Search This Blog

အဖွဲ့ဝင်မယ်..Followers

သတင်း


<<<< ကြိုဆိုပါတယ် ပျော်ရွှင်သောနေ့လေးဖြစ်ပါစေ >>>>

Saturday 18 August 2012

ဇာတ်ရုပ်ကို ပြောင်းမှဖြစ်မည် (Change in Myanmar)

Photo:AFP

Written by ဒေါက်တာခင်မောင်ညို   

ELEVEN MEDIA GROUP

 
(၁)
မောင်ဘသစ်ငယ်ငယ်က ရုပ်ရှင်အင်မတန်ကြိုက်သည်။ ဘာကြောင့်လဲဆိုတော့ ထိုခေတ်က မောင်ဘသစ်တို့အတွက် ဖျော်ဖြေစရာဟူ၍ ဇာတ်ပွဲနှင့်ရုပ်ရှင်သာ ရှိသောကြောင့်  ဖြစ်သည်။
ဇာတ်ပွဲက တစ်နှစ်တစ်ခါ ဘုရားပွဲရှိမှ ကတတ်သည်။ အိပ်ရေးပျက်သော ညလုံးပေါက်ပွဲတွေသာ များသည်။ ရုပ်ရှင်ကတော့ တစ်နာရီ နှစ်နာရီလောက်သာ အချိန်ကုန်သည်။ ရွာတွင်ကားသစ် ၀င်လာသည့်အခါ ရုပ်ရှင်ပြပြီးနောက်တစ်နေ့တွင် မောင်ဘသစ်တို့ကလေးတွေ လူဆိုးနဲ့ဇာတ်လိုက်လုပ်တမ်း ကစားကြသည်။
“ကျော်ဆွေကွ၊ ညိုအေးကြီးကွ”
ဆေးလိပ်ခုံက မိန်းကလေးများကလည်း ကျော်ဆွေတို့၊ မေရှင်တို့၊ သိန်းဇော်တို့အကြောင်း တစ်ခုပ်တရ ပြောတတ်ကြသည်။

မောင်ဘသစ်အထက်တန်း ကျောင်းရောက်လာတော့ ရုပ်ရှင်ကြည့်သည့်အခါ ဆန်းစစ် (Analyze) လုပ်လာသည်။ ရွှေဘနိုင်မည်၊ အေး ငွေကြီးမြာပွေမည်၊ အေးကြူ ကြာကူ လီရိုက်မည်၊ ဒေါ်မြလေး ကုန်းချောမည်စသဖြင့် ဘာကားကြည့်ကြည့် ထိုဇာတ်ရုပ်များ၏ သရုပ်ဆောင်မှုကို အကဲခတ်လာနိုင်သည်။
“အေးကြူဆိုတာ မင်းသားချောပဲ။ ဘာလို့သူကြာကူလီခန်းမှာပဲ အမြဲပါတာလဲ”
“သူ့ကိုလူတွေက ကြာကူလီခန်း ပဲ လက်ခံတာကိုး”
နောက်ပိုင်း ၀င်းမြင့်ကနေရာ ယူလာသည်။ ကြာကူလီရိုက်သော အခန်းများ ပီပြင်လှသည်။ မောင်ဘသစ် အတော်ကြီးတဲ့အထိ အံ့ကျော်သည် လူဆိုးသာဖြစ်သည်။ ရုပ်ရှင်ထဲတွင် သူ့ကိုလူဆိုးအဖြစ်သာသုံးသည်။ သို့သော် ဘယ်သူပြိုင်၍လှပါတော့နိုင် တွင် အံ့ကျော်က တောသား လူရိုးဇာတ်ရုပ်ကို ရသည်။ သူအကယ် ဒမီရသွားပါသည်။
(၂)
ဒါက ဇာတ်ရုပ်များသာဖြစ်သည်။ တစ်ခါ လူဆိုးဆိုလျှင် အမြဲလူဆိုးဖြစ်နေပါသည်။ ဒါကို အစွဲအလန်း mindset ဖြစ်သည်ဟု ပြောကြသည်။ နိုင်ငံရေးမှာစဉ်းစားဖို့ပါ။ မောင်ဘသစ်တို့က ယနေ့ ဒီအစွဲကို  ဘယ်လိုမြင်ကြလဲ။
လွန်ခဲ့သည့်လေးနှစ်က အိုဘားမားက သူ၏မဲဆွယ်တရားပွဲတွေမှာ သုံးသည့်ဆောင်ပုဒ်မှာ အပြောင်းအလဲ (Change) ပင်ဖြစ်သည်။ ဘာအပြောင်းအလဲလဲ။
လူဖြူသမ္မတကနေ လူမည်း သမ္မတအဖြစ် ပြောင်းဖို့ အတော်လေး ခက်ခဲပါသည်။ ထိုနိုင်ငံတွင် လူမည်းသည် ကျွန်ဟူသော Image သည် မပျောက်နိုင်ပါ။ အိုဘားမား၏ (Change) သည် အရေးပါလှသည်။ အမေရိကန်ပြည်ထောင်စုသည် ကမ္ဘာ့ အင်အားကြီးနိုင်ငံဖြစ်ပြီး လူဖြူဦးရေက သာလွန်များပြားသည်။ လွတ်လပ်ရေးရသည်မှစ၍ ၄၃ ယောက် မြောက် သမ္မတတွေအားလုံး တောက်လျှောက် လူဖြူများသာဖြစ်ခဲ့သည်။ ‘ပြောင်းရမည်’

 တာဝန်မဲ့ပြောဆိုမှုများကို ခွင့်လွှတ်ရန်မသင့်ပါ။ ကျွန်တော်တို့က ကြာကူလီဝင်းမြင့်ကို ဇာတ်လိုက်နေရာထားလို့ မရပါ။ ဒါကို သဘောပေါက်ရပေမည်  . . .
ထိုအပြောင်းအလဲကို ကမ္ဘာက အကဲခတ်နေပါသည်။ လူမည်းတစ်ယောက်သည် အမေရိကန်နိုင်ငံ တစ်ခုကို တကယ်အောင်အောင်မြင်မြင် အုပ်ချုပ်နိုင်ပါ့မလား။ လူမည်းများသည် တစ်ချိန်က အဖိနှိပ်ခံလူတန်း စားများဖြစ်ခဲ့သည်။ အီဗရာဟင်လင်ကွန်း လက်ထက်မတိုင်မီအထိ လူမည်းများသည် ငွေဝယ်ကျွန်များဖြစ်ခဲ့သည်။ သူတို့ကို ပစ္စည်းများအနေဖြင့်သာ သဘောထားသည်။ သူတို့ကို စာသင်ခွင့်မပြုပါ။ တစ်ချိန်ကလူမည်းများသည် လူဖြူများ၏နေရာတွင် ဘတ်စ်ကား အတူတူစီးခွင့်မရပါ။ လူဖြူများတက်လာလျှင် လူမည်းတွေ ဖယ်ပေးရသည်။ ၁၉၇၀ ပြည့်နှစ်အထိ ဒီအတိုင်းပင် ဖြစ်နေသေးသည်။ တကယ်တမ်း လူမည်းတစ်ယောက်သည်လည်း တိုင်းပြည်ကိုအုပ်ချုပ်နိုင်သည် ကို တွေ့လိုက်ရသည်။ မောင်ဘသစ် က အံ့ကျော် အကယ်ဒမီရသည်ကို ပြေးမြင်မိသည်။
(၃)
တကယ်တမ်း မြန်မာနိုင်ငံ၏ လိုဂိုသည် (Change) မဟုတ်သော်လည်း ၂၀၁၁ ခုနှစ်မှာ သိသိသာသာ သာပြောင်းလဲဖို့ ကြိုးစားတာကို ထင်ထင်ရှားရှား တွေ့နိုင်ပါသည်။ မောင် ဘသစ်တို့၏မြန်မာနိုင်ငံတွင် လွတ်လပ်စွာ ဆန္ဒပြနိုင်လာသည်။ နိုင်ငံရေးအကျဉ်းသားတွေ ပြန်လွှတ်သည်။ သမ္မတက နိုင်ငံတော်ကို Good governance Clean Government ဖြစ်အောင်ဆောင်ရွက်ဖို့ ကြိုးစားသည်။ (မိန့်ခွန်းတွင် ထည့်ပြောသည်။)
ကောင်းပါသည်။

သို့သော် တကယ်တမ်းဇာတ် ရုပ်များကိုကြည့်ရင်တော့ (Change) ကိုမမြင်ရသေးပါ။ အတွေးအခေါ် အယူအဆ လုပ်ပုံကိုင်ပုံများတွင်(Change) ကို မမြင်ရသေးပါ။ သခင်ကိုယ်တော်မှိုင်းကွယ်လွန်ပြီး ၄၈ နှစ်မြောက် နှစ်ပတ်လည်အခမ်းအနားတွင် ကျောင်းသားသမဂ္ဂခေါင်းဆောင် ကိုလှရွှေက ပြောသည်။ “ဒီမိုကရေစီ ပိုးစုန်းကြူးကို မြင်တော့မြင်နေရပါသည်” တဲ့။ သူမမြင်ဟုတော့ ပြောမသွားပါ။
ကမ္ဘာတစ်ဝန်းလုံးက (Change) ဟုပြောသည်။ ဒီမိုကရေစီလမ်းကြောင်း ပေါ်လျှောက်နေပါသည်။ ပိတ်ဆို့မှုများကို ယာယီရပ်ဆိုင်းထားသည်။
စောင့်ကြည့်နေကြခြင်းဖြစ်သည်။
(၄)
ပြည်သူလူထုအများစုက ဧရာဝတီ မြစ်ဆုံစီမံကိန်းကိစ္စနှင့် ပတ်သက်ပြီး အပြောင်းအလဲ (Change) ကို အတော်လေး ယုံကြည်လာသည်။ တကယ်တော့ နိုင်ငံတစ်ခုတည်ထောင် ဖို့ဆိုသည်မှာ (Trust)ကို အဓိကတည်ဆောက်ရသည်။ “အစိုးရကလည်း ပြည်သူကိုယုံသည်။ ပြည်သူကလည်း အစိုးရကိုယုံသည်။” ထိုအခြေ အနေမျိုးဖန်တီးနိုင်လျှင် အားလုံး လက်တွဲကာ ဆောင်ရွက်ပြီး တိုင်းပြည် တိုးတက်သာယာ ၀ပြောမည်။ လျှပ်စစ်ဝန်ကြီးတစ်ဦးက ပြောသည်ကို ပြည်သူလူထုက အောက်ပါအတိုင်း နားလည်ကြသည်။ တစ်နိုင်ငံလုံးအ တွက် မဂ္ဂါဝပ် ၁၆၀၀ သာလိုသည်။ ပိုတာကိုရောင်းလျှင် နိုင်ငံတော် အကျိုးရှိသည်။ ကျွန်တော်အသိဆုံးပါ။ ပြဿနာမရှိပါဘူးတဲ့။ ဒါကို လူထုမယုံပါ။ လူထုယုံသည်က မီဒီယာတွေ ကိုပါ။ မီဒီယာများက မြစ်ဆုံစီမံကိန်း၏ အကျိုးမဲ့ပုံကို တင်ပြကြသည်။

တကယ်တော့ မြန်မာအကျိုးမဲ့ ၍ တရုတ် အကျိုးရှိပါသည်။ (မဆီမဆိုင် ကျော်ဟိန်းချမ်းသာ ပြည်လုံး ချောင်းဆိုး ဆေးလိပ်ကို သတိရနေမိသည်။)
ဧရာဝတီသံများ ဆူဆူညံသွားသည်။ သမ္မတကြီးက သူ၏လုပ်ပိုင်ခွင့်ကိုသုံး၍ မြစ်ဆုံတွင်ရေကာတာ တည်ဆောက်မည့် စီမံကိန်းကို သူ၏ သမ္မတသက်တမ်းတွင် ရပ်ဆိုင်းထားလိုက်သည်ဟု ကြေညာချက် ထုတ်ခဲ့သည်။ ပြည်သူတွေက သမ္မတကြီးကိုလည်း ကျေးဇူးတင်သည်။ မီဒီယာတွေကိုလည်း ကျေးဇူးတင်သည်။ ဇာတ်ရုပ်တွေ တကယ်ပြောင်းပြီလားဟု စောင့်ကြည့်လာသည်။ Trust အနည်းငယ်ရကာ ပိုမိုပူးပေါင်းဆောင် ရွက်မှုများ ရှိလာပါသည်။
(၅)
သို့သော် ဒီမိုကရေစီက မျှော်တိုင်းဝေးနေပါသေးသည်။ လွှတ်တော်ကိုယ်စားလှယ်တစ်ဦးက သိမ်းပိုက်ထားသော လယ်ယာမြေပြဿနာတွေ ရင်ဆိုင်နေရသည်။ အခြားလယ်ယာမြေများစွာကိုလည်း တွေ့ နေရသည်။ တရားရုံးကလည်း တုံ့ဆိုင်းနေကြသည်။ နောက်တစ်ခုက မြစ်ဆုံကိစ္စပါ။ အာဏာရပါတီမှ ဗဟို အလုပ်အမှုဆောင်က အောက်ပါအတိုင်းပြောခဲ့သည်။
--------
--------
ကြာကူလီအေးကြူကို သုံးသည့်အခါတွင် ကြာကူလီဇာတ်ရုပ်ကိုသာ သုံးမှအဆင်ပြေသည်။ ကြာကူလီဝင်းမြင့်ကို သုံးသည့်အခါတွင် ကြာကူလီဇာတ်ရုပ်ကိုသာ သုံးမှ အဆင်ပြေပါမည်။ ဒေါ်မြလေးသည် ကုန်းချောသောအခန်းတွင် ထားရသည်။ ပုဏ္ဏားဝတ်စုံကိုဝတ်ပေးရုံနှင့် အဆင်ပြေနိုင်သည်။
(Change) သည် ထိုအစွဲ mindset တွေကို ကျော်လွှားဖို့ လိုသည်။ နိုင်ငံခြားသတင်းစာတွင် အင်တာဗျူး လုပ်ရာတွင် စိတ်ဝမ်းကွဲသည်များကို တင်ပြထားသည်။ အတော့်ကို တာဝန် မသိတာပါပဲ။ (Change) သည် အားလုံး၏မျှော်လင့်ချက်ဖြစ်သည်။ တာဝန်မဲ့ပြောဆိုမှုများကို ခွင့်လွှတ်ရန်မသင့်ပါ။ ကျွန်တော်တို့က ကြာကူလီ ၀င်းမြင့်ကို ဇာတ်လိုက်နေရာထားလို့ မရပါ။ ဒါကို သဘောပေါက်ရပေမည်။

No comments:

နောက်ဆုံးတင်ပြီသမျှ..ဆက်ဖတ်ရန်...အောက်သို့