Tuesday, 12 June 2012
ရိုဟင်ဂျာပဋိပက္ခကြောင့် နယ်စပ်လုံခြုံရေး ဘင်္ဂလားဒေ့ရှ် တိုးမြှင့် ကောက်ဘဇားရှိ ရခိုင်ဘုရားပုထိုးများကို ရဲများစောင့်ရှောက်
အိမ်နီးချင်းမြန်မာနိုင်ငံ၊ ရခိုင်ပြည်နယ်တွင် ရိုဟင်ဂျာများနှင့်ဆက်နွှယ်သော ပဋိပက္ခများနှင့် ဆူပူအုံကြွများဖြစ်ပွားလျက်ရှိခြင်းကြောင့် ဘင်္ဂလားဒေ့ရ်ှနယ်စပ်တလျောက်တွင် လုံခြုံရေး တိုးမြှင့်လိုက်ကြောင်း ဘင်္ဂလားဒေ့ရ်ှအစိုးရတာဝန်ရှိသူများ၏ထုတ်ပြန်ချက်ကို CNA သတင်းတွင်ဖော်ပြထားသည်။
ဘင်္ဂလားဒေ့ရ်ှနိုင်ငံနယ်စပ်မြို့တစ်မြို့ဖြစ်သော ကောက်ဘဇားတွင် နယ်စပ်လုံခြုံရေးတပ်များကို တိုးမြင့်ထားပြီး၊ယင်းဒေသရှိ ရိုဟင်ဂျာ ၃သိန်းခန့်နေထိုင်သော ဒုက္ခသည်စခန်းကိုလည်း ဘင်္ဂလားဒေ့ရ်ှရဲများက သတိထား၍စောင့်ကြည့်လျက်ရှိကြောင်း ဘင်္ဂလားဒေ့ရှ် အစိုးရတာဝန်ရှိသူတစ်ဦးဖြစ်သူ Jasim Uddin ကပြောကြားသည်။
မြန်မာနှင့်နယ်နမိတ်ချင်းထိစပ်နေသော ကီလိုမီတာ ၂၀၀ (မိုင် ၁၂၅မိုင်)တလျောက်တွင် နယ်စပ်လုံခြုံရေးကိုတိုးမြှင့်ထားရန်အမိန့်ပေးထားကြောင်း ဘင်္ဂလားဒေ့ရှ် နယ်စပ်လုံခြုံရေးတပ်ဖွဲ့အကြီးအကဲ ဗိုလ်မှုးချုပ် Anwar Hossain က Daily Star သတင်းကိုပြောကြားသည်။
ထို့ပြင် ကောက်ဘဇားဒေသရှိ ရခိုင်ဘုရားပုထိုး များတွင်လည်း လုံခြုံရေးတိုးမြှင့်ထားကြောင့် ကောက်ဘဇားရဲတပ်ဖွဲ ဒုရဲချုပ် Uttam Kumar က AFP သတင်းဌာနသို့ပြောကြားသည်။
Subscribe to:
Post Comments (Atom)
No comments:
Post a Comment