သတ္တုဓါတ်များအကြောင်းသိကောင်းစရာ

သတ္တုဓါတ်များအကြောင်းသိကောင်းစရာ

လူရယ်လို့ဖြစ်လာတာနဲ့တပြိုင်နက် လူ့ခန္ဓာကိုယ်မှာ ဗီတာမင်နဲ့ သတ္တုဓါတ်တွေ လိုအပ်တယ်ဆိုတာ ကျွန်တော် တို့ သိခဲ့ကြပြီးဖြစ်ပါတယ် ။ ဒါပေမယ့် လူတစ်ယောက်အတွက် နေ့စဉ်လိုအပ်တဲ့ ဗီတာမင်နဲ့ သတ္တုဓါတ်သည် အနည်းငယ်မျှသော ပမာဏသာလျှင်ဖြစ်ပါတယ် ။ ဗီတာမင်နဲ့ သတ္တုဓါတ်တစ်မျိုးတည်းကို အများကြီးစားသုံးရုံနဲ့ ပြည့်စုံခြင်းမဟုတ်ပဲ လိုအပ်တဲ့ ပမာဏအနည်းငယ်အလျှောက် သင့်တင့်မျှတစွာ စားသုံးဖို့လိုအပ်ပါတယ် ။ ကဲ ဒီတခါတော့ ကျွန်တော်တို့အားလုံး လူသိနည်းတဲ့ သတ္တုဓါတ်တွေအကြောင်း ဆက်လက်လေ့ လာကြည့်ကြ ရအောင် ။ သတ္တုဓါတ်ဆိုတာ တကယ်တော့ အာဟာရအတွက် ဗီတာမင်တွေလိုပဲ မရှိမဖြစ်လိုအပ်တဲ့ ဓါတ်တွေ ဖြစ် ပါတယ် ။ အမြဲတမ်းအလုပ်လုပ်နေရတဲ့ သူတွေ ကျန်းမာရေးလေ့ကျင့်ခန်းလုပ်နေရတဲ့ သူတွေအတွက် လိုအပ်တဲ့ သတ္တုဓါတ်တွေက ဘာတွေလဲဆိုတာနဲ့ သူတို့ကို ဘယ်ကနေရရှိနိုင်သလဲဆိုတာ ကျွန်တော် တို့ လေ့လာကြည့်ရအောင် ။
Iron ( သံဓါတ်)

Haemoglobin လို့ခေါ်တဲ့ သွေးနီဥတွေ ဖြစ်ပွားစေဖို့အတွက် အိုင်းယွန်း ခေ (Zါ် သံဓါတ်ဟာ မရှိမဖြစ်လို အပ်ပါတယ် ။ ဟေမိုဂလိုဘင်တွေဟာ RBC ( သွေးနီဥဆဲလ်)ထဲက ရောင်ခြယ်ဖြစ်ပြီး ခန္ဓာကိုယ် တလျှောက် အောက် ဆီဂျင်တွေကို သယ်ယူပို့ဆောင်ပေးပါတယ် ။ အောက်ဆီဂျင်လိုအပ်တဲ့ ခန္ဓာကိုယ် လုပ်ဆောင် မှုတွေ (အထူးသဖြင့်ကြွက်သားလုပ်ဆောင်မှု) ဟာ ဟေမိုဂလို ဘင်ပမာဏနည်းနေတတ်ပါတယ် ။ အဲဒီအခါ သင်ဟာ သွေးအားနည်းရောဂါ ခံစားရမှာဖြစ်ပြီး အသက်ရှုမ၀တာတွေ ၊ မောပန်းနွမ်းနယ်တာတွေ ၊ ရင်တုန် တာတွေနဲ့ ခေါင်းမူးတာကို ခံစားရနိုင်ပါတယ် ။ သင့်မှာ သွေးအားနည်းရောဂါရှိတယ်လို့ သံသယရှိရင် စစ်ဆေးဖို့လိုအပ်ပြီး ကုသမှုပေးဖို့လိုပါတယ် ။

နေ့စဉ်လိုအပ်တဲ့ သံဓါတ်ပမာဏဟာ 14mg ဖြစ်ပြီး ဒါဟာ 100 g အသားနဲ့ 50 g အစိမ်းရောင်သို့မဟုတ် အညိုရောင် ပဲနီကလေး တို့နဲ့ ညီမျှပါတယ် ။ သံဓါတ်ကိုရရှိနိုင်တဲ့တခြားအရာတွေကတော့ အသည်း ၊ တရုတ်ဆီးသီး ၊ အစိမ်းရောင်အသီးအရွက်များ ၊ ဂျုံ စတာတို့ကနေ ရရှိနိုင်ပါတယ် ။

Calcium ( ကယ်လ်စီယမ်)



သင့်ရဲ့အရိုးတွေသန်မာနေစေဖို့အတွက် ကယ်လ်စီယမ်ကို လိုအပ်ပါတယ် ။ ဒါပေမယ့် ခန္ဓာကိုယ်မှာ ကယ်လ်စီ ယမ် level တွေနည်းနေပြီဆိုရင်တော့ သိရှိဖို့ရာခက်ခဲလွန်းလှပါတယ် ။ လေ့ကျင့်ခန်း လုပ်တာနည်း တဲ့သူ တွေထက် အားကစားသမားတွေက ပိုပြီး စိတ်ဖိစီးမှု ဆိုးကျိုးတွေကို ခံရလေ့ရှိပါတယ် ။ ကယ်လ်စီယမ် ဓါတ်နည်းတဲ့သူ ကယ်လ်စီယမ်ပါတဲ့အစားအစာ စားတာနည်းတဲ့သူတွေဟာ Osteoporosis လို့ခေါ်တဲ့အရိုး ပွရောဂါ ဖြစ်ဖို့များပြီးအရိုးကျိုးလွယ်ပါတယ် ။

နေ့စဉ်လိုအပ်တဲ့ ကယ်လ်စီယမ်ဓါတ်ပမာဏဟာ ၈၀၀ မီလီဂရမ်ဖြစ်ပြီးအဲဒါဟာ အ၀ါရောင်ဒိန်ခဲ လေးဆယ် ဂရမ် ၊ အဆီ နည်းဒိန်ချဉ် ၁၀၀ ဂရမ် ၊ တို့ဖူး ၆၀ ဂရမ်တို့နဲ့ ညီမျှပါတယ် ။ ဒါ့အပြင် အစိမ်းရင့်ရောင်အရွက်များ ၊ ငါး နဲ့ အရိုးတွေဟာလည်း ကယ်လ်စီယမ်ပါတဲ့အစားအစာတွေဖြစ်ပါတယ် ။

Zinc (ဇင့်ဓါတ်)

သင့်ရဲ့ခန္ဓာကိုယ်မှာ ပရိုတိန်းတွေထုတ်လုပ်ဖို့ ခုခံအားစနစ်နဲ့ အနာကျက်ခြင်းစတာတွေအတွက်ဇင့်ဓါတ်ဟာ အလွန်ပဲ အရေးပါပါတယ် ။ စွမ်းအင် ဇီဝဖြစ်ပျက်ခြင်းနဲ့ သက်ဆိုင်တဲ့ အင်ဇိုင်းတွေမှာ ဇင့်ကိုတွေ့ရှိနိုင်ပါတယ် ။ သင်ဟာ ခဏခဏ ပိုးဝင်ခြင်းခံစားနေရတယ် ဒါမှမဟုတ် အနာတစ်ခုဟာ ကျက်ဖို့အချိန်ကြာနေပြီဆိုရင် တော့ သင့်မှာ ဇင့်ဓါတ်တွေနည်းနေတာလို့ ကောက်ချက်ချနိုင်ပါတယ် ။

ဇင့်ရဲ့နေ့စဉ်လိုအပ်တဲ့ပမာဏကတော့ ၇ မီလီဂရမ်ဖြစ်ပြီးတော့ အဲဒါဟာ အမဲသား ၁၀၀ ဂရမ် သီဟိုသရက်စေ့ ၂၀ ဂရမ်တို့နဲ့ ညီမျှပါတယ် ။

Chromium ( ခရိုမီယမ်)

ခရိုမီယမ်ဟာ အင်ဆူလင်နဲ့အတူ သွေးတင်းအချိုဓါတ်ကို ပုံမှန်အတိုင်းလည်ပတ်အောင် လုပ်ဆောင်ပေးပါတယ် ။ လေ့လာ မှုတွေအရ ကြွက်သား တွေ ကြီးထွားသန်စွမ်းဖို့ ထောက်ပံ့ပေးပြီး အဆီကို လည်းကျစေ တယ် လို့ ထောက် ခံပေးထားပါတယ် ။ ခရိုမီယမ်နည်းနေတဲ့အခြေအနေကတော့ သိသာထင်ရှားခြင်းမရှိပါဘူး ။ ဒါပေမယ့် ပုံမှန်လေ့ကျင့်ခန်းလုပ်နေတဲ့သူတွေ ( ကယ်လိုရီကန့်သတ်ထားသူများ) မှာ ခရိုမီယမ်နည်း တာပို ဖြစ်လေ့ ရှိပါတယ် ။

သီးသန့်သတ်မှတ်ထားတဲ့ Recommeded daily allowance တန်ဖိုးမရှိပါဘူး ။ ဒါပေမယ့်ခရိုမီယမ်ကို တော့ အမဲသား ၊ အသည်း ၊ ဥအမျိုးမျိုး ၊ ကြက်သား ၊ ပန်းသီးနဲ့ yeast စတာတွေကနေတဆင့်ရရှိနိုင်ပါတယ် ။

Magnesium (မက်ဂနီဆီယမ်)

အစားစာတွေထဲကနေ energy လို့ခေါ်တဲ့စွမ်းအင်ထုတ်လုပ်ဖို့အတွက် မက်ဂနီဆီယမ်ကို လိုအပ်ပါတယ် ။ မက်ဂနီဆီယမ်ဟာ နှလုံးကြွက်သားတွေ ကျုံ့ဖို့ ၊ အာရုံကြောတွေနဲ့ကြွက်သားတွေ သန်မာဖို့အတွက် အလွန်ကို အသုံးဝင် ပါတယ် ။ မက်ဂနီဆီယမ် မြင့်မားမှုဟာ အဆုတ်ကြပ်ခြင်းကို ကူညီပေးနိုင်ပြီး ဂနာမငြိမ်ဖြစ်ခြင်း ၊ ကြွက်တက်ခြင်းများ စတာတွေကိုလည်းလျော့ကျစေနိုင်ပါတယ် ။

နေ့စဉ်လိုအပ်တဲ့ မက်ဂနီဆီယမ်ပမာဏကတော့ ၃၀၀ မီလီဂရမ်ဖြစ်ပြီး အဲဒါကို ဘရာဇီးအစေ့ ၅၀ ဂရမ် ကိုကာ အမှုန့် ၂၀ ဂရမ် စတာတွေကနေရရှိနိုင်ပါတယ် ။ မက်ဂနီဆီယမ်ကိုရရှိနိုင်တဲ့တခြားအရာတွေကတော့ အစိမ်းရောင်အရွက်များ ၊ အစေ့အဆံများ ဂျုံ ၊ အသား ၊ ငါး ၊ ဥစားကြက် စသည်တို့ပဲဖြစ်ပါတယ် ။


ဒါကြောင့် သတ္တုဓါတ်တစ်မျိုးစီဟာလည်း ခန္ဓာကိုယ်အတွက်အလွန်အသုံးဝင်တဲ့အရာတွေဖြစ်ပြီး သတိမထား မိတဲ့ နေ့ စဉ် အစားအသောက်တွေကနေတဆင့်ရရှိနေပါတယ် ။ ကျန်းမာရေးကို အထောက်အကူပြုတဲ့ အလေ့ အ ကျင့်ကောင်းများ ၊ အစားအသောက်များကို သင့်တင့်မျှတစွာ သုံးစွဲခြင်းအားဖြင့် ကျန်းမာပြည့် စုံတဲ့လူနေ မှုဘ၀ကို ရရှိနိုင်ကြပါစေလို့ ဆုတောင်းပေးရင်း အဆုံးသတ်လိုက်ပါတယ် ။