^^အောင်မြင်မှု ဆိုတာ^^

လူတိုင်းအောင်မြင်မှုရချင်ကြတယ်။ ဆရာဝန်က အောင်မြင်တဲ့ ဆရာဝန် ဖြစ်ချင်တယ်။  ဆင်ခြေဖုံးက ဆေးခန်း
လေးထဲမှာ လူနာမျှော်ရင်း ၀တ္ထုစာအုပ်တွေ တစ်အုပ်ပြီး တစ်အုပ် ထိုင်ဖတ်နေရတဲ့   ဆရာဝန်မျိုး မဖြစ်ချင်ဘူး။
မုန့်ဟင်းခါးရောင်းတဲ့သူကလည်း ရပ်ကွက်တကာလှည့်ပြီး အထမ်းနဲ့ ရောင်းရတဲ့ အသည် မဖြစ်ချင်ဘူး။ မိုးလင်း
တာနဲ့ မော်တော်ကားတွေ တစ်သီကြီး တန်းစီလာစားကြတဲ့ ဆိုင်ကြီးနဲ့ ရောင်းတဲ့မုန့်ဟင်းခါးသည်ဖြစ်ချင်တယ်။

ချမ်းသာချင်တာ အပြစ်မဟုတ်..
ဒါ လူ့သဘာဝမို့ အပြစ်တင်စရာ မဟုတ်ဘူး။ အောင်မြင်မှု မလိုချင်ပါဘူးဆိုတာ အလကားပြောတာ။      ပုထုဇဉ်
မှန်သမျှ ကိုယ့်နေရာမှာတော့ အအောင်မြင်ဆုံးသူ ဖြစ်ချင်ကြတာချည်းပါပဲ။    ဒါ့ကြောင့် အောင်မြင်မှု ရဖို့အတွက်
အရူးအမူး ကြိုးစားနေကြတဲ့သူတွေကို အပြစ်မပြောထိုက်ဘူး။ အောင်မြင်မှုရအောင် ဘယ်နည်းဘယ်ပုံ လုပ်သလဲ
ဆိုတာကိုပဲ ကြည့်သင့်တယ်။ အောင်မြင်ဖို့အတွက် ဘယ်သူသေသေ ငတေမာပြီးရောဆိုတဲ့ စိတ်နဲ့  မသမာမှုမျိုးစုံ
လုပ်သူ ဟုတ်/မဟုတ် ဆိုတာပဲကြည့်ပြီး ဆုံးဖြတ်သင့်တယ်။    ချမ်းသာချင်လို့ အမြတ်ရအောင်လုပ်တိုင်း ခေါင်းပုံ
ဖြတ်သမား၊ လူမသာလို့ ပြောလို့ မရဘူး။     စီးပွားရေးလုပ်တယ်ဆိုတာ  အလှူဒါနပြုတာမဟုတ်ဘူး၊  ကောင်းရာ
သုဂတိလားဖို့ လုပ်တာမဟုတ်ဘူး၊  အမြတ်ရချင်လို့လုပ်တာ၊ဒါ့ကြောင့် အမြတ်ရအောင်လုပ်တာ သဘာဝကျတယ်။
ချမ်းသာချင်တာက အပြစ် မဟုတ်ဘူး ။

မတရားချမ်းသာတာ မဟုတ်ရင်..
ချမ်းသာအောင်လုပ်ပါ၊ ချမ်းသာလို့ သိန်းထောင်ကျော်တန်ကားကြီးတွေ ကိုးစီး၊ ဆယ်စီးထားပြီး ခြံကျယ်ကျယ်
တိုက်ကြီးနဲ့ နေနိုင်တာ ကောင်းပါတယ်။   သူများကို အနိုင်ကျင့်ပြီး မတရားချမ်းသာလာတာ မဟုတ်ရင် လိပ်ပြာ
မလုံစရာ မရှိပါဘူး။ ပျော်ပျော်ကြီး ချမ်းသာလာတာပါ။ ရှေးက လူပြတ်တွေ ပြောသလို...
(နည်းနည်းရိုင်းတာတော့ ခွင့်လွတ်ကြပါရှေးက ပြက်လုံးကို သတိရစေချင်လို့ပါ) ...
"ယောင်းမကို စိန်စီ ၊ ဒယ်အိုးကို ရွှေချပြီး ခွေးချေးကြော်စား" ဆိုသလို လုပ်လည်း ရပါတယ်။
" ငတေ" နည်းနဲ့ ချမ်းသာလာတာ မဟုတ်ရင် ပြီးတာပါပဲ။

အောင်မြင်မှုအမျိုးမျိုး
အောင်မြင်မှု ဆိုတဲ့ စကားကလည်း အဓိပ္ပါယ် ထွေပြားတယ်။ ကိုယ်လိုချင်သလို အဓိပ္ပါယ်ဖွင့်လေ့ရှိတယ်။
တချို့က success ကိုပဲ အောင်မြင်မှုလို့ထင်တယ်။ အောင်မြင်တဲ့ ဆရာဝန်ဆိုရင် successful surgeon ၊
အောင်မြင်တဲ့ စီးပွားရေးသမား successful businessman လို့ ယူဆကြတယ်။   တချို့က    တစ်မျိုးမျိုးနဲ့
လူအသိအမှတ်ပြုခံရတာ acknowledge ကို အောင်မြင်မှုလို့ မှတ်ယူကြတယ်။ တချို့က ထင်ပေါ်ကျော်ကြား
တာ welknown ကို အောင်မြင်မှုလို့ သဘောထားကြတယ်။ တချို့ကျတော့ စွမ်းဆောင်မှု  တစ်ခုခု ထူးထူး
ခြားခြား ပြုနိုင်တာ  achievement ကိုမှ  အောင်မြင်မှုလို့ သတ်မှတ်တယ်။

အကြိုက်တစ်မျိုးစီ..
လူတစ်ကိုယ် အကြိုက်တစ်မျိုးမို့ ကြိုက်သလို  အဓိပ္ပာယ်ဖွင့်ပြီး နှစ်သက်သလို ကျင့်သုံးလက်ခံနိုင်ပါတယ်။
ဘယ်လို အောင်မြင်မှုမျိုးဖြစ်ဖြစ် စောစောက ပြောခဲ့သလို " ငတေ" နည်းနဲ့ ရတဲ့ အောင်မြင်မှုမျိုး  မဖြစ်ရင်
ဘာမှ ပြောစရာ မရှိပါဘူး။ အောင်မြင်တဲ့ ဆရာဝန်ကြီးတစ်ယောက်ဖြစ်လို့ ပိုက်ဆံ နစ်ခနဲ့နေအောင် ယူနေ
လည်း ဆရာဝန်ကျင့်ဝတ်နဲ့အညီ ပြုမူနေထိုင်သမျှ ကာလပတ်လုံး အပြစ်ပြောစရာ မရှိပါဘူး။
ထင်ပေါ်ကျော်ကြားတဲ့ ရုပ်ရှင်မင်းသမီးတစ်ယောက်ဖြစ်လို့ သူ့ငွေ သူကြိုက်သလို သုံးဖြုန်းနေတာလည်း အပြစ်
တင်စရာ မဟုတ်ဘူး။ ဒါပေမယ့် မြန်မာအမျိုးသမီးတစ်ဦးအနေနဲ့ စောင့်ထိန်းအပ်တဲ့ ဟီရိသြတပ္ပတရားများကို
ပစ်စလက်ခတ် သဘောထားပြီး ထင်ရာစိုင်းနေရင်တော့   အများတံတွေးကွက်မှာ ပက်လက်မျောသွားတဲ့အထိ
ကဲ့ရဲ့ ရှုံချခံရမှာ သေချာတယ်။ ကဲ့ရဲ့ ရှုတ်ချသူတွေကို အပြစ်တင်လို့ မရဘူး။
ဒါက မြန်မာပြည် .. ဟောလိဝုဒ် မဟုတ်ဘူး ။

ပညာမတတ်လဲရတယ်..
ကျောင်းဆရာလုပ်ခဲ့သူ တစ်ယောက်အနေနဲ့တော့ လူငယ်တွေကို စွမ်းဆောင်မှု တစ်ခုခု ပြုလုပ်ရတဲ့ achievement
အောင်မြင်မှုမျိုးကို ပိုပြီး  တန်ဘိုးထားကြစေချင်တယ်။   အောင်မြင်တဲ့ ဆရာဝန်၊   အောင်မြင်တဲ့ အင်ဂျင်နီယာ၊
အောင်မြင်တဲ့ စီးပွားရေးသမားဆိုတာ လူတိုင်းဖြစ်နိုင်တာ မဟုတ်ဘူး။ အကြောင်းမျိုးစုံနဲ့ ညီညွတ်မှ ဖြစ်နိုင်တာ။
အဆင့်မြင့်ပညာတွေ မသင်နိုင်လို့ ပိုက်ဆံမရှိလို့ဆိုပြီး အားငယ်နေဖို့ မလိုပါဘူး။ 
achievement ဆိုတာ   ပညာမတတ်လဲ ရနိုင်တယ်လို့ ယုံစေချင်တယ်။

လင်ကွန်းနဲ့ အယ်ဒီဆင်..
အမေရိကန် သမ္မတကြီးလင်ကွန်းတို့ လျှပ်စစ်မီးလုံး စတင်တီထွင်ခဲ့သူ အယ်ဒီဆင်တို့တစ်တွေဟာ ကျောင်းတောင်
ကောင်းကောင်း မနေခဲ့ကြရပါဘူး။ ဇွဲ ၊ လုံ့လ၊ ၀ီရိယ နဲ့ ကြိုးပမ်းလို့သာ အောင်မြင်မှု ရခဲ့ကြတာပါ။ လင်ကွန်းဆိုရင်
စာအုပ်တစ်အုပ်ငှါးရဖို့အတွက်  တစ်နေ့လုံး လမ်းလျှောက်သွားရတဲ့ အကွာအဝေးကို မညည်း မညူ သွားခဲ့ရတယ်။
အယ်ဒီဆင်ဆိုရင်လည်း ကလေးဘ၀က  မီးရထားပေါ် မှာ  ဆေးလိပ်၊ မီးခြစ် ရောင်းတဲ့   ဗန်းကလေးလွယ်ပြီး
ရောင်းရင်းနဲ့ စာတွေဖတ်ခဲ့  ဓာတ်ခွဲစမ်းသပ်မှုတွေ လုပ်ခဲ့တာဖြစ်တယ်။ ၀ါသနာပါတဲ့ အလုပ်တစ်ခုကို စွဲစွဲ မြဲမြဲ
ဇွဲနပဲကြီးကြီးနဲ့ လုပ်ရင်းနဲ့ နောက်ဆုံးမှာ အောင်မြင်မှု ရခဲ့တာဖြစ်တယ်။

မောင့်ကျက်သရေခေါင်းပေါင်း..
ရှေးက စကော့ဈေး(ဗိုလ်ချုပ်ဈေး) အနောက်တန်းမှာ မောင့်ကျက်သရေ ဆိုတဲ့  ခေါင်းပေါင်းရောင်းတဲ့  ဆိုင်ကြီး
တစ်ဆိုင် ရှိပါတယ်။  ခုခေတ်ထိ သုံးနေကြရတဲ့ ခြင်းခံပြီး ခေါင်းမှာ အသင့်စွပ်ချလိုက်ရတဲ့ ခေါင်းပေါင်းကို စတင်
တီထွင်ပြီး ရောင်းချခဲ့တာပါ။ အဲဒီမတိုင်ခင်က ကိုယ်တိုင် ခေါင်းပေါင်း ပေါင်းကြရတယ်။ ဆံရှည်ခေတ်က ပြဿနာ
မရှိပေမယ့် ဘိုကေခေတ်ရောက်တော့  ခေါင်းပေါင်း ပေါင်းရတာ လက်ဝင်လှပါတယ်။     အဲဒီခေတ်က ကောလိပ်
ကျောင်းတက်တာတောင်  ခေါင်းပေါင်းနဲ့   တက်ကြတာဆိုတော့ ယောက်ျားတိုင်း မရှိမဖြစ် ထားကြရတယ်။
မောင့်ကျက်သရေ ခေါင်းပေါင်း ပေါ်လာတော့  ယောက်ျားတိုင်း လက်သုံး  ဖြစ်သွားခဲ့တယ်။    နေ့ချင်း ညချင်း
အောင်မြင် ကျော်ကြားသွားခဲ့တယ်။  အောင်မြင်ကျော်ကြားမှု အရှိန်အဟုန်ဟာ ဘယ်လောက်ထိ ကြီးမားသလဲ
ဆိုရင် ဒီနေ့ခေတ်ထိတောင်  ခေါင်းပေါင်းကို "မောင့်ကျက်သရေခေါင်းပေါင်း" လို့ ခေါ်နေကြဆဲ ဖြစ်တယ်။

ဓနုဖြူ ဦးဘိုးချမ်း..
ရှေးခေတ် တစ်ခေတ်က အမျိုးသမီးတွေကြားမှာ "ဓနုဖြူ ဦးဘိုးချမ်း" ဆိုတဲ့  နာမည်နဲ့  ရောင်းတဲ့ ရွှေရည်စိမ်
ဆွဲကြိုး၊ လက်ကောက် နဲ့ လက်ဝတ်လက်စားတွေ  တော်တော် ခေတ်စားခဲ့တယ်။      တစ်နိုင်ငံလုံး အနှံ့ ကို
တွင်ကျယ်ခဲ့တယ်။  ဘယ်လောက်ထိများ တွင်ကျယ်ခဲ့သလဲဆိုရင်   တစ်ခုခုကို အတုတွေပဲ၊ အစစ်မဟုတ်ဘူး
လို့ ပြောချင်ရင် " ဦးဘိုးချမ်း" ပဲ လို့ ပြောတဲ့အထိတောင်ဖြစ်တယ်။  ဒါတွေဟာ achievement တစ်မျိုးပဲ။

ဒါကြောင့် ပိုက်ဆံမရှိလို့ ၊ ပညာမသင်နိုင်လို့ဆိုပြီး စိတ်ပျက်အားလျော့ မဖြစ်စေချင်ကြဘူး။
ဇွဲ ၊ လုံ့လ ၊ ၀ီရိယ နဲ့ စူးစူးစိုက်စိုက် ကြိုးစားအားထုတ်ရင် " တစ်ခု၊ တစ်ကောင်၊ တစ်ယောက် " ဖြစ်နိုင်တယ်လို့
ပြောလိုက်ချင်ပါတယ်။