ကြယ်လေးတွေက ကောင်းကင်မှာလင်းလက်လို့ နံနက်မိုးသောက်ရင် လွင့်လွင့်လေးပြန်သွားတယ်။
ငါ့မှာ တစ်ယောက်တည်း ကြေကြွယ်တစ်ပွင့်ကို ကိုင်ရပ်လို့မိုးလေးဖွဲတဲ့နေ့တစ်နေ့ကရခဲ့တဲ့ အသစ်စက်စက်
အလွမ်းပုံပြင်လေးတစ်ခုပေါ့။ နေ့တွေ၊ ညတွေ မေ့ပျောက်နေတဲ့ ငါ့ကို အဲဒီကြယ်လေးတွေတောင် သနားနေကြတယ်။
ငါမသိတဲ့ နေ့တစ်နေ့မှာငါ့ဆီ ချစ်သူတစ်ယောက်ရောက်လာခဲ့တယ်။ အဲဒီနေ့က နွေဦးရောက်စဆိုပေမယ့် မိုးလေးက
ခပ်ဖွဲဖွဲရွာနေခဲ့တယ်။
xxxx
အဲဒီမိုးလေးဖွဲဖွဲရွာနေတဲ့ နေ့ကို ငါအမှတ်ရနေဆဲပါပဲ။
ပိုးပိုပေါက်ပေါက်ကျနေတဲ့ မိုးစက်လေးတွေရဲ့ အငွေ့အသက်ကြောင့် ပတ်ဝန်းကျင်ဟာ အေးစိမ့်စိမ့်နဲ့။
နေကလည်း ပေါ်မလာတော့ အခန်းထဲပေမယ့် အေးတာပါပဲ။ အဲဒီနေ့က ကောင်းကင်တစ်ခုလုံး မိုးတိမ်တွေနဲ့...ညိုလို့။
ငါကမင်းရှိရာ ရောက်လာပြီး မင်းမျက်ဝန်းလေးနဲ့စကားတွေအများကြီးပြောခဲ့ကြတယ်လေ။ အခိုက်အတန့်လေးအတွင်း
မှာ တစ်ခုခုကို ငါခံစားမိလိုက်ပါတယ်။ ငါ့ရဲ့ခံစားချက်ကိုဘေးထားပြီး မင်းကို ငေးကြည့်နေမိတယ်။ မင်းက ငါ့ကို သတိ
မထားမိဘူးထင်ပါရဲ့။ ငါကညောင်းလို့ ထိုင်နေရာကနေ ထရပ်လိုက်တော့ မင်းက ငါ့ကို မျက်တောင်ပုတ်ခတ်ပုတ်ခတ်နဲ့
ခပ်ရေးရေး ငေးကြည့်ရင်းနဲ့ပေါ့။
ငါကမင်းကို မလှုပ်မယှက်နဲ့ ငေးကြည့်ပြီး တ်ိတ်တိတ်လေးခေါင်းပြန်ညိမ့်ပြသွားတဲ့ နင့်ရဲ့ ပုံရိပ်ဟာ ငါမှတ်မိသမျှထဲမှာ
အတမ်းတဆုံးတစ်ခုဖြစ်ခဲ့လေရဲ့။ မင်းထွက်သွားတော့ ငါ့မှာ ကတုန်ကယင်ဖြစ်ပြီး ရင်ခုံသံနဲ့မောနေခဲ့တယ်။
ငါ့ရင်ထဲမှာ လှိုင်းတွေစီးကျပြီး ငါ့ရဲ့ခံစားကို ဦးနှောက်ကသိအောင် နှလုံးသွေးကြောတွေက အချက်ပေးနေရင်းနဲ့
ငါ့စိတ်ထဲမှာ အသံတစ်ခုကြားလိုက်မိသလိုပဲ။ မင်းကိုချစ်မိခဲ့ပြီတဲ့လေ။ အဲဒီနောက် မင်းထွက်သွားရာဘက်ကို မျက်စိ
တစ်ဆုံး လိုက်ကြည့်မိခဲ့တယ်။
မင်းကို တွေ့နေ၊ မြင်နေရဦးမယ်ဆိုရင် ဘယ်အချိန်မဆို ငါကကြည့်ချင်နေခဲ့ပြီလေ။ ငါကတော့ ကံကောင်းရင်
မင်းလှည့်ကြည့်တာနဲ့ ဆုံမှာပဲလို့ ထင်နေခဲ့သေးတယ်လေ..။ ဒါပေမယ့်လည်းလေ.....။
အဲဒီနေ့....နောက်နေ့.....နေ့ပေါင်းများစွာကြာအောင် မင်းရောက်လာလိမ့်မယ်လို့ ငါမျှော်လင့်နေခဲ့ပေမယ့် မင်းက
ရောက်မလာခဲ့သေးဘူး။ ငါ့ရင်ထဲမှာ စီးဝင်နေတဲ့ မျှော်လင့်ချက်လေးတစ်ခုကတော့ မင်းလာချင်လာဦးမှာလို့ တွေးထင်
နေတာပါပဲ။အဲဒီ အချိန်က ကြာတော့ကြာလောက်ပါပြီ။ ခုဆိုအဲဒီနေ့ကရွာတဲ့ မိုးဖွဲလေးတွေလဲ မြောက်ပြန်လေတစ်ခုနဲ့
ပြန်လွင့်သွားခဲ့ပြီးပြီပေါ့။
ဒါပေမယ့်....ငါ့မှာ ကောင်းကင်ကြီးကိုညိုတာကိုမြင်တိုင်း မင်းကိုတမ်းတ သတိရနေတတ်ပြီလေ။
ပြီးတော့....မိုးဖွဲဖွဲလေးရွာနေတိုင်းမင်းကို လွမ်းနေတတ်တယ်။
နောက်ဆုံးမျှော်လင့်ခြင်းတွေနဲ့လည်း စောင့်မျှော်နေသေးရဲ့....။ဒါပေမယ့်လည်းလေ...။
မင်းကအခုထိရောက်မလာနိုင်ခဲ့ဘူး။
xxxx
အခုဆို မျှော်နေခဲ့တာ ကြာပြီဆိုပေမယ့်
မင်းမရှိတဲ့ နေရာလေး....
မင်းမလာနိုင်တဲ့ နေရာလေးမှာ...
ငါ....တစ်ယောက်တည်း
မိုးဖွဲဖွဲလေးကျတိုင်း
စောင့်နေဦးမယ်။...။
No comments:
Post a Comment