Search This Blog

အဖွဲ့ဝင်မယ်..Followers

သတင်း


<<<< ကြိုဆိုပါတယ် ပျော်ရွှင်သောနေ့လေးဖြစ်ပါစေ >>>>

Friday 26 July 2013

၂၀၁၅ မြန်မာနိုင်ငံတွင် နိုင်ငံခြားရင်းနှီးမြှုပ်နှံမှု ဂျပန် ထိပ်ဆုံးရောက်နိုင်

 မြန်မာနိုင် ငံနှင့် ဂျပန်နိုင်ငံအစိုးရမှ ရင်းနှီး မြှုပ်နှံမှုဆိုင်ရာ သဘောတူညီမှုကို မကြာခင်ကာလအတွင်း လက် မှတ်ရေးထိုးမည်ဖြစ်သည့်အတွက် လာမည့် ၂၀၁၅ခုနှစ်တွင် ဂျပန် နိုင်ငံ၏ရင်းနှီးမြှုပ်နှံမှုမှာ တခြား နိုင်ငံများအား ဖြတ်ကျော်ကာ အ မြင့်ဆုံးအနေအထားသို့ ရောက်ရှိ နိုင်မည်ဖြစ်သည်ဟု အမျိုးသား စီမံကိန်းနှင့် စီးပွားရေးဖွံ့ဖြိုးတိုး တက်ရေးဝန်ကြီးဌာန ညွှန်ကြား ရေးမှူးချုပ် ဦးအောင်နိုင်ဦးက ဇူလိုင် ၂၅ရက်သတင်းစာရှင်းလင်း ပွဲတွင် ပြောဆိုလိုက်သည်။

မြန်မာနိုင်ငံတွင်းဝင်ရောက် ရင်းနှီးမြှုပ်နှံမှုတွင် အဆင့် ၁၂ နေရာတွင်ရှိနေသော ဂျပန်နိုင်ငံ မှာ နိုင်ငံတွင်းရှိသယ်ယူပို့ဆောင် ရေးနှင့် စက်မှုကဏ္ဍအားလုံးတွင် ရင်းနှီးလုပ်ကိုင်ရန် လေ့လာမှုများ ရှိနေသည့်အပြင် ရင်းနှီးမြှုပ်နှံမှုကော်မရှင်ရုံးသို့လာရောက်လေ့ လာမှုအားအကောင်းဆုံးနိုင်ငံ တစ်ခုဖြစ်နေသည့်အတွက် ရင်း နှီးမြှုပ်နှံမှုဆိုင်ရာသဘောတူညီ မှုလက်မှတ်များရေးထိုးပြီးပါက အလုံးအရင်းဖြင့် ဝင်ရောက်လုပ် ကိုင်မည့်နိုင်ငံတစ်ခုအဖြစ်သို့ ရောက်ရှိမည်ဟု ညွှန်ကြားရေးမှုး ချုပ်က ပြောဆိုခဲ့ခြင်းဖြစ်သည်။

အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်ရေးဝန် ကြီးဌာန ညွှန်ကြားရေးမှူးချုပ် ဦးအောင်နိုင်ဦးက ''လက်ရှိအ ချိန်မှာ ဂျပန်နိုင်ငံက အလယ်အ လတ်အဆင့်မှာရှိနေတယ်ဆိုပေ မယ့် လက်ရှိအကောင်အထည် ဖော်နေတဲ့ သီလဝါစီမံကိန်းတွေ၊ ရင်းနှီးမြှုပ်နှံမှုဆိုင်ရာသဘောတူ ညီမှုတွေပြီးသွားရင်တော့ သူတို့ ရဲ့ရင်းနှီးမြှုပ်နှံမှုတွေက တခြား နိုင်ငံတွေထက် အများကြီးသာ သွားမှာ၊ အခုလုပ်နေတဲ့ စီမံကိန်း အများစုကလဲ ဂျပန်အစိုးရနောက် ခံအဖွဲ့အစည်းတွေ အတော်များ များက ပါဝင်နေတာဆိုတော့ သူ တို့နိုင်ငံက ထိပ်ဆုံးရောက်လာ မယ်''ဟုဆိုသည်။

အစိုးရသစ်လက်ထက် မြန် မာနိုင်ငံအတွင်း နိုင်ငံခြားရင်းနှီး မြှုပ်နှံမှုပမာဏမှာ အမေရိကန် ဒေါ်လာပေါင်း ၄၂ဒသမ၉ဘီလီ ယံဖြင့် နိုင်ငံပေါင်း ၃၂နိုင်ငံဝင် ရောက်နေရာ၊ တရုတ်နိုင်ငံမှ ၁၄ဘီလီယံ၊ ထိုင်းနိုင်ငံမှ၁ဝဘီလီ ယံ၊ ဟောင်ကောင်မှ ခြောက်ဘီ လီယံ၊ ကိုရီးယားနှင့် အင်္ဂလန်နိုင်ငံ တို့မှ သုံးဘီလျံဝန်းကျင်ဖြင့် အ သီးသီးနေရာယူထားသော်လည်း ၎င်းတို့၏ရင်းနှီးမြှုပ်နှံမှုအများစုမှာ အလုပ်အကိုင်အခွင့်အလမ်း နည်းပါးသည့် လျှပ်စစ်နှင့် စွမ်းအင် တို့တွင်သာဖြစ်နေပြီး ဂျပန်နိုင်ငံ မှာ ဘက်စုံရင်းနှီးမြှုပ်နှံသည့် နိုင်ငံ တစ်ခုဖြစ်ခြင်းကြောင့် အလုပ်အ ကိုင်အခွင့်အလမ်းပိုမိုရရှိမည်''ဟု ထပ်မံပြောဆိုသည်။

ဂျပန်နိုင်ငံအနေဖြင့် နိုင်ငံ တွင်း လတ်တလောရင်းနှီးမြှုပ် နှံမှုအနေဖြင့် ဆေးဖက်ဝင်အ လှကုန်၊ ဖိနပ်၊ ရိုးရာဝတ်စုံနှင့် အားကစားဝတ်စုံချုပ်လုပ်ငန်း၊ အိုင်တီနည်းပညာလုပ်ငန်း၊ ကား ထုတ်လုပ်ရေးလုပ်ငန်း၊ နာရီ ထုတ်လုပ်ငန်းများအား သီးသန့် ရင်းနှီးလုပ်ကိုင်နေသည်သာမက၊ မြန်မာနိုင်ငံဆန်စပါးအသင်းချုပ် နှင့်ပူးပေါင်း၍ တိုင်းနယ်ပြည်နယ် အနှံ့အပြားတွင် ဆန်စပါးစိုက် ပျိုးထုတ်လုပ်ရေးအလုပ်ရုံများ အား တစ်နိုင်ငံလုံးအတိုင်းအတာ ဖြင့်ပါဝင်ဆောင်ရွက်နေသည့်အ ပြင် နိုင်ငံတွင်းကုန်စည်စီးဆင်း မှုနှင့်ပတ်သက်သည့်ီအေေျြေနှပျအနာ အား ဘုရင့်နောင်သယ် ယူပို့ဆောင်ရေးအသင်းနှင့် ပူး ပေါင်းလုပ်ဆောင်မှုများရှိနေ ကြောင်း ရင်းနှီးမြှုပ်နှံမှုကော်မရှင် နှင့် သက်ဆိုင်ရာအသင်းများထံ မှသိရသည်။

စီးပွားရေးလုပ်ငန်းရှင်ဦး နိုင်မြင့်က ''ဂျပန်က စေ့စပ်သေ ချာတယ်။ အလုပ်တစ်ခုကိုသေ ချာလုပ်တယ်။ စနစ်ကောင်း တယ်။ တရုတ်နိုင်ငံလိုမဟုတ် ဘူး။ အဲဒါကြောင့် ဒီမှာ ဂျပန်ရဲ့ ရင်းနှီးမြှုပ်နှံမှုက ပြည်တွင်းမှာအ ကျိုးဖြစ်ထွန်းစေနိုင်တယ်''ဟု သုံးသပ်ပြောသည်။

No comments:

နောက်ဆုံးတင်ပြီသမျှ..ဆက်ဖတ်ရန်...အောက်သို့