လူငယ်
ငါ့မျက်လုံးတွေ အဓိပ္ပါယ်တွေပေါ် စူးစူးရဲရဲတောက်လောင်ငါ့နားတွေ မီးလျှံတွေပေါ် ရနံ့တွေပေါ်ဂြိုလ်တုလိုလှည့်လည်
လိုအပ်ရင်ဖြတ်တောက်ခုတ်ထစ် သန့်စင်ဖို့
ဆောင်ဓားလို သတိတစ်ချောင်းနဲ့လူငယ်
လူငယ် နှလုံးသားရေးအစ တိုင်းရေးပြည်ရေးထိ
ရေးပေါင်းများစွာမှာ ခြေချင်းလိမ်အောင် ရေးခြစ်တောက်လောင်
လိုအပ်ရင် လင်ယုန်လိုရက်ရက်စက်စက်ထိုသုတ်ဖို့
လိုအပ်ရင် ယုန်လေးလိုနားစွင့်ကုပ်ကုပ်လေး
လူငယ်ရဲ့သွေးဟာ စူလွယ် နက်လွယ်
လူငယ်ရဲ့ခွန်အားတွေ သားလျှောသလို လျှောပစ်ဖို့မဟုတ်ဘူး
လူငယ်ရဲ့ခေါင်းတွေ ကျောက်တုံးလို နလပိန်းတုံးမာကြောဖို့မဟုတ်ဘူး
လိုအပ်ရင်လျှော့ပစ်ဖို့ လိုအပ်ရင်တင်းပစ်ဖို့ ဝင်မလေးဘူး
ရေးပေါင်းများစွာ မျှတမှုကြိုးတွေကို
ဂီတသံတွေထွက်အောင် တီးခတ်ပစ်မယ် ငြိမ်းချမ်းရေးသီးချင်းနဲ့
အဲဒီလို လူငယ်တွေရဲ့လက်တွေပါ
သံမဏိဂစ်တာကြိုးလို ပျော့ပျောင်းမာကြောတယ်
စိတ်တွေ လာမလွင့်နဲ့
ရော်ရွက်တွေပဲ လွင့်တယ်ကြွေတယ်
စိတ်တွေ လာမညစ်နွမ်းနဲ့
အနည် အမှုန်တွေပဲ ညစ်တယ် နွမ်းတယ်
မီးခိုးလို ကာဗွန်လို ဟိုက်ဒြိုဂျင်လို
ပြေလို သလိပ်လို တံတွေးလို ဘာတွေပြောနေတာလဲ
သွားစမ်းပါ…
ဒီမှာ လူငယ်
ငါလုပ်ရင်ဖြစ်ရမယ်ဆိုတဲ့ မာန်နဲ့ ဥာဏ်နဲ့ ခွန်အားနဲ့
အားလုံးကိုလွှင့်ထားတယ် အားလုံးကိုထောင်ထားတယ်
သစ္စာပန်းကို နမ်းရှိုက်ပြီး
လောကကြိုးဝိုင်းထဲ မျက်နှာဖွင့်ပြီးဝင်ခဲ့တယ်
ရေလို လေလို နေရောင်လို လှည့်လည်
ခုန်ပေါက်
စီးဆင်းလို့…။ ။
No comments:
Post a Comment