Parkway Hospitals Singapore Representative ရီပရယ်စန်တေးတစ် Office Myanmar မှ စီစဉ်ပြုလုပ်တဲ့ နှလုံးရောဂါဆိုင်ရာဆေးပညာဟောပြောပွဲကို
စက်တင်ဘာလ ၂၁ ရက်နေ့က Park Royal ဟိုတယ်မှာ ပြုလုပ်ခဲ့တာဖြစ်ပါတယ်။
အဆိုပါဟောပြောပွဲမှာတော့ စင်ကာပူနိုင်ငံ Mount Elizabeth မောင့် အဲလီးဇဘတ် ဆေးရုံကြီးမှ နှလုံးရောဂါခွဲစိတ်အထူးကုဆရာဝန်ကြီးများက ဟောပြောပေးခဲ့တာဖြစ်ပါတယ်။ ဒီလို ဟောပြောရာမှာတော့ နှလုံးရောဂါအမျိုးမျိုးနဲ့ပတ်သက်ပြီး ကုသနည်းများ၊ နှလုံးအစားထိုး ကုသနည်း၊ နှလုံးသွေးလွှတ်ခန်းအထောက်အကူပြုကိရိယာတပ်ဆင်ခြင်းဆိုင်ရာကုသနည်းတို့နဲ့ ပတ်သက်ပြီး နောက်ဆုံးပေါ်နည်းပညာများအသုံးပြုကုသနည်းတို့ကို ဆွေးနွေးဟောပြောခဲ့တာ ဖြစ်ပါတယ်။ ဒါ့အပြင် နောက်ဆုံးအဆင့်နှလုံးပျက်စီးခြင်းကို ကုသမှုနဲ့ နာတာရှည်နှလုံးရောဂါ အတွက် အထောက်အကူပြုစက်များအသုံးပြုကုသမှုတို့ကို အဆိုပါဆေးရုံကြီးမှာ ခွဲစိတ်ကုသပေးနေမှု တို့ကို ဆွေးနွေးပေးခဲ့တာဖြစ်ပါတယ်။
Parkway Hospital Singapore အနေနဲ့ အခုလို နှလုံးရောဂါခွဲစိတ်ကုသမှုများအပြင် အထူးကုဌာနပေါင်း ၄၀ ကျော်ဖြစ်တဲ့ ဦးနှောက်နဲ့ အာရုံကြောဌာန၊ ကင်ဆာရောဂါဌာန၊ ကိုယ်အင်္ဂါ များနဲ့ ရိုးတွင်းခြင်ဆီအစားထိုးဌာန၊ အမျိုးသမီးနဲ့ ကလေးဌာနအစရှိတာများကို အထူးကုဆရာဝန် ပေါင်း တစ်ထောင့်နှစ်ရာ ကျော်မှ ကုသပေးလျက်ရှိတာဖြစ်ပါတယ်။ ဒါ့အပြင် မြန်မာနိုင်ငံမှ သွားရောက်ကုသလိုတဲ့ လူနာများအတွက်လည်း ကိုယ်စားလှယ်ရုံးခွဲများမှတစ်ဆင့် ဆေးရုံတက်ရောက် ကုသနိုင်ဖို့ စီစဉ်ပေးခြင်း၊ သက်ဆိုင်ရာဆရာဝန်ကြီးများဆီသို့ လူနာမှတ်တမ်းများပို့ဆောင်ပေးခြင်း၊ ကျန်းမာရေးဆေးစစ်လိုသူများအတွက် ရက်ချိန်းယူပေးခြင်းတို့ကို စီစဉ်ဆောင်ရွက်ပေးလျက်ရှိတာ ဖြစ်တယ်လို့သိရပါတယ်။
No comments:
Post a Comment