ဦးချင်တဲ့သူ ဦးပါစေသား.....

သိပ်မကြာသေးခင်ကပေါ့။ အလုပ်ကိစ္စနဲ့ နိုင်ငံရပ်ခြားသွားရာက အိမ်အပြန်လေယာဉ်ပေါ်မှာ ကြုံလိုက်ရတာပါ။

လေယာဉ်ကြီးက လေထဲကနေ လေယာဉ်ကွင်းပေါ်ကို ညင်ညင်သာသာ ငြိမ့်ငြိမ့်ညောင်းညောင်း

ဆင်းသက်လိုက်ပြီး လေဆိပ်ရှိရာကို တအိအိသွားနေချိန်မှာ လေယာဉ်မယ်က အသံချဲ့စက်ကနေ ပြောနေကျ

ကြားနေကျစကားတွေကို တရစပ်ပြောပါတော့တယ်။ ဘယ်လေဆိပ်ကိုဆိုက်ရောက်လာကြောင်း၊ ဒေသစံတော်

ချိန်၊ အပူချိန်စတာများနဲ့ သူတို့လေကြောင်းကို စီးနင်းလိုက်ပါတဲ့အတွက် ကျေးဇူးတင်တဲ့စကား၊ ခရီးသည်များ

အတွက် ဆုမွန်ကောင်းစသဖြင့် အပြည့်အစုံပြောတာပါ။ အဲဒီနောက်မှာတော့ လေဆိပ်အဆောက်အအုံရှိရာကို

လေယာဉ်ကြီးကတလိမ့်လိမ့်နဲ့ ချဉ်းကပ်လိုက်ချိန်မှာတော့ ခရီးသည်တစ်ချို့ဟာ လှုပ်လှုပ်ရွရွဖြစ်ကုန်ပါတော့

တယ်။ အခုချက်ချင်းပဲ ထိုင်ရာကနေ ထလိုက်ကြတော့မယ့်ပုံလည်း ပေါ်နေပါတယ်။ ဒါက်ိုမြင်လိုက်တဲ့

လေယာဉ်မယ်က အသံချဲ့စက်ကနေကြေငြာလိုက်ပြန်ပါတယ်။

“ကျေးဇူးပြု၍နားဆင်ပါရှင် ။ ခရီးသည်များအနေနဲ့ ကျွန်မတို့လေယာဉ်နဲ့အတူ လိုက်ပါစီးနင်းကြရာမှာ

သက်တောင့်သက်သာလည်းရှိ အန္တရာယ်လည်းကင်းရလေအောင် ကျွန်မတို့လေယာဉ်ကုမ္ပဏီအနေနဲ့ ငွေကြေး

အမြောက်အများ စိုက်ထုတ်ရင်းနှီးခဲ့ရပါတယ်ရှင်။ သည်အတွက်ကျွန်မတို့လေကြောင်းအနေနဲ့ ငွေကြေးချွေတာ

နိုင်မယ့်နည်းလမ်းများကို ရှာဖွေနေပါကြောင်း အသိပေးပြောကြားပါရစေရှင်။ အခုလူကြီးမင်းများ စီးနင်းလိုက်ပါ

လာခဲ့တဲ့ ကျွန်မတို့ရဲ့လေယာဉ်ကြီးဟာဆိုရင် အဲသလိုငွေကြေးချွေတာရေးနည်းလမ်း ရှာဖွေစမ်းသပ်မယ့် လေယာဉ်ဖြစ်တဲ့အကြောင်း လူကြီးမင်းများကို အစီရင်ခံအပ်ပါတယ်ရှင်။ ကျွန်မတို့လေယာဉ်ဒီလေဆိပ်မှာ

ခဏနားနေခိုက်မှာ ခရီးသည်များထဲမှ စေတနာ့ဝန်ထမ်းအဖြစ် ကူညီဆောင်ရွက်ပေးလိုသူများကနေ လေယာဉ်

အတွင်းပိုင်းသန့်ရှင်းရေးကို ကျွန်မတို့နဲ့အတူဝိုင်းဝန်းလုပ်ဆောင်ရင်း ကုန်ကျစရိတ်များကိုလျော့ချဖို့ အစီအစဉ်

ဖြစ်ပါတယ်။ ဒါကြောင့်လေဆိပ်အတွင်းခန်းသန့်ရှင်းရေးကို တစ်တပ်တစ်အား ကူညီပါဝင်ဆောင်ရွက်လိုသူ ခရီးသည်များအနေနဲ့ လေယာဉ်ကျကျနနမရပ်နားခင်မှာ မတ်တပ်ထရပ်ပေးကြပါလို့

မေတ္တာရပ်ခံအပ်ပါတယ်ရှင့်”

အဲဒီကြေညာချက်လည်းထွက်လာရော ဘယ်ခရီးသည်တစ်ကောင်တစ်မြီး အဲလေ…တစ်ယောက်တစ်လေမှ

တုတ်တုတ်မလှုပ်တော့ပါဘူး။ စောစောကရွစိရွစိဖြစ်နေကြသူတွေလည်း ထိုင်ခုံတွေပေါ်မှာ တောင့်တောင့်

ကြီးတွေထိုင်နေကြပါတော့သည်။ လေယာဉ်ကြီးကလည်းလေယာဉ်တံခါးဝကို ထိုးဆိုက်လိုက်ပြီးတဲ့နောက်

ထိုင်ခုံခါးပတ်များကို ပတ်ထားကြဖို့ အချက်ပြတဲ့မီးကို ငြိမ်းသတ်လိုက်ပါတော့တယ်။

Mary Hanson ရေးတဲ့ A Full and Complete Stop ဆိုတာလေးပါ။

အဲဒီစာလေးကိုဖတ်ပြီး သဘောကျလိုက်တာ။ တကယ့်အဖြစ်အပျက်လား စာရေးသူရဲ့စိတ်ကူးနဲ့ ကွန့်မြူးထား

တာလားတော့မသေချာလှပါဘူး။ သို့သော် ဘယ်လိုပဲဖြစ်ဖြစ် သည်စိတ်ကူးလေးမျိုးက အတော့်ကိုကောင်းတဲ့

စိတ်ကူးလေးပါပဲ။ စာဖတ်သူလူကြီးမင်းများလည်း ကိုယ်တိုင်မလုပ်ဖူးဘူးဆိုရင်တောင် ကိုယ်တိုင်တော့ကြုံဖူး

ကြမယ့်သူချည်းပါပဲ။ လူတို့ရဲ့ထူးဆန်းတဲ့ စရိုက်သဘာဝလို့ပဲဆိုကြပါစို့။

ရုပ်ရှင်ရုံမှာ ရုပ်ရှင်ကားဇာတ်သိမ်းလုနီးပြီဆိုတာနဲ့ ဂဏှာမငြိမ်ဖြစ်ကုန်သူတွေ၊ ပွဲထဲမှာလည်းပွဲပြီးတော့မယ်ကြံ

ခါရှိသေး ထကြသူတွေ၊ ခရီးသည်တင်ယာဉ်အသီးသီးမှာလည်း ခရီးဆုံးကတော့ရောက်ပြီ ယာဉ်ကတော့ကျကျ

နနမရပ်သေးဘူး ထရပ်ပြီးအထုပ်အပိုးဆွဲတဲ့သူတွေ။ ကြည့်ရတာအိမ်အပြန် တစ်မိနစ် နှစ်မိနစ် ဒါမှမဟုတ်

အလွန်ဆုံး ဆယ့်လေးငါးမိနစ် နောက်ကျသွားရင်ပဲ သူတို့အိမ်မီးထဲပါသွားတော့မှာကျနေတဲ့အတိုင်း လုံးလုံး

အပြီးမသတ်သေးခင်၊ လုံးလုံးမရပ်သေးခင်မှာ လှုပ်လှုပ်ရွရွနဲ့ ဂဏှာမငြိမ်ဖြစ်ပြတတ်သူတွေ ကျွန်တော်တို့

လူ့ဘောင်လောကထဲမှာ အလွန့်အလွန်ကို များပြားလှတာတွေ့ရနိုင်ပါတယ်။ ဘာမဟုတ်တဲ့ကိစ္စမှာ ရှေ့ဆုံးက

ရှေ့တန်းက နေရာရချင်သူများလို့ပဲ တွေးမိပြီး ခရီးသွားတိုင်း၊ ပွဲကြည့်တိုင်း၊ ရုပ်ရှင်ကြည့်တိုင်း ကျွန်တော့်မှာ

ပြုံးမိနေရတာချည်းပါပဲ။ အခုပြန်ဆိုတင်ဆက်လိုက်တဲ့ စာလေးကိုရေးသူကလည်း ကျွန်တော့်လိုပဲ အဲသလို

လူမျိုးတွေကြည့်ပြီး ရယ်ချင်ပက်ကျိဖြစ်နေဟန်တူပါသည်။ ဒီအခါမှာသူတကယ်ကြုံရတာပဲလား…ဒါမှမဟုတ်

သူ့စိတ်ကူးနဲ့ပဲလားတော့မသိဘူး အဲသလိုအချိန်မျိုးမှာ လူတွေကိုပညာပေးနိုင်တဲ့ နည်းလမ်းလေးတစ်ရပ်ကို

လွှာပြီးသုံးပြသွားပါတယ်။

ရှိသေးတယ်…ဒါလည်း စာဖတ်သူလူကြီးမင်းများကိုယ်တိုင်မလုပ်ဖူးတောင် ကြုံကတော့ကြုံဖူးမှာလည်း အသေ

အချာပါ။ ဓါတ်ဆီဆိုင်တို့၊ စာတိုက်တို့၊ ဈေးဆိုင်တို့လို တန်းစီရတဲ့နေရာမျိုးတွေမှာ ကြုံရတတ်တာတစ်ခု။

ကိုယ့်အလှည့်ကဖြင့်ရောက်ဖို့ အဝေးကြီးလိုသေးတယ်။ အရောင်းကောင်တာရှေ့မှာကျောက်ချပြီး ပိတ်ရပ်နေ

တတ်တဲ့လူတန်းစားတစ်ရပ်။ အဲလိုလူတွေအတွက်လည်း စောစောကလေယာဉ်မယ်လို သာသာလေး

နဲ့နာနာလေး တွယ်လို့ရမယ့်နည်းလမ်းလေးကို ကျွန်တော်တို့ဝိုင်းစဉ်းစားကြရင်ကောင်းမယ်ထင်တယ်နော်။

ကျွန်တော်စဉ်းစားမိတာတစ်ခုတော့ရှိတယ်။ ပွဲတွေ ရုပ်ရှင်တွေ လေယာဉ်တွေဆီက စောစောထပြီး

သူများထက်ဦးအောင် ပြန်ချင်တဲ့သူတွေ၊ တန်းစီတဲ့အခါ ကိုယ့်အလှည့်မရောက်သေးပေမယ့် နေရာရထားချင်

တဲ့ဇောနဲ့ ထိပ်ဆုံးကနေရာမှာကျောက်ချပြီးနေတဲ့သူတွေမှာ နေရာတကာသူများထက်ဦးချင်တဲ့ စိတ်ကလေးက

အတော့်ကိုပြင်းပြင်းထန်ထန် ခိုင်ခိုင်မာမာရှိနေတတ်ပါတယ်။ အဲဒီစိတ်ကလေးရဲ့ပြဌာန်းမှုကြောင့် သုဿန်ကျ

တော့လည်း သူများထက်အရင်ဦးအောင်ရောက်နေဖို့ကရော မဖြစ်နိုင်ဘူးလားဆိုတာပါ။

မျက်မှောင်မကုတ်ပါနဲ့ ချစ်စွာသောစာဖတ်သူ။ “စိတ်သာရှင်စော ဘုရားဟော” လို့ဆိုတယ်မဟုတ်လား။ စိတ်က

ရှေ့တန်းမှာ နေချင်စိတ် သူများထက်ဦးချင်စိတ် သိပ်ပြင်းပြလွန်သွားမယ်ဆိုရင် သူများထက်ဦးမယ့်

“နေရာတကာ” ဆိုတဲ့အထဲမှာ ခြွင်းချက်ဆိုတာလည်း မပါနိုင်တော့ဘူး မဟုတ်လားခင်ဗျာ။

အဲတော့လည်း ဦးချင်သူများဦးကြပါစေဆိုတဲ့ အတွေးလေးနဲ့ ကျွန်တော်ကတော့ နောက်မှာပဲ ချန်ချန်နေတဲ့

အကျင့်လေးမွေးထားတာ အတော်ကြာပါပြီခင်ဗျာ။ အဆွေစာဖတ်သူရော….

ခရီးမဆုံးခင် အထုပ်ပြင်မှာလား၊ ကိုယ့်အိမ်ကဘယ်ထွက်ပြေးမှာလိုက်လို့ဆိုတဲ့အတွေးနဲ့ ခပ်အေးအေးပဲ

ဆက်ထိုင်နေမှာလား။ အားလုံးဟာတစ်ဦးချင်းစီရဲ့ သဘောတော်မြတ်အတိုင်းပါပဲလေ…….