အမှတ်မထင်ကြည့်လိုက်ရတဲ့ ဇာတ်လမ်းလေး တစ်ပုဒ် လို့သာပြောချင်ပါတော့တယ်နော်။
ဖြစ်ပုံကဒီလိုလေ။ လွန်ခဲ့တဲ့ ၂ ရက်လောက်က ဖြစ်ပျက်ခဲ့သော အဖြစ်လေးတစ်ခု အကြောင်းလေးပါပဲ။
ကျနော်တို့ စီးလာသောဆိုင်ကယ် ကို နောက်ကနေ အရှိန်ပြင်းပြင်းဆိုင်ကယ်၂ စီးက ၀င်ကျုံးသွားတဲ့ အဖြစ်ကလေးပါပဲ။
ဖြစ်ဖြစ်ချင်းမှာပဲ ကျနော့ ခေါင်းဟာ လမ်းနဲ့ရိုက်မိသွားတာကြောင့် ခေါင်းကြီးတစ်ခုလုံး ထူပူပြီး မူးဝေသွားတယ်ပေါ့။
အဲဒီအချိန်မှာပဲ တိုက်သွားတဲ့ ဆိုင်ကယ်တစ်စီး ဝေါကနဲ ထွက်သွားတာ တွေ့လိုက်ပါတယ်။ ကျနော်လည်း ချက်ခြင်းကုန်းထပြီး ဆိုင်ကယ်ပေါ် တက်လိုက်ပါတယ်။ အဲဒီမှာပဲ လဲနေတဲ့ နောက်တစ်စီးက မိန်းကလေးက ထအော် ပါလေရော။
“ဘယ်ပြေးမှာလဲ၊ ဒီမှာ ဘာဖြစ်သွားသလဲ မမေးပဲနဲ့တိုက်တုန်း က တိုက်ပြီး” ဆိုပြီး အော်ပါလေရော။
ဟောဗျာ အဲဒါမှ ဒုက္ခပဲ။ ကျနော်က ဘယ်သူ့ကို သွားတိုက်လို့လဲ။ ဘယ်လိုဖြစ်လို့ သူ့ကိုတိုက်ပါတယ် ပြောနေတာလဲ။ စသဖြင်ပေါ့ အမျိုးမျိုး စဉ်းစားပါတယ်။ ဘယ်လိုပဲ စဉ်းစား စဉ်းစား ခေါင်းတစ်ခုလုံးက မူးဝေနေပြီး ဖြစ်ပျက်ပုံကို စဉ်းစားလို့မရ ဖြစ်နေပါတယ်။
အော် ငါများ သူများကို တိုက်မိသွားလေသလား ဆိုတဲ့ အတွေးတွေနဲ့ပေါ့။ တကယ်တန်း ပြောသာ ပြောရပါတယ်။ ကျနော့ အကျင့် က လမ်းပေါ်သွားရင် လမ်းမှာ တွေ့သမျှ လှုပ်လှုပ်ဟူသ၍ အကုန်သိမ်းကျုံးပြီး မေတ္တာတွေ ပို့နေ တတ်တာလေ။ ခုတော့ဖြင့် ကိုယ်က သူများကိုများ တိုက်မိ နေလေရော့ သလား။ ဆိုပြီး တွေးရင်း စိတ်တွေ မကောင်းဖြစ်နေပါတယ်။
အော် ငါများ သူများကို တိုက်မိသွားလေသလား ဆိုတဲ့ အတွေးတွေနဲ့ပေါ့။ တကယ်တန်း ပြောသာ ပြောရပါတယ်။ ကျနော့ အကျင့် က လမ်းပေါ်သွားရင် လမ်းမှာ တွေ့သမျှ လှုပ်လှုပ်ဟူသ၍ အကုန်သိမ်းကျုံးပြီး မေတ္တာတွေ ပို့နေ တတ်တာလေ။ ခုတော့ဖြင့် ကိုယ်က သူများကိုများ တိုက်မိ နေလေရော့ သလား။ ဆိုပြီး တွေးရင်း စိတ်တွေ မကောင်းဖြစ်နေပါတယ်။
ဘယ်လိုက ဘယ်လို ဖြစ်သွားသလဲ ဆိုတာကို စဉ်းစားလို့မရအောင် ခေါင်းမှာထုံပြီး မူးနေ တာကြောင့် နောက်ဆုံးတော့ ဆက်မစဉ်းစားတော့ပဲ ကိုယ့်ကိုယ်ကိုယ် အပြစ် ရှိတယ်လို့ ယူဆပြီ တဖက်လူကို လိုအပ်သမျှတွေ အားလုံးလိုက်လုပ်ပေးခဲ့ပါတယ်။ ဆေးခန်းက ဆရာဝန်က ဘာမှ မဖြစ်ဘူး ပွန်းရုံပဲ့ရုံပါပဲလို့ အဖြေပေးတာတောင် မကျေနပ်ရှာတာကြောင့် မလိုအပ်သော်လည်း ဓါတ်မှန်တွေ ဘာတွေ ရိုက်ပြီး စစ်ဆေးပေးခဲ့ပါတယ်။
အဲဒီမှာပဲ အန္တရာယ်နံပါတ်-၁ကို ထင်ထင်ရှားရှားကိုပဲ မြင်တွေ့ရပါပြီ။ “အမလေး ငါ့ခြေထောက်မှ ဖြစ်ရတယ်” ဆိုပြီးမှ သူ့ခြေထောက်ကို ကိုင်လို့အော်နေရှာတဲ့ ဒုက္ခကို တွေ့ရတယ်လေ။ ဒါဆို သူပဲဖြစ်တာလားဆိုတော့ ဘယ်ဟုတ်မလဲ။ ကျနော်လည်း ဖြစ်တာပါပဲ။ ခေါင်းလည်းထိတယ်။ ညာဖက်လက်ဆို တစ်ဖက်လုံးကို ပွတ်ဆွဲသွားတာ ကြောင့် ဘေးသားတွေအကုန် စုပ်ပြတ်သွားတာပါနော်။ ဒါပေမယ့် သူ့လိုတော့ မအော်မိပါဘူး။ မနာလို့လားဆိုရင် နာတာမှ တဆတ်ဆတ်တုန် နေတာပါနော်။ ဒါဆို ဘာကြောင့် အဲလိုတွေ ခံနိုင်နေတာလဲ ဆိုရင်တော့ ဒီတရားလေးကိုတန်းပြီး နှလုံးသွင်းမိနေလို့ပါပဲ။
အော် နှလုံးသွင်းတတ်လို့ကတော့ တော်တော့်ကို အကျိုးများပါလားလို့ တွေးရင်း ၀မ်းမြောက်မိပါတယ်။
အော် နှလုံးသွင်းတတ်လို့ကတော့ တော်တော့်ကို အကျိုးများပါလားလို့ တွေးရင်း ၀မ်းမြောက်မိပါတယ်။
တဆက်တည်းလည်း ဒီလို နှလုံးသွင်းနည်းလေးမှ ရှိမထားတဲ့လူတွေကို ဒါလေးတွေ ရထားရင် ကောင်းမှာပဲလို့ ခုလိုဒုက္ခတွေ မများရအောင် ဖြန့်ဝေချင်လိုက်တာ လို့တောင် တွေးနေပါသေးတယ်နော်။ ဘာပဲဖြစ်ဖြစ် ကိုယ့်ကြောင့် သူတစ်ပါးမှာ နာကျင်မှု တစ်စုံတစ်ရာ မဖြစ်စေချင်တဲ့ စေတနာ အရင်းခံနဲ့ပဲ လိုတာ အကုန် လုပ်ပေးခဲ့ပါတယ်။ အဲဒီကမှ သူတို့အိမ်ထိ လိုက်ပို့ ပေးခဲ့တာပေါ့။
အဲ အဲဒီမှာပဲ အမေဖြစ်သူကလေ “ငါ့သမီး ထိလို့ကတော့လား ဘယ်သူမှ ခွင့်မလွှတ်နိုင် ဘူးဟေ့။ ခုပဲ တိုင်မယ် တောမယ်” ဆိုပြီး အော်ကြီး ဟစ်ကျယ်နဲ့ ဆဲပါလေတော့တယ်။ အော် လူတွေ လူတွေ ငါစွဲနေသမျှ ပူလောင်နေလိုက်တာလို့သာတွေးရင်း သူအော်နေတာကို ဒီတိုင်းကြည့်နေလိုက်ပါတယ်။ ကျနော့ကို ရစရာမရှိအောင်တွေ ဆဲဆိုပြီးတော့ ခုပဲ စခန်း လိုက်ခဲ့ဖို့ အော်နေ တာကြောင့် သူအမြန်ဆုံး အေးချမ်းပါစေလို့ စိတ်ထဲက မေတ္တာတွေ ပို့ပေးရင်း နဲ့ လိုက်လာခဲ့ပါတယ်။
အင်း အဲဒီအချိန်မှာတော့ ကျနော့ စိတ်ကလေးကို တချက် သတိထားပြီး ကြည့်လိုက်ပါ သေးတယ်။ အင်း ဘယ်လိုမှလည်း ထူးပြီး ခံစားမနေပါလား ဆိုတာလေးကို တွေ့လိုက်ရတယ်လေ။
အင်း အဲဒီအချိန်မှာတော့ ကျနော့ စိတ်ကလေးကို တချက် သတိထားပြီး ကြည့်လိုက်ပါ သေးတယ်။ အင်း ဘယ်လိုမှလည်း ထူးပြီး ခံစားမနေပါလား ဆိုတာလေးကို တွေ့လိုက်ရတယ်လေ။
တဖက်က အော်ကောင်းနေပြီး ကိုယ့်ဖက်ကတော့ သူ့ကို အေးအေး ဆေးဆေးပဲ ပြန်ကြည့် နေတာဆိုတော့ အဲလို ဖြစ်နေတာကိုကို ဟိုဖက်က ပိုပြီး ဒေါသတွေဖြစ်နေလေရဲ့။
အဲဒီမှာပဲ “အော် လူတွေဟာ အန္တရာယ်နံပါတ် - ၂ လို့ ဆိုထားခဲ့တဲ့ ကိုယ်နဲ့ ဆက်နွယ် နေတဲ့ ခန္ဓာတွေ အပေါ် စွဲလမ်းရာကနေ ဒုက္ခတွေများပြီး ပူလောင် နေလိုက်တာလို့ တွေးမိပါတယ်။ ဒါပေမယ့် တရားကို နတ်စောင့်တယ် ဆိုတဲ့ စကားလေးရှိတာ မမေ့နဲ့ဦးနော်။ သူ့ခမျာ ဘယ်လိုပဲ တက်ထောင် မောင်းနင်းတွေလုပ်နေပါစေ သူဖြစ်ချင်သလို ဖြစ်ခွင့်မရလိုက်ရှာပါဘူး။ accident ဖြစ်တဲ့ နေရာဝန်းကျင်ကို မေးလိုက်တယ်ဆိုရင်ပဲ ကျနော်တို့ သွားနေတဲ့ဆိုင်ကယ်ကို သူတို့က နောက်ကနေ ၀င်ကျုံးသွားတယ် ဆိုတဲ့အဖြေ ထွက်လာတာကြောင့် ကျနော်တို့ အမှား မဟုတ်ပဲ သူတို့ အမှားဖြစ်တာကြောင့် နောက်ဆုံးမှာ တောင်းပန်ပြီး ပြန်သွားကြရပါတယ်။
ကျနော့အတွက်ကတော့လေ ဒီဖြစ်ရပ်ကလေးဟာ ဇာတ်လမ်းလေး တစ်ပုဒ် ထိုင်ကြည့် လိုက်ရသလိုကို သင်ခန်းစာတွေ ရလိုက်ပါတယ်။ ဘယ်သူပဲ မှားတာဖြစ်ပါစေ။ ကိုယ်နဲ့ ဆက်နွယ် မိသမျှတွေကိုတော့ ငြိမ်းစေချင်တဲ့ စေတနာ အခံလေးကြောင့်ပဲ သူတို့ဖက်က မာန်တွေကျိုးပြီး အေးအေးချမ်းချမ်း ပြန်သွားရတာကိုပဲ ကျေနပ်မိပါတယ်။ ဒါကိုသိသွားကြတဲ့ မိတ်ဆွေတွေက လာမေးရင်းပြောကြပါတယ်။ ကိုယ်လည်းတိုက်ခံရသေးတယ်။ ကိုယ်ကပဲ ကုသပေး လိုက်ရသေး တယ်။ ပြီးတော့ အဆဲလည်း ခံရသေးတယ်ဆိုတော့ တချို့က မကျေမနပ် ဖြစ်ကောင်း ဖြစ်ကြ ပေမယ့်လို့ ကျနော့အဖို့ကတော့ ဒီလက်ရှိရေးနေတဲ့ တရားလေးကို လက်တွေ့ကျကျ ကွက်ကွက် ကွင်းကွင်း မြင်လိုက်ရတာကြောင့် ဒီအဖြစ်လေးဟာ သူသာတယ် ငါနာတယ် ဆိုတာထက် အော် လူတွေတိုင်းကို ဒုက္ခရောက်စေတဲ့၊ ပူလောင်စေတဲ့ ဒီအန္တရာယ်နှစ်မျိုးရဲ့ ကြောက်စရာ ကောင်းပုံ တွေကို မျက်မြင် ကိုယ်တွေ့ကြုံရပြီမို့ သိပ်အဖိုးတန်တဲ့ သင်ခန်းစာပေးနိုင်တဲ့ ဖြစ်ရပ်လေးမို့ မပြောမဖြစ် ပြောပြလိုက်ရပါတော့တယ်နော်။ ယခု ရေးလက်စ တရားလေးအတွက်လည်း သရုပ်ပြပေးနေသလိုပါပဲ။ အကယ်လို့ စာဖတ်မိသူတွေမှာများ ဒီလို ကိုယ်တွေ့ကပေးတဲ့ တရား အသိလေးတွေ ရှိခဲ့ရင် ပြန်လည်ဝေမျှုကြပါဦးလို့…..
No comments:
Post a Comment