ပါရမီဆယ်ပါး သော့ချက်များ ( အပိုင်း ၁)

 PLEASE CLICK SAYADAW PICTURE TO READ PDF FILE

မဟာဗောဓိမြိုင် ဆရာတော် ဝနဝါသီဥေယျဓမ္မသာမိထေရ် ၏ သော့ စာအုပ်မှ ကောက်နှုတ်တင်ပြလိုက်ပါသည်၊ အဖိုးတန်လှသောတရားစကားများကို မသိလျှင်မသုံးတတ်၊ သိမှသာ သုံးလိုက သုံးတတ် သုံးနိုင်ကြသဖြင့် အရေးကြီး လှသော သော့ချက်များဖြင့် နိဗ္ဗာန်တံခါးဖွင့်နိုင်ကြပါစေရန် ရည်သန်၍ကောက်နှုတ် ရေးသားဖော်ပြလိုက်ပါသည်။

ခြကောင်များတောင်ပို့ကြီးပြုလုပ်သကဲ့သို့ပါရမီဖြည့်ရ၏၊

မိုးပေါက်များ တစက်ချင်းစုရသကဲ့သို့ ပါရမီဖြည့်ရ၏၊

ခြလျှင် တစ်အုပ် တောင်ပို့ ကြီဲးပြုလုပ်နိုင်သည့်ပမာ၊ တစ်စက်မိုးပေါက် စုဆောင်း ခံက ပြည့်မောက်နိုင်သည့်ပမာ ပါရမီဆိုသည် ဘဝများစွာ ကမ္ဘာများစွာ ဖြည့်ရင်း ဖြည့်ရင်း ပြည့်စေနိုင်ခြင်း၊ကို သိစေအပ်ပါသည်။

တရားကိုသိခြင်းလေ့လာဆည်းပူးနေခြင်းသည် မိမိလက်ဝယ် သော့ရှိနေခြင်းပင်။

မသိအဝိဇ္ဇာ ကြောက်စရာ

မသိအဝိဇ္ဇာဟူသည် အလွန်ကြောက်စရာကောင်းလှသည်။

ကိုယ်မသိတိုင်း မမှန်ဟူ၍ မဝေဖန်သင့်၊

ကိုယ်မကြိုက်တိုင်းလည်း မကောင်းဟူ၍ မဝေဖန်သင့်။

မသိခြင်းသည် ကိုယ်၊ နှုတ် ၊ စိတ် ( ကာယကံ၊ ဝစီကံ၊ မနောကံ) သုံးပါးစလုံး ဖြင့်ဝေဖန်မိခြင်း၊ ပုတ်ခတ်ခြင်းပြုမိလေကာ အလကား အခြောက်တိုက် မစားရ၊ မသောက်ရပါဘဲနှင့် အကုသိုလ် အပယ်တွင်းထဲနေ့ စဉ် ယက်ဆင်းသွားနေကြ သကဲ့သို့ ဖြစ်နေချေသည်။

မှန်ကန်စွာကျင့်ကြံအားထုတ်နေခြင်းသည် ပါရမီဖြည့်နေခြင်း၊ သော့ဖြင့်နိဗ္ဗာန်တံခါး ဖွင့်နေခြင်းပင်။

ပါရမီ ၁၀ ပါး ဆိုသည်မှာ-

ဒါန သီလ နေက္ခမ္မ

ခန္ဓီ သစ္စာ မေတ္တာ ဥပေက္ခာ

အဓိဋ္ဌာန် ဝီရိယ ပညာ

၁-ဒါနပါရမီ

၂-သီလပါရမီ

၃-နေက္ခမ္မပါရမီ

၎-ခန္တီပါရမီ

၅-သစ္စာပါရမီ

၆-မေတ္တာပါရမီ

၇-ဥပေက္ခာပါရမီ

၈-အဓိဋ္ဌာန်ပါရမီ

၉-ဝီရိယပါရမီ

၁၀-ပညာပါရမီ

တကယ်အဟုတ် ပါရမီဖြည့်တော့မည်ဆိုလျှင် ၁ မှ ၁၀ အထိ ဂဏန်းစဉ်အတိုင်း ၁ ပြီး၂၊ ၂ ပြီး၃ ဟူ၍ တရားသေဖြည့်နေရမည်ကားမဟုတ်ပေ။ ပါရမီတစ်ချက်ဖြည့်ခြင်းသည်၊ ပါရမီတစ်ကွက်ဖြည့်ခြင်း သည်လူမိုက်ခေါင်းဆောင် ဖမ်းမိသကဲ့သို့ ကိလေသာအားလုံးကို တပြိုင်နက်မြှပ်သတ်ပေးနိုင်စွမ်းရှိသည်။

ပါရမီတော်တစ်ခုသည် သံယောဇဉ်နွယ် တစ်ခုကို တာဝန်ခံ ဖြတ်တောက်ရ၏။ပါရမီ ဆယ်ပါးသည် သိက္ခာ သုံးပါး ( သီလ၊ သမာဓိ၊ ပညာ) တို့ ၏တရားကိုယ်များပင် ဖြစ်သည်။

အကျဉ်းဆိုသော် - သီလ၊ သမာဓိ၊ ပညာ ပါရမီ

ဒါန၊ သီလ ပါရမီခန်းသည် စိတ်လေ့ကျင့်မှု- သီလပါရမီတော်။

နေက္ခမ္မ၊ ခန္တီ၊ သစ္စာ၊ မေတ္တာ၊ ဥပေက္ခာ တိုင်သည့်ပါရမီများသည် စိတ်တည်မှုအလေးပြုသော-သမာဓိပါရမီတော်၊

အဓိဋ္ဌာန်၊ ဝီရိယ၊ ပညာ ပါရမီ များသည်သိပိုင်မှုကို အလေးပြုရသော - ပညာပါရမီတော်။

သီ လ = ဒါန၊ သီလ ပါရမီ သည် စိတ်လေ့ကျင့်မှု သီလ

သမာဓိ = နေက္ခမ္မ မှ ဥပေက္ခာ ပါရမီတိုင်ထိ သည် စိတ်တည်မှုအလေးပြုရသော သမာဓိ

ပညာ = အဓိဋ္ဌာန် မှ ပညာ ပါရမီတိုင်အောင် သည် သိပိုင်မှုသို့ အလေးပြုရသော ပညာ

ပါရမီဟူသည် ဖြည့်ကျင့်နေခြင်းဟု အဓိပ္ပါယ်ရသည်၊

ပါရမီသည် အကျင့် ဖြင့် တဏှာဖြတ်၊ အသိဖြင့် တဏှာသတ်ရသည်ကို မမေ့သင့်၊

လက်ထဲရောက်နေသော အခွင့်အရေးများ

နိဗ္ဗာန်ရောက်ကြောင်း အလုပ်ကို ကြိုးစားအားထုတ်သောသူဖြစ်လျှင်၊ ဟုတ်မှန်သော နိဗ္ဗာန်နှင့် တနေ့တခြား နီး၍ သွားသောသူမည်၏၊

ရခဲလှသောလူ့ ဘဝ ၊ သာသနာတော်အတွင်းမှာလဲ လူဖြစ်ရ၊ ခက်ခဲနက်နဲသော တရားများကိုလည်း သင်ယူနားကြားနေရသော ယခုဘဝသည် နိဗ္ဗာန်၏ အနီးအပါးသို့ ဆိုက်၍နေသော ဘဝပေတည်း၊

၁- အလွန်ကျင့်၍ အလွန်ရင့်မှ ပွင့်လေသော ဗုဒ္ဓ နှင့် ဗုဒ္ဓခောတ်တို့ လည်းလက် ဝယ်ရှိနေ၏။  ယခုလူ့ ဘဝ တွင်ပါရမီတော်အဆင့်ဆင့်ကိုကောင်းစွာအဆင့် ဆင့်ဖြည့်ကျင့်ခွင့်ရနေသည်၊

၂-ဘုရားနှင့် အရိယာတို့ သာသိနိုင်သော သစ္စာတရားကို သိခွင့်ရနေသော လူ့ ဘဝ သည်လည်း လက်ဝယ်ရှိနေပြီ။

၃-ရတနာ ၃ ပါးနှင့် သာသနာအပေါ် ယုံကြည်အားကိုးမှု သဒ္ဓါကလည်း ပြည့်ဝစွာ လက်ဝယ်ရှိနေပေသည်။

၎- ယနေ့ ထွက်ခွါရန် ကြိုးစားသော် ယနေ့ ပင်ထွက်လမ်းကြီးသာနေသည်ကိုလည်း လက်တွေ့ မြင်နေရ၏၊

၅-ကိုယ်တိုင်သိ လမ်းပြပေးနေသော အရိယာသူတော်ကောင်းတို့ ၏ ကူညီအား ကလည်း မိမိအနား စောင့်စားလျက် အခွင့်အရေးကောင်းကြီးများပင်၊ လမ်းသိပြီးသူ ဆရာမှန်ကို ဆရာတင်က သံသရာလွတ်လမ်းနိဗ္ဗာန်လမ်း ကို ရာနှုန်း ပြည့်ရောက်မည်သေချာသည်။ လူလည်းသက်သာ၊ ပါရမီလည်း အမြန်ဖြည့်ရာ ရောက်စေသည်။

ထိုမျှအဖိုးတန်လှသော လက်ပေါ်ရောက်အခွင့်အရေးများကို မယူတတ်လျှင် အသုံးမချတတ်လျှင် အသုံးချလိုစိတ်မရှိခဲ့လျှင် သင်သည်ထီပေါက်လျက်က ထီလက်မှတ်ပျောက်နေသူ နှင့်မခြားနား၊ သင်လောက်မိုက်ကန်းသူ လောကတွင် မရှိတော့ပြီ။ သင်ပိုင်ဆိုင်သောသာသနာသည် ဒီနေ့ တရက်ထည်းသာ၊ မနက်ဖန်သင်သေခဲ့သော် တရားအသိအကျင့်မရှိခဲ့သော်သာသနာသည် သင် အတွက်မဟုတ်တော့၊ သင်နှင့်မဆိုင် အပယ်သာရောက်ရချေမည်၊

မျောက်ရယ်၊ကလေးရယ်၊ ပတ္တမြားရယ်

မျောက်သည် ပတ္တမြားနှင့် သစ်သီးပေးသော် သစ်သီးသာမက်၏၊

ကလေးကို အစားနှင့် ပတ္တမြားပေးသော် အစားသာမက်၏၊

မျောက်နှင့်ကလေးသည် ပတ္တမြားကို ကောက်ကြည့်၊ မြှောက်ကြည့်၊ ပြီးတော့ ပြန်ချ ပစ်ချထား၏၊

ငုံ့ ကြည့်၊ မော့ကြည့်၊ ပြီးတော့မျက်နှာလွှဲထားမည်။ တခါတရံ ထိုမျောက် ထိုကလေးတို့ သည် ပတ္တမြားကို ပစ်လဲမပစ်၊ သို့ သော် သုံးလဲမသုံးချေ၊

လက်ပေါ်သို့ ရောက်နေသော ပတ္တမြားကို မသုံးတတ်သဖြင့် အလွန်ကံကောင်းနေပါသော်လည်း မျောက်အသိ၊ ကလေးအသိလောက်သာ ရှိနေသည်ကို အပြစ်မပြောလို၊ မမာန်မဲလို၊ မိုက်မဲလိုက်သည်ဟုလဲပြောမထွက်၊ မသိ၍ မသုံးတတ်ပါတကားဟူသော ဂရုဏာ စကားဖြင့်သာ အသိဥာဏ်ပိုပို ရင့်သန်သောသူ ပါရမီရှုင်များဖြစ်လာဖို့ သာ မေတ္တာပို့ သလျက်

မသိလျှင် မကြောက်တတ် ၊ ခြောက်လှန့် ပြောလည်းအပိုဘဲ။

ရမ္မက်ဖက်လျှင် မရှက်တတ်၊ ရှက်အောင်ပြောလည်း အချည်းနှီးဘဲ၊

ကာမအဆိပ်သင့်ကာ မေ့လျော့နေသူများအတွက် ရင်ထဲမှနှစ်နှစ်ကာကာ ဆုတောင်းကာနေနေရတော့မှာမို့ 

ယခုဘဝမှာ

သံသရာမှလွတ်မြောက်ဖို့ ရာ ပါရမီ ၁၀ ပါး သော့ချက်များကို ဖတ်ရသော သူတော်ကောင်းအားလုံး ပါရမီမျိုးစေ့များရကာ နိဗ္ဗာန်လမ်းကို တနေ့ တခြားနီး၍သာ သွားသောသူများဖြစ်ကြပါစေ၊

 

 

ပါရမီဆယ်ပါး သော့ချက်များ ( အပိုင်း ၂) သီလပါရမီ

PLEASE CLIKE THIS PICTURE TO READ PDF FILE

၁- ဒါန ပါရမီ

 ဒါန သော့ဖြင့် နိဗ္ဗာန် တံခါးဖွင့်နိုင်သည်။

 ဖွင့်တတ်ရန် သော့ရှိရမည်။

ဒါနတိုင်း ပါရမီ မဖြစ်၊

ဒါန ဆိုသည်မှာ - ပေးကမ်းစွန့် လှုမှု။

ဒါနတွင် ငါပိုင် ငါဆိုင် အထင်ပစ္စည်းမစွန့် လှုက ပါရမီမရ၊ လိုချင်စွဲလန်းမှုကင်းသော စွန့် လွှတ်ခြင်း ဒါနသည်သာ ပါရမီမြောက်၏၊

ဒါနပါရမီ= ကိုယ်မှအပ ဥစ္စာဓနများကို စွန့် လွှတ်၍ ဖြည့်ကျင့်ခြင်း၊

( ရိုးရိုးဒါန သည် ငါပိုင် ဒိဋ္ဌိကို ဖြိုချနိုင်သည်)

ဒါနဥပ ပါရမီ = ကိုယ်မှာပေါင်းစွက် အင်္ဂါခြေလက်များအထိ စွန့် လွှတ်၍ ဖြည့်ကျင့်ခြင်း၊(ဤ်ဒါနသည် ငါမာန ကိုဖြိုချနိုင်သည်)

ဒါန ပရမ္မတ္တ ပါရမီ = ကိုယ်၏သော့ချက် အသက်ကိုပါ စွန့် လွှတ်၍ ဖြည့်ကျင့်ခြင်း၊ (အသက်ပေးဒါနသည် ငါတဏှာကို ဖြိုချနိုင်သည်)။

ဒါနသည်အခက်ဆုံးနှင့် အထက်ဆုံး

ဒါနသည် ပါရမီတော်များအားလုံးတွင် ခက်လဲခက်ခဲ၏၊ ထက်လည်းထက်မြက်၏၊ ကိုယ့်ဥစ္စာဟုတဏှာစွဲကို ပယ်ကာ သူတပါးကိုပေးစွန့် လွှတ်စေရာတွင် ပယ်ရာ၌ ခက်၊ ပယ်ပြီးက အစွမ်းထက်သော ဒါနပါရမီ ၊ သူမပါပွဲမပြီး၊ အလောဘသည် အရေးကြီးသော ပါရမီတပါးပင်၊

ဒါနဖြင့် ပြင်ပကာမ ဥစ္စာငွေကြေးစွန့် ရသည်။ ဒါနဖြင့် အသက်အင်္ဂါ စွန့် လွှတ်ရသည်၊ ဒါနဖြင့်ပင် ဇနီး၊ မယား၊ သား၊ သမီးတို့ စွန့် ချသွားရသည်။

ဘုရားအလောင်းတော် ဝေဿန္တရာမင်းဘဝ တွင်ဒါနပါရမီ အထွဋ်အထိတ်ဖြစ်ခဲ့၏။

ဒါနဖြင့် တဏှာ သုံးမျိုးဖြတ်နိုင်ခြင်း

၁- ကာမတဏှာ - ကို ဒါနပါရမီအကူဖြင့် ပြင်ပပိုင် ဥစ္စာငွေကြေးများကိုစွန့် လွှတ် ခြင်းဖြင့် သတ်နိုင်သည်။

၂-ဘဝတဏှာ - ကို ဒါနဥပပါရမီအကူဖြင့် မိမိဘဝစိုပြည်လှပနေသော အင်္ဂါခြေလက်များကို စွန့် လွှတ်ခြင်းဖြင့် ဖြတ်တောက်ပစ်နိုင်ရာ၏၊

၃-ဝိဘဝတဏှာ - ကို ဒါနပရမတ္တပါရမီဖြင့် ဤဘဝ၊ နောင်ဘဝသည့်ထက်ကောင်း လိုသည့် အစွဲများကို အရင်းမှလှဲပြစ်နိုင်သည်။

ဒါနဖြင့်  ပပဉ္စ သုံး ပါး ဖြတ်နိုင်ခြင်း

၁- ဒိဋ္ဌိ ငါ- ကို ဒါနပါရမီဖြင့် ငါပိုင်ပစ္စည်းအပေါ်အထင်ကပ်မှု ပြုတ်စေရာသည်။

၂- တဏှာ ငါ - ကို ဒါနဥပပါရမီအကူဖြင့် ငါပိုင်ငါဆိုင်ငါဥစ္စာဟု စွဲလန်းမှု ရာဂတဏှာစိတ်များပြေစေနိုင်သည်။

၃-မာန ငါ - ကို ဒါနပရမတ္တပါရမီဖြင့် ဤခန္ဓာကြီးကိုစွန့် လွှတ်ကာဖြတ်တောက် ပစ်နိုင်သည်။

ဒါနသည် မစ္ဆရိယသံယောဇဉ်အမျှင်ကို ဖြတ်နိုင်သောလက်နက်မည်၏။

ဒါနပါရမီသည် ပြင်ပဥစ္စာ ကာမတဏှာကို ပယ်သတ်သကဲ့သို့  ပြင်ပဝတ္ထုအပေါ် ငါပိုင်ထင် ခင်ရာမှဖြစ်လာသော မစ္ဆရိယ ဝန်တိုမှုသံယောဇဉ် အမျှင်ကိုလဲ ပယ်သတ်နိုင်သည်၊

ရခဲလှသော လူ့ ဘဝမှာပင် ဒါနမှု ၊ သီလမှု၊ ကုသိုလ်များစုဆောင်းသိုမှီးရန် အလှုခံသံဃာ များရှိသော်ကြောင့် စိတ်အာရုံ သဒ္ဓါကြုံစဉ် မြန်မြန်လှုစေချင် ပါသည်၊

ဒေါသကိုစွန့် လွှတ်၍ တဖက်သားလိုချင်သော သည်းခံကျေအေးခြင်းဖြင့်လည်း စိတ်အေးဒါန ပြုနိုင်သေးသည်။

မိမိနှင့်တန်းတူထား ဆက်ဆံတတ်သော တဖက်သားအေးချမ်းစေဘို့ မေတ္တာရေ အေး ဒါနပေးနိုင်သေးသည်။

ခန္တီမေတ္တာ အဖြာဖြာဖြင့် အနားနေအရိပ်ခိုနေသူများ အတွက် အေးသထက်အေးစေ ဒါနပေးဝေ လှုနေနိုင်သော လူ့ ဘဝတွင် ဒါနပါရမီ ဖြည့်နိုင်ကြပါစေ။

၂- သီလပါရမီ

  

ရေကြောင့်ဖြစ်သော ရွှံနွံတို့  ပေကျန်လျှင် ရေဖြင့်သာ ဆေးကြောသုတ်သင်ရာ၏၊

စိတ်ကြောင့်ဖြစ်သော ကိလေသာ အညစ်အကြေးတို့ ကို စိတ်ဖြင့်သာ ဆေးကြောသုတ်သင်ရာ၏၊

စိတ်လေ့ကျင့်ခဏ်း အလုပ်သည် သီလ၏တာဝန်သာ၊

သီလဆိုတိုင်း ပါရမီ မဖြစ်သည်ကို သဘောပေါက်သင့်သည်၊

သီလဖြင့် ကိုယ်နှုတ်စောင့်စည်းစေခြင်း ကိုယ်ကျင့်ကောင်းအောင် စိတ်စင်ကြယ်စေခြင်း စိတ်ကျင့်ကောင်းအောင် သတိဥာဏ်ဖြင့် ကျင့်ရသည်၊

ပါရမီတော် သီလ ဟူသည် ကျင့်လည်းကျင့် သိလည်းသိရမည်

ရိုးရိုးသီလ= အာရုံနှင့်စိတ် မချိတ်မငြိ စေရန် သတိဖြင့် ထိန်းကျောင်းပေးရသော သီလ၊ ( သီလပါရမီ )

အင်္ဂါခြေလက်စွန့် သီလ= အင်္ဂါခြေလက်များနှင့် သီလပြိုင်တူ အန္တရာယ်ကျရောက်လာစဉ်ကာလ အင်္ဂါခြေလက်စွန့် သောသီလ၊ (သီလဥပ ပါရမီ)

အသက်စွန့် ရသောသီလ=ကိုယ်ခန္ဓာအသက်နှင့် သီလ ပြိုင်တူ အန္တရာယ်ကျရောက်လာစဉ် ကာလ အသက်စွန့် ရသော သီလ၊    ( သီလ ပရမတ္တ ပါရမီ)

အာရုံနှင့် ဒွါရ ထိတိုက်ရာမှ ဖြစ်ပေါ်လာသော ဝိဥာဏ်စိတ်များ အပေါ်တွင် သဘောမျှသာပေါ်လာသည်ဟု မှတ်စိတ်ကသိ နေရမည်၊ ရှေ့ စိတ်က လှစ်ကနဲပေါ် လှစ်ကနဲပျောက် သည်ကို နောက်စိတ်က အသိပေါ် အသိထပ၊် အဆက်မပြတ် စွဲစိတ်ကို မှတ်စိတ်နှင့် အစားထိုးဖျောက်ဖျက်ပစ်နေခြင်းဖြင့် အစွဲဝေးသဖြင့် စိတ်အေးလာမည်။ စိတ်အေးရာမှ စိတ်တည်လာမည်။ မစွဲလန်းလို့ စိတ်စင်ကြယ်လာမည်။ စိတ်ဖြူစင်ကြယ်လာ၍ ကိုယ်နှုတ်စိတ်များ မသောင်းကျန်းတော့ဘဲ ပါရမီသီလ ဖြည့်ကျင့်ရာရောက်တော့သည်၊

သီလသည် မကောင်းမှုတို့ ကို ရှောင်ကျဉ်စေသည်၊

ကောင်းမှုမှန်သမျှတို့ ကို ဆောင်ထားစေသည်၊

စိတ်ကို ဖြူစင် ကြည်လင်စေသည်၊

သီလကြောင့် အကြံမှန်၊ အပြောမှန်၊ အကျင့်မှန် အမှန်သုံးချက်ပြည့်ကာ အမှားမဝင် အမှန်မြင်ကာ သစ္စာလေးပါး သို့ ဆိုက်စေ သည်၊

ပါရမီဖြည့်ကျင့်နေဆဲကာလ အတား နိဝရဏ များကို သီလဖြင့်နိုင်စေရာသည်။

အတား နိဝရဏ ငါးပါးဆိုသည်မှာ

၁-   ကာမစ္ဆန္ဒ - တရားလိုချင်၊ မယား၊ယောက်ျား၊ကလေးလိုချင်၊ ပစ္စည်းဥစ္စာလိုချင် ရချင်သောစိတ်များသည် နိဗ္ဗာန်၏အတားများပင်။

၂-   ဗျာပါဒ--  လိုချင်ရာမရမချင်း စိတ်ထဲမခံသာအောင်ဆွပေးနေသောစိတ်များသည် နိဗ္ဗာန်နှင့်ဆန့် ကျင်ဘက်ပင်။

၃-  ဝီစိကိစ္ဆာ --မိမိလမ်း တန်းမတန်း ယုံမှားသံသယဝင်နေခြင်းသည် အနှောင့်အတားတခု။

၎-  ဥဒ္ဓစ္စ- ကုက္ကစ္စ -- စိတ်ပြန့် လွင့် စိတ်ပူပန်မှု များသည် နိဗ္ဗာန်သို့ ဝေးစေသည့်အကြောင်းတခု။

၅-  ထိနမိဒ္ဓ -စိတ်မပါ၊ ထိုင်းမှိုင်းပျင်းရိ စေသည့်အဝိဇ္ဇာမှိုင်းဝင်နေခြင်းသည်ကြောက်စရာအတားတခု။

စိတ်စင်ကြယ်စေဘို့ မပြတ်မလတ်သတိကပ်ကာ မြင်သည်ကိုမြင်ရုံသာ၊ ဘာလဲဘဲမစုံစမ်းနှင့်တော့၊

ကြားသည်ကို ကြားရုံသာ၊ ဘာလေလဲ အကဲမဖမ်းနှင့်တော့၊

ရုပ်နှစ်ခုထိ အသိတစ်ချက်ပေါ် ၊ ပေါ်တဲ့ အသိ ချက်ချင်းပျက်တာ ကွင်းကွင်းကွက်ကွက်မြင်စေပါ၊ မြင်သမျှ၊ ကြားသမျှ အရိပ်ပမာ၊ အငွေ့ ပမာ၊ သိပြီးပျောက် သဘောမျှလောက်ဆိုသည်ကို မြင်သိတတ်လျှင် စိတ်စင်ကြယ်ပေမည်။

လူ့ဘဝတွင်သီလစင်ကြယ်မှုကို အသိဖြင့်ဆင်ခြင်နေတတ်ခြင်းသည်လည်း ပါရမီကျင့်စဉ်ပေပင်။

ဤသီလပါရမီအရာတွင် နေမိမင်းကြီးသည် သာဓကအရာဝင်သည်။