ဒီအစည်းအဝေးမှာ ၂၀၁၅ခုနှစ်မှာ အာဆီယံအဖွဲ့ဝင် နိုင်ငံတွေရဲ့ တစ်ခု တည်းသော စီးပွားရေး ဈေးကွက်ဖြစ်လာဖို့ ဦးတည်ချက်ထားပြီး မြန်မာနိုင် ငံခြားရေးဝန်ကြီး ဦးဝဏ္ဏမောင်လွင်နဲ့ တခြား အာဆီယံအဖွဲ့ဝင် ၉ နိုင်ငံ က နိုင်ငံခြားရေးဝန်ကြီးတွေ ဆွေးနွေးခဲ့ကြတာဖြစ်ပါတယ်။
မြန်မာနိုင်ငံဟာ အာဆီယံအဖွဲ့ဝင်အဖြစ် ၁၇ နှစ်ကြာပြီးနောက် အာဆီယံ အလှည့်ကျ ဥက္ကဌအဖြစ် အခုလို ထိပ်သီးညီလာခံကို ပထမဆုံးအကြိမ် လက်ခံကျင်းပမှာလည်း ဖြစ်ပါတယ်။
ဒီနေ့အစည်းအဝေးမှာ တောင်တရုတ်ပင်လယ်မှာ တရုတ်နဲ့ အာဆီယံအဖွဲ့ဝင် နိုင်ငံတွေရဲ့ ပိုင်နက် အငြင်းပွားမှုကိစ္စနဲ့ ပတ်သက်လို့ ပဋိပက္ခတွေကို ငြိမ်းချမ်းတဲ့နည်းလမ်းနဲ့ ဖြေရှင်းဖို့ အာဆီယံအနေနဲ့ သဘောထားရှိတယ် လို့လည်း မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်က သတင်းထောက်တွေကို ရှင်းပြခဲ့ပါတယ်။
ဒီကနေ့ ညနေပိုင်းမှာတော့ နိုင်ငံတော် သမ္မတ ဦးသိန်းစိန် က နေပြည်တော်မှာရောက်ရှိနေကြပြီဖြစ်တဲ့ အာဆီယံအဖွဲ့ဝင်နိုင်ငံတွေ က နိုင်ငံအကြီးအကဲတွေကို ညစာစားပွဲနဲ့ တည့်ခင်းဧည့်ခံမှာ ဖြစ်ပါတယ်။ မနက်ဖြန်မနက်စတင်မယ့် ၂၄ ကြိမ်မြောက် ထိပ်သီး ညီလာခံမှာ တောင် တရုတ်ပင်လယ်ရေပိုင်နက် အငြင်းပွားမှုပြဿနာနဲ့ ထိုင်းနိုင်ငံရေး ပြဿနာတွေ ကို ဆွေးနွေးဖို့ မျှော်လင့်ထားကြောင်း အာဆီယံခေါင်းဆောင်တချို့က ပြော ပါတယ်။
RFA Burmese
No comments:
Post a Comment