အေဂျက်အသင်း ပရိသတ်တွေဟာအသင်းရဲ့ အဝေးကွင်းပွဲစဉ်တစ်ပွဲကို လိုက်လံအားပေးခွင့် ပိတ်ပင်ခံခဲ့ရတယ်လို့ သိရပါတယ်။ အေဂျက်ပရိသတ်တွေဟာ အဝေးကွင်းပွဲစဉ်ကို လိုက်လံအားပေး ရာမှာ ကြမ်းတမ်းစွာအားပေးမှုများရှိနေတဲ့အပြင် လူမျိုးရေးခွဲခြားမှုများလည်း မကြာခဏဆိုသလို ပြုလုပ်နေတာကြောင့် နယ်သာလန်ဘောလုံးအဖွဲ့ချုပ်က ယခုလို တားမြစ်ခဲ့တာဖြစ်ပါတယ်။ ဒါ့အပြင် အိမ်ကွင်းပွဲစဉ်များမှာလည်း အေဂျက်ပရိသတ်တွေဟာ ကြမ်းတမ်းတဲ့အားပေးမှုများရှိနေခဲ့တာ ဖြစ်ပါတယ်။ ယခုလို ပရိသတ်တွေအနေနဲ့ အသင်းရဲ့အဝေးကွင်းပွဲစဉ်ကို လိုက်လံအားပေးခွင့် ပိတ်ပင်ခဲ့ရခြင်းဟာ အေဂျက်အသင်းအတွက်များစွာ ထိခိုက်စေတဲ့အပြင် ဘောလုံးအဖွဲ့ချုပ်အနေနဲ့ လည်း တရားမျှတမှုမရှိဘူးလို့ သုံးသပ်ပြောဆိုခဲ့ကြပါတယ်။ အေဂျက်အသင်းရဲ့နည်းပြ ဖရန့်ဒီဘိုးဝါး ကလည်း နယ်သာလန်ဘောလုံးအဖွဲ့ချုပ်ရဲ့ ဆုံးဖြတ်ချက်နဲ့ ပတ်သက်ပြီး ဝေဖန်ခဲ့သလို အဝေးကွင်းပွဲစဉ်မှာ ပရိသတ်အားပေးမှုမရှိတာဟာ အသင်းအတွက်များစွာနစ်နာစေကြောင်း ဝေဖန်ခဲ့ပါတယ်။ အေဂျက်အသင်းဟာ လက်ရှိပြည်တွင်းလိဂ်ပြိုင်ပွဲမှာ (၆)ပွဲကစားထားပြီး ရမှတ်(၁၁)မှတ်နဲ့ အဆင့်(၄)နေရာမှာ ရပ်တည်နေကာ အဆင့်(၂)နေရာမှာရှိတဲ့ ပီအက်စ်ဗီ အသင်းနဲ့ (၁)မှတ်သာကွာဟတာဖြစ်တယ်လို့ သိရှိရပါတယ်။
No comments:
Post a Comment