ကျောက်စိမ်း၊ ကျောက်မျက်ရောင်းချသည့်ဆိုင် များအနက် ရာခိုင်နှုန်း ၂ဝမှာ အတုများ ရောနှောရောင်းချနေ သောကြောင့် ယင်းတို့အားဖော် ထုတ် အရေးယူဆောင်ရွက်ရန် စီစဉ်နေကြေ...ာင်း ကျောက်မျက် လုပ်ငန်း ရှင်များ အသင်းမှ အ တွင်းရေးမှူး(၁) ဦးကျော်ဌေးကထုတ်ဖော်ပြောကြားလိုက်သည်။ကျောက်စိမ်း၊ ကျောက်မျက် အတုရောင်းချသည့်ဆိုင် တချို့ကိုဖော်ထုတ်အရေးယူရာတွင် သတ္တုတွင်းဝန်ကြီးဌာန၊ ကျောက် မျက်လုပ်ငန်းရှင်များအသင်းနှင့် မြန်မာနိုင်ငံရဲတပ်ဖွဲ့တို့မှ တာဝန် ရှိသူများကပူးပေါင်းဆောင်ရွက် သွားမည် ဖြစ် ကြောင်း သိရသည်။ အတွင်းရေးမှူး(၁)ဦးကျော် ဌေးက''တချို့ကျောက်မျက်ဆိုင် တွေအနေနဲ့ အတုနဲ့အစစ်ရော ရောင်းတယ်။ အဓိကသူတို့က နိုင်ငံခြား သားတွေရောင်းတာ။ ဒီလိုနာမည် ထွက်တဲ့ဆိုင်တွေကို သက်ဆိုင်ရာတာဝန်ရှိသူတွေနဲ့ လိုက်စစ် ဆေးမယ်။ ကျောက်စိမ်း၊ ကျောက်မျက်အတုဈေးကွက်မှာ တွင် တွယ်ကျယ်ကျယ်မဖြစ်အောင် ကာကွယ်တဲ့ ရည်ရွယ်ချက်နဲ့လုပ် တာပါ။ မကြာခင်အချိန်မှာပဲ အ ကောင်အထည်ဖော်မှာပါ''ဟု ပြောသည်။
ကျောက်စိမ်း ကျောက်မျက် ရောင်းချသည့်ဆိုင်များမှ အတု ဝယ်လာမိသည် ဟုဆိုကာ တိုင် တန်းသည့်အမှုများမှာ ဆက် တိုက်မဖြစ်သော်လည်း ရံဖန်ရံခါ ဖြစ်တတ်သည့် သဘောများရှိ ကြောင်း ရန်ကုန်တိုင်းဒေသကြီး မှ အဆင့်မြင့် ရဲ အရာရှိ ကြီး တစ် ဦးကပြောသည်။
ရန်ကုန်တိုင်းဒေသကြီးရဲ ရုံးမှတာဝန်ရှိသူတစ်ဦးက''တချို့ ကဝယ်ပြီးမှအလိမ်ခံလိုက်ရမှန်း သိပေမယ့် သက်ဆိုင်ရာမတိုင်တဲ့ သူတွေလဲရှိတယ်။ အဲဒီလိုကျောက် မျက်အတုလိမ်ရောင်းတဲ့ အမှုတွေ ကခဏခဏမဖြစ်ပေမယ့်ဖြစ် လိုက်ရင်တော့လဲ တန်ဖိုးကမနည်း ဘူး'' ဟုပြောသည်။
ကျော်မြတ်ဇံ
Yangon Media Group
ကျောက်မျက်ရတနာအစစ်များရောင်းချပေးနေသည့် ပြပွဲတစ်ပွဲကို တွေ့ရစဉ်။ File Photo:Ye Naung(Phe`Khon)
No comments:
Post a Comment