လူသေလျှင် လူမှာစောင့်တဲ့ ကိုယ်စောင့်နတ် သေပါသလားဘုရား

လူအများစုတို့သည် နတ်ကိုးကွယ်ကြသည်၊ ယုံကြည်ကြသည်၊ အားထားကြသည်၊ နတ်နှင့်ပတ်သက်၍ကား သိသူ လေ့လာသူ အတော်နည်းပါးလှပါသည်။ ပြောသံကြားနှင့် အရမ်းယုံ၊ အရမ်းကိုးကွယ်သူသာများပါသည်။ စုံစမ်းမေးမြန်းသူကား နည်းပါးပါသည်။
စုံစမ်းမေးမြန်းသူများရှိ၍ မေးမြန်းသဖြင့် ပြောပြသောအခါမှ "သြော်…ဒီလိုလည်းရှိပါသေးလား" ဟု အချို့က လက်ခံ၍ အချို့ကမူ ငြင်းဆန်ပါသည်။ မိမိနှင့်တွေလျှင်မူ အကြောင်းသိသူများက မေးမြန်းတတ်ကြပါသည်။ မိမိကလည်း အမေးရှင်ကို လိုချင်ပါသည်။ သူတို့မေး၍ ဖြေရမှ စာရေးပြနိုင်၍ မသိသူများ မမေးတတ်သူများ၊ သိချင်သူများ ရှင်းသွားပါသည်။
တစ်နေ့ မေးတတ်သူတစ်ယောက် ရောက်လာကာ ဦးချပြီး မေးလျှောက်သည်။ သူက အလွယ်ပင်မေး၍ မိမိကလည်း အလွယ်ပင် ဖြေသည်။ ယင်းသို့ အလွယ်မေး၍ အလွယ်ဖြေရာမှ အမေးအဖြေတွေ ရှည်လျားသွားပါသည်။
"အရှင်ဘုရား၊ ကိုယ်စောင့်နတ်ရှိပါသလား ဘုရား"
"အေး…ရှိတာပေါ့"
"အရှင်ဘုရား၊ ကိုယ်စောင့်နတ် မြင်ဖူးပါသလားဘုရား"
"ငါတော့ ငါ့ကိုယ်စောင့်နတ်ကို တစ်ခါမှမမြင်ဖူးဘူး"
"ဒါဖြင့် အရှင်ဘုရားက ဘယ်လိုအထောက်အထားနဲ့ ကိုယ်စောင့်နတ် ရှိတယ်လို့ ပြောနိုင်ပါသလဲဘုရား"
"ကျမ်းဂန် အထောက်အထားနဲ့ကြည့်ပြီး ကိုယ်စောင့်နတ် ရှိတယ်လို့ ပြောတာပါ"
"ကျမ်းဂန်အထောက်အထားရှိရင် အထောက်အထားနှင့်တကွ ကိုယ်စောင့်နတ်အကြောင်း ရှင်းပြပါလားဘုရား"
"အေး…အေး ရှင်းပြမယ်၊ သေသေချာချာ မှတ်မှတ်သားသား နားထောင်ပါ၊ ကျမ်းဂန်ကတော့ ပါရာဇိကဏ် အဋ္ဌကထာကို ဦးစွာပြမယ်"
ပါရာဇိကဏ် အဋ္ဌကထာ ရှင်သုဒိန္ဒအကြောင်းအရာကို ဖွင့်ပြတဲ့ နေရာမှာ-
"မကောင်းမှုကို ပြုသောသူအား ခပ်သိမ်းသော သူတို့၏ ရှေးဦးစွာ မိမိသိအပ်၏၊ ထို့နောက် မိမိကိုယ်စောင့်နတ်သိ၏၊ ထို့နောက် သူတစ်ပါးစိတ်ကို သိတတ်သော နတ်တို့သည် သိကုန်၏"
"လို့ ပြောထားတာ ရှိပါတယ်။ အဲဒီအထောက်အထား အကြောင်းကြောင့် ကိုယ်စောင့်နတ်ရှိတယ်လို့ ပြောနိုင်တာပါ"
"အဲဒီ အထောက်အထားအပြင် အခြားအထောက်အထားကော ရှိပါသေးသလားဘုရား"
"ရှိသေးတယ်"
"ရှိသေးရင် ဆက်ပြီးတော့ ရှင်းပြပါဦးဘုရား၊ တပည့်တော်နှင့်တကွ အများတကာတို့ သံသယရှင်းရန်အတွက်ပါဘုရား၊ တပည့်တော်တစ်ယောက်တည်းအတွက် မဟုတ်ပါဘုရား"
"အေး…အေး၊ မေးမှတော့ဖြင့် တစ်ယောက်တည်းအတွက်လည်း ဖြေရမှာပဲ၊ အများအတွက်လည်း ဖြေရမှာပဲ၊ မှတ်ထားပါ သုတ်မဟာဝါ အဋ္ဌကထာ မဟာပဒါန သုတ်အဖွင့်မှာ ဒီလိုပြထားပါတယ်"
"အကြင်အခါ မင်းတို့သည် တရားမစောင့်ကုန်၊ ထိုအခါ အိမ်ရှေ့မင်း၊ အမတ်စစ်သူကြီး၊ သူဋ္ဌေး သူကြွယ်အလုံးစုံသော မြို့သူမြို့သား အလုံးစုံသောသူတို့သည် တရားမစောင့်ကုန်။
ထိုအခါ ထိုသူတို့ကို စောင့်ကုန်သော ကိုယ်စောင့်နတ်တို့သည် တရားမစောင့်ကုန်၊ ထိုနတ်တို့၏ အဆွေခင်ပွန်းဖြစ်သော မြေ၌တည်သောနတ်၊ ကောင်းကင်၌ တည်သောနတ်၊ ဥဏှဝလာဟကနတ်၊ အဗ္ဘဝလာဟကမည်သောနတ်၊ သီတဝလာဟကမည်သောနတ်၊ ဝဿဝလာဟကမည်သောနတ်၊ စတုမဟာရာဇ်မှစ၍ နတ်ပြည်ခြောက်ထပ် အထက်ဘဝဂ်တိုင်အောင် အရိယာပုဂ္ဂိုလ်တို့ကိုထား၍ ခပ်သိမ်းသော နတ်ဗြဟ္မာမရိသတ်တို့သည် တရားမစောင့်သည်သာလျှင် ဖြစ်ကုန်၏" လို့ ပြထားပါတယ်။ အဲဒီ အထောက်အထားနဲ့ ကိုယ်စောင့်နတ်ရှိကြောင်း ပြောနိုင်ပါတယ်။ အဲဒီအထောက်အထားများကို မှီးပြီးတော့ ဇာတ်ပေါင်းခန်းပျို့တွင် -
"ကောင်းကင်ရုက္ခ၊ ဘုမ္မမလွတ်၊ ကိုယ်စောင့်နတ်တို့၊ ရိုညွတ်သဒ္ဓါ၊ တရားနာ၍၊ ဒိဗ္ဗာရမ္မဏ၊ မြင်ကစင်ဖြူ၊ နှလုံးဟူသား၊ မုန်ဆူမွန်ခြောင်း၊ ဆင်မကောင်းကို၊ ချွန်းတောင်းဉာဏ်ဟုန်၊ ထိမ်းလင့်ကုန်"
လို့ ရေးသားခဲ့တဲ့ အထောက်အထားကို အမှီပြုပြးတော့ကာ ကိုယ်စောင့်နတ် ရှိကြောင်းကို ပြောနိုင်ပါတယ်။ ပြီးတော့ ပါရမီတော်ခန်းပျို့တွင်လည်း -
"လူတို့စီးပွား၊ ကျင့်တတ်အားသည်၊ သိကြားမာတလိ၊ မဏိမေခလာ၊ မဟာရာဇ်က၊ စသည်တရိုး၊ အိမ်စိုးကိုယ်စောင့်၊ မှောင့်လည်း ဖျက်တတ်၊ ဘုတ်ခေတ်သံဘက်"
လို့ စပ်ဆိုတော်မူချက်တို့ အထောက်အထားပြုပြီးတော့ ကိုယ်စောင့်နတ်ရှိကြောင်း ပြောနိုင်ပါတယ်။ အဲဒီလောက်ဆိုရင် ကိုယ်စောင့်နတ်ရှိကြောင်း ကျေနပ်ပြီလား။
"တင်ပါ ကျေနပ်ပါတယ်ဘုရား၊ ဒါပေမယ့် အခွင့်အရေးပေးမယ်ဆိုရင် အနည်းငယ် မေးပါရစေဦးဘုရား"
"အင်း … အနည်းငယ်ဆိုတာ ဘယ်လောက်လဲ၊ စာမျက်နှာ တစ်ထောင်လောက်ဖြေရမယ့် မေးခွန်းမျိုးလား"
"ဒီလောက်တော့ ရှည်မယ်မထင်ပါဘုရား"
"ကဲ … ဒါဖြင့် မေးစမ်းပါဦး၊ သိရင်ဖြေရတာပေါ့၊ မသိရင်တော့ မဖြေနိုင်ဘူးနော်"
"မှန်ပါ့ဘုရား"
"တပည့်တော်မေးမှာကို အရှင်ဘုရားသိနိုင်ပါတယ်၊ ဘာဖြစ်လို့လည်းဆိုတော့ ယခုမေးပြီးခဲ့တဲ့ ကိုယ်စောင့်နတ်နဲ့ ပတ်သကိတဲ့အမေးပဲ ဖြစ်နေလို့ပါဘုရား"
"ဟ … ကိုယ်စောင့်နတ် အကြောင်းက မေးပြီးမှပဲ၊ ဘာကိုများထပ်ပြီးတော့ မေးနေဦးမလဲ"
"ဒီလိုပါဘုရား၊ လူရယ် အဲဒီလူကိုစောင့်တဲ့ ကိုယ်စောင့်နတ်ရယ် နှစ်ဦးသားမှာ အသက်တမ်းချင်းလည်း မတူပါ၊ သတ္တဝါ အမျိုးအစားလည်း မတူပါဘုရား"
"အေး… ဟုတ်တယ်၊ မတူဘူး"
"အဲဒီလိုမတူတော့ လူသေလျှင် အဲဒီလူမှာစောင့်တဲ့ ကိုယ်စောင့်နတ်လည်း သေမလား၊ သို့မဟုတ် ကိုယ်စောင့်နတ်သေလျှင် အဲဒီနတ် စောင့်တဲ့လူလည်း သေမလားဆိုတာ သိချင်ပါတယ်ဘုရား"
"အင်း … သိချင်တာက အရေးမကြီးဘူး၊ အဖြေကတော့ ခက်ခက်ပဲ"
"မခက်ပါနဲ့ဘုရား၊ ကြိုးစားပြီး တပည့်တော် သဘောပေါက်အောင် ဖြေကြားပေးပါဘုရား"
"အင်းပေါ့… ခုမှတော့ ဖြေရတော့မှာပေါ့"
"မှန်ပါ … ဖြေကြားပါဘုရား"
"အေး … သတ္တဝါတွေသေတာကို သတိထားကြည့်ရင် သိနိုင်ပါတယ်၊ တစ်အိမ်ထောင်စုထဲမှာကြည့်၊ အကြီးရယ်၊ အငယ်ရယ် မဟုတ်ဘူးနော်၊ ရှေ့နောက်သေတာလည်း မရှိဘူးလား"
"ရှိပါတယ်ဘုရား"
"အကြီးအငယ် တစ်ပြိုင်နက်သေတာလည်း မရှိဘူးလား"
"ရှိပါတယ်ဘုရား"
"အေး… အဲဒါကြောင့် ကိုယ်စောင့်နတ်နဲ့ လူနဲ့ ပြိုင်တူသေ၊ ရှေ့နောက်သေဆိုတာ အမြဲမဆိုသာတဲ့အရာ ဖြစ်ပါတယ်"
"မှန်ပါဘုရား၊ ဒါဖြစ်နိုင်ပါတယ်၊ တိကျသော သက်သေများ ပြနိုင်ပါသလား"
"ပြနိုင်ပါတယ်၊ ဘုရားအလောင်းတော် တေမိမင်းသား နတ်ပြည်က စုတေခန်းကို သတိပြုကြည့်ပါ၊ တေမိမင်းသားလောင်းနှင့်အတူ စုတေအပ်သောသဘောရှိတဲ့ နတ်သားပေါင်း ငါးရာတို့ လူ့ပြည်ကို တစ်ပြိုင်နက်ပင် စုတေလာကြောင်း ဖော်ပြတယ် မဟုတ်လား"
"ဟုတ်ပါတယ်ဘုရား"
"ပြီးတော့ ဝေဿန္တရာမင်းကြီး နတ်ပြည်က စုတေလာတဲ့အခါ နတ်သားခြောက်သောင်းအတူ စုတေလာကြောင်း ဖော်ပြတယ်မဟုတ်လား"
"ဟုတ်ပါတယ်ဘုရား"
"အေး… သူတို့ လူ့ပြည်က စုတေကြတော့ တစ်ပြိုင်နက် ဟုတ်ရဲ့လား"
"မဟုတ်ပါဘုရား"
"ပြီးတော့ ဘုရားရှင်နှင့် ဖွားဖက်တော် (၇) ဦးတို့သည် တစ်ပြိုင်နက် ဖွားကြတယ်မဟုတ်လား"
"ဟုတ်ပါတယ်ဘုရား"
"ကဲ… စုတေတော့ အတူတူလား"
"မဟုတ်ပါဘုရား"
"ဟော… ပဒုမဒေဝီမိဖုရား၊ သားတော် ပစ္စေကဗုဒ္ဓ ငါးရာတို့သည် ဖွားသောကာလ တစ်နေ့တည်း တစ်ပြိုင်နက်တည်းပဲ ဖွားတယ်မဟုတ်လား"
"ဟုတ်ပါတယ်ဘုရား"
"ပစ္စေကဗုဒ္ဓါ ဖြစ်ကြတော့လည်း တစ်နေ့တည်း တစ်ပြိုင်နက်တည်းမှာပဲ ဖြစ်ကြတယ်မဟုတ်လား"
"ဟုတ်ပါတယ်ဘုရား"
"ပရိနိဗ္ဗာန်ဝင်စံသောကာလမှာလည်း တစ်နေ့တည်း တစ်ပြိုင်နက်တည်းမှာပဲ ပရိနိဗ္ဗာန်ဝင်စံတယ် မဟုတ်လား"
"ဟုတ်ပါတယ်ဘုရား"
"ကဲ… အဲဒါတွေ ထောက်ရှုကြည့်တော့ တကွဲစီဖွားတယ်၊ အတူသေတာလည်း မရှိဘူးလား"
"ရှိပါတယ်ဘုရား"
"အတူဖွားတယ်၊ တကွဲစီသေတာလည်း မရှိဘူးလား"
"ရှိပါတယ်ဘုရား"
"အတူဖွားတယ်၊ အတူသေတာလည်း မရှိဘူးလား"
"ရှိပါတယ်ဘုရား"
"အေး… အဲဒီအတိုင်းပေါ့၊ ကဲ… သစ်ပင်တွေမှာ စောင့်တဲ့ ရုက္ခစိုးနတ်ရှိယ်ဆိုတာ လက်ခံလား"
"လက်ခံပါတယ်ဘုရား"
"သစ်ပင်ကို ခုတ်လဲလိုက်တဲ့အခါ အဲဒီနတ်က မသေဘဲ အခြားသစ်တစ်ပင်ကို ပြောင်းသွားတယ်မဟုတ်လား"
"ဟုတ်ပါတယ်ဘုရား"
"အဲဒီအတူပေါ့ မိမိတို့စောင့်တဲ့လူ သေသွားလျှင် အခြားသူတစ်ယောက်ပြောင်းမှာပေါ့ ဟုတ်လား"
"ဟုတ်ပါတယ်ဘုရား"
"နတ်သေလို့လည်းပဲ သစ်ပင်မသေသလို ကိုယ်စောင့်နတ် သေလို့လည်းပဲ လူမသေပါဘူး ဟုတ်လား"
"ဟုတ်ပါတယ်ဘုရား"
"သာဓက ပြရရင်တော့ ဟိမန္တာမှာ သီရိသက ဆိုတဲ့ ကုက္ကိုတောရှိတယ်၊ အဲဒီတောမှာ အရှင်ဂဝမ္ပတိထေရ် အလောင်းဟာ နတ်ဖြစ်တယ်၊ အဲဒီနတ် စုတေတော့ နောက်နတ်သားအသစ် ဖြစ်ပါတယ်၊ နတ်သေ၍ ကုက္ကိုပင် မသေဘူးမဟုတ်လား"
"ဟုတ်ပါတယ်ဘုရား"
"စတုကနိပါတ် စူဠကလိင်္ဂဇာတ် အဋ္ဌကထာမှာ ကလိင်္ဂမင်းနှင့် အသကမင်းတို့ စစ်တိုက်ကြတယ်။ အဲဒီတိုက်ပွဲမှာ ကလိင်္ဂမင်းရဲ့ ကိုယ်စောင့်နတ်က ကိုယ်လုံးဖြူတဲ့ နွားလား ဥသဘ အယောင်ဆောင်ပြီး ဝှေ့တိုက်တယ်။ အသကမင်းရဲ့ ကိုယ်စောင့်နတ်က ကိုယ်လုံးမည်းသော နွားလား ဥသဘ အယောင်ဆောင်ပြီး တိုက်တယ်၊ အဲဒီလို ဝှေ့တိုက်တာကို အခြားသူတွေ မမြင်ကြဘူး၊ မင်းနှစ်ပါးပဲ မြင်တယ်"
"အဲဒီလိုတိုက်တဲ့အခါ နန္ဒိသေနအမတ်က ဥပဒေသပေး၍ အသကမင်းရဲ့ သူရဲတစ်ထောင်နှင့်တကွ ကလိင်္ဂမင်းရဲ့ ကိုယ်စောင့်နတ်ဖြစ်တဲ့ နွားလားဥသဘကို အချက်ကျအောင်ထိုးတဲ့အခါ ကလိင်္ဂမင်းရဲ့ ကိုယ်စောင့်နတ်သေတယ်၊ အဲဒီကိုယ်စောင့်နတ်လည်းသေရော ကလိင်္ဂမင်းလည်း ထိတ်လန့်ပြီး စစ်ပျက်တယ်၊ စစ်ရှုံးတယ်"
"အဲဒီဇာတ်တော်ထောက်ရှု ကြည့်တော့ ကိုယ်စောင့်နတ်သေတယ်၊ ကလိင်္ဂမင်း မသေဘူးမဟုတ်လား"
"ဟုတ်ပါတယ်ဘုရား"
"ပါစိတ် အဋ္ဌကထာ ဘူတဂါမ သိက္ခာပုဒ် အဖွင့်၌ ဇေတဝန်ကျောင်း အရန်တွင်သစ်တစ်ပင်၌ နတ်သားတစ်ယောက်သေ၍ သစ်ပင်မသေပါ၊ ကျန်နေသည်ကို ဘုရားရှင်သိ၍ သစ်ပင်ခုတ်လှဲခံရ၍ သစ်ပင်မရှိသော နတ်သမီးအား ဘုရားရှင်ကပေးတယ်၊ အဲဒီအတူပဲ ကိုယ်စောင့်နတ်တစ်ယောက် သေသော်လည်း နတ်တစ်ယောက်ခွဲမှီ၍ နေကောင်းတယ်လို့ မှတ်နော်"
"မှန်ပါဘုရား"
"အသီတိနိပါတ် ကုဏာလဇာတ်ကို သတိပြုပြီး ကြည့်ရှုပါ၊ ကောသလမင်းကြီး သေတဲ့အခါ မိဖုရားကို ဗာရာဏသီပြည်ယူ၍ မိဖုရားမြှောက်တယ်၊ အဲဒီမိဖုရားမှာ ကောသလမင်းကြီးကို အစွဲပြုပြီး ပဋိသန္ဓေရှိနေတယ်၊ ကောသလမင်းကြီး သေတဲ့အခါ အဲဒီကိုယ်ဝန်သား ကိုယ်မှာ ကိုယ်စောင့်နတ် ဖြစ်နေတယ်"
"အဲဒီသားငယ် (၁၆)နှစ်ရှိတဲ့အခါ ကုရုဂီဒေဝီ မည်သော မင်းသမီးနှင့် ယဉ်ပါးသည်ကိုသိ၍ သတ်မည်ပြုတဲ့အခါ အဖဖြစ်တဲ့ ကိုယ်စောင့်နတ်က မင်းသားငယ်၌ စောင့်ရှောက်မစ၍ ချမ်းသာရာ ရစေတယ်"
အဲဒီမှာကြည့်ပါ၊ မင်းသားငယ်ရဲ့ ဖြစ်စဖွားစနှင့် အဖနတ်ဖြစ်သော ကာလ ရှေ့နောက်မညီတာကို ထောက်ရှုလျှင် စုတေသောကာလလည်း ရှေ့နောက် မဖြစ်နိုင်ဘူးလား"
"ဖြစ်နိုင်ပါတယ်ဘုရား"
"အဲဒါဟာ ကျမ်းဂန်အထောက်အထား အတိအကျ အရပြောခဲ့တဲ့ ကိုယ်စောင့်နတ်အကြောင်းပါ"
"အရှင်ဘုရား ဥစ္စာကလည်း ငေါ့တော့တော့နဲ့"
"ဘာငေါ့တော့တော့လဲ"
"ကျမ်းဂန်အထောက်အထား အတိအကျဆိုတော့ မတိကျတဲ့ ကိုယ်စောင့်နတ်ရှိသေးလားဘုရား"
"ရှိသေးတယ်"
"ရှင်းပြဦးပါဘုရား"
"လူတစ်ကိုယ်မှာ ကိုယ်စောင့်နတ် (၃)ယောက်ရှိတယ်တဲ့၊ ဦးခေါင်းကိုစောင့်တဲ့နတ်၊ ကိုယ်လုံးကိုစောင့်တဲ့နတ်၊ ခြေကိုစောင်တဲ့နတ်ရယ်လို့ (၃)ယောက်ရှိတယ်တဲ့၊ မခိုင်လုံလို့ ကြားဖူးရုံမျှမို့ တည့်တည့်သုံးတာနော်"
"မှန်ပါဘုရား"
"ဦးခေါင်းကိုစောင့်တဲ့နတ်က နံနက်အခါ ကြည့်ရှု မစတယ်တဲ့၊ နံနက်အခါ ဦးခေါင်းကို သန့်ရှင်းစင်ကြယ်စွာ ပြုလေ့ရှိသူကို နှစ်သက်တယ်တဲ့"
"ကိုယ်လုံးကို စောင့်တဲ့နတ်က နေ့အခါကိုယ်ကို သန့်ရှင်း စင်ကြယ်စွာ ပြုလေ့ရှိသူကို နှစ်သက်တယ်၊ စောင့်ရှောက်တယ်တဲ့"
"ခြေကို စောင့်တဲ့နတ်က ည့ဉ်အခါ ခြေကို သန့်ရှင်းစင်ကြယ်စွာ ဆေးကြော၍ အိပ်ရာကိုဝင်လေ့ရှိတဲ့သူကို နှစ်သက်တယ် စောင့်ရှောက်တယ်တဲ့"
"နတ်ကစောင့်လား၊ မစောင့်ဘူးလားတော့ မသိဘူး၊ အိပ်ရာဝင်ခါနီး ခြေဆေးအိပ်တာတော့ ကျန်းမာရေး ကောင်းတာအမှန်ပဲလို့မှတ်ပြီး ခြေဆေးအိပ်နော်"
"မှန်ပါဘုရား"
"ဦးခေါင်းကိုစောင့်တဲ့နတ်က ကြိုးတန်း၊ ကြိမ်တန်း၊ လှေကားတံတား၊ အိမ်အောက်၊ ပုဆိုး၊ အဝတ်အောက်လျိုဝင်ခြင်းကို အလိုမရှိဘူးတဲ့"
"အဲဒီအစွဲရှိလို့ တချို့ ကြိုးတန်းအောက်၊ တံတားအောက် စသည်တို့ မဝင်တဲ့ ရှင်ရဟန်းတွေ တွေ့ဖူးတယ် မဟုတ်လား"
"တွေ့ဖူးပါတယ်ဘုရား"
"ဘုန်းကြီးတို့တော့ အဲဒီ နတ်အယူအဆတော့ မရှိပါဘူး၊ ဒါပေမယ့် အဲဒီကြိုးတန်း၊ တံတားအောက် စသည်ဝင်တဲ့အခါ ခေါင်းထဲက ယားကျိကျိလိုပဲ စိတ်မသန့်တာပေါ့နော်"
"မှန်ပါဘုရား"
"ကိုယ်ကိုစောင့်တဲ့ နတ်က မိမိဝတ်ပြီးသော အဝတ်ကို အောက်အထက်ပြန်၍ ဝတ်ခြင်းကို အလိုမရှိဘူးတဲ့"
"ဘုန်းကြီးတော့ သင်္ကန်းကို အမြဲတမ်း အထက်အောက် ပြန်လှန်ပြီူ ဝတ်တယ်၊ ကြာကြာအဝတ်ခံအောင် ဆိုတဲ့ သဘောနဲ့ပေါ့၊ နတ်ကြိုက်တာ မကြိုက်တာထက် အဝတ်သင်္ကန်းကို စောင့်ရှောက်တဲ့သဘောပေါ့နော်"
"မှန်ပါဘုရား"
"ကဲ… ကဲ တော်လောက်ရောပေါ့၊ ကြားဖူးတာတွေ လျှောက်ပြောနေရင် အများကြီးရှိပါသေးတယ် မပြောတော့ပါဘူး၊ ဘာဖြစ်လို့လည်းဆိုတော့ တော်တော်ကြာ တကယ့်အစစ်အမှန်တွေ မှတ်မထားဘဲ အဲဒီကြားဖူးလို့ပြောတဲ့ မဟုတ်တာတွေကို မှတ်ထားမှ ခက်နေမယ်၊ ဘုန်ကြီးတရားခံဖြစ်နေမယ်၊ ဒါကြောင့် တော်ကြဦးစို့"
"မှန်ပါဘုရား"


* ကိုယ်စောင့်နတ်က ရှိသည်သာ မှတ်ပါကျမ်းဂန်လာ၊

* နတ်ရှိသော်လည်း ကိုယ့်ကိုယ်ပဲ အမြဲအားကိုးပါ၊

* ကိုယ်ကကောင်းမှ စောင့်နတ်က ကောင်းကြ သေသေချာ၊

* ကိုယ်ကောင်းဖို့ရာ နေ့ည့ဉ်ပါ လုပ်ပါကောင်းရာရာ၊

* ကောင်းအောင်ပြုမှ ကောင်းကျိုးရ နတ်က မ,တော့တာ၊

* မကောင်းပြုက ဆိုးကျိုးရ နတ်ကဖမ်းတော့တာ၊

* နတ်ကမ,တာ ဖမ်းဆီးတာ ကိုယ့်မှာတည်နေတာ။

*** *** *** *** *** *** *** *** ***


ကျေးဇူးတော်ရှင် တောင်စွန်း ဓမ္မဒူတဆရာတော်ဘုရားကြီး၏
ဗုဒ္ဓဓမ္မပြဿနာများ - ၉ မှ ကူးယူပါသည်။