Search This Blog

အဖွဲ့ဝင်မယ်..Followers

သတင်း


<<<< ကြိုဆိုပါတယ် ပျော်ရွှင်သောနေ့လေးဖြစ်ပါစေ >>>>

Monday 26 March 2012

ပီတိအပြုံးတွေ ဝေတဲ့နွေ............

မြန်မာပြည်တဲ့.........
ကမ္ဘာ့မြေပုံပေါ်မှာကြည့်......
ကြည့်လေ ကြည့်လေ ကြည့်မပြေ
သိပ်လှလို့ ပီတိလေးတွေဝေရတယ်.......။
............................
ကြည့်ရင်းနဲ့ စဉ်းစား
ဘာကြောင့်များ ဒီလောက်လှတာလဲလို့.......
............................
ရာဇ၀င်နဲ့ သမိုင်းကပြောလာ....
ဒီမြေကြီးရဲ့အောက်မှာ
ဒို့ အဘိုးအဘွားတွေရဲ့
သွေးသားတွေ မြှုပ်နှံထားသတဲ့......
.............................
ချွေးစက်တွေ သွေးစက်တွေက
ဧရာဝတီလဲဖြစ်၊
ချင်းတွင်းလဲဖြစ်၊
သံလွင်လဲဖြစ်.....
ပီတိမြစ်ကြီးတွေအဖြစ်စီးဆင်း
ရပ်နားခြင်းလဲမရှိခဲ့..........
ဒို့တွေ သောက်သုံးခဲ့ကြတယ်လေ။
...............................
ဘိုးဘွားတွေက
ရရာ လက်နက်ကိုင်ဆွဲ
သေရမှာလဲမကြောက်.....
ကြွေရမှာလဲ မေ့ပျောက်ကာ
ဒို့မြန်မာပြည် လွတ်လပ်ရစေဖို့
ဘ၀တွေကို ရင်းခဲ့တယ်......
.................................
ကျွန်တော် မြင်ယောင်တယ်.....
မတ်လရဲ့ နွေလည်ခေါင်မှာ
လက်ပန်တွေပွင့်
ပင်အိုပင်ရိုင်း အလှတွေဆင့်ခဲ့စဉ်က
သူတို့တွေရဲ့  သွေးမြေကျ.....
စွန့်လွှတ်သေဆုံးခဲ့ကြမယ်......လို့
....................................
ဗိုလ်ချုပ်က ပေးခဲ့တယ်....
စစ်ထွက် ရဲဘော်များအတွက်.....
``စားစရာ ကျောက်ခဲ´´
``အိပ်စရာ မြေကြီး´´
``ငတ်မယ်၊ ပြတ်မယ်၊ သေကြမယ်´´တဲ့........
........................................
ပေးသမျှယူ.....
ကျွေးသမျှစားပြီး
အနီးဆုံးက ရန်သူကိုရှာလျှက်
လွတ်လပ်ရေးအတွက် ရဲရင့်ခဲ့ကြတယ်
ဒီ....မတ်လ(၂၇)ရက်မှာ...........
.....................................
အဲဒီက အစပြု........ လို့
အခုတော့လေ......
ပြည်သူတွေ ၀မ်းမြောက်
အေးချမ်းတဲ့ ဘ၀ကိုရောက်ပြီ
ဘိုးဘွားတွေ ပီတိဝေလို့
သေသေချာချာ ကြည့်နေကြမယ်......
အပြုံးပန်းတွေ ဝေလျှက်ပေါ့....။
....................................
လွတ်လပ်ရေးအတွက် တိုက်ပွဲဝင်ခဲ့ကြသော
အဘိုး/အဘွားများအား
ဤကဗျာဖြင့် ဂါရ၀ပြုအပ်ပါသည်.......

No comments:

နောက်ဆုံးတင်ပြီသမျှ..ဆက်ဖတ်ရန်...အောက်သို့