(ဆရာမစန်းလတ်၏ ပန်းဒိုင်ယာရီ.......)
.
ပိတ်စတွေပေါ်မှာ ဆွဲ
သစ်သားတွေပေါ်မှာဆွဲ
နံရံတွေမှာလဲ.... ဆွဲ
အမိုးပေါ်မှာလဲ ဆွဲ
ဘယ်နေရာမှာ ဆွဲဆွဲ
ခံစားချက်နဲ့မလွဲပါ
တကယ်တော့ ပန်းချီကားဆိုတာ
နှလုံးသားက စီးဆင်းတဲ့ကဗျာ...
`` ပန်းချီကားတစ်ချပ်မှာ ထုရှိတယ်.. သဏ္ဍာန်ရှိတယ်...... သက်ဝင်လှုပ်ရှားမှုရှိတယ်... အဓိကကတော့ ရေးဆွဲ
သူရဲ့ စိတ်ကူးလေးတွေ...... ဆန္ဒလေးတွေ.... နောက်ပြီး သူ့ရဲ့ တမ်းတခြင်းတွေ ရှိနေလို့လေ..... ပန်းချီကားတစ်ချပ်နဲ့ ဓါတ်ပုံတစ်ပုံက..
ဘယ်တော့မှ မတူဘူး...ကိုမျိုးရဲ့... ပန်းချီကားမှာ တောက်ပခြင်းတွေ မရှိဘူး... နူးညံ့ခြင်းတွေပဲ ရှိတယ်.... ဓါတ်ပုံကတော့ အပေါ်ယံမှာ
ပလာစတာနဲ့ ဖုံးအုပ်ထားတယ်... ပန်းချီကားမှာတော့ တစ်လွှာချင်း၊ တစ်နေရာချင်း ဖြည့်သွင်းရေးဆွဲထားလို့..... ကောက်ကြောင်းတွေပဲ
ရှိတယ်..... မယုံရင် အလင်းရောင်အောက်မှာ အပြားလိုက်ကြည့်ကြည့်လေ......´´ စိတ်ရှည် လက်ရှည် ပန်းချီရေးဆွဲရင်း ရှင်းပြနေတဲ့...
ဒီပန်းချီဆရာမလေးက ကျွန်တော့်ရဲ့ ကျောင်းနေဖက်သူငယ်ချင်း..... မတွေ့တာလဲ ကြာပြီ..... ကြုံတုန်း သူ့ရဲ့ အလုပ်ခန်းထဲကိုလာည်ရင်း
လေ့လာနေတာပေါ့......။
`` ပန်းချီဆွဲတာက အခြေခံစနစ်တွေရှိတယ် မဟုတ်လား..... ဥပမာ အချိုးအစားတို့..... မျဉ်းတွေ ဘာတွေလေ
ဘယ်လိုပြောရမလဲဟာ.... အခြေခံအချက်တွေ... အဲဒါတွေ ရှိတယ် မဟုတ်လား.´´ ဘုမသိ၊ ဘမသိနဲ့ သူပန်းချီရေးနေတာကို သဘော
ကျလို့ မေးခွန်းတွေ ထုတ်လိုက်မိတယ်..... သူကရယ်ရင်းနဲ့ `` အခြေခံနည်းစနစ်တွေကတော့ ဘာအလုပ်မဆိုလိုတာပေါ့ဟဲ့..... အခြေခံ
မသိပဲနဲ့ ဘယ်လို ရှေ့ကို ဆက်သွားမလဲ....´´ ကျွန်တော် ရှက်ကိုးရှက်ကန်းနဲ့ အလိုက်သင့်လေး ရယ်ခဲ့တယ်... အဲဒီတုန်းကပေါ့.....။
ကျွန်တော် ပန်းချီ မဆွဲတတ်ဘူး၊ သင်လဲ မသင်ခဲ့ဘူး..... ကျွန်တော်က အနားသပ်မျဉ်းတွေ တိကျတဲ့ ရေးဆွဲမှု
မျိုးကိုပဲ သဘောကျလို့လေ.. ဒါပေမဲ့ အခု သူရေးဆွဲနေတာကိုကြည့်ရင်းနဲ့.... ဆန်းကြယ်တဲ့ အမြင်တွေကိုရခဲ့တယ်... ပန်းချီကားတစ်ချပ်
ဖန်တီးတာ ကဗျာတစ်ပုဒ်ရေးတာနဲ့ မတူဘူးလို့ ခံစားလိုက်မိတယ်.... နောက်ပြီး ရေးဆွဲသူရဲ့ စိတ်ကူးစိတ်သန်းနဲ့ ပုံဖော်ခြင်းအတတ်ပညာ
ကိုလဲ လေးစားလာ မိတယ်...... ပန်းချီရေးဆွဲခြင်းဟာ အသိပညာရော.... အတတ်ပညာပါ ပေါင်းစပ်ထားတဲ့ လှပတဲ့ အနုရသကို ခံစားနိုင်
စေတဲ့...... နူးညံ့ပြီး ဆန်းကြယ်တဲ့ ပညာရပ်တစ်ခုပဲလို့ တွေးလိုက်မိတယ်..... ပန်းချီကားရေးဆွဲသူရဲ့ စိတ်နှလုံးဟာလဲ..... အမြဲကြည်လင်
နေတာလားလို့လဲ တွေးနေမိတယ်..... သေသေချာချာတော့ ဘာ တစ်ခုမှ စဉ်းစားမရခဲ့ပါဘူး.....။
သူငယ်ချင်းဆီကနေ ခွဲခွါခဲ့ပြီးတော့ ကျွန်တော့် စိတ်ထားလေးတွေ ပြောင်းခဲ့သလားတောင် မဆိုနိုင်ပါဘူး.......
သေချာတဲ့ ပုံရိပ်တွေကို စိတ်ကူးထဲမှာ ဖော်ကြည့်ချင်လာတယ်.... ဘာကိုများ ထင်ထင်ရှားရှား မှတ်မိနေသလဲလို့လဲ တွေးတတ်လာတယ်
မျက်စိမှိတ်ပြီးတော့လဲ ပုံဖော်ကြည့်တတ်လာတယ်...... ဒါပေမဲ့ မြင်ကွင်းတွေက တစ်ခါမှ ကြည်လင်မနေခဲ့ပါဘူး..... နောက်ပြီး အရောင်
အသွေးတွေလဲ တစ်ခါမှ မလှပခဲ့ဘူး...။
ဒီလိုနဲ့ ပုဂံဒေသကို ရောက်ခဲ့မိတယ်..... နေ၀င်ဆည်းဆာအရိပ်အောက်မှာ လှချင်တိုင်းလှနေတဲ့ ပုဂံဘုရားတွေ..
သဲတဖုန်ဖုန် ထနေတဲ့ အညာရဲ့ ထနောင်းရိပ် ယှက်ဖြာနေတဲ့ လှည့်လမ်းလေးတွေ...... ဧရာဝတီမြစ်ကြီးရဲ့ စီးဆင်းခြင်းတွေကိုတော့ ဓါတ်
ပုံတွေ တဖျပ်ဖျပ်ရိုက်ခဲ့မိတယ်... ဒီပုံလေးတွေကို ပြန်ကြည့်ရင်းနဲ့လဲ ပန်းချီကားလေးတွေ ရေးဆွဲတတ်ချင်လာတယ်.. ပုဂံကိုရောက်တုန်း
သဲပန်းချီရေးဆွဲနေကြတာကိုလဲ တွေ့ရတယ်... ဆိုင်မှာ တင်ရောင်းနေတဲ့ သဲပန်းချီကာလေးတွေကိုလဲ တွေ့ခဲ့ရတယ်.....။
နိုင်ငံတကာမှာတော့..... သဲပန်းချီဆိုတာ သဲတွေနဲ့ ပုံဖော်ထားတဲ့ ရုပ်လုံးရုပ်ကြွတွေနဲ့..... သဲတွေဖြန့်ခင်းထားတဲ့..
အပေါ်မှာ လက်ချောင်းလေးတွေ၊ လက်ဖ၀ါးစောင်းလေးတွေ၊ လက်ဖနောင့်လေးတွေနဲ့ ကောက်ကြောင်းပန်းချီဖြစ်အောင် ရေးဆွဲခဲ့တာကို
ပဲ တွေ့မြင်ခဲ့ဘူးတာလေ......
အခုတော့ အ၀တ်စလေးပေါ်မှာ ကော်သုပ်..... ပြီးရင် နေလှမ်း၊ ကော်ခြောက်တော့ အဲဒီအ၀တ်စပေါ်မှာ သေသေ
ချာချာ ပြုပြင်ထားတဲ့ မှုန့်ညက်နေတဲ့ သဲနုနုလေးကို ဖြန့်ပြီး ဒေါင်လိုက် နေပြန်လှန်းလိုက်တော့ အ၀တ်စကလေးက သဲစလေးလို ဖြစ်သွား
တာ.... အဲဒီအပေါ်မှာမှ ရေဆေးနဲ့ စုပ်တံသေးသေးလေးတွေ သုံးပြီး လိုရာပုံလေးတွေ ရေးဆွဲလိုက်တာလေ..... ပုံရိပ်တွေကိုရေးဆွဲတော့
သဲလေးတွေပေါ်မှာ အနားသပ်ရတာ ခက်ခဲတယ်လို့လဲ သိရတယ်.... သဲခံထားတဲ့ အ၀တ်စပေါ်မှာ ရေးလို့ထင်တယ်.... အရောင်လေးတွေ
သိပ်ပြီး မတောက်ပဘူး... ဒါကပဲ ပိုပြီး သဘာဝကျနေသလိုလိုပါပဲ...... တော်တော်များများကတော့ ပုပံခေတ်ရဲ့ လက်ရာတွေအတိုင်းရေး
ဆွဲကြတာလေ.... တစ်ချို့ဆိုရင် ဂူနံရံတွေ၊ ဘုရားတွေပေါ်မှာ ရေးဆွဲထားတဲ့ နံရံ ဆေးရေးပန်းချီတွေကို ပြန်ရေးဆွဲကြတယ်... ပြည်တွင်း
ပြည်ပ ဧည့်သည်တွေ လဲ တော်တော်များများ အမှတ်တရလေးတွေ ၀ယ်ဖြစ်ကြပါတယ်...။
ပန်းချီရေးဆွဲတယ်ဆိုတာ ...... စက္ကူပေါ်မှာပဲ ဆွဲဆွဲ....... အ၀တ်စ၊ နံရံ၊ အမိုး၊ ကြိုက်တဲ့ နေရာမှာဆွဲ....ရေးဆွဲ
သူတွေကတော့ နှလုံးသားကို မြှုပ်နှံရေးဆွဲခဲ့တာပဲလို့..... ပြီးတော့ သူတို့နှလုံးသားလေးတွေကလဲ မြင်တွေ့ခဲ့တဲ့အတိုင်း အလုံးစုံကို မှတ်
သားထားနိုင်ခဲ့တာရယ်..... မြူတွေ၊ အခိုးအငွေ့တွေ၊ အလင်းရောင်တွေ၊ မှောင်မိုက်ခြင်းတွေကိုလဲ ရှိရင်းစွဲ အရောင်တွေနဲ့ ရောယှက်ပြီး..
တွေ့မြင်စေချင်တဲ့ ရှုထောင့်ကိုရောက်အောင် ဆွဲယူခေါ်ဆောင် သွားရတာပဲလို့.... တွေးရင်း အံ့သြမိခဲ့တယ်လေ......
ကျွန်တော်ကတော့ ဘယ်တော့မှ ပန်းချီရေးဆွဲမိတော့မှာ မဟုတ်ပါဘူး....... ဘာကြောင့်လဲ ဆိုတော့ ပန်းချီမှာ
နူးညံ့ခြင်း၊ မှတ်သားခြင်းတွေနဲ့....... အရှိကိုအရှိအတိုင်းဖြစ်စေတဲ့ ဂုဏ်သတ္တိတွေရှိနေလို့...... ဒီလိုမှ မယူဆနိုင်ရင်လဲ ပန်းချီမှာ လိုရာကို
အရောက်ခေါ်ဆောင်သွားနိုင်တဲ့ အစွမ်းတွေ ရှိနေတယ်လို့ မြင်မိလို့ပါ...... လှည့်စားခဲ့တယ်လို့ ဆိုချင်လျှင်သော်မှ ပေါ်ပေါ်ထင်ထင် အစစ်
ဆေးခံပြီးမှ လှည့်စားနိုင်ခဲ့တာ ဖြစ်နေလို့ပါပဲ.......
တစ်နေ့မှာ မဖြစ်မနေ လှပတဲ့ ပန်းချီကားလေး တစ်ချပ်ရေးဆွဲဖြစ်ခဲ့ရင်တော့..... တောတောင်၊ ရေမြေ သဘာဝ
ပုံတွေပဲဖြစ်မလား.... လှပတဲ့ ပန်းပွင့် ပန်းခက်လေးတွေ၊ ကျေးငှက်သာရကာတွေပဲဖြစ်မလား.... ကြည်နူးနေတဲ့ အပြုံးရိပ်တွေပဲဖြစ်မလား
မီးတောင်ကြီးတွေလား၊ ငရဲသားကြီးတွေလား.... ဘာဖြစ်မယ်ဆိုတာ မသိပေမဲ့..... ကြည့်ရတဲ့သူတိုင်းကို နူးညံ့ကြည်လင်သွားစေတဲ့၊ ဒါမှ
မဟုတ် သူတို့ကိုယ်တိုင် သွားချင်တဲ့ တစ်နေရာရာကို အရောက်ပို့ဆောင်ပေးနိုင်တဲ့ ပန်းချီကားလေးတော့ ဖြစ်စေချင်လှပါတယ်.....
.
(ပုဂံမှာရေးတဲ့ သဲပန်းချီကားများ.......)
.
တွေ့မြင်မိသမျှ
နှလုံးသားမှာ မှတ်သား။
ခံစားမိသမျှ....
လက်များက ပုံဖော်။
သူမြင်ရင်ကိုယ်မြင်ခဲ့သလိုပေါ့....
စေလိုရာ စေညွှန်းစေဖို့
ဖြူစင်စွာ သူမြင်ဆွဲတာက
လှတဲ့ ပန်းချီကား.......
No comments:
Post a Comment