Thursday 2 August 2012
တက္ကသိုလ်ကျောင်းသားများနှင့် ကျေးရွာသားများရန်ပွဲအချိန်မီထိန်းသိမ်းနိုင်
မုံရွာ၊ သြဂုတ်- ၂
မုံရွာမြို့နယ် ဇလုပ်ကျေးရွာ အနောက်ပိုင်း နေထိုင်သူ မောင်အောင်ဆန်းဝင်းအား မုံရွာစီးပွားရေး တက္ကသိုလ် ပြင်ပအဆောင်နေ ကျောင်းသားအချို့က ယမန်နေ့ညပိုင်းက ၀ိုင်းဝန်းရိုက်နှက် ခဲ့မှုကြောင့် မကျေနပ်သော ဇလုပ်ကျေးရွာ ဆရာတော်များနှင့် ကျေးရွာသူ ကျေးရွာသား (၅၀)ခန့်သည် မုံရွာစီးပွားရေး တက္ကသိုလ်အနီး ပြင်ပဘော်ဒါ ဆောင်များတွင် ရိုက်နှက်သူများကို လိုက်လံရှာဖွေခဲ့ပြီး မုံရွာစီးပွားရေး တက္ကသိုလ်အနောက် ဘက်ရှိ အီကိုကင်း အမျိုးသားဘော်ဒါ ဆောင်အားဝိုင်းထားစဉ် မုံရွာမြို့နယ် အုပ်ချုပ်ရေးမှူးနှင့် တာဝန်ရှိသူများ၊ မုံရွာမြို့နယ် သံဃာ့နာယက ဆရာတော်ကြီးများ ရောက်ရှိလာပြီး အခြေအနေအားလုံး ထိန်းသိမ်းနိုင်ခဲ့ ကြောင်းသတင်းရရှိသည်။
သြဂုတ် ၁ ရက် ည ၁၀ နာရီခွဲ အချိန်ခန့်က မုံရွာစီးပွားရေး တက္ကသိုလ် အနောက်ဘက် ကျောက္ကာ လမ်းမကြီးပေါ်တွင် ရိုက်နှက်မှုဖြစ်ပွား ခဲ့ခြင်းဖြစ်ကာ ကျောင်းသားများ ၀ိုင်းဝန်းရိုက်နှက်မှု ခံရသော မောင်အောင်ဆန်းဝင်းက တရားလိုပြု လုပ်တိုင်ကြား သဖြင့် မုံရွာမြို့နယ် အမှတ်(၂)ရဲတပ်ဖွဲ့စခန်းက (ပ)(၃၃၉/၂၀၁၂)ပြစ်မှုဆိုင်ရာဥပဒေပုဒ်မ (၃၂၅)အရ အမှုဖွင့်၍ စုံစမ်းစစ်ဆေးလျက်ရှိသည်။
Subscribe to:
Post Comments (Atom)
No comments:
Post a Comment