အုတ်ခဲနှင့် လေယာဉ်ပျောက်ဆုံးမှု အရှုပ်တော်ပုံကြီး (သရော်စာ)

လေယာဉ်အကြီးကြီး လေထဲမှာ ဖျတ်ခနဲပျောက်သွားတာ ထူးဆန်းသည်။ ဒီကိစ္စ ရှော့ရှိသည်။ တစ်ကမ္ဘာလုံး အံ့သြတုန်လှုပ်ကုန်သည်။ ပျံသန်းရင်း ပျောက်သွားတာပဲ သိကြသည်။ ဘာကြောင့်လဲဆိုတာ ဘယ်သူမှအဖြေရှာမရ။ သတင်းစာတွေမှာ ဒီကိစ္စ ပလူပျံလာသည်။
ပါသွားတာက လူနှစ်ရာကျော်။ တရုတ်တွေအများကြီးပါသည်။ အီရန်က နှစ်ကောင်လည်း ပါသည်ဟုဆိုသည်။ ပတ်စ်ပို့အတုဖြင့် လိုက်သွားသည်ဟု လည်း ဖော်ထုတ်ကြ သည်။ လေးငါးရက်ကျော်လာသည့်တိုင် လေယာဉ်ကြီးကို ရှာမတွေ့။ တစ်ကမ္ဘာလုံး လက်မှိုင်ချရ
သည်။ မိသားစုတွေ ငိုကြယိုကြသည်။ လူသားအားလုံး စာနာစိတ်ဖြင့် ဆုတောင်းပေးကြသည်။
မလေးရှားအစိုးရကတော့ လေယာဉ်ကြီးကို ပြန်ပေါ်လာစေရန် နတ်ဆရာတွေပင့်ချလာသည်။ မလေးရှားလေဆိပ်ထဲမှာ နတ်ဆရာတွေ အုန်းသီးနှစ်လုံးမြှောက်ပြီး ဥုံဖွ ဥုံဖွ ဂါထာရွတ်ကြသည်။ ဒါကိုမြင်တော့ မြန်မာတွေက ရယ်သည်။
မြန်မာလေယာဉ်များကို စပျံမှုမလုပ်ခင် လေယာဉ်ရှေ့မှာ ကန်တော့ပွဲအကြီးကြီးထိုးပြီး ပွဲပေးနေသည့် ဓာတ်ပုံကို ပြ၍ ကြွားကြသည်။
မလေးရှားလို ""အုန်းသီးနှစ်လုံးတောင်မလိုဘူး။ ငါတို့ မြန်မာတွေက တစ်လုံးတည်းနဲ့ ရတယ်။ အစကောင်းမှ အနှောင်းသေချာတာ။ ဟိုတစ်ခါ လေယာဉ် မတော်တဆဖြစ်တုန်းက ဆိုကြည့်ပါလား။ ကန်တော့ပွဲကြိုပေးထားလို့ လမ်းပေါ်မှာ သူ့ဘာသာဆိုင်ကယ်စီးနေတဲ့ ဦးပြားကိုပဲ ၀င်တိုက်မိတာ""ဟု ဆိုသည်။
နောက်ဆက်တွဲစုံစမ်းမှုတွေအရ လေယာဉ်ကို နောက်ဆုံးဖုန်းခေါ်လို့ရခဲ့သည်ဟု တရုတ်နိုင်ငံသားတစ်ဦးက ပြောလာသည်။ ဖုန်းဝင်ပေမယ့် မကိုင်ဟု ဆိုသည်။ နောက်တော့ ဖုန်းအဆက်အသွယ်ပြတ်တောက်သွားသည်။ ဒါကို ကြည့်ခြင်းအားဖြင့် ဒီလေယာဉ်ကြီး
မြန်မာနိုင်ငံထဲ ရောက်နေတာဖြစ်ရမည်ဟု မြန်မာတို့က ယူဆကြသည်။
""ဒီနိုင်ငံရောက်နေလို့ သူတို့ဖုန်းတွေမမိတော့တာဖြစ်မယ်။ ဒီမှာက ကိုယ်တွေတောင် ဖုန်းလိုင်းက မိချင်တာမဟုတ်ဘူး""ဟု စုံထောက်ဝတ္ထုများဖတ်လေ့ရှိသည့် ဆိုက်ကားဆရာတစ်ဦးက ၁၅၀၀ တန်ဖုန်းလေးကိုင်၍ သုံးသပ်သည်။
ဆူးလေဘုရားအနီး အပင်အောက်တွင် ဗေဒင်ဟောသည့် ဗေဒင်ဆရာတစ်ဦးက ""ဒီလေယာဉ်ကြီးကို အကြမ်းဖက်သမားတွေ ပြန်ပေးဆွဲသွားတာဖြစ်ပါတယ်။ တစ်ယောက်မှမသေသေးပါဘူး""ဟု ခပ်တည်တည်ဟောကိန်းထုတ်သည်။
ထိုအနီးအနားမှာ စာကလေးဗေဒင်လိုက်ဟောသည့် ကုလားမကြီးတစ်ဦးကတော့ ""ဒီလေယာဉ်ဟာ တွင်းနက်ကြီးထဲ ရောက်သွားတာဖြစ်ပါတယ်။ စကြ၀ဠာတွင်းနက်ကြီးထဲခဏရောက်သွားတဲ့အတွက် အချိန်တန်ရင် ပြန်ပေါ်လာမှာပါ""ဟု ဖိုသီဖတ်သီ နိမိတ်ဖတ်သည်။ ငြင်းခုံကြရင်း ဗေဒင်ဆရာနှင့် ကုလားမကြီးတို့ ထ၍ နပန်းလုံးကုန်သည်။
နားစွန်နဖျားကြားလိုက်ရသည့် မြို့တော်စည်ပင်ဝန်ထမ်းတစ်ဦးကတော့ ""တွင်းနက်ကြီးကို ထုံးသွားသုတ်ဖို့ အထက်ကခိုင်းလာရင်တော့ ဒုက္ခပါပဲ""ဟု စိုးရိမ်တွေးတောလျှက်ရှိသည်။
""တွင်းနက်ကြီးထဲရောက်သွားတယ်ဆိုတော့ ကပ္ပလီမတွေကို ဖမ်းစစ်ရင်ကောင်းမလား"" ဟု အနားကဖြတ်သွားသည့် ရဲတစ်ဦးက စဉ်းစားသည်။ ထိုသို့ဖြင့် အမျိုးမျိုး မှတ်ချက်ပေးကြကုန်၏။
ဒီကိစ္စမှာ အမေရိကန်ထောက်လှမ်းရေးတွေလည်းပါလာသည်။ နိုင်ငံတကာမှ လေယာဉ်တွေ၊ သဘောင်္တွေ လေထဲမှာရော ရေထဲမှာရော ပိုက်စိတ်တိုက်ရှာဖွေကြသည်။ ဆီကွက်ကြီးတစ်ကွက်တွေ့သည်ဟု ဂြိုဟ်တုပေါ်မှာ တာဝန်ကျသူက လက်ညိုးလှမ်းထိုးပြသည်။
စစ်ကြည့်တော့ ရေနံသဘောင်္ာကဆီကွက်ဖြစ်နေသည်။
အပျက်အစီးတစ်စ တွေ့သည်ဟုလည်း ဆိုသည်။ သို့သော် လေယာဉ်မှမဟုတ်။ ဒီတော့ အားလုံး ခေါင်းစားကုန်သည်။ တချို့က လက်တို့. ခြေထောက်တို့ ပြောင်းစားကြသည်။ ဘယ်လိုပဲရှာရှာ လေယာဉ်ကြီးကို မတွေ့။ နတ်ဆရာတွေလည်း မကယ်နိုင်။ ဆူးလေက ဗေဒင်ဆရာလည်းမကယ်နိုင်။ စာကလေးဗေဒင်ကုလားမကြီးလည်း မကယ်နိုင်။
ဒီကြားထဲ ၂၀၁၁ ခုနှစ်တုန်းက လေယာဉ်မှူးနှစ်ယောက် လေယာဉ်မောင်းခန်းထဲ ကို ဆော်နှစ်ပွေခေါ်သွားဖူးသည်ဟူသည့် သတင်းကလည်း ထွက်လာသေး သည်။ လေယာဉ်မောင်းခန်းထဲမှာ လေယာဉ်မှူးနှစ်ယောက်နဲ့ ဆော်နှစ်ပွေ ဓာတ်ပုံတွဲရိုက်ထားသည့်ပုံကို ဖွကြသည်။
ဒီလိုနှင့် နောက်ဆုံးတော့ မြန်မာဝင်ပါလာတော့သည်။ အာဆီယံဥက္ကဌဂုဏ်ပုဒ်ဖြစ်သည့် တူကလေးကို ကိုင်လျှက် ရှာဖွေကူညီပေးသည်။ ""မင်းတို့ဆီမှာ မတွေ့ရင် ဒို့ဆီမှာ လာရှာလေ""ဟုလည်း စပ်ဖြဲဖြဲနှင့် ပြောသည်။
နောက်ဆုံးစစ်ဆေးမှုတွေအရ .....
လေယာဉ်ကြီးက မူလလမ်းကြောင်းကို သွေဖည်၍ အက်ဒမန်ကျွန်းဖက်ကို မောင်းသွားသည်ဟု သတင်းထွက်လာသည်။ ""လေယာဉ်မှူး ခရီးထွက်ရင်း အက်ဒမန်ကျွန်းက အမျိုးတွေကို ၀င်နှုတ်ဆက်တာများလား""ဟု တွေးကြပြန်သည်။
အဖြေကရှာမရ။ ဟိုဝန်ကြီးကို ခေါ်ပြီး နယ်လှည့်တန်းစီပါးရိုက်မေးမြန်းခိုင်းရင် အစအနပေါ်လာနိုင်သည်။ သို့ပေမယ့် သူတို့ကို ခေါ်လို့မဖြစ်။ တော်ကြာဖျာဝင်ခင်းနေရင် တမှောက်။ ဗိုက်ကြီးလှန်ပြပြီး သူရဘွဲ့ရခဲ့တယ်ဆိုတဲ့ လူကြီးက ""လေယဉ်ပြန်ရှာတွေ့သူက သူရဘွဲ့နဲ့ တန်တယ်လို့ထင်လား။ ကျုပ်ကတိုင်းပြည်အတွက်အသက်စွန့်ခဲ့လို့... ဘာညာကွိကွ"" နှင့် ထအော်နေရင်အခက်။
လက်ဝဲစာပေလေ့လာရေး အသင်းက ပြုစုထားတဲ့ မှတ်ချက်တွေအရ အမျိုးစောင့်ဆရာတော်ကြီးကလည်း ""လေယာဉ်ကြီး ဖတ်ကနဲ ပျောက်ကွယ်သွားသလို
အမျိုး၊ ဘာသာ၊ သာသနာ မပျောက်ကွယ်သွားအောင်ထိန်းသိမ်းရမယ်လို့ သင်ခန်းစာရပါတယ်""စသဖြင့် တရားဝင်ဟောလာနိုင်သည်။
ထို့ကြောင့် ဒီကိစ္စကို ၀င်ဖြေရှင်းမှ သင့်တော်မည်ဟု တွေးမိသော လော်ဘီအုတ်ခဲတစ်ယောက် ထုံးစံအတိုင်း ဆရာသခင် ပြည်သူ့သံချောင်းထံ ဖုန်းလှမ်းဆက်ရသည်။ ထုံးစံအတိုင်း ဆရာသခင်တစ်ယောက် အာလေးလျှာလေးနှင့် ရေချိန်ကိုက်နေချေပြီ။
""သံချောင်းပါတီက ဒီကိစ္စကို ကိုင်တွယ်ရတော့မယ် သမ္မတလောင်းကြီး"" ဟု လော်ဘီအုတ်ခဲတင်ပြချက်ကို ဆရာသခင်က သဘောကျစွာ လက်ခံလျှက် အမိန့်ချမှတ်သည်။
ဆရာသခင်ပေးအပ်သည့် တာဝန်က ""ရေငန်ပိုင်ဦးရှင်ကြီးနှင့် အမေရေယာဉ်တို့နှစ်ဦးကို
ဖမ်းဆီးနှိပ်စက် စစ်ဆေးမေးမြန်းရန်""ဟုဖြစ်လေ၏။
ထို့ကြောင့် အုတ်ခဲတစ်ယောက် ဦးရှင်ကြီးနှင့် အမေရေယာဉ်တို့ကို ရသည့်နည်းလမ်းဖြင့် ဆက်သွယ်ရတော့သည်။ အမေရေယာဉ်က ဒီကိစ္စကို ငြင်းသည်။
""အမေနဲ့ ဘယ်လိုမှမပတ်သက်ပါ။ အမှန်တကယ်တာဝန်ရှိသူက မောင်ရှင်ဖြစ်ပါတယ်။ ဘာလို့လဲဆိုတော့ သူ့ပိုင်နက် ရေငန်ပင်လယ်ပေါ်က ဖြတ်ပျံသွားတာလေ။ အမေ့အထင် သူပဲဝှက်ထားတာဖြစ်မယ်။ သူ့မိချောင်းကို တရုတ်ပြည်အပို့ခံရကတည်းက သူကတရုတ်ကို ငြိုးနေတာ။ ဒီကိစ္စမှာ အမေ့အနေနဲ့ မောင်ရှင်ကို သံသယ၀င်မိ တယ်""ဟု ဘော်လီဘောပုတ်ကာ အချွန်နှင့် မလေ၏။
သို့ဖြစ်၍ လော်ဘီအုတ်ခဲ ဦးရှင်ကြီးထံ ရောက်ရပြန်သည်။ ဦးရှင်ကြီးကလည်း ""မလေးရှားလေယာဉ်ပျောက်မှုမှာ မိမိနဲ့ လုံးဝမပတ်သက်ပါ။ မိမိပိုင်နက်လည်း မဟုတ်သဖြင့်
ပွဲထိုး၍ မေးမြန်းခြင်း၊ အီးမေးလ်မှ မေးခွန်းပို့ခြင်းတို့ကို ပြန်လည်ဖြေကြားပေးမှာမဟုတ်ပါ။ မိမိစီးနေကျ မီးကျောင်းပင်လျှင် တရုတ်လက်စာမိသွား၍ မိမိမှာ လက်ပစ်ကူးနေရပါတယ်။ ကိုးကွယ်သူများအားလုံးကို လေးစားပါတယ်""စသဖြင့် ခပ်တည်တည် ဘူးကွယ်လေ၏။
သတင်းအစရှာမရကြောင်းကို ဆရာသခင်ထံ ဖုန်းပြန်ဆက်ရာ ဆရာသခင်မှာ လွန်စွာဒေါသထွက်လှသည်ဖြစ်၍ ပိန်ညောင်ညောင်ကိုယ်လုံးကလေးပင် တဆတ်ဆတ်တုန်လေ၏။
ထို့နောက် ""ဒီကိစ္စကို ဘယ်ကောင်မှ မဖော်ထုတ်နိုင်ဘူးဆိုရင်
ငါကိုယ်တိုင်ဖော်ထုတ်မဟေ့။ အဲ့လေယာဉ်ရှာမရရင် လုံးဝသမ္မတမလုပ်တော့ဘူး။ သံချောင်းရဲ့ဘုန်း မိုးသို့ချုန်း၊ ပွေးပုန်းပေါင်မှာ မနေသာဟေ့"" ဟု အသံနက်ကြီးဖြင့် ကြုံးဝါးကာ ပန်းဆိုးတန်းဆိပ်ကမ်းမှတဆင့် ရန်ကုန်မြစ်ဝဖက်သို့ သမ္မာန်ကလေး တစွပ်စွပ်လှော်လျှက်
ဘီယာတစ်ဖာတင်ဆောင်၍ ထွက်ခွာသွားလေတော့သတည်း။