'အပျိုသီလ'

ဗုဒ္ဓသာသနာတော်ကို လေ့လာပါလျှင် ဦးစွာပထမ သာသနာတော်သုံးရပ်ကို လေ့လာရပါမည်။ သို့မှသာ ပြည့်စုံပါမည်။

အချုပ်ကို လေ့လာရသော် -

(၁) ပိဋကတ်သုံးပုံဖြင့် ရေတွက်အပ်သော အလုံးစုံသော ဘုရားစကားတို့သည် ' ပရိယတ် သာသနာတော် ' မည်ပါ၏။

(၂) ငါးပါးသီလ၊ ရှစ်ပါးသီလ၊ ကိုးပါးသီလ၊ ဆယ်ပါးသီလ၊ ဓုတင်အကျင့်၊ ဝတ်အကျင့်နှင့် သမထ ဝိပဿနာ အကျင့်တို့သည် ' ပဋိပတ်သာသနာ ' မည်ပါ၏။

(၃) မဂ်လေးပါး၊ ဖိုလ်လေးပါး၊ နိဗ္ဗာန်သည် ' ပဋိဝေဓ သာသနာ ' မည်ပါ၏။

ယင်းသာသနာတော် သုံးရပ်တွင် ပရိယတ် သာသနာတော်သည် ' သင်' သာသနာဖြစ်၏။ မိမိ၌ သင်ယူထားသော ဘုရားဟောကြား ပရိယတ်တရား တစ်ပုဒ်တစ်သုတ်မျှ မရထား၊ မဆောင်ထားနိုင်ပါလျှင် ပရိယတ်သာသနာ ပုဂ္ဂိုလ်ဖြစ်နေသည်ကို အထူးသတိရှိပါ။

'ပဋိပတ်သာသနာ' ၌ ငါးပါးသီလသည် အောက်ထပ်ဆုံး ပဋိပတ်ဖြစ်၏။ မိမိ၌ ငါးပါးသီလလေးမျိုးမှ တစ်မျိုးမျိုးမျှ မရှိလျှင် ပဋိပတ်သာသနာပဖြစ်နေသည်ကို အထူးသတိရှိပါ။

ယင်းသို့ ပရိယတ်၊ ပဋိပတ် နှစ်ရပ်သာသနာ စပ်ခါကျင့်ပါမှ ပဋိဝေဓ သာသနာဆိုသည့် မဂ်, ဖိုလ်, နိဗ္ဗာန်တွေ ပေါ်လာမည် စသည်ဖြင့် မိမိသည် တရားတစ်ပွဲ၌ သီလအကြောင်းကို ဦးစားပေးပြီး ဟောပြောပြသလိုက်၏။

တရားပွဲပြီးသော် အမျိုးသမီးတစ်စုရောက်လာပြီး ရှိခိုးဦးချကာ တစ်ယောက်က လျှောက်ထား၏။

" ဆရာတော်ဘုရား၊ ခုနက ဟောကြားတဲ့ တရားတော်မှာ ဘုရားတပည့်တော်တို့ မကြားဘူး မနာဘူးတာတွေ အများကြီးပါပါတယ်ဘုရား"

"ဘာတွေများပါလဲ"

"ဆရာတော်ဘုရားက ငါးပါးသီလ လေးမျိုးရှိတယ်တဲ့၊ အဲဒီလေးမျိုးက ဘာတွေပါလဲ ဘုရား"

"အမယ်လေး၊ မကြားဘူးလို့သာ မကြားဘူးရတယ်။ အဲဒီလေးမျိုးကို ဘုန်းကြီး ခဏခဏ ဟောပြလေ့ရှိပါတယ်"

"ဘုရားတပည့်တော်တို့ ဒီတစ်ခါ ပထမဆုံး ကြားနာရခြင်းပါ ဘုရား"

"ကဲ… ဒါဖြင့် မှတ်ထား၊ ရှင်းပြမယ် လူအိုသီလ၊ အပျိုသီလ၊ လူပျိုသီလ၊ အနာဂါမ်သီလရယ်လို့ ငါးပါးသီလ လေးမျိုးရှိတယ်"

"အပြည့်အစုံလေးရှင်းပြပါဦးဘုရား"

"ယခု အများစု အမြဲတမ်းဆောက်တည်နေကြတဲ့ ငါးပါးသီလကို 'လူအိုသီလ' လို့ ခေါ်ပါတယ်။ ဘာဖြစ်လို့ဆိုတော့ လူအိုတွေမှာ ဇနီးခင်ပွန်းရှိကြတယ်။ အဲဒီ ဇနီးခင်ပွန်းအချင်းချင်း ပေါင်းသင်းဆက်ဆံခွင့်ရှိတယ်။ မေထုန်ပြုကျင့်နိုင်တယ်။ မိမိပိုင်ဆိုင်တဲ့ ဇနီးခင်ပွန်းမှတစ်ပါး အခြားကာမတို့နှင့် ပေါင်းသင်းဆက်ဆံခွင့် မရှိဘူး။ ဒါကြောင့် လူအိုတွေဟာ ပဉ္စသီလဆောက်တည်ပြီး အိမ်ထောင်နဲ့ နေကြတာ။ ဒါကြောင့် ဆောက်တည်နေကျ ပဉ္စသီလကို 'လူအိုသီလ' လို့ခေါ်ပါတယ်။

'အပျိုသီလ' 'လူပျိုသီလ' ဟာ အခုခေတ်မှာ ဆောက်တည်သူမရှိတဲ့အတွက် ကွယ်နေတယ်လို့ ပြောရမှာပဲ'အပျို - လူပျိုတွေမှာ အိမ်ထောင်မရှိတာ။ ဇနီးခင်ပွန်းမှ မရှိတာ။ 'အဗြဟ္မစရိယသိက္ခာပုဒ်' ကို လုံခြုံအောင် စောင့်ထိန်းနိုင်တယ်။

အဲဒီသိက္ခာပုဒ်က 'ကာမေသုမိစ္ဆာစာရသိက္ခာပုဒ်' ထက် အဆင့်အတန်းမြင့်တယ်။ဟုတ်တယ်လေ 'ကာမေသုမိစ္ဆာစာရသိက္ခာပုဒ်' ကို စောင့်ထိန်းထားသူ လူအိုတစ်ယောက်ဟာ မိမိတို့ ဇနီးမောင်နှံ အချင်းချင်း ပေါင်းသင်းဆက်ဆံခွင့် ရပါတယ်။ ပေါင်းသင်းဆက်ဆံခြင်းကြောင့် အပြစ်မရှိပါဘူး။ အဲ - သူများကာမကို ပေါင်းသင်းဆက်ဆံလျှင်တော့ အပြစ်ဖြစ်၏။

'အပျိုသီလ' ကို 'ကောမာရိဗြဟ္မစရိယသီလ' လို့ ခေါ်ပါတယ်။

' လူပျိုသီလ' ကို 'ကောမာရဗြဟ္မစရိယသီလ' လို့ ခေါ်ပါတယ်။

အပျို - လူပျိုတွေမှာ ဇနီးမောင်နှံ မရှိတော့ 'ကာမေသုမိစ္ဆာစာရသိက္ခာပုဒ်' နှင့် မသက်ဆိုင်ပါဘူး။'အဗြဟ္မစရိယသိက္ခာပုဒ်' ကို အပျို - လူပျိုတွေဟာ သဘာဝအားဖြင့် စောင့်ထိန်းထားပြီးသား ဖြစ်နေပါတယ်။ ဒါကြောင့် အပျို လူပျိုတွေ စောင့်ရမယ့် သီလဟာ 'ကောမာရိဗြဟ္မစရိယသီလ' နှင့် 'ကောမာရဗြဟ္မစရိယသီလ' တို့ ဖြစ်ပါတယ်။

" ဆရာတော်ဘုရား၊ ဆောက်တည်ပုံကို ရှင်းပြပေးပါဦးဘုရား"

"အပျိုတွေက…'အဟံဘန္တေ တိသရဏေန သဟ ကောမာရိဗြဟ္မစရိယသီလံ ဓမ္မံယာစာမိ အနုဂ္ဂဟံကတွာ သီလံဒေထ မေဘန္တေ' လို့ သီလတောင်းပါ။ ဒုတိယမ္ပိ၊ တတိယမ္ပိ စသည် ဆက်ဆိုပါ။အပျိုသီလနှင့် လူပျိုသီလမှာ 'ရ' မှာ လုံးကြီးတင်ပါတာနှင့် မပါတာပဲထူးပါတယ်။"

"ဆရာတော်ဘုရား၊ 'ကောမာရိ - ကောမာရဗြဟ္မစရိယ'အဓိပ္ပါယ်က ဘယ်လိုပါလဲဘုရား"

"သြော်… ကောမာရိဗြဟ္မစရိယသီလ(ဟာ) ငယ်မူဖြုစင်သူတို့၏ မြတ်သောအကျင့်သီလဟူသာ ဓမ္မသိက္ခာပုဒ်အကျင့် (လို့) အနက်အဓိပ္ပါယ်ဖော်ရပါတယ်"

'ကောမာရိ' နှင့် 'ကောမာရ' မှာ 'ရ' မှာ လုံးကြီးတင်ပါတာမပါတာထူးပေမယ့် အနက်အဓိပ္ပါယ်ကတော့ အတူတူပါပဲ။"

"ဆရာတော်ဘုရား ပို့မယ့်ပို့လျှင် ကူးတို့ရောက်အောင် ပို့ပါဆိုတာလို အဲဒီ အပျိုသီလ လူပျိုသီလကို အစအဆုံးပဲ ယူပုံယူနည်း ပြန်ပြောပေးပါဘုရား"

"အဟံဘန္တေ တိသရဏေန သဟ ကောမာရိဗြဟ္မစရိယသီလံ ဓမ္မံယာစာမိ အနုဂ္ဂဟံကတွာ သီလံဒေထ မေဘန္တေ"

"အရှင်ဘုရား၊ ဘုရားတပည့်တော်သည် သရဏဂုံသုံးပါးနှင့်တကွ ငယ်သွေးငယ်မူ ဖြုစင်သူတို့၏ မြတ်သောအကျင့်သီလဟူသော သိက္ခာပုဒ်အကျင့်ကို တောင်းပန်ပါ၏။ အရှင်ဘုရား… ဘုရားတပည့်တော်အား ချီးမြှောက်ခြင်းကိုပြု၍ သီလကို ပေးတော်မူပါကုန်ဘုရား"

"ဒုတိယမ္ပိ နှစ်ကြိမ်မြောက်လည်း"

"တတိယမ္ပိ သုံးကြိမ်မြောက်လည်း"
ဆိုပါ အတူတူပါပဲ။"

နမော တဿနှင့် ဗုဒ္ဓံ သရဏံ ဂစ္ဆာမိ" စသည်တို့ဟာ အတူတူပါပဲ။

(၁) ပါဏာတိပါတာ ဝေရမဏိ သိက္ခာပဒံ သမာဓိယာမိ - သူတစ်ပါးအသက်ကိုသတ်ခြင်းမှ ရှောင်ကြဉ်ကြောင်းဖြစ်သော(ဝါ) ရှောင်ကြဉ်ရကြောင်း ကောင်းမြတ်သော သိက္ခာပုဒ်ကို စိတ်ထဲ၌ မြဲစွာဆောက်တည်ပါ၏။

(၂) အဒိန္နဒါနာ ဝေရမဏိ သိက္ခာပဒံ သမာဓိယာမိ - ပိုင်ရှင်မှ မပေးအပ်သော သူ့ဥစ္စာကို ခိုးယူခြင်းမှ ရှောင်ကြဉ်ကြောင်းဖြစ်သော(ဝါ) ရှောင်ကြဉ်ရကြောင်း ကောင်းမြတ်သော သိက္ခာပုဒ်ကို စိတ်ထဲ၌ မြဲစွာ ဆောက်တည်ပါ၏။

(၃) အဗြဟ္မစရိယာ ဝေရမဏိ သိက္ခာပဒံ သမာဓိယာမိ - မမြတ်သောမေထုန်အကျင့်မှ ရှောင်ကြဉ်ကြောင်းဖြစ်သော (ဝါ) ရှောင်ကြဉ်ရကြောင်း ကောင်းမြတ်သော သိက္ခာပုဒ်ကို စိတ်ထဲ၌မြဲစွာဆောက်တည်ပါ၏။

(၄) မုသာဝါဒါ ဝေရမဏိ သိက္ခာပဒံ သမာဓိယာမိ - မဟုတ်မှန်သောစကားကို ပြောဆိုခြင်းမှ ရှောင်ကြဉ်ကြောင်းဖြစ်သော(ဝါ) ရှောင်ကြဉ်ရကြောင်း ကောင်းမြတ်သောသိက္ခာပုဒ်ကို စိတ်ထဲ၌ မြဲစွာ ဆောက်တည်ပါ၏။

(၅) သူရာမေရယ မဇ္ဇပ္ပမာဒဋ္ဌာနာ ဝေရမဏိ သိက္ခာပဒံ သမာဓိယာမိ - မေ့လျော့ပေါ့ဆခြင်း၏ အကြောင်းစင်စစ် မူးယစ်စေတတ်သော သေရည်အရက်ကို သောက်စားခြင်းမှ ရှောင်ကြဉ်ကြောင်းဖြစ်သော (ဝါ) ရှောင်ကြဉ်ရကြောင်း ကောင်းမြတ်သော သိက္ခာပုဒ်ကို စိတ်ထဲ၌ မြဲစွာဆောက်တည်ပါ၏။

ကဲ… ဒီလောက်ဆိုလျှင် သဘောပေါက်လောက်ပါပြီ။ ရိုးရိုးပဉ္စသီလ လူအိုသီလထဲမှာ 'ကာမေသုမိစ္ဆာစာရသိက္ခာပုဒ်' ကိုဖြုတ်ပြီး 'အဗြဟ္မစရိယသိက္ခာပုဒ်' ထည့်လိုက်ရင် ပြီးတာပါပဲ။"

"ဆရာတော်ဘုရား၊ အဲဒီ အပျိုသီလကို ရှေးက ဘယ်အပျိုတွေ ဆောက်တည်ကြပါသလဲဘုရား"

"ရှေးက ကဿပမြတ်စွာဘုရား လက်ထပ်တော်အခါက ကိကီမင်းကြီးရဲ့သမီးတော် ခုနစ်ဖော်တို့က ရဟန်းမိန်းမပြုဖို့ရာ ခွင့်တောင်းတာမရလို့ အဲဒီသီလကို အပျိုစင်ဘဝနဲ့ အနှစ်နှစ်သောင်းတိုင်တိုင် နေထိုင်သွားကြတယ်"

"အဲဒီ ကိကီမင်းကြီးရဲ့ သမီးတော် ခုနစ်ဖော်တို့ဟာဘုန်းကြီးတို့ဘုရားရှင် လက်ထက်တော်အခါမှာ ခေမာထေရီ၊ ဥပ္ပလ္လဝဏ္ဏာထေရီ၊ ပဋာစာရီထေရီ၊ ကုဏ္ဍကေသာထေရီ၊ ကိသာဂေါတမီ၊ ဓမ္မဒိန္နာထေရီနှင့် ဝိသာခါကျောင်းအမကြီးတို့ရယ်လို့ အကျော်အမော်တွေ ဖြစ်လာပါတယ်။"

"ရှင်းပါပြီ ဆရာတော်ဘုရား။ ငါးပါးသီလ နောက်တစ်မျိုးဖြစ်တဲ့ အနာဂါမ်သီလကို ရှင်းပြပါဦးဘုရား"

"သြော်… အဲဒါက 'ဗြဟ္မစရိယ ပဉ္စမကသီလ' ကို 'အနာဂါမ်သီလ' လို့ပဲ အလွယ်ခေါ်တာပါ။ သီလတောင်းလျှင် -'အဟံဘန္တေ တိသရဏေနသဟ ဗြဟ္မစရိယ ပဉ္စသီလံ ဓမ္မံယာစာမိ အနုဂ္ဂဟံကတွာ သီလံဒေထ မေဘန္တေ'ဒုတိယမ္ပိ၊ တတိယမ္ပိ စသည်ဆိုပါ။

အဓိပ္ပါယ်ကတော့'အရှင်ဘုရား၊ ဘုရားတပည့်တော်သည် သရဏဂုံသုံးပါးနှင့်တကွ ကောင်းမြတ်သောအကျင့်လျှင် ငါးခုမြောက်သော သီလဟူသော သိက္ခာပုဒ်အကျင့်ကို တောင်းပန်ပါ၏။ အရှင်ဘုရား၊ ဘုရားတပည့်တော်အား ချီးမြှောက်ခြင်းကိုပြု၍ သီလကို ပေးတော်မူပါကုန်ဘုရား'

ဒီလောက်ဆိုလျှင်သဘောပေါက်ပါပြီနော်"

"မှန်ပါဘုရား၊ အဲဒီ သီလကို ရှေးက ဘယ်ပုဂ္ဂိုလ်တွေ ဆောက်တည်ခဲ့ပါသလဲဘုရား၊ အခုအခါမှာ ဘယ်သူတွေ ဆောက်တည်သင့်ပါသလဲဘုရား"

"အဲဒီဗြဟ္မစရိယ ပဉ္စမသီလ အနာဂါမ်သီလကို ရှေးက ဝေသာလီပြည်သား ဥဂ္ဂသူကြွယ်နဲ့ ဝဇ္ဇီတိုင်းသား ဥဂ္ဂသူကြွယ်တို့ဟာ အိမ်ရှိမယားတို့ကိုစွန့်ပြီး တစ်သက်လုံး ဆောက်တည်ကြပါတယ်။ သူတို့က အနာဂါမ်တွေမို့ ဒီသီလကို အနာဂါမ်သီလ ခေါ်တာပါ။

အနာဂါမ်မဟုတ်သော်လည်း အိမ်ထောင်ရှင်များ၊ အိမ်ထောင်ပျက်နေကြတဲ့ အိမ်ထောင်ဘက်မရှိတဲ့ လူအိုများဟာ ဒီဗြဟ္မစရိယ ပဉ္စသီလကို ဆောက်တည်သင့်ပါတယ်။ဟုတ်တယ်လေ၊ သူတို့မှာ ပင်ကိုယ်အားဖြင့် အဗြဟ္မစရိယသိက္ခာပုဒ်ဟာ လုံခြုံနေပြီပဲ။

အပျိုလူပျိုများကတော့ ကောမာရိဗြဟ္မစရိယသီလနှင့် ကောမာရဗြဟ္မစရိယသီလ ဆောက်တည်ရပါမယ်။သူတို့ကလညိး ပင်ကိုယ်အားဖြင့် အဗြဟ္မစရိယသိက္ခာပုဒ် လုံခြုံနေပြီပဲ။အဲဒီလို ပင်ကိုယ်အားဖြင့် အဗြဟ္မစရိယသိက္ခာပုဒ် လုံခြုံနေသူ လူအိုများ၊ အပျို လူပျိုများဟာ ရိုးရိုးပဉ္စသီလ၊လူတို့ ငါးပါးသီလကိုသာ စောင့်ထိန်းနေလျှင် မရှုံးဘူးလား"

"ရှုံးပါတယ်ဘုရား"

"အေး ရှုံးတယ်၊ အဲဒီသီလတွေဟာ ဆောက်တည်သူမရှိလို့ ကွယ်နေတယ်၊ ယခု မေးလို့ သိသွားပြီဖြစ်တော့ မကွယ်အောင် ဆောက်တည်ကြပါနော်။ ဘုန်းကြီးတပည့် တော်တော်များများဟာ အဲဒီသီလတွေကို ဆောက်တည်ကြပါတယ်"

"တပည့်တော်တို့ကိုလည်း တပည့်ရင်း မှတ်ပါဘုရား၊ တပည့်တော်တို့လည်း ယနေ့ကစပြီး ဆောက်တည်ကြပါမယ်ဘုရား"

"အေး… ကောင်းတယ်၊ ကောင်းတယ်"

*အားလုံးသန္တာန်၊ အမြင်မှန်၊ လျင်မြန်ရစေသော်။
*******************************

ကျေးဇူးတော်ရှင် တောင်စွန်း ဓမ္မဒူတ ဆရာတော်ကြီး၏ ဗုဒ္ဓဓမ္မပြဿနာများ - ၁၁ စာအုပ်မှ ကူးယူပါသည်။