အဓိက ထိန်းချုပ်ထားရာ ရှေ့တန်းနယ်မြေများသို့ အစိုးရက တပ်များထောင်သောင်းချီ ဖြန့်ချထား သော်လည်း တည်ငြိမ်မှု ကင်းမဲ့သော မြေဒေသများကို တည် ငြိမ်လုံခြုံအောင် မလုပ်နိုင်ခဲ့ချေ။ ဒေသခံ ကျေးရွာ သားများမှာ အခွင့် အရေးချိုးဖောက်မှုများသာ ခံစားခဲ့ ကြရပြီး ဒေသခံအန်ဂျီအိုအဖွဲ့များနှင့် ခရစ်ယာန် ဘုရားရှိခိုးကျောင်းများမှ တည်ထောင်ထိန်းသိမ်းထားသည့် ယာယီသုံး ဒုက္ခသည်စခန်းများကိုသာ တိုးပွားလာ စေခဲ့သည်။
တကယ်ပင် ကချင်ပြည်နယ်ရှိ ပြည်သူအများက ဤတိုက်ခိုက်မှု များကို အလိုမရှိကြပါ။
ကချင်ပြည်နယ်တွင် ငြိမ်းချမ်း ရေးနှင့် တည်ငြိမ်အေးချမ်းရေးကို အစိုးရက အမှန်တကယ် ရိုးသားစွာ ပြန်လည် ထိန်းသိမ်းပေးမည် ဆိုပါက ဒေသခံပြည် သူများ၏ နှလုံးစိတ် ဝမ်းအေးချမ်းအောင် အားထုတ် လုပ်ဆောင်ရပါ လိမ့်မည်။ ယခုမူ ဒေသခံ ကျေးရွာသားများအဖို့ သူတို့၏ အသက်မွေးဝမ်းကျောင်းမှုကို ဖျက်ဆီးပြုလုပ်ရန် စစ်သားများ ပို့လွှတ် ခဲ့သည်ဟု ခံစားနေကြရသည်။ တုံ့ပြန် လက်စားချေမည် စိုး၍ တပ်သား များကို မျက်လုံးချင်း ဆိုင်၍ပင် မကြည့်ဝံ့ကြောင်း သူတို့က ပြော ကြပါသည်။
ကချင်လူမျိုးအများအပြားက သူတို့၏ ယုံကြည်ကိုးကွယ်မှုနှင့် ဇာတိမျိုးနွယ်ကြောင့် ဆယ်စုနှစ်ပေါင်း များစွာ ခွဲခြား ဆက်ဆံခံခဲ့ရသည်ဟု ခံစားနေကြရသည်။ အစိုးရ၏ ငြိမ်း ချမ်းရေးဆွေးနွေးပွဲဖြစ်မြောက်ရေး ကြိုးပမ်းမှု များကို ယုံကြည်သူ အနည်းငယ်သာရှိပါသည်။ အများ စုကမူ ကေအိုင်အိုသည် အစိုးရနှင့် ၁၉၉၄ ခုနှစ်ကပင် အပစ်အခတ်ရပ် စဲရေး လက်မှတ်ထိုးခဲ့ပြီးဖြစ်ကြောင်း မှတ်ချက်ချကြပါသည်။
ကချင်ပြည်သူများအနေဖြင့် တိုက်ခိုက်မှုများကို စိတ်ကုန်၍ ငြိမ်း ချမ်းရေးကိုလိုလားသည်မှာ သေချာ ပါသည်။ သို့တစေ ကချင်ပြည် နယ်တွင် သာမက မြန်မာနိုင်ငံ တစ်ဝန်းလုံးတွင် အမျိုးသား ပြန်လည်သင့်မြတ်ရေး အောင်မြင်မှု ရရှိရန်မှာ အစိုးရ အနေဖြင့် တိုင်းပြည်၏ မဖြေရှင်းရ သေးသော လူမျိုးစုပဋိပက္ခများကို နိုင်ငံရေး အဖြေ ရရှိရန် ရည်ရွယ်၍ မူဘောင်တစ်ခု ထူထောင်ရမည် ဖြစ်ပါသည်။
မြန်မာနိုင်ငံ၏ ခန့်မှန်းခြေ တိုင်းရင်းသားလူမျိုးစု ၁၃၅ ခုလုံး က တရားမျှတမှု၊ တန်းတူမှုနှင့် လွတ်လပ်မှု တို့ကို ခေတ်မီငြိမ်းချမ်း သော မြန်မာနိုင်ငံသစ်ကြီးတွင် ခံစားချင်ကြပါသည်။ သို့တစေ ကချင်ပြည်နယ်အတွင်း အစိုးရ၏ အင်အား အလွန်အကျွံသုံးမှုနှင့် အခွင့်အရေး ချိုးဖောက်မှုများ ဆက်လက်ပြုလုပ်နေခြင်းကြောင့် အမျိုးသားပြန် လည်သင့်မြတ်ရေးမှာ မျှော်လေလေဝေးနေပေဦးတော့မည်။
No comments:
Post a Comment