လျှိဝှက်ဥယျာဉ်

Search This Blog

Loading...

အဖွဲ့ဝင်မယ်..Followers

သတင်း


<<<< ကြိုဆိုပါတယ် ပျော်ရွှင်သောနေ့လေးဖြစ်ပါစေ >>>>

Wednesday, 18 September 2013

ရဲကိုင်သေနတ် အလိုအလျောက် ကျည်ထွက်သဖြင့် အမျိုးသမီးတစ်ဦး ထိမှန်

ဒု-ရဲအုပ်တစ်ဦး ကိုင်ဆောင်သည့် ခြောက်လုံးပြူးသေနတ်မှ အလိုအလျောက် ကျည်ထွက်ခဲ့သဖြင့် အမျိုးသမီး ထိမှန်ခံရမှုတစ်ခု ကျိုက်ထိုမြို့နယ်တွင် စက်တင်ဘာ ၁၆ရက် ဖြစ်ပွားခဲ့သည်။

အဆိုပါ ဖြစ်စဉ်မှာ မွန်ပြည်နယ်ကျိုက်ထိုမြို့နယ်တွင် ဖြစ်ပွားခဲ့ခြင်းဖြစ်ပြီး ကျိုက်ထိုမြို့မရဲစခန်းမှ လ၀ ၂၀၂၉၅၃ ဒု-ရဲအုပ် ထွန်းထွန်းဝင်းကိုင်ဆောင်သည့် သေနတ်ဖြင့် ဖြစ်ပွားခဲ့ခြင်းဖြစ်သည်။

၎င်းသည် လှည့်ကင်းတာဝန် ပြီးဆုံးသဖြင့် ကျိုက်ထိုလမ်းရှိပန်းရိုးမထမင်းဆိုင်တွင် တစ်ဦးတည်း ထမင်းစားနေစဉ် ၎င်းကိုင်ဆောင်သည့် ခြောက်လုံးပြူးသေနတ်မှ အလိုအလို ကျည်ထွက်ခဲ့ခြင်း ဖြစ်သည်။

ယင်းကျည်ဆန်သည် ထမင်းဆိုင်မှလုပ်သားဖြစ်သူ မစန္ဒာရွှေ၏ ၀မ်းဗိုက် ယာဘက်ခြမ်းအား ထိမှန်ခဲ့ခြင်းဖြစ်သည်ဟု တိုင်းရဲဌာနမှ သိရသည်။

အဆိုပါ မတော်တဆမှုကြောင့် ကျည်ဆန်အားခွဲစိတ်ကုသရန် ကျိုက်ထိုဆေးရုံမှတစ်ဆင့် ရန်ကုန်ဆေးရုံကြီးသို့ မွန်းလွဲ ၁ နာရီကျော်အချိန်တွင် ရောက်ရှိလာခြင်းဖြစ်သည်ဟုလည်း သိရသည်။

ထို့ကြောင့် ရန်ကုန်ဆေးရုံကြီးအရေးပေါ် ကုသဆောင်တွင်အတွင်းလူနာ (မစိုးရိမ်ရ)အဖြစ် ကုသလျက်ရှိသည်ဟု သိရသည်။ ယင်းလူနာကို ကျိုက်ထိုမြို့မ ရဲစခန်းမှ လ ၂၁၉၃၃၂ ဒုရဲအုပ် ဇော်မင်းထွန်းနှင့် အဖွဲ့က လိုက်ပါပို့ဆောင် ကူညီဆောင်ရွက်ပေးနေသည်ဟုလည်း ရန်ကုန်တိုင်းရဲတပ်ဖွဲ့မှ သိရှိရသည်။

ယင်းဖြစ်စဉ်နှင့် ပတ်သက်ပြီးမည်ကဲ့သို့သော အရေးယူဆောင်ရွက်နေမှုများ ပြုလုပ်နေသည်ကို သိရှိနိုင် ကျိုက်ထိုမြို့
ရဲစခန်းသို့ ဆက်သွယ်မေးမြန်းရာတွင် အထက်ကခွင့်ပြုချက်မရှိဟုဆိုကာ တစ်စုံတစ်ရာ အတည်ပြု
ဖြေကြားပေးခြင်း မရှိခဲ့ပေ။

ဖုန်းကိုင်ဖြေကြားပေးခဲ့သော တာဝန်မှူး ဒု-ရဲအုပ်သောင်းလှကလည်း “အပေါ်ကခွင့်ပြုချက်ရမှ ပြောလို့ရမှာပါ၊ ဘယ်လိုဆောင်ရွက်နေတယ် ဆိုတာတော့ကျွန်တော်တို့လည်း မသိပါဘူး။ စခန်းမှူး၊ မြို့နယ်မှူးတို့ပဲ သိပါလိမ့်မယ်။ သူတို့လည်း မရှိပါဘူး” ဟု မဇ္ဈိမ၏ ဆက်သွယ်မေးမြန်းမှုကို ပြန်လည်ပြောခဲ့သည်။

 

No comments:

နောက်ဆုံးတင်ပြီသမျှ..ဆက်ဖတ်ရန်...အောက်သို့