"ဆရာ ဦးမင်းထူးနဲ့ တွေ့ချင်လို့ပါရှင်။"
ရုတ်တရက် ကျွန်တော် မော့ကြည့်လိုက်မိသည်။ ဆံပင်ရှည်ရှည်နဲ့ ကောင်မလေးတစ်ယောက်။ ကျွန်တော့်က-
"ဟုတ်ပါတယ်။ ဆရာက ဆရာဦးမင်းထူးပါ။ ဘာကိစ္စရှိလို့လဲ ကလေးမ။"
"အခန်းထဲ ၀င်ခွင့်ပြုပါ ဆရာ။ သမီး စကားနည်းနည်းလောက်ပြောချင်လို့ပါ။"
"ကောင်းပါပြီ။"
ကောင်မလေးက အခန်းထဲဝင်ပြီး ကျွန်တော့ စားပွဲရှေ့မှာ ထိုင်လိုက်သည်။ ထို့နောက် သူမ လွယ်အိတ်ထဲက တစ်စုံတစ်ခုကို ထုတ်ယူလိုက်သည်။ ပါကင်ထုတ်ထားသော ဘူးလေးတစ်ဘူး။ ထိုပါကင်ဘူးလေးကိုင်ရင်း ၅ စက္ကန့်လောက် သူမ ငြိမ်နေသည်။ ပြီးမှ-
"ဆရာ့အနေနဲ့ အပန်းမကြီးဘူးဆိုရင် ဒီ ပါကင်ဘူးလေးကို လက်ခံပေးစေချင်ပါတယ်။ ဆရာ့အတွက် အရေးပါမယ်လို့ သမီးထင်ပါတယ်။"
ကျွန်တော် မျက်မှောင်ကျုတ်လိုက်မိသည်။ ဒီကလေးမ လာနောက်နေတာလား။ မဟုတ်နိုင်ပါ။ သူမ ပုံစံက တည်တည်ငြိမ်ငြိမ်လေး။ ဒီကလေးမကိုလဲ ကျွန်တော် မသိပါ။ ကျွန်တော် စာသင်တဲ့ သင်္ချာမေဂျာတန်းက မဟုတ်တာ သေချာသည်။ ကျွန်တော်က ပြောဖို့ ပါးစပ်ဟလိုက်စဉ်မှာပင် သူမက-
"ဆရာ၊ သမီးကို တစ်ခုခုမေးချင်နေတာ သမီးသိပါတယ်။ ဒါပေမဲ့ ဆရာ့အနေနဲ့ ဒီပါကင်ဘူးလေးကို အရင်လက်ခံထားပေးပါလို့ တောင်းဆိုပါရစေ။"
သူမက သက်ပြင်းတိုးတိုးလေး ချလိုက်သည်။
"သမီးနာမည် မဒီမောင်ပါ ဆရာ။ မြန်မာစာ မေဂျာကပါ။"
"သမီးကို ပြန်ခွင့်ပြုပါ ဆရာ။"
သူမ ပြောချင်ရာ ပြောပြီး ကျွန်တော့စားပွဲမှ ထသွားသည်။ တံခါးအပေါက်ဝရောက်မှ ကျွန်တော့ဘက် လှည့်ပြီး-
"သမီးက မမနဒီမောင်ရဲ့ ညီမ ပါ။"
သူမ လှည့်ထွက်သွားသည်။
---------------------------------------------------------------------------------------------------------------------
"အဲဒီတော့ မင်းဘာဆက်ဖြစ်လဲ မင်းထူး"
ကျွန်တော်နဲ့ သူငယ်ချင်း ဝေယံတို့ လက်ဖက်ရည်ဆိုင်မှာ စကားပြောနေကြခြင်း ဖြစ်သည်။ ကျွန်တော်ရဲ့ အချစ်ရေးကို အစအဆုံး သိထားသော ဝေယံကို ကျွန်တော်က ဒီမနက် ကျွန်တော့်ဆီ ရောက်လာတော့ ကျောင်းသူလေးအကြောင်း ပြောပြခြင်းဖြစ်သည်။
"ဟ ဘာဆက်ဖြစ်ရမှာလဲ။ ငါပဲနားကြားမှားတာလား။ ဒါမှမဟုတ် အိမ်မက်မက်နေတာလားဆိုပြီး တစ်ယောက်ထဲ စဉ်းစားနေမိတာပေါ့။ နောက်တော့မှ အဲဒီ့ကောင်မလေး ထားခဲ့တဲ့ ပါကင်ဘူးကို ဖွင့်ကြည့်တော့မှ စာလေးတစ်စောင်ရယ်၊ ဓာတ်ပုံလေး တစ်ပုံရယ်တွေ့တယ်။ ဓာတ်ပုံလေးက နဒီနဲ့ အဲဒီ့မဒီမောင်ဆိုတဲ့ ကောင်မလေးနဲ့ ရိုက်ထားတဲ့ပုံ။ စာထဲမှာတော့… စာထဲမှာတော့… ။"
---------------------------------------------------------------------------------------------------------------------
အင်းလျားကန်ဘောင်မှာ ကျွန်တော်တို့ ၂ယောက် ထိုင်နေတာ ၁၅မိနစ်လောက် ရှိပြီ။ တစ်ယောက်ကို တစ်ယောက် ဘာစကားမှ စမပြော။ မဒီဆိုတဲ့ကလေးမ ဘာတွေးနေမလဲ ကျွန်တော် မသိ။
"သမီးကြောင့် ဆရာတို့၂ယောက် ကွဲရတာပါ။ ဆရာနဲ့ မမအရမ်းချစ်တယ်ဆိုတာကို သမီး လုံးဝ မရိပ်မိခဲ့တာပါ။ မမ နိုင်ငံခြားမှာ ဆုံးသွားတော့မှ သမီး သိခဲ့ရတာပါ။ အဲဒါကြောင့်မို့လို့လဲ ဆရာ့အတွက် မမထားခဲ့တဲ့ ပစ္စည်းလေးကို ဆရာ့ဆီ သမီးလာပေးတာပါ။ သမီးကို ခွင့်လွှတ်ပါလို့ ဆရာ့ကို မပြောချင်တော့ပါဘူး။ မိဘတွေ မရှိတဲ့နောက်ပိုင်း ညီအစ်မ ၂ယောက်ထဲ ရှိတဲ့ဘ၀မှာ မမကို သ၀န်တိုပြီး အိမ်ထောင်မပြုစေချင်ခဲ့တာ သမီးရဲ့အတ္တကြီးမှုပါ။ ပြီးတော့..."
"တော်ပါတော့ မဒီ။"
အဆက်မပြတ်ပြောနေတဲ့ မဒီရဲ့ စကားလုံးတွေကို ကျွန်တော် ဖြတ်လိုက်သည်။ -
"နဒီ့စာထဲမှာ ဘာရေးထားလဲ မဒီသိလား။"
ကျွန်တော့် မဒီ့ကို မေးလိုက်သည်။ သူမက ငြင်သာစွာ ခေါင်းခါပြီး-
"သမီး မသိပါဘူးဆရာ။"
"ဟုတ်ပြီ။ ဆရာပြောပြမယ်။ နဒီက သူ သစ္စာရှိရှိ ချစ်ခဲ့တယ် ဆိုတဲ့အကြောင်း၊ မဒီ့ကြောင့်၊ မဒီ့ကို အရမ်းချစ်လို့၊ ညီမလေး စိတ်ဆင်းရဲမှာစိုးတာနဲ့ ဆရာ့ကို မပြောမဆို အဆက်အသွယ်ဖြတ်ပြီး နိုင်ငံခြားကို ညီအစ်မ၂ယောက်လုံး ထွက်သွားရတာ ဖြစ်ကြောင်း၊ သူ ရှင်းပြထားတာ။ နဒီ ဟာ သိပ်သနားစရာကောင်းတယ်လို့ မင်း မထင်ဘူး မဒီမောင်။ မင်း မမ ကို မင်းမသနားဘူးလား။ ဟင်။"
ကျွန်တော့်စကားသံအဆုံးမှာ မဒီက-
"ဟုတ်ပါတယ် ဆရာ။ မမဟာ မဒီ့အတွက်ကြောင့် ဆရာ့ကို ချစ်လျှက်နဲ့ စွန့်လွှတ်ခဲ့တာပါ။ ဆရာတို့ ချစ်သူဖြစ်ချိန်မှာ မဒီ့အသက် ၁၅နှစ်ပဲ ရှိသေးတယ်။ ဆရာတို့ ချက်ချင်း လက်မထက်ဘူးဆိုတာ သိပေမဲ့ မဒီလေ မမကို အရမ်းသ၀န်တိုမိခဲ့တယ်။ မမကို ဆရာလက်ထဲ မပေးလိုက်ချင်လို့ ၁၀တန်း စာမေးပွဲဖြေပြီးတာနဲ့ နိုင်ငံခြားထွက်သွားခဲ့တာပါ ဆရာရယ်။ ဟိုရောက်တော့ ၁နှစ်တောင် မပြည့်သေးဘူး။ ဆရာ့ကို လွမ်းတဲ့ စိတ်နဲ့ တရှောင်ရှောင်ဖြစ်ပြီး မမဆုံးသွားခဲ့တာပါ။ မဒီလဲ မဒီ့ရဲ့ အပြစ်တွေကို ပြန်ပေးဆပ်ချင်လို့ မြန်မာပြည်ကို ပြန်လာခဲ့တာပါ။ နောက်ပြီး ဆရာအလုပ်လုပ်တဲ့ တက္ကသိုလ်မှာ မြန်မာစာ မေဂျာ ယူပြီး ကျောင်းတက်နိုင်အောင် လုပ်ခဲ့တာပါ။"
စကားတွေ အရှည်ကြီး ပြောလိုက်ကာ သူမ အသံတိတ်သွားပြန်သည်။ ကျွန်တော်က-
"ကောင်းပါပြီ မဒီ။ မဒီမှားမှန်း သိရင် ဆရာ ကျေနပ်ပါတယ်။ မဒီ့အပေါ် အပြစ်မတင်ပါဘူး။"
ပြောပြောဆိုဆိုပင် ကျွန်တော် မတ်တပ် ထရပ်လိုက်သည်။
"ပြီးတာတွေ ပြီးပါစေတော့ မဒီ။ ကဲ... ဆရာပြန်တော့မယ်။"
ကျွန်တော် စကားအဆုံးမှာ သူမက-
"ခဏလေးဆရာ ။ မဒီပြောစရာရှိလို့။"
ကျွန်တော် သူမ မျက်ဝန်းကို ကြည့်လိုက်မိသည်။ မျက်ရည်ဝဲနေသလိုဘဲ။
"မဒီလေ... မဒီရဲ့အပြစ်တွေအတွက် ဆရာ့ကို ပြန်ပေးဆပ်ပါရစေ။"
သူမ စကားကို ခဏရပ်လိုက်သည်။ ထို့နောက်-
"မဒီ့ ကို မမနေရာမှာ အစားထိုးလိုက်ပါ ဆရာ။"
အသံက တိုးတိုးလေး။ ပြီးတော့ ရှိုက်သံပါနေသလို။ ကျွန်တော် နားထောင်ရင်း အရမ်းအံ့သြသွားမိသည်။ ကျွန်တော် ပင့်သက်တစ်ခု ရှိုက်လိုက်သည်။
"မဒီ။ သမီး။ အချစ်ဆိုမျိုးဟာ သူများတွေအတွက်တော့ အစားထိုးလို့ ရချင်ရမယ်။ ဆရာ့အတွက်တော့ အစားထိုးဖို့ မဖြစ်နိုင်ဘူး။ သမီးက ငယ်သေးတယ်။ အချိန်တန်ရင် သမီး နားလည်လာမှာပါ။ ဆရာ့နှလုံးသားဟာ နဒီတစ်ယောက်ထဲနဲ့တင် ပြည့်သွားပါပြီ။"
ထိုအခါ သူမ က-
"သမီး ရဲ့အပြစ်တွေကို အစားထိုးတဲ့နည်းနဲ့ ပေးဆပ်ချင်တာပါ။
ဆရာ့ကို အထင်သေးလို့ပြောတာာ မဟုတ်ပါဘူး ဆရာရယ်။"
"ဆရာ နားလည်ပါတယ် မဒီရယ်။ သမီးအပြစ်တွေကို ဆရာ ခွင့်လွှတ်ပါတယ်။ အဲဒီ့လိုပဲ ဆရာကိုလဲ သမီးမေ့ပစ်လိုက်ပါ။ အရာရာကို မေ့ပစ်ပြီး ဘ၀အသစ်ကို လျှောက်လှမ်းပါ သမီး။"
ကျွန်တော် ပြောပြီး လှည့်ထွက်လာမိသည်။ သူမ ဘယ်လို ကျန်ခဲ့မလဲ။ ကျွန်တော်မသိ။ သိလဲ မသိချင်ပါ။ အရာရာပြီးဆုံးသွားခဲ့ပြီးဘဲ။
တကယ်တော့ အချစ်ဆိုတာ ရယူပိုင်ဆိုင်ခြင်းမှ မဟုတ်တာ။ ကိုယ်အရမ်းချစ်တဲ့သူ သေသွားပေမဲ့လဲ ကိုယ်နှလုံးသားထဲမှာ ကိုယ်အသက်ရှူနေသရွေ့၊ ကိုယ့်နှလုံးခုန်နေသရွေ့ သူ ရှင်သန်နေမှာပါ။
--------------------------------------------------------။--------------------------------------------------------------
အသဲနှလုံးထဲ
သံမှိုစွဲသလို ဖြစ်နေတဲ့အချစ်
မမြင်တတ်လို့
ရက်ရက်စက်စက်ခွဲ
ဆားနဲ့နယ်လို့
ခံရခက်အောင် လုပ်ပေမဲ့
အပြစ်မမြင်တဲ့
ကိုယ့်မှာတော့
အရူးကြီးတစ်ယောက်လို
ချစ်နေလျှက်
အစားထိုးဖို့
မရခဲ့ဘူးဆိုတာ
ချစ်သူသိနိုင်ပါစေ။။။
No comments:
Post a Comment