ကိုယ်ချင်းစာ နာခဲ့ရပြီ'

ဒီအကြောင်းအရာလေးကို အစကတော့ မရေးတော့ဘူးလို့ ဆုံးဖြတ်ထားပြီးသား။ ရေးဖို့လည်း အစီအစဉ်မရှိခဲ့။ သို့သော် ကိုယ်ကျင့်တရားနဲ့ ပတ်သက်နေသာကြောင့် ရေးသားလိုက်ခြင်း ဖြစ်သည်။
ဝါဆိုလပြည့်ကျော်(1)ရက်နေ့၊ 23 ရက်နေ့ကပေါ့။ (8)မိုင်ကို ကိစ္စတစ်ခုဖြင့် တက္ကစီကားငှါးပြီး သွားခဲ့တယ်။ ကမ္ဘာအေးဘုရားလမ်းမကြီး ချော်တွင်ကုန်းဘက်က တက်လာသော တက္ကစီကားကို ဂမုန်းပွင့်ရှေ့အရောက်တွင် တားပြီး ငှါးစီးခဲ့သည်။ (၈)မိုင်အရောက်တွင် စာရေးသူသွားချင်သော နေရာသို့ မရောက်ခင်တွင် ကားက ဂငယ်ကွေ့ ကွေ့ရမည်ဖြစ်သည်။ ကားတွေလည်း လမ်းပေါ်တွင် အရမ်းကြပ်ပိတ်နေသည်။ ကွေ့ရန် အခက်အခဲ ဖြစ်နေမှာစိုးသောကြောင့် ကားသမားကို ငဲ့ပြီး မကွေ့ရန် ပြောလိုက်သည်။
‘’ ဒကာကြီး ….ဟိုဘက်မကွေ့နဲ့တော့၊ ကားတွေ ပိတ်နေပြီ၊ ဒကာကြီးအတွက် အချိန်ကြာနေလိမ့်မယ်၊ ဦးဇင်း ဒီနားမှာပဲ ဆင်းလိုက်တော့မယ်၊ ကားခလေး ယူပါဦး ဒကာကြီး’’
ရန်ကုန်မြို့ကြီးတွင် ဂငယ်ကွေ့ကွေ့ရတာ သိပ်မလွယ်လှ။ သို့အတွက်ကြောင့် ကားသမားလည်း အဆင်ပြေပါစေ၊ နောက်နောင် ခရီးသည်တွေလည်း ရပါစေဆိုတဲ့ ဆန္ဒဖြင့် မိမိသွားမည့်နေရာ မရောက်ခင်မှာပင် ဆင်းပေးလိုက်၏။ ကားလမ်းကို ဖြတ်ကူးပြီး ငါးမိနစ်ခန့်လမ်းလျှောက်ရင် မိမိသွားမည့်နေရာ ရောက်ပေတော့မည်။ သို့အတွက် ကားသမားကို မကွေ့ခိုင်းတော့ဘဲ ဒီဘက်တွင်သာ ရပ်ခိုင်းလိုက်သည်။
ပြီးနောက် တက္ကစီကားပေါ်က ဆင်းလိုက်သည်။ ကားတံခါးကို ပြန်ပိတ်ပြီး ‘’ကျေးဇူးတင်ပါတယ် ဒကာကြီး’’ဟု ပင် ချေငံစွာ ပြောဆိုနှုတ်ဆက်လိုက်သည်။ ကားသည်လည်း ၀ူးခနဲ မောင်းထွက်သွားသည်။ ထိုအခါမှ
‘’ ဟာ…သွားပြီ’’
ကားထဲတွင် ဖုံးပါသွားပြီ။ အနီးရှိ pco ဖုန်းဆိုင်မှ ဆက်ချင်း ဖုံးဆက်သည်။ ငါးမိနစ်မျှသာ ကြာသေး၏။
စာရေးသူ ဖုံးဆက်သောအခါတွင် ကိုင်၏။ ကိုင်သူကား တခြားမဟုတ်။ တိုးရစ်ဖြစ်သည်။ ထိုသူပြောသော စကားများကို နားမလည်။ ၁မိနစ်ခန့်ပြောသည်။ ထို့နောက်မှ တက္ကစီကားသမားလက်ထဲ ဖုန်းရောက်သွားထင် သည်။ ထိုအခါမှ မြန်မာစကားသံကြားရတော့သည်။ စာရေးသူသည် ကမန်းကတန်း ပြောလိုက်မိသည်။
‘’’ဒကာကြီး အဲဒါဦးဇင်းဖုံးပါ၊ ဒကာကြီးရဲ့ကားပေါ်မှာ မေ့ကျန်ခဲ့တာပါ။ အခု…ဘယ်နားရောက်နေပါသ လဲ..ပြောပေးပါ။ ဦးဇင်းချက်ချင်း လိုက်ခဲ့ပါ့မယ်။ ဒကာကြီးအတွက် တစ်သောင်းခွဲ ပေးစွန့်ပါ့မယ်။ ဖုန်းထဲမှာ ဦးဇင်းရဲ့ဘီအေ စာတမ်းအတွက် မှတ်ထားတဲ့ အကြောင်းအရာတွေ ပါနေလို့ပါ။ ဒကာကြီးအတွက် တစ်သောင်းခွဲ ပေးစွန့်ပါ့မယ်။ ရောက်နေတဲ့ နေရာ ပြောပေးပါ။ ဦးဇင်းချက်ချင်း လိုက်ခဲ့ပါ့မယ်။’’
‘’ တပည့်တော်မှာ ပါစင်ကြယ်ပါတယ်။ ရပ်ပေးလို့ မရဘူးဘုရာ့’’
‘’ ဒကာကြီး ရောက်တဲ့နေရာက ရပ်စောင့်ပေးပါ၊ ခရီသည်ကိုလည်း ပြောလိုက်ပါ။ သူတို့သွားမယ့် ခရီးအတွက် ကားခကို ဦးဇင်းပေးပါ့မယ်လို့။ ‘’
‘’ မရဘူးဘုရာ့၊ အခု ဗိုလ်ချုပ်ဈေးကို ရောက်နေပြီ၊ လာပို့ပေးမယ် ၊ ဘယ်ကို လာပို့ပေးရမလဲဘုရား’’
အော်….မြန်လိုက်ပါဘိ။ (၈)မိုင်က ဆင်းတာ ငါးမိနစ်မျှသာ ရှိသေးသည်။ ဘယ်လိုများ ဗိုလ်ချုပ်ဈေးကို ရောက်သွားသည်မသိ။ ရန်ကုန်မြို့တွင် အမြန်လမ်းကြီးများ ဖောက်ပြီးသွားပြီလော။ ကြပ်ပိတ်နေတဲ့ ကားတွေကို ဘယ်လိုများ ကျော်ခွမောင်းသွားသလော။
‘’’ဒါဆိုလည်း နိုင်ငံတော်ပရိယတ္တိသာသနာ့တက္ကသိုလ်၊ ကချင်ဆောင်၊ အခန်း(၃၀)၊ ကမ္ဘာအေးကို လာပို့ပေးပါ….ဒကာကြီးကို တစ်သောင်းခွဲပေးစွန့်ပါ့မယ်’’
ကားသမားသည် ဖုန်းချလိုက်တော့သည်။ (၈)မိုင်က အပြန်တွင် အဆောင်ရှေ့မှ စောင့်နေမိသည်။ ည ၁၀နာရီထိပင် ထိုကားသမားသည် ရောက်မလာခဲ့ချေ။ မိမိမေ့ကျန်ရစ်ခဲ့သော ဖုံးနံပါတ်ကို ဆက်သည်။ ဆက်တိုင်း လူကြီးမင်း ခေါ်ဆိုသော ဖုန်းနံပါတ်မှာ စက်ပိတ်ထားပါတယ်ရှင် နဲ့သာ အကြိမ်ကြိမ်တိုးနေ တော့သည်။ လက်ချော့လိုက်ပါပြီ။ ဆက်မခေါ်တော့ပေ။
မေ့ကျန်ခဲ့သော ဖုန်းကို မနှမြောပေ။ ထိုဖုန်းထဲတွင် ရှိနေသော စာရေးသူရဲ့ ဘီအေစာတမ်းအတွက် အချက်အလက်များနဲ့ ဓာတ်ပုံများကိုသာ နှမြောမိသည်။ တစ်သိန်းနှစ်သောင်း ပေး၇သော ဟန်းစက်ကို မနှမြောပေ။ ထိုအထဲတွင် ရှိနေသော အချက်အလက်များကို ပြန်ရလျှင် ကျေနပ်ပါပြီ။ ထိုအချက်အလက် များကို စာရေးသူရက်ပေါင်းများစွာ စုစောင်းထားရပါသည်။ ထိုအချက်အလက်တွေ ရလိုဇောဖြင့် အကြိမ် ကြိမ် ဆက်မိသည်။ ဆက်မရတော့ချေ။
စာရေးသူ လက်လျှော့လိုက်ရတော့သည်။ ထိုဖုန်းနံပါတ်ကို ရုံးမှ ချက်ချင်းပိတ်ခိုင်းလိုက်လျှင် ရသည်။ သို့သော် စာရေးသူခိုင်းမည်မဟုတ်ချေ။ ထိုကားသမားအား အလိုရှိရာ ဆက်ပါစေဟူသော ဆန္ဒဖြင့် တစ်ပတ်တိတိ ဖုံးကို ဖွင့်ပေးထားမည်။ ထိုသူသည် လိုရာသို့ ဆက်နိုင်ပါစေ။
နောက်ဆုံးတော့ စာရေးသူ အသိတရား ရလိုက်ပေသည်။ ပစ္စည်းဥစ္စာတို့သည် အခါခပ်သိမ်း မတည်မြဲပေ။ သဗ္ဗေ သင်္ခါရာ အနိစ္စာ- မြင်မြင်သမျှဟာ အနိစ္စပါ။ မတည်မြဲနိုင်ပေ။ ပျောက်ပျက် ပျက်စီးကြရမည်သာ ဖြစ်သည်။ ထိုဒကာအား ကျေးဇူးတင်မိသည်။ ပစ္စည်းတို့ရဲ့ မတည်မြဲမှုကို လက်တွေ့ ပြခဲ့သည်။ ထိုဒကာအား ဆုတောင်းမေတ္တာပုိ့မိသည်။
‘’ဒကာကြီး ထိုဖုန်းဖြင့် အဆင်ပြေပြေ ဆက်နိုင်ပါစေ”’
‘’ဒကာကြီး ထိုဖုန်းဖြင့် အဆင်ပြေပြေ ဆက်နိုင်ပါစေ”’
‘’ဒကာကြီး ထိုဖုန်းဖြင့် အဆင်ပြေပြေ ဆက်နိုင်ပါစေ”’
ထိုဒကာကြီးအဆင်ပြေ ချောမွေ့နေချိန်တွင် စာရေးသူသည် ဘီအေစာတမ်းကို အစမှ မှတ်စုများ ပြန်ရှာရတော့သည်။ တည်ဆောက်နေသော ဘ၀လမ်းတံတားသည် တစ်ဝက်ရောက်သောအခါမှ ကျိုးကျသဖြင့် အစက ပြန်စရသလို အခုတော့ဖြင့် အမေ့ဂုဏ်ရည်ဆ၇ာတော်လေးသည်လည်း………………………………………။