လျှိဝှက်ဥယျာဉ်

Search This Blog

Loading...

အဖွဲ့ဝင်မယ်..Followers

သတင်း


<<<< ကြိုဆိုပါတယ် ပျော်ရွှင်သောနေ့လေးဖြစ်ပါစေ >>>>

Monday, 19 August 2013

စစ်ခေါင်းဆောင်များ ရောင့်ရဲစိတ်မွေးကြရန် ဗိုလ်ချုပ်မှူးကြီး မင်းအောင်လှိုင် တိုက်တွန်း

ဓါတ်ပုံ - မြန်မာ့အလင်း


 စစ်ဘက်ဆိုင်ရာ ခေါင်းဆောင်များ ရောင့်ရဲတင်းတိမ်စိတ် အမြဲမွေးမြူထားကြကြရန် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က စစ်ဘက် အရာရှိများနှင့် သင်တန်းသား အရာရှိများကို သြဂုတ် ၁၇ ရက်တွင် ပြင်ဦးလွင်မြို့ရှိ စစ်တက္ကသိုလ်ဘွဲ့နှင်းသဘင် ခန်းမဆောင်၌ ပြောကြားလိုက်သည်။

ဗိုလ်ချုပ်မှူးကြီး မင်းအောင်လှိုင်၏ ပြောကြားမှုကို အစိုးရပိုင် မြန်မာ့အလင်း သတင်းစာတွင် မျက်နှာဖုံးသတင်းအဖြစ် သြဂုတ်လ ၁၈ ရက်တွင် ဖေါ်ပြပါရှိလာခြင်းဖြစ်သည်။

"စစ်ဘက်ဆိုင်ရာ ခေါင်းဆောင်များအနေဖြင့် ရောင့်ရဲ တင်းတိမ်စိတ် အမြဲမွေးမြူထားကြစေလိုကြောင်း ရိုးရိုးသားသား ကြိုးကြိုးစားစားဖြင့် မိမိ၏ လုပ်ငန်း တာဝန်အပေါ် စေတနာထားလုပ်ကိုင်သွားကြစေလိုကြောင်း" ဟု သတင်းစာက ရေးသားဖေါ်ပြသည်။

သို့သော် လက်ရှိ အစိုးရစစ်တပ်၏ ထိပ်တန်းအရာရှိဟောင်းအချို့တည်ထောင်ထားသည့် စီးပွားရေးဦးပိုင်လီမိတက်သည် အမြတ်များသည့် လုပ်ငန်းအမြောက်အများကို လုပ်ကိုင်နေသဖြင့် ဝေဖန်မှုများ ထွက်ပေါ်လျက်ရှိနေပြီး ထိုလုပ်ငန်းများမှ အမြတ်မည်မျှရသည်ကို ပြည်သူများထံ တစ်ကြိမ်မျှ ချမပြခဲ့ခြင်း မရှိသေးပေ။

၂၀၀၈ ခုနှစ်အခြေခံဥပဒေ ပုဒ်မ ၂၀(ခ)တွင် စစ်တပ်သည် တပ်ပိုင်းဆိုင်ရာကိစ္စအားလုံးကို လွတ်လပ်စွာ စီရင်ဆောင်ရွက်ခွင့်ရှိသည်ဟု ပြဌာန်းထားသောကြောင့် စစ်တပ်သည် ၎င်းတို့အသုံးစရိတ်အတွက် ကိုယ်တိုင် ရှာဖွေနိုင်သည့်အခွင့်အရေးကို ရရှိနေသလောဟု မေးခွန်းထုတ်သူများလည်း ရှိနေသည်။

အလားတူ နိုင်ငံအဝှမ်းတွင် စစ်တပ်သိမ်းထားသည့်မြေများသည် ရန်ကုန်မြို့ကြီးထက်ပင်ပိုကျယ်သည့်ပမာဏ (စုစုပေါင်း ဧက ၂၉၇,၀၀၀ ကျော်) ရှိနေသည့်အတွက် လွှတ်တော်တွင် အမတ်များက အကျယ်တဝင့် ဆွေးနွေးမှုများမဖြစ် ပေါ်ပေါက်လာခဲ့သည်။ ယခုလဆန်းတွင် ပြဌာန်းလိုက်သည့် အဂတိလိုက်စားမှုတိုက်ဖျက်ရေးဥပဒေသစ်တွင် အာဏာပိုင်တို့နှင့် သူ့မိသားစု၏ ပိုင်ဆိုင်မှုများကို ကြေငြာရမည့် ပုဒ်မများထည့်သွင်းပြဌာန်းထားသည်။

၂၀၁၂ ခုနှစ် ဒီဇင်ဘာလအတွင်းကလည်း ထိုစဉ်က ဒုတိယ ဗိုလ်ချုပ်မှူးကြီး အဆင့်သာရှိသေးသည့် ကာကွယ်ရေး ဦးစီးချုပ် မင်းအောင်လှိုင်က တပ်မတော်အတွင်း ခေါင်းဆောင်မှုကို အတင်းအကျပ်ရယူပါက အာဏာရှင်ခေါင်းဆောင်ဖြစ်လာမည်ဟု အမှတ်စဉ် ၅၅ သင်တန်းဆင်း ဗိုလ်လောင်းများကို သတိပေးမှာကြားခဲ့သေးသည်။

“မိမိတပ်ဖွဲ့ကို ခေါင်းဆောင်မှုရအောင် အတင်းအကျပ်လုပ်ယူရင် အာဏာရှင်ခေါင်းဆောင်ဖြစ်လာပြီး အချိန်တိုအတွင်း မိမိ ခေါင်းဆောင်မှု ကျဆင်းသွားမှာဖြစ်တယ်” ဟု ၂၀၁၂ ခုနှစ် ဒီဇင်ဘာလ ၇ ရက် မိန့်ခွန်းတွင် ပြောသွားသည်။

“အာဏာရှင်”ဟူသည့် အသုံးအနှုန်းသည် ယခင်က အစိုးရနှင့် တပ်မတော်အရာရှိများအကြားတွင် သုံးနှုန်းပြောဆိုလေ့မရှိခဲ့ဘဲ အတိုက်အခံ နိုင်ငံရေး အင်အားစုများကြားတွင်သာ သုံးနှုန်းလေ့ရှိသည့် စကားလုံးလည်းဖြစ်သည်။

“ဆန္ဒတွေကို ရှေ့တန်းတင်လွန်းရင် မမှားသင့်တာတွေ မှားတတ်တယ်ဆိုတာကို အထူးသတိပြုဖို့လိုတယ်”ဟုလည်း မကြာမီစစ်တပ်အရာရှိများ ဖြစ်လာတော့မည့် သင်တန်းဆင်းဗိုလ်လောင်းများကို ကာကွယ်ရေး ဦးစီးချုပ်က မှာကြားခဲ့သေးသည်။

ဗိုလ်ချုပ်မှူးကြီး မင်းအောင်လှိုင်က နိုင်ငံတော်ကာကွယ်ရေးသည် တပ်မတော်၏ အဓိကတာဝန်ဖြစ်သည်ဟု ၂၀၁၂ ခုနှစ် ဒီဇင်ဘာလ ၇ ရက် ဗိုလ်လောင်းများကို ပြောသည့် မိန့်ခွန်းတွင် ထည့်ပြောသွားခဲ့သော်လည်း လက်တွေ့တွင် လွှတ်တော်တွင်းသုံးရပ်အတွင်း၌ ကာချုပ်ကခန့်အပ်ထားသည့် တပ်မတော်သား လေးပုံတစ်ပုံက နေရာရယူထားသည်။

မဇ္ဈိမသတင်းဌာန | တနင်္ဂနွေနေ့၊ သြဂုတ်လ ၁၈ ရက်

No comments:

နောက်ဆုံးတင်ပြီသမျှ..ဆက်ဖတ်ရန်...အောက်သို့