အဆိုပါအဖွဲ့အနေဖြင့် မျိုးစောင့်ဥပဒေဖြစ်မြောက်အရေးအတွက် ထောက်ခံလက်မှတ်များကို ယခုနှစ် မတ်လကတည်းက ကောက်ခံစုစည်းလာရာ ယခင်လများက ပေးပို့ထားသော လက်မှတ်ပေါင်း သုံးသန်းနှင့် ယခုပေးပို့မည့် လက်မှတ်တစ်သန်းကို ပေါင်းလိုက်လျှင် ထောက်ခံလက်မှတ်ပေါင်း လေးသန်း အထိရှိခဲ့ပြီဖြစ်သည်။
မျိုးစောင့်ဥပဒေနှင့်ပတ်သက်ပြီး လူ့အခွင့်အရေးလှုပ်ရှားသူများ၊ အမျိုးသမီးများ၊ နိုင်ငံရေးပါတီများနှင့် လွှတ်တော် ကိုယ် စားလှယ်များအကြားတွင်လည်း သဘောထားကွဲလွဲမှုများရှိနေသော်လည်း အဆိုပါဥပဒေဖြစ်မြောက်ရေးအတွက် ထောက် ခံလက်မှတ်များကောက်ခံရာတွင် NLD(အမျိုးသားဒီမိုကရေစီအဖွဲ့ချုပ်)၊ NDF(အမျိုးသားဒီမိုကရေစီအင်အားစု)၊ ပြည် ထောင်စုကြံ့ခိုင်ရေးနှင့် ဖွံ့ဖြိုးရေးပါတီ စသဖြင့် ပါတီအသီးသီးမှ ပါတီဝင်များကလည်း ကောက်ခံပေးမှုများရှိနေသည်ဟု ဆရာတော်က ယခုလိုပြောပါသည်။
“ပါတီအနေနဲ့ ကောက်ခံပြီးလာပေးတာကတော့ တောင်သူလယ်သမားဖွံ့ဖြိုးတိုးတက်ရေးပါတီပဲရှိပါသေးတယ်။ ကျန်တာ တွေကတော့ ပါတီဝင်အနေနဲ့ ကောက်ကြတယ်။ ပါတီအနေနဲ့ပေးတာတော့ မဟုတ်ဘူး။ NLD ပါတီဝင်တွေလည်း ကောက် ခံပြီး လာပေးကြတာပဲ။ ပြည်ခိုင်ဖြိုးပါတီဝင်တွေလည်းလာပေးကြတာပဲ။NDFပါတီဝင်တွေလည်းကောက်ပြီးပေးကြပါတယ်”
မျိုးစောင့်ဥပဒေနှင့်ပတ်သက်ပြီး ပြည်သူ့လွှတ်တော်ကိုယ် စားလှယ်ဒေါ်လဲ့လဲ့ဝင်းဆွေကို သြဂုတ်လအတွင်းက မော်ကွန်းမဂ္ဂဇင်းမှမေးမြန်းရာ ၎င်းက “ဆရာတော်ကြီးတွေကိုလည်း အဲဒီဥပဒေရေးဆွဲပေးတဲ့အတွက်ကြောင့် စိတ်ထဲမှာ ကျေးဇူး တင်လျက်ရှိပါတယ်။(ကိုလိုနီခေတ်အပါအ၀င်) ခေတ်ကြီးသုံးခေတ်ကို ဖြတ်သန်းခဲ့ရတဲ့ မြန်မာအမျိုးသမီးတွေရဲ့ သုခနဲ့ဒုက္ခ များကို အခြေံခံပြီးပြော တာပါ”ဟု ဆိုခဲ့သည်။
မျိုးစောင့်ဥပဒေကို ကန့်ကွက်ဆန့်ကျင်နေသော သူများ၊ နိုင်ငံတော်အစိုးရအဖွဲ့၏ သက်ဆိုင်ရာတာဝန်ရှိသူများအားလုံးနှင့် လွှတ်တော်များမှ တာဝန်ရှိသူများအနေဖြင့် မျိုးစောင့်ဥပဒေပြဌာန်းခြင်းအားဖြင့် တကယ်ရရှိလာမည့် အကျိုးကျေးဇူး များကို အသေအချာလေ့လာစေချင်ကြောင်း အရှင်စန္ဒာသီရိက ဆိုပါသည်။ ။
No comments:
Post a Comment