ရန်ကုန်မြို့ ကမ်းနားလမ်းရှိ စီးပွားရေးနှင့် ကူးသန်းရောင်း ၀ယ်ရေးဝန်ကြီးဌာန နောက်ချန်ရုံးတွင် မော်တော်ကား တင်သွင်းခွင့်လိုင်စင် လျှောက်ထားခွင့်ပြုထားရာ ကားလိုင်စင်လျှောက်ထားသူ တစ်နေ့ထက်တစ်နေ့ ပိုမိုများပြားလာကြောင်း သတင်းရရှိသည်။
ယင်းလိုင်စင်ကို ဇူလိုင်လ ၃၀ ရက်တွင် စတင်လျှောက်ထားခွင့်ပြုခဲ့ပြီး လာရောက်လျှောက်ထားသူ ဇူလိုင် ၃၀၊ ၃၁ နှစ်ရက်တွင် ၂၆ ဦးရှိသည်။ ယနေ့ (သြဂုတ် ၁ရက်)တွင် လာလျှောက်မည့်သူ ၄၀ ဦးခန့်ရှိမည်ဟု ခန့်မှန်းထားကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ဒုတိယညွှန်ကြားရေးမှူး ဦးတင်သိန်းကပြောသည်။
"လာပြောတဲ့သူတွေက နောက်တစ်ပတ်မှာ ပိုများလာမယ်။ ဒီနေ့ လာတဲ့သူက ၄၀ လောက်ရှိမယ်"ဟု ၄င်းက ဆက်လက်ပြောကြားသည်။
ထိုသို့ လျှောက်ထားရာတွင် ကိုယ်တိုင်တစ်ဦးချင်းလာရောက်လျှောက်ထားနိုင်ပြီး တစ်ဦးလျှင် တစ်ခါသာ လျှောက်ခွင့်ရှိကြောင်း ကိုယ်စားလှယ်လျှောက်လိုသူ သင်္ဘောသားများ၊ ပြည်ပရောက်နေသူများအတွက် နေပြည်တော် စီးပွား/ကူးသန်းရုံးတွင် လျှောက်ထားနိုင်ကြောင်းသိရသည်။
No comments:
Post a Comment