Search This Blog

အဖွဲ့ဝင်မယ်..Followers

သတင်း


<<<< ကြိုဆိုပါတယ် ပျော်ရွှင်သောနေ့လေးဖြစ်ပါစေ >>>>

Saturday 12 May 2012

ကံကောင်းအောင် လုပ်ယူနည်း

(ရှေးထုံးကိုလည်း မပယ်နဲ့)

ကံကောင်းအောင် လုပ်ယူချင်တဲ့လူတွေဟာ ရှေးလူကြီးသူမများ၊ ပုဂ္ဂိုလ်များရဲ့
ဆုံးမစာတွေကိုလည်း လိုက်နာ ကျင့်သုံးသင့်ပါတယ်။
အဲဒီလို လိုက်နာကျင့်သုံးဖို့ မလွယ်ဖူးဆိုပေမယ့် မလွယ်တဲ့အလုပ်ကို လုပ်နိုင်မှ အာဂလူ ဖြစ်မှာပါ။

တောင်ဖီလာဆရာတော်ရဲ့ ဆုံးမစာကို လိုက်နာကျင့်သုံးမယ်ဆိုရင်
ကံကောင်းသူတယောက် ဖြစ်လာမှာသေချာပါတယ်။
ရှေးဟောင်းဆုံးမစာတွေဆိုတော့ တင်စားမှုတွေ ရှိပါတယ်။
တိုက်ရိုက်နားလည်မလည်နိုင်ဘူး။ သေသေချာချာ စဉ်းစားတွေးခေါ်တတ်မှ
သိနားလည်ပြီး လိုက်နာနိုင်တာမျိုးတွေပေါ့။


 
တောင်ဖီလာဆရာတော်ကြီးရဲ့ ဆုံးမစာကိုကြည့်။

(၁) မီးပူးကိုရှောင်
(၂) လူလောင်ကိုရှဲ
(၃) သူရဲကိုပေါင်း
(၄) ဓားကောင်းကိုပြင်
(၅) မြင်းလျင်ကိုစီး
(၆) ခရီးဟောင်းကိုထွင်
(၇) သဘင်ကိုရှု
(၈) တန္တုကိုတိုက်
(၉) မကိုဋ်တနှုန်း ပန်းမွှေးကိုပန်
(၁၀) တံခွန်ကိုနှိပ်
(၁၁) အဆိပ်ကိုပြ
(၁၂) ကြက်မကို ပုံမှတ်—

ကျင့်ဝတ်အပြား ဆယ့်နှစ်ပါးကို မှတ်သားနာတော်မူလေလော့။

ဖြုန်းခနဲတော့ ဘာတွေရေထားမှန်း သိမှာမဟုတ်ပါဘူး။
ဒါပေမဲ့ သေသေချာချာ စေ့စေ့ငုငုလေ့လာကြည့်ရင်တော့
နက်နဲတဲ့ ဆောင်ရန် ရှောင်ရန် အချက်အလက်တွေကို တွေ့ရမှာပါ။



မီးပူကိုရှောင်-ဆိုတဲ့ စကားဟာ သာမန်ရိုးရိုး ထင်းမီးတို့ ဘာတို့ မီးကိုပြောတာ မဟုတ်ပါဘူး။
မရှောင်တတ်ရင် လောင်မြိုက်တတ်တဲ့ ရတနာသုံးပါးကို တင်စားပြောတာ။
ဘုရား တရား သံဃာဆိုတဲ့ ရတနာသုံးပါးကို ရိုသေပူဇော်သူတွေဟာ အေးမြချမ်းသာကြပေမယ့်
ရတနာသုံးပါးကို ထိပါးစော်ကားသူတွေဟာ မီးလောင်မြိုက်သလို
ပူလောင်ကျွမ်းမြေ့တတ်တယ်ဆိုတာကို သတိပေးထားတာ။
ဒါကြောင့် မီးပူကိုရှောင်-လို့ ဆိုတာပါ။


လူလောင်ကိုရှဲ-ဆိုတဲ့ စာသားကတော့ ပူတတ်၊ လောင်တတ်တဲ့ အဝိဇ္ဇာ တဏှာကို ရှောင်ခိုင်းတာပါ။
သူရဲကိုပေါင်း-ဆိုတာကျတော့ သူရဲဆိုတာ ရဲရင့်သူကိုပြောတာ။
ရဲရင့်သူနဲ့ ပေါင်းခိုင်းတာ။ ဘယ်နေရာမှာ ရဲရင့်တာလဲ အလှူဒါနမှာ ရဲရင့်သူကို ပေါင်းခိုင်းတာ။
အလှူဒါန လုပ်ခိုင်းတာ။ လှူတဲ့နေရာမှာ ရဲရင့်ဖို့ တိုက်တွန်းတာ။


ဓားကောင်းကိုပြင်-ဆိုတာကတော့ ပညာဓားကို ပြောတာ။
ပညာဓားကို ထက်အောင်သွေးခိုင်းတာ။ ပညာရှာဖွေ ကြိုးပမ်းခိုင်းတာပါ။
ပညာကို အမြဲလိုက်စားခိုင်းတာပါ။



မြင်းလျင်ကိုစီး-ဆိုတာကတော့ အလှူဒါနပြုဖို့ပဲ ဖြစ်ဖြစ်၊ ကောင်းတဲ့ကုသိုလ်ရေး လုပ်ဖို့ပဲဖြစ်ဖြစ်၊
နှောင့်နှေးမနေဘဲ လျင်လျင်မြန်မြန် ပြုလုပ်ဖို့ တိုက်တွန်းတာပါ။


ခရီးဟောင်းကိုထွင်-ဆိုတာကတော့ ရှေးအစဉ်အဆက် လိုက်နာခဲ့ကြတဲ့
ထုံးဟောင်းဓမ္မသတ်ကိုလေးစားလိုက်နာဖို့ ဆိုလိုတာပါ။
ရှေးထုံးလည်း မပယ်နဲ့-ဆိုတဲ့စကားနဲ့ ဆင်ဆင်တူတာပါပဲ။



သဘင်ကိုရှု-ဆိုတာဟာ ပွဲတွေ၊ စတိတ်ရှိုးတွေ ကြည့်ခိုင်းတာ မဟုတ်ပါဘူး။
တရားသဘင်မှာ ဝင်ထိုင်ခိုင်းတာပါ။
တရားဟောဓမ္မကထိကတွေ တရားဟောတဲ့သဘင်ကို ရှုခိုင်းတာ၊ နားထောင်ခိုင်းတာပါ။
တရားနာခိုင်းတာပါ။


တန္တုကိုတိုက်-ဆိုတာကလည်း ရှေးကလူကြီးသူမများ လုပ်ကိုင်လေ့ရှိတဲ့
ထုံးစံနည်းနာတွေကို ယူဖို့ရှိရင် ယူရမယ့်သဘောကို ပြောတာပါ။
ဥပမာ-ရှေးလူကြီးတွေပြောခဲ့တဲ့ ထုံးစံတွေရှိတယ်။
အကြီးအမားကနေ အသေးအဖွဲအထိ။
ဆိုပါတော့- မိဦး ဖဦး၊ ဆရာဦး၊ ခူး၍အလျင် မစားနဲ့-ဆိုတဲ့ ဆုံးမစကားလို
ဘုရား၊ မိဘ၊ ဆရာသမားတို့ရဲ့ အဦးကို မစားရတာမျိုး၊ ရေနွေးသောက်တဲ့ခွက်နဲ့
ရေအေးမသောက်ရတာမျိုး၊ အိမ်ရှေ့တည့်တည့် တံတွေးမထွေးရတာမျိုး အစပေါ့။


 
မကိုဋ်တနှုန်း၊ ပန်းမွှေးကိုပန်-ဆိုတာက အမြင့်အမြတ်ကိစ္စကို ပြောတာပါ။
သရဏဂုံသုံးပါးဆောက်တည်တာကို မကိုဋ်ဆောင်းတယ်လို့ ပြောလိုတာ။
ငါးပါးဦလ ဆောက်တည်တာကို ပန်းမွှေးပန်တယ်လို့ ဆိုလိုတာ။
တံခွန်ကိုနှိပ်-ဆိုတာကတော့ ထောင်လွှားတဲ့မာနတံခွန်ကို မထူပါနဲ့လို့ ဆိုလိုတာပါ။



အဆိပ်ကိုပြ-ဆိုတာကတော့ ကိုယ်ပြုလုပ်မိတဲ့ အပြစ်တွေကို
ထုတ်ဖော်ဝန်ခံတတ်တဲ့ အလေ့အကျင့်ကိုလုပ်ဖို့ တိုက်တွန်းတာပါ။
ခက်တာက လူဆိုတာ ကိုယ်ကသာ သူများအပြစ်ကို မြင်တတ်တာ၊
ပျစ်ပျစ်နှစ်နှစ် ဝေဖန်တာ၊ ကိုယ့်ကို အပြစ်ထောက်ပြ ဝေဖန်ရင်ကျတော့
တီကို ဆားနဲ့တို့သလို တွန့်ကုန်ကြရော။



 
ကြက်မကို ပုံမှတ်-ဆိုတာကတော့ အုပ်ချုပ်သူတွေဆိုရင်တော့ တိုင်းသူပြည်သား၊
အိမ်ထောင်သည်တွေဆိုရင်တော့ မိမိရဲ့ အိမ်သူအိမ်သားများကို
ကြက်မကြီးက ကြက်သားအုပ်ကို စောင့်ရှောက်သလို စောင့်ရှောက်ကြရမယ်လို့ ဆိုတာပါ။


အခုပြောခဲ့တဲ့ အချက် ၁၂-ချက်ဟာ အမှန်တကယ် လိုပ်အပ်ချက်ပါပဲ။
ဒီအချက်အလက်တွေကို လိုက်နာကျင့်သုံးမယ်ဆိုရင် လောကကြီးထဲမှာ
အဆင်ပြေပြေနေထိုင်နိုင်ပြီး ကံကောင်းလာနိုင်မှာ သေချာပါတယ်။

----------------------------------------------------------------------------------------------------



(ကံကောင်းချင်ရင် စိတ်ဖြူစင်)

အိန္ဒိယပြည်က အမျိုးသားခေါင်းဆောင်ကြီး မဟတ္တမဂန္ဒီ ပြောခဲ့ဖူးတဲ့ စကားတခွန်းရှိပါတယ်။
အဲဒါက ဘာလဲဆိုတော့—
“စိတ်ဓာတ်ဖြူစင် သန့်ရှင်းနေရင် အခင်အခဲကြားထဲက အကူအညီ ရလာတာကို တွေ့ရပါတယ်။”
ဆိုတဲ့စကားပါပဲ။
ဒီစကားကို ခေါင်းဆောင်ကြီးဟာ သူ့ဘဝထဲက ရှာဖွေတွေ့ရှိခဲ့တာပါပဲ။
ဒါဟာ အမှန်ပါပဲ။
သူတပါးကို မနာလို မစ္ဆရိယစိတ် မရှိတဲ့လူမျိုး၊ စိတ်ကို ကြည်ကြည်လင်လင် ထားတတ်တဲ့လူမျိုးဟာ
ဘယ်လောက်ပဲ အခက်အခဲတွေ့တွေ့ တချိန်မှာ မမျှော်လင့်ဘဲ အကူအညီရတတ်ပါတယ်။
ထွက်ပေါက် တွေ့တတ်ပါတယ်။


နောက်တခါ ပညာရှင် အီမာဆင်-က ဘာပြောဖူးသေးသလဲဆိုရင်-

“တကယ်လို့ တဦးတယောက်က သူ့ရဲ့ သန့်ရှင်းဖြူစင်တဲ့ အတွင်းစိတ်နဲ့ တနေရာရာမှာ အခိုင်အမာ ရပ်နေမယ်ဆိုရင်
ကမ္ဘာလောကကြီးတခုလုံးက သူ့နောက်ကို လိုက်လာနိုင်တယ်”လို့ ဆိုပါတယ်။ ဒါကြောင့် စိတ်ဓာတ်ကို
ဖြူစင်အောင်ထားဖို့ လိုပါတယ်။

ကျွန်တော်တို့ရဲ့ ဗုဒ္ဓဘုရားရှင် ကိုယ်တော်မြတ်ကြီးကလည်း ဒီသဘောကိုပဲ အမြဲဖော်ညွှန်းပါတယ်။

“စိတ္တေန နီယတေ လောကော-တဲ့။ စိတ်ဟာ လောကကြီးတခုလုံးကို ဆောင်နိုင်ပါသတဲ့။

ဒါကြောင့် လောကမှာ ကောင်းကောင်းမွန်မွန် အောင်မြင်ပျော်ရွှင် ချမ်းသာစွာနေချင်ရင် စိတ်ထားကို ဖြူစင်အောင်
ထားဖို့ လိုပါတယ်။ “မကောင်းမှုရှောင် ကောင်းမှုဆောင် ဖြူအောင် စိတ်ကိုထား” ဆိုတဲ့ဆောင်ပုဒ်ကို ရင်ထဲ အသည်းထဲ
မှာ အမြဲထားပြီး ကျင့်ကြံကြိုးကုတ်ဖို့ လိုပါတယ်။ မကောင်းမှုတွေကို မလုပ်ဘဲ ကုသိုလ်ကောင်းမှုကိုပဲ ရှာကြံလုပ်လေ့
ရှိသူ၊ စိတ်ကို ဖြူဖြူစင်စင်ထားတဲ့လူဟာ ဘယ်မှာ ကံမကောင်းဘဲ နေနိုင်ပါ့မလဲ။


“ခင်ဗျားဟာ အတော်ကံကောင်းတဲ့ လူပဲ”လို့ အပြောခံချင်ရင် ခင်ဗျားဟာ စိတ်ထားအလွန်ကောင်းတဲ့လူ
အရင်ဖြစ်ဖို့ လိုပါတယ်။



*****

(စိတ်ကိုဖြူစင်အောင် ဘယ်လိုလုပ်မလဲ)

ဟိန္ဒူဘာသာဝင်တို့ လိုက်နာကျင့်သုံးလေ့ရှိကြတဲ့ “သစ္စထပကာသကျမ်း”ထဲမှာ
စိတ်ကိုဖြူစင်အောင် လုပ်နိုင်ဖို့ အခုလို ညွှန်ပြထားတာ လေ့လာဖူးပါတယ်။



“ရေဖြင့် ခန္ဓာကိုယ်၏ ဗဟိဒ္ဓအစိတ်အပိုင်းများ ဖြူစင်ကုန်၏။
အတတ်ပညာဖြင့် ခြိုးခြံကျင့်ဆောင်ခြင်းကြောင့် အတ္တဝိညာဉ်သည် ဖြူစင်၏။
အလုံးစုံတတ်သိခြင်း၊ နားလည်ခြင်းကြောင့် ဉာဏ်ပညာ(ဗုဒ္ဓိ)သည် ဖြူစင်၏။
သို့ဖြစ်ပါ၍ အစာမစားမီ ရေချိုးသင့်၏။

“အကြင်အခါ လူသည် အာနာပါနကို ဆောက်တည်၏။ ထိုသို့ ဆောက်တည်နေစဉ် ခဏ,ခဏ၌
မစင်ကြယ်ခြင်း ကုန်ခန်းလာပြီးလျှင် ဉာဏ်အလင်းကို ရလာပေသည်။ ဝိမုတ္တိ မရမချင်း သူ့ဝိညာဉ်ရှိ
အသိဉာဏ်သည် အစဉ်အတိုင်း တိုးတက်မြဲ တိုးတက်နေ၏”


“မီးတွင်ဖုတ်သော ရွှေ-စသည့် ဓာတ်သတ္တုတို့၏ အညစ်အကြေးသည် စင်ကြယ်ဘိသကဲ့သို့ အာနာပါန
ဆောက်တည်လျှင် စိတ်စသော ဣနြေ္ဒတို့၏ အညစ်အကြေးသည်လည်း စင်ကြယ်သွားကုန်၏။”



“လေကို တဖြည်းဖြည်း အတွင်းသို့ ရှူရှိုက်ကာ အပြင်သို့ထုတ်လျက် အောင့်နိုင်သမျှ အောင့်ထားရာ၏။
စိတ်ထဲတွင် ဥုံကို သရဇ္ဈာယ်ရာ၏”


“အကုသိုလ်ပြုရန် ဘယ်တော့မှ စိတ်မကူးရာ၊ ဘုရားဝတ်ပြုခြင်းကိစ္စကို ဆိတ်ငြိမ်သောနေရာ၌ တည်ကြည်
သောစိတ်(ဧကဂ္ဂတာ)ဖြင့် ပြုရာသည်။”


“အိမ်ရာထောင်ပြီးသည့်နောက်၌လည်း ကာမဂုဏ်၌ မှောက်မှားသောအမှုကို မပြုပါမူကား ထိုသူ၏
အသက်ဝိညာဉ် (စိတ်)သည် သန်စွမ်းတိုးတက်ကာ အားလုံးသောဂုဏ်ကျက်သရေများ သက်ဝင်တည်နေရာသည်။”


အထက်ပါ စာပိုဒ်တွေကို ဖတ်ကြည့်ပြီး ခြုံယူဆင်ခြင်ကြည့်မယ်ဆိုရင် စိတ်ကို ဖြူစင်အောင် ထားနိုင်ဖို့
အတွက် အာနာပါန-သတိကို ဆောက်တည်ပြီး ကာမဂုဏ်အာရုံတွေ နည်းနိုင်သမျှနည်းပါးအောင် လေ့ကျင့်
ခြင်းဟာ စိတ်ကို ဖြူစင်အောင်လုပ်ယူနိုင်တဲ့ လမ်းစလို့ ဆိုရမှာပါ။

No comments:

နောက်ဆုံးတင်ပြီသမျှ..ဆက်ဖတ်ရန်...အောက်သို့