လျှိဝှက်ဥယျာဉ်

Search This Blog

Loading...

အဖွဲ့ဝင်မယ်..Followers

သတင်း


<<<< ကြိုဆိုပါတယ် ပျော်ရွှင်သောနေ့လေးဖြစ်ပါစေ >>>>

Monday, 22 July 2013

» မြန်မာ့ဆက်သွယ်ရေး… သာသနာ့မြေကိုပါ အပိုင်ကြံ (ပေးစာ)

မိုးဆုတောင်း ဘုရား




 စစ်ကိုင်းတိုင်း ဒေသကြီးကန့်ဘလူမြို့နယ် မလယ်ကျေးရွာမှာ လွန်ခဲ့သော  နှစ်ပေါင်း ၉၂ နှစ်(မြန်မာ သက္ကရာဇ် ၁၂၈၃)က တည်ထားခဲ့သော မိုးဆုတောင်း ဘုရားရှိ ခဲ့ပါတယ်။ 

အဲဒီဘုရားကို ဘုရား ဒါယိကာကြီး မစ္စတာ ဘွိုက်(အဲဒီခေတ်ကအခေါ်-ဘွိုက်သ္ခင်) ဇနီး ဘုရားအမကြီး ဒေါ်အံ့ ၊ သမီး မသိန်းမေ၊ မသိန်းရေ၊ သား မောင်ဘမြိုင် ဆိုပြီးကျောက်စာထိုးလှူဒါန်းခဲ့တာပါ။ ဘုရားကုန်းတော် အ၀င် စောင်းတန်းကြီးဟာလည်း နှစ်ပေါင်း ၉၀ ကျော်ခဲ့တဲ့ အခုအချိန်အထိ ခိုင်ခန့်အောင် တည်ဆောက်လှူဒါန်းခဲ့တဲ့၊ အထောက်အထား ကျောက်စာများ နဲ့ တည်ရှိကိုးကွယ်ခဲ့တဲ့ ဘုရားကုန်းတော်ဖြစ်ပါတယ်။

ဘုရားဒါယိကာ/ ဒါယိကာမများက သာသနာအကျိုးငှာ ဆောက်တည်လှူဒါန်းခဲ့သလို၊ သားစဉ်မြေးဆက် များကလည်း ပြုပြင်ထိန်းသိန်းခြင်း များကို သားမြေးမြစ်များ အဆက်ဆက် ယခုအချိန်ထိတိုင်အောင် ထိန်းသိမ်းပြုပြင်ခဲ့ပါတယ်။

အဲဒီဆုတောင်းပြည့် စေတီတော်ဟာ ကျေးရွာပတ်ဝန်းကျင် ဒေသတွေ မိုးခေါင်တဲ့နှစ်တွေမှာ ဘုရားရေသပ္ပါယ်ခြင်း လွန်ဆွဲခြင်းများ ပြုလုပ်ဆုတောင်းကြရတဲ့ အတွက် နောင်မှာ မိုးဆုတောင်းဘုရားဆိုပြီး လူသိများလာတဲ့ ဘုရားကုန်းတော်ပါ။

အခုအချိန်မှာ မြန်မာ့ဆက်သွယ်ရေးက GSM တာဝါတိုင်တည်ဆောက်ရန်အတွက် ဒီဘုရားကုန်းတော် သာသနာ့ ၀တ္တက နယ်မြေကို တည်ဆောက်ခွင့် ရရှိရန်အတွက် ကျေးရွာအုပ်ချုပ်ရေးအဖွဲ့  နှင့်ပူးပေါင်းကြံစည်ပြီး မြေတိုင်းဌာနအား ခေါ်ယူတိုင်းတာလျက် သာသနာ့နယ်မြေ အား ပလပ်မြေ(မြေလွတ်)အဖြစ် လုပ်ကြံဖန်တီး နေလျက်ရှိပါတယ်။

ဘုန်းတော်ကြီးများကိုလည်း GSM တယ်လီဖုန်းများ ဒီနေရာရမှ လိုင်းကောင်းမည်ဆိုလျက် လှည့်ဖျားပြောဆိုခဲ့ပါတယ်။ ရွာအနီးပတ်လည်မှာ ဆက်သွယ်ရေးဌာနအနေနဲ့ ၀ယ်ယူရရှိနိုင်တဲ့ မြေယာများစွာ ရှိနေပါလျက် သာသနာ့မြေအားယခုကဲ့သို့  လိမ်လည်ရယူရန်ကြိုးပမ်းခြင်းမှာ မသင့်လျော်ပါကြောင်း စစ်ကိုင်းတိုင်းဒေသကြီးမှ တိုင်းအဆင့် လူကြီးမင်းများ သိစေချင်ပါတယ်။

ဒီဘုရားကုန်းတော်နဲ့ သာသနိက အဆောက်အဦများကို အင်္ဂလိပ်လူမျိုး မစ္စတာ ဘွိုက် ကိုယ်တိုင်က နိဗ္ဗာန်အတွက်၊ နောင်သာသနာအတွက် လှူဒါန်းခဲ့တဲ့ကျောက်စာရှိနေပါတယ်။ ဇနီး ဒေါ်အံ့ နှင့် သားမြေးမြစ် တီတွတ် အထိ အဆက်ဆက် ထိန်းသိန်း ပြုပြင်ခဲ့ပါတယ်။

ဒီလို သမိုင်းကြောင်းအရရော အစဉ်အလာအရရော သိသာထင်ရှားတဲ့ သာသနာ့မြေအား ဆက်သွယ်ရေးမှ မြေစာရင်းနှင့်ပေါင်းကာ ကျူးကျော်ဝင်ရောက်ပြီး အဆောက်အဦများတည်ဆောက်ရန် ကြံစည်အားထုတ်နေခြင်းမှာ မသင့်လျော်သော အလုပ်၊ သာသနာဖျက်လုပ်ရပ်အဖြစ် မြင်မိပါကြောင်းနှင့် ဒေါ်အံ့မှဆင်းသက်လာခဲ့သော မြေးမြစ်များအားလုံးကိုယ်စား လူကြီးမင်းများသိစေရန်တင်ပြလိုက်ပါတယ်။

ယခုအချိန်တွင် နိုင်ငံတော်မှ မြေသိမ်းယာသိမ်းကိစ္စများအား တရားမျှတစွာ ဆောင်ရွက်နေသည်ကို ကြားသိနေရပါလျက် သာသနာ့မြေအား လိမ်လည်လျက် ဆက်သွယ်ရေးမြေအဖြစ်ဖန်တီး ရယူရန်အားထုတ် နေသည်ကို သိရှိပါကလည်း အကြီးအကဲများမှ မှန်ကန်သင့်လျော်အောင် ဆောင်ရွက်ပေးမည်ဟု ယုံကြည်စွာတင်ပြလိုက်ပါတယ်ဗျာ။

မြေးမြစ်များအားလုံး ကိုယ်စား
ဦးအောင်ကျော်စိုး
မလယ်ရွာ၊ ကန့်ဘလူမြို့နယ်
စစ်ကိုင်းတိုင်းဒေသကြီး

No comments:

နောက်ဆုံးတင်ပြီသမျှ..ဆက်ဖတ်ရန်...အောက်သို့