'မြန်မာနိုင်ငံသည် တရုတ်နိုင်ငံ၏ မဟာဗျူဟာမြောက် ပင်လယ်ထွက်ပေါက်လော' ဆိုတဲ့ခေါင်းစဉ်နဲ့ ဆောင်းပါးတစ်ပုဒ်ကိုစာရေးသူပင်တိုင်ရေးနေတဲ့TheMessengerဂျာနယ်မှာရေးသားခဲ့ဖူးပါတယ်။
အဲဒီဆောင်းပါးမှာ တရုတ်နိုင်ငံအနေဖြင့် မြန်မာနိုင်ငံအပေါ်ထားရှိသော မူဝါဒသဘောထားနဲ့ သမုဒ္ဒရာထွက် ပေါက်များစိုးမိုးရေးမူဝါဒ(နိုင်ငံတစ်နိုင်ငံ သမုဒ္ဒရာနှစ်စင်းမူဝါဒ) အကြောင်းကို တင်ပြရေးသားခဲ့ပါတယ်။
အဲဒီနောက် 'တရုတ်သည် မြန်မာနိုင်ငံအတွက် စစ်မှန်သည့် အိမ်နီးချင်းကောင်းလော' ဆိုတဲ့ဆောင်းပါးကို politics news journal မှာ ရေးသားခဲ့ပါတယ်။ အဲဒီမှာလည်း မြန်မာနိုင်ငံသူ နိုင်ငံသားတွေ နှစ်ပေါင်း (၂ဝ) ကျော် (တိတိကျကျပြောရရင် ၂၂ နှစ်) တုတ်တုတ်မှ မလှုပ်နိုင်ဘဲ ငြိမ်ဝပ်ပြီး ပိပြားနေခဲ့ရတဲ့ အဖြစ်ဆိုးကြီးဟာ စစ်အာဏာရှင်အစိုးရကို တရုတ်နိုင်ငံရဲ့ ထောက်ပံ့ ရပ်တည်ပေးမှုများကြောင့်ဖြစ်တယ်ဆိုတာကိုတင်ပြခဲ့ပါတယ်။အဲဒီလိုရပ်တည်ပေးမှုအတွက် မြန်မာစစ်အစိုးရထံကနေ တရုတ် ပြည်အတွက် ပြန်လည်ရယူသွားခဲ့တဲ့ အကျိုးအမြတ်များကိုလည်း တင်ပြခဲ့ပါတယ်။
အဲဒီဆောင်းပါးများရေးသားခဲ့ပြီးတဲ့နောက်ပိုင်းမှာ(ထိုဆောင်းပါးများကြောင့်ဟုမဆိုလိုပါ)အစဉ်တစ်စိုက် အာဏာရအစိုးရနဲ့သာဆက်ဆံမှုပြုခဲ့တဲ့တရုတ်နိုင်ငံရဲ့ဆိုင်းချက်နဲ့မီးစင်ကအသွင်ပြောင်းသွားခဲ့ပြီး ကကွက်အသွင်တစ်မျိုးကိုမြင်လာရပါတယ်။အဲဒါကတော့မြန်မာပြည်ကနိုင်ငံရေးပါတီအဖွဲ့အစည်းများ (အမျိုးသားဒီမိုကရေစီအဖွဲ့ချုပ်အပါအဝင်)ကိုတရုတ်နိုင်ငံသို့အလည်အပတ် ဖိတ်ကြားမှုတွေပြုလုပ်လာတာကို တွေ့မြင်လာရခြင်းပဲဖြစ်ပါတယ်။ အဲဒီသတင်းတွေကိုကြားရတော့တရုတ်မြန်မာနိုင်ငံ အပေါ်ထားတဲ့ သဘောထားများ ပြောင်းလဲလာလေသလားလို့ ထင်မှတ်ခဲ့မိပါတယ်။
အဲဒီကာလတစ်ဝိုက်မှာပဲ 'ဝ' တပ်မတော် (UWSA) ကို တရုတ်မှစစ်ရဟတ်ယာဉ်များ ထောက်ပံ့ပေးအပ်တယ်ဆိုတဲ့ သတင်းတစ်ရပ်ထွက်ပေါ်လာခဲ့ပါတယ်။အဲဒီသတင်းမမှန်ကန်ကြောင်းကို(သတင်းထွက်ပေါ်ပြီး ရက်အနည်းငယ်အကြာမှာ)နှစ်ဖက်စလုံးမှငြင်းဆိုခဲ့ပါတယ်။အဲဒီလိုUWSAကိုတရုတ်မှ စစ်ရဟတ်ယာဉ်များ ထောက်ပံ့သည်ဆိုသော သတင်းကိုပြင်းပြင်းထန်ထန် ကန့်ကွက်ကြောင်း မေ ၇ ရက်မှာတရုတ်ပြည်သူ့သမ္မတနိုင်ငံ သံရုံးကကြေညာချက် ထုတ်ပြန်ခဲ့တာကိုတွေ့ရပါတယ်။ 'ဝ'သွေးစည်းညီညွတ်ရေးပါတီကတော့မေ၁ဝရက်က ပြည်ထောင်စုငြိမ်းချမ်းရေး ဖော်ဆောင်ရေးလုပ်ငန်းကော်မတီ ဒုတိယဥက္ကဋ္ဌ ဦးသိန်းဇော်ဦးဆောင်တဲ့အဖွဲ့နဲ့ ပန်ဆန်းမြို့ (ရှမ်းပြည်နယ် 'ဝ' အထူး ဒေသ-၂ တွင်)တွေ့ဆုံမှု ရှင်းလင်းခဲ့တာဖြစ်ပါတယ်။ အဲဒီလို 'ဝ'ဘက်မှ ရှင်းလင်းချက်မှာ ရဟတ်ယာဉ်တစ်စင်း၊ဖော်ကာလေယာဉ်တစ်စင်းနှင့် သဘောင်္တစ်စင်းတို့ကို ထိုင်းနိုင်ငံမှ ဝယ်ယူခဲ့ကြောင်း၊ ထိုယာဉ်များတွင် အင်ဂျင်များ မပါဝင် ကြောင်း၊ ဒေသတွင်း သဘာဝဥယျာဉ် တည်ဆောက်ရာ၌ ထည့်သွင်း အသုံးပြုရန် ရည်ရွယ်၍ ဝယ်ယူခဲ့ခြင်း ဖြစ်ကြောင်း ပြောကြားခဲ့တယ်လို့ သိရပါတယ်။
အဲဒီတွေ့ဆုံပွဲမှာ ထူးခြားချက်တစ်ရပ်ကတော့ပြည်ထောင်စုငြိမ်းချမ်းရေးဖော်ဆောင်ရေး လုပ်ငန်းကော်မတီ ဒုတိယဥက္ကဋ္ဌ ဦးသိန်းဇော်ဦးဆောင်သည့်အဖွဲ့နှင့်'ဝ'ပြည်သွေးစည်းညီညွတ်ရေးပါတီတို့တွေ့ဆုံခဲ့ပြီးထိုတွေ့ဆုံမှုမှာ 'ဝ'ပြည်သွေးစည်းညီညွတ်ရေးပါတီ ဒုတိယဥက္ကဋ္ဌ ဦးရှောင်းမီလျံက 'ဝ' ဒေသကို ကိုယ်ပိုင် အုပ်ချုပ်ခွင့်ရ ပြည်နယ်အဖြစ်ခွင့်ပြုပေးဖို့ ထပ်မံတောင်း ဆိုခဲ့တဲ့ကိစ္စပါပဲ။ 'အင်္ဂလိပ်လက်ထက်က မြေပုံမှာ “Wa” (State) ဆိုပြီး အင်္ဂလိပ်လို ရေးထားတာလဲရှိပါတယ်။ အဲဒီအတိုင်းပဲ ပြန်အကောင်အထည် ဖော်ပေးပါဆိုတဲ့ သဘောလည်းဖြစ်တယ်။ တောင်းသင့်တောင်းထိုက်လို့ တောင်းတယ်လို့ပဲ ယူဆပါတယ်လို့ 'ဝ' တိုင်းဥက္ကဋ္ဌ ဦးခွန်ထွန်းလူကပြောကြားခဲ့ကြောင်းကိုမေလ ၁၉ ရက်နေ့ထုတ် စံတော်ချိန်သတင်းစာမှာ ဖော်ပြခဲ့ပါတယ်။ နောက်တစ်ဖန် အဲဒီနေ့မှာပဲ ထုတ်ဝေခဲ့တဲ့ 7 Days သတင်းစာမှာလည်းလည်း 'ဝ'ကိုယ်ပိုင် အုပ်ချုပ်ခွင့်ရ ပြည်နယ်တောင်းဆိုမှုကို 'ဝ'ပါတီများထောက်ခံကြောင်းနဲ့ ပြည်နယ်ရှိရေးကို 'မရမက' လုပ်ဆောင် သွားမည်ဟု 'ဝ'အမျိုးသား စည်းလုံးညီညွတ်ရေးပါတီနာယက ဦးဖီးလစ်ဆန်က ပြောကြားခဲ့ကြောင်း မျက်နှာ ဖုံးသတင်းအဖြစ် ဖော်ပြခဲ့ပါတယ်။
လက်ရှိ၂ဝဝ၈ ခုနှစ် ဖွဲ့စည်းပုံ အခြေခံဥပဒေအရမြန်မာနိုင်ငံတော်ကို တိုင်းနဲ့ပြည်နယ် (၁၄)ခု၊ ကိုယ်ပိုင် အုပ်ချုပ်ခွင့်ရဒေသ (၅)ခု၊ ကိုယ်ပိုင်အုပ်ချုပ်ခွင့်ရတိုင်း (၁)ခုနဲ့ ဖွဲ့စည်းတည်ဆောက်ထားတာ ဖြစ်ပါတယ်။ အဲဒီ ဖွဲ့စည်းပုံအခြေခံဥပဒေရဲ့အခန်း(၂)ပုဒ်မ(၅၆)မှာ ကိုယ်ပိုင်အုပ်ချုပ်ခွင့်ရတိုင်းနှင့် ကိုယ်ပိုင်အုပ်ချုပ်ခွင့်ရဒေသများကို အောက်ပါအတိုင်း သတ်မှတ်သည်လို့ဖော်ပြထားပြီး အပိုဒ်ခွဲ(စ)မှာရှမ်းပြည်နယ်ရှိ ဟိုပန်မြို့နယ်၊ မိုင်းမောမြို့နယ်၊ ပန်ဝိုင်မြို့နယ်၊ နားဖန်မြို့နယ်၊ မက်မန်းမြို့နယ်နှင့် ပန်ဆန်း (ပန်ခမ်း) မြို့နယ် ခြောက်မြို့နယ်တို့ကို ခရိုင်နှစ်ခရိုင် ဖွဲ့စည်းပြီး 'ဝ'ကိုယ်ပိုင် အုပ်ချုပ်ခွင့်ရတိုင်းဟု သတ်မှတ် ပြဋ္ဌာန်းပေးထားတာကို တွေ့မြင်ရပါတယ်။ အခုအခါမှာ အဲဒီကိုယ်ပိုင် အုပ်ချုပ်ခွင့်ရ တိုင်းအဆင့်ကနေ ပြည်နယ်အဆင့်သို့ တိုးမြှင့်ပေးရန် တောင်းဆိုလာခဲ့တာ ဖြစ်ပါတယ်။ ၂ဝဝ၈ ဖွဲ့ စည်းပုံ အခြေခံဥပဒေအရ လက်ရှိအာဏာရယူထားပြီး နိုင်ငံတော်ကို အုပ်ချုပ်နေတဲ့ အစိုးရ၊ ဥပဒေပြုလွှတ်တော်နဲ့ ဖွဲ့စည်းပုံ အခြေခံဥပဒေခုံရုံးတို့အတွက် 'နဖူးတွေ့ ဒူးတွေ့' ပြဿနာကို စတင်ရင်ဆိုင်ရပါပြီလို့ ဆိုရမှာဖြစ်ပါတယ်။
'ဝ'ဒေသဟာ ဧရိယာအားဖြင့် ၁၇ဝဝဝ စတုရန်း ကီလိုမီတာခန့် ကျယ်ဝန်းပြီး လူဦးရေ ခြောက်သိန်းနီး ပါးသာ ရှိပါတယ်။ ယခုထက်တိုင် တရားဝင် လူဦးရေ သန်းခေါင်စာရင်း ကောက်ယူခြင်းမပြုနိုင်သေးတဲ့ဒေသ တစ်ခုလည်း ဖြစ်ပါတယ်။ ဒေသတွင်းမှာရှိတဲ့ လူဦးရေ ရဲ့ ၇ဝ ရာခိုင်နှုန်းက တရုတ်စကားကိုသာ ပြောဆိုကြပြီး တော့ ၃ဝ ရာခိုင်နှုန်းလောက်ကသာ မြန်မာစကား၊ တိုင်းရင်းသားဘာသာစကားတို့ကို ပြောဆိုကြပါတယ်။ အဲဒီအပြင် 'ဝ' အုပ်ချုပ်ရေးအဖွဲ့က တရုတ်စာ၊ တရုတ် စကားကို ရုံးသုံးဘာသာစကားအဖြစ် ပြဋ္ဌာန်းထား တယ်လို့လည်းသိရပါတယ်။ မြန်မာနိုင်ငံ အချုပ်အခြာ အာဏာ ပိုင်နက်အတွင်းမှာ တည်ရှိနေပေမဲ့ ငွေကြေး သုံးစွဲမှု အပိုင်းမှာမြန်မာနိုင်ငံသုံးကျပ်ငွေကို အသုံးမပြု ကြဘဲ တရုတ်နိုင်ငံသုံး ယွမ်ငွေကိုသာ အသုံးပြုကြ တယ်လို့ သိရပါတယ်။ လက်နက်ကိုင်တပ်ဖြစ်တဲ့ 'ဝ' သွေးစည်းညီညွတ်ရေးတပ်မတော် (UWSA) မှာ လက် နက်ကိုင်အင်အား သုံးသောင်းကျော်နဲ့ အရန်ပြည်သူ့ စစ်အင်အား တစ်သောင်းကျော်ခန့်နဲ့ ဖွဲ့စည်းထားတယ်လို့ သိရပါတယ်။ ယခင်နဝတအစိုးရခေတ်မှာ လက်နက် နဲ့ ငြိမ်းချမ်းရေးလဲလှယ်ရေး လုပ်ဆောင်ချက်များ လုပ် ဆောင်ခဲ့ပြီးတဲ့နောက်ပိုင်း 'ဝ'ဒေသကိုအထူးဒေသအဖြစ် သတ်မှတ် အခွင့်အရေးပေးထားခဲ့တာဖြစ်ပါတယ်။ အဲဒီအခွင့်အရေးနောက်ပိုင်း ကျောက်မျက်ရတနာ တူးဖော် ရေးလုပ်ငန်းတွေ နှစ်နိုင်ငံ နယ်စပ်ကုန်သွယ်ရေး လုပ်ငန်းတွေလုပ်ကိုင်ခဲ့ရာမှာ လူသိများထင်ရှားတဲ့ 'ဟုန်ပန်း' စီးပွားရေးလုပ်ငန်းစုကြီးကို ထူထောင် နိုင်ခဲ့ပါတယ်။
ဒွေးနှစ်ဖော်သံဝါညှိမညှိကိုမသိနိုင်ပေမယ့်မပြေးသော်ကန်ရာရှိနေတဲ့ဖြစ်စဉ်တစ်ခုမှာနောက် ဆက်တွဲပြဿနာတွေကတော့ အများကြီးပေါ်လာတော့မှာပါ။ အထက်မှာဖော်ပြခဲ့တဲ့အတိုင်း အများသုံး ဘာသာစကားက တရုတ်ဘာသာစကား၊ ရုံးသုံးဘာသာစကားကလည်း တရုတ်ဘာသာစကား၊ သုံးတဲ့ ငွေကြေးက တရုတ်ယွမ်ငွေ၊ စီးပွားရေး ဆက်ဆံမှုအများစုကလည်းတရုတ်နိုင်ငံဆိုတဲ့ဝိသေဿလက္ခဏာများနဲ့ဒေသတစ်ခုက ကိုယ်ပိုင်အုပ်ချုပ်ခွင့်ရပြည်နယ် တောင်းလာတာဟာ ဘယ်လိုသဘော ဆောင်မလဲဆိုတာကို တွေးကြည့်ရတာကိုက အတော့်ကို ရင်လေးစရာ အကြောင်းအရာပါပဲ။
အဆိုးဆုံးအခြေအနေက အဲဒီဒေသမှာ သန်းခေါင် စာရင်းကောက်ယူနိုင်မှုမရှိသေးဆိုတဲ့ အခြေ အနေပါ။ သန်းခေါင်စာရင်းဆိုတာ နိုင်ငံရဲ့လူဦးရေ အခြေပြဇယားပါ။ ဒေသဆိုင်ရာတစ်ခုမှာ နှစ်တစ်နှစ်အတွင်း နေထိုင်သူ နိုင်ငံသားဦးရေကို အခြေပြုပြီး ထိုနှစ်အတွင်း မွေးဖွားသော လူဦးရေ၊ သေဆုံးသောလူဦးရေ စသည်ဖြင့် အတိုးအလျော့ကို အမြဲတမ်းညှိနေရတဲ့ သန်းခေါင်စာရင်းဟာ တိုင်းရင်းသား၊နိုင်ငံသားဦးရေကိုချိန်ညှိပေးနေတဲ့စာရင်းဇယားဖြစ်ပါတယ်။ သန်းခေါင်စာရင်း ကောက်ယူနိုင်မှုမရှိတဲ့ ဒေသတစ်ခုမှာဘယ်သူ ဟာ နိုင်ငံသား တိုင်းရင်းသား၊ ဘယ်သူက နိုင်ငံအတွင်းကို ဥပဒေပဝင်ရောက်နေထိုင်သူဆိုတာကိုဘယ်လိုစိစစ်နိုင်ကြပါ့မလဲ။အဲဒီလိုဆိုရင်ယခု 'ဝ'ပြည်နယ်တောင်းဆိုနေကြတဲ့သူများဟာမြန်မာနိုင်ငံသား'ဝ'တိုင်းရင်းသားစစ်စစ်တွေဖြစ်ပါတယ်လို့ဘယ်လို သက်သေအထောက်အထားများနဲ့ ညှိနှိုင်းစိစစ်နိုင်မှာ လည်းဆိုတာဟာ အရေးအကြီးဆုံးပြဿနာ ဖြစ်လာပါလိမ့်မယ်။ အင်မတန်မှ ရှုပ်ထွေးတဲ့ ပြဿနာတစ်ခု ဖြစ်လာပါလိမ့်မယ်။
အဲဒီကိစ္စနဲ့ပတ်သက်လို့ပြည်သူ့လွှတ်တော်ကိုယ် စားလှယ် ဦးကြည်မြင့်ရဲ့ ပြောစကားလေးကို ကိုးကား ချင်ပါတယ်။ ''ကျွန်တော့်အမြင်ကတော့ ပြည်နယ်မပေးသင့်သေးဘူး။ စောလွန်းသေးတယ်လို့မြင်တယ်။ နောက် ပြီး ဒီကိစ္စဟာ လွှတ်တော်ထဲမှာ ပထမဆုံးအကြိမ် တံခါးပိတ်ဆွေးနွေးရမယ့်ကိစ္စဖြစ်လာပြီ။ 'ဝ' ဒေသမှာရှိနေတဲ့ လူတွေက 'ဝ' တိုင်းရင်းသားအစစ်တွေလား။ ဒါမှမဟုတ် 'ဝ' တိုင်းရင်းသားတွေကို ဆိတ်ကလေးလို သဘောထားပြီးနောက်ကနေ အရိပ်ခိုဖို့ ဝင်နေတဲ့လူတွေလားဆိုတာ ပြန်ပြီးဆန်းစစ်ဖို့လိုတယ်။ ဒါတွေကို မဆန်းစစ်ဘဲ ခွင့်ပြုမယ်ဆိုရင် အရှုပ်အထွေးဖြစ်လာတော့မှာပဲ''လို့ ဦးကြည်မြင့် ကပြောခဲ့ပါတယ်။
သူ့ရဲ့စိုးရိမ်ပူပန်မှုအတိုင်း စာရေးသူလည်း စိုးရိမ်ပူပန်မိပါတယ်။ စာရေးသူငယ်စဉ်က ဖုတ်ဝင်သည် ဇာတ်လမ်းလေးတစ်ပုဒ် ဖတ်ခဲ့ရဖူးပါတယ်။ ထန်းသမားတစ်ယောက် ထန်းပင်ပေါ်ကပြုတ်ကျခဲ့တော့ အပေါင်း အဖော်တွေက အိမ်ကို ပွေ့ယူသယ်လာကြပါတယ်။ အိမ်ရောက်တော့ သတိပြန်ရလာပါတယ်။ အဲဒီ နောက်ပိုင်းမှာ စားလိုက်တဲ့အစား၊ အိမ်သူအိမ်သားတွေကလည်း ရှာလို့ဖွေလို့ရတတ်သမျှ ကောင်းရာ မွန်ရာကျွေး မွေးပြုစုနေရင်းနဲ့ ကြာလာတော့ မသင်္ကာဖြစ်လာပါတယ်၊ အဲဒါနဲ့သိတဲ့ တတ်တဲ့ ဆရာသမားတွေ ကို ခေါ်ယူပြသတော့မှ မြေဘုတ်(ဖုတ်) ဝင်နေမှန်း သိရလို့ ဆရာတွေ ဖုတ်ထုတ်လိုက်ရပါသတဲ့။ စာရေး သူတို့လည်း အခုလို ကိုယ်ပိုင်အုပ်ချုပ်ခွင့်ရပြည်နယ်တောင်းလာသူတွေဟာ စာရေးသူတို့ နိုင်ငံသား၊ တိုင်း ရင်းသား အစစ်တွေဟုတ်ပါရဲ့လားလို့ သိတဲ့တတ်တဲ့ ပုဂ္ဂိုလ်တွေက မဖုံးတမ်း၊ မကွယ်တမ်း စစ်ကြဆေးကြ စေလိုပါတယ်။ နို့မဟုတ်ရင် အခုအလိုပြည်နယ်ထ တောင်းတာ၊ မရမကတောင်းဖို့ပြင်ဆင်လာတာဟာ စာရေးသူတို့ နိုင်ငံသား 'ဝ'တိုင်းရင်းသားတွေ မဟုတ်ဘဲ ဖုတ်ဝင်ကောင်က အစာတောင်းနေတာ ဖြစ်မှာစိုးရ ပါတယ်။
ရခိုင်မှာ 'အနောက်တံခါးပွင့်နေပြီ'လို့ပြောကြဆိုကြတဲ့အချိန်တုန်းက စာရေးသူကအရှေ့ဘက်ကတော့ 'ခြံစည်းရိုးတောင်မရှိတော့ဘူး'လို့ပြောခဲ့ဖူးပါတယ်။အရှေ့ဘက်မှာတံခါးမရှိ၊ဓါးမရှိရုံမျှသာမကအရံအတား စည်းရိုးတစ်တောင်တစ်ထွာမရှိ၊ဟောင်မယ့်ခွေးတောင်မရှိဘဲဝင်ခွင့်ရနေတဲ့ပုဂ္ဂိုလ်တွေက မြန်မာနိုင်ငံအတွင်းမှာ အနမတဂ္ဂဖြစ်နေပါပြီ။ အဲဒါကို အရင်အစိုးရလက်ထက် တာဝန်ရှိသူတွေက မျက်စိမှာဘာတွေဖုံးနေလို့ မမြင်ကြသလဲ မသိနိုင်ပေယ့် သိသူမြင်သူတွေကတော့ရင်တမမနဲ့နေရတာပါ။မြန်မာပြည်ကလမ်းညွှန်ဆိုင်း ဘုတ်တွေဘယ်တော့များ၊ မြန်မာစာနေရာမှာ တစ်ခြား ဘာသာစကားနဲ့ အစားထိုးမလဲဆိုတာကို တွေးတွေးပြီး ကြောက်နေရတာပါ။
ဒီပြဿနာတွေအားလုံးရဲ့အစကတော့ပြန်မလှန်တော့တာကောင်းမယ်ထင်လို့ထည့်မပြောချင်တော့ပါဘူး၊ ကြာနီကန်ဆရာတော်ဟောခဲ့သလိုဘဲ'ပြောမကောင်းအပ်ကြောင်းဆိုတာထပ်စမြဲ'လို့ပဲဆိုချင်ပါတော့တယ်။ ဒါပေမဲ့ မပြောလို့မဖြစ်တဲ့အကြောင်းအရာကတော့ပြောရပါဦးမယ်။ အဲဒါကတော့ ပြည်ထောင်စုမြန်မာနိုင်ငံတော်လို့ အမည်နာမတပ်ခဲ့ပေမယ့်ပြည်နယ်တွေရဲ့ဆန္ဒ၊ပြည်သူတွေရဲ့ဆန္ဒတွေကို မျက်ကွယ်ပြုပြီးရေးဆွဲခဲ့တဲ့၂ဝဝ၈ ဖွဲ့စည်းပုံအခြေခံဥပဒေကြီး အကြောင်းပါပဲ။
မြန်မာနိုင်ငံတော်မှာရေးဆွဲပြဋ္ဌာန်းထားတဲ့ ၂ဝဝ၈ ဖွဲ့စည်းပုံအခြေခံဥပဒေအခန်း (၂) နိုင်ငံတော် ဖွဲ့စည်း တည်ဆောက်ပုံအခန်းကို နိုင်ငံတော်သစ်၏ ဒီမိုကရေစီ အုတ်မြစ်ပန္နက် (၅) ဆောင်းပါးမှာ 'ထိုပြဋ္ဌာန်းချက် ပုဒ်မ ၄၉ တွင် နိုင်ငံတော်ကို အောက်ပါတိုင်းဒေသကြီး (၇)ခုပြည်နယ် (၇)နယ်နှင့်ပြည်ထောင်စု နယ်မြေများဖြင့် ပိုင်းခြားသတ်မှတ်သည်'ဟု ဖော်ပြထားပြီး မြန်မာ့ ဆိုရှယ်လစ် လမ်းစဉ် ပါတီခေတ်က သတ်မှတ်ခဲ့သည့်အတိုင်း တိုင်း(၇)ခု ၊ ပြည်နယ်(၇) ခုနှင့် ပြည်ထောင်စု နယ်မြေများဟူ၍ ဖော်ပြထားသည်ကို တွေ့ရပါသည်။ ဤအချက်မှာ တိုင်းရင်းသားတို့၏ သဘောဆန္ဒနှင့် ကိုက်ညီမှုရှိမရှိ ဆိုသည်ကို ပြန်လည် သုံးသပ်လေ့လာ သင့်သည်ဟု ထင်မြင်ပါသည်လို့ စာရေးသူ ဝေဖန်သုံး သပ်ခဲ့ပါတယ်။ အဲဒီဆောင်းပါးမှာပဲ မြန်မာနိုင်ငံတွင် လူမျိုးစုပေါင်း ၁၃၅ မျိုှးိသည်ဆိုသည်ကို အကုန်အစင် ဖော်ပြခြင်းငှာ မဖြစ်နိုင်သော်လည်း အဓိက လူမျိုးများ အဖြစ် ကချင်၊ ကယား၊ ကရင်၊ ချင်း၊ ဗမာ၊ မွန်၊ ရခိုင်၊ ရှမ်းဟူ၍ အထင်အရှားရှိနေပါသည်။
ကချင်လူမျိုးများထဲတွင် အခြားသော လူမျိုးစုငယ်များ ပါဝင် နေသေးသကဲ့သို့၊ ရှမ်းလူမျိုးများတွင်လည်း လူမျိုးစုငယ်များ ပါဝင်နေပါသည်။ထိုတိုင်းရင်းသားများသည်လက်ရှိတိုင်းနှင့်ပြည်နယ်၁၄ခုမူဝါဒကို လက်ခံနိုင်ပါသလား၊ငြင်းပယ်ပါသလားဆိုသည်ကို ထိုတိုင်းရင်းသားများ၊ လူမျိုးစုငယ်များနှင့် တိတိလင်းလင်း ကွဲကွဲပြားပြား ညှိနှိုင်းမှုများလုပ်ဆောင်ပြီးသဘောထားခံယူပြီးမှသာနိုင်ငံတော်ကိုပြည်နယ်မည်မျှဖြင့်ဖွဲ့စည်း တည်ဆောက်သည်ဆိုသည်ကို ပြဋ္ဌာန်းသင့်သည်ဟု ထင်မြင်ပါသည် လို့လည်း ထပ်ဆင့်တင်ပြခဲ့ပါတယ်။ အခုတော့ ဝါးလုံးလား ဝါးခြမ်းလား မကွဲပြားဘဲ လုံးချ ခဲ့တဲ့ ပြဿနာကို အခုရင်ဆိုင်လာရပြီဖြစ်ပါတယ်။ အဲဒီအပြင် 'တိုင်းရင်းသားပါတီများ၊ တိုင်းရင်းသား အဖွဲ့အစည်းများအားလုံးနှင့် တွေ့ဆုံညှိနှိုင်းကြလျက် သဘောထားခံယူခြင်း၊ ညှိနှိုင်းဆွေးနွေးပွဲများမှ ပေါ် ထွက်လာသော သဘောထားများကိုပြည်သူများသိစေရန် ထုတ်ပြန်ကြေညာခြင်းများပြုလုပ်ပြီးမှသာနိုင်င်ငံတော်ဖွဲ့စည်းတည်ဆောက်ပုံကိုရေးဆွဲ အတည်ပြုသင့်ကြောင်း'ကိုလည်း အကြံပြုခဲ့ပါသေးတယ်။
ကိုယ်ကျိုးစီးပွား ကာကွယ်ရေးအတွက် မိမိတို့ ထည့်သွင်းချင်တဲ့ အချက်တွေကိုသာ ထည့်သွင်းရေးသားဖို့ စိုင်းပြင်နေ ခဲ့ကြပြီး၊တကယ့်ပြည်ထောင်စုစစ်စစ်အသွင်သဏ္ဌာန်ကို စည်းကမ်းတကျ မဖော်ဆောင်နိုင်ခဲ့တဲ့ ဥပဒေကြီးကို ရေးဆွဲပြဌာန်းပြီးတော့ ကိုယ့်မြင်းတွေကိုယ်စိုင်းခဲ့ လိုက်ကြတာ ခုတော့ဘယ်ခရီးရောက်လို့ ဘယ်ခရီးပေါက်မယ်မှန်း မသိရအောင်ကို ဖြစ်နေရပါပြီ။
အခု 'ဝ' ပြည်နယ်ကိစ္စဟာ ပုံမှန်ဖြစ်ရိုးဖြစ်စဉ်လား၊ နောက်ကွယ်က အကြောင်းတရားတွေ ပါနေ သလားဆိုတာတွေကို များစွာသုံးသပ်ဆင်ခြင်ဖို့ အရေး ကြီ နေပါပြီ။ ဒါဟာ တစ်ချိန်ချိန်မှာ နိုင်ငံတော်မြေပုံကို အသစ်ပြင်ဆင်ရေးဆွဲဖို့ ကြုံတွေ့လာရနိုင်တဲ့ ကိစ္စကြီး တစ်ရပ်ဖြစ်ပါတယ်။ နိုင်ငံတော်ရဲ့ အချုပ်အခြာအာဏာ တည်တံ့ခိုင်မြဲရေးကို တွန်းတိုက်လာနိုင်တဲ့ ကိစ္စတစ်ရပ်ဖြစ်ပါတယ်။ ဒါတွေဟာခြံစည်းရိုးမဲ့နေခဲ့တဲ့ နိုင်ငံအရှေ့ခြမ်းဆီက လွင့်ကျလာတဲ့ မီးပွားတွေဖြစ်ပါတယ်။ အငြိမ်းအသတ် အကိုင်အတွယ်မတတ်ရင် တိုင်းပြည် ကို စစ်မီးတွေတောက်လောင်စေပါဦးတော့မယ်။
အထက်မှာ ဖော်ပြခဲ့တဲ့အတိုင်း ၂ဝဝ၈ ဖွဲ့စည်းပုံ အခြေခံဥပဒေ အရ လက်ရှိအာဏာ ရယူထားပြီး နိုင်ငံတော်ကို အုပ်ချုပ်နေတဲ့ အစိုးရ၊ ဥပဒေပြုလွှတ်တော်နဲ့ ဖွဲ့စည်းပုံ အခြေခံဥပဒေ ခုံရုံးတို့ဟာ ဒီ 'နဖူးတွေ့ - ဒူးတွေ့' ပြဿနာကို ဘယ်လို ကိုင်တွယ်ဖြေရှင်း ဆောင်ရွက် ကြမှာလဲဆိုတာကိုတော့ ရင်တမမနဲ့ စောင့်စားနေရတော့မှာပါ။ စာရေးသူအနေနဲ့ကတော့ ဒီလိုအရေးကြီးလှတဲ့ ကိစ္စတစ်ရပ်၊ နောင်မှ ပြန်ပြင်လို့မရနိုင်တဲ့ ကိစ္စတစ်ရပ်ကို ဆုံးဖြတ်ကြရာမှာ ဥပဒေပြုလွှတ်တော်မှာ တင်သွင်း ဆုံးဖြတ်ရုံနဲ့တင်မကဘဲ နိုင်ငံတော်အတွင်းက နိုင်ငံသား အားလုံးရဲ့ဆန္ဒများကိုပါ တောင်းခံရယူပြီးမှသာ ဆုံးဖြတ် သင့်ကြောင်း အလေးအနက် တင်ပြလိုပါတယ်ဗျာ။
No comments:
Post a Comment