ပြည်ပ အလုပ် လုပ်ကိုင်မှု ကြီးကြပ်မှု ကော်မတီရဲ့ ကြီးကြပ်မှုနဲ့ ထိုင်းနိုင်ငံသို့ မြန်မာ လုပ်သားများ စေလွှတ်ခြင်း လုပ်ငန်း ဆိုင်ရာ သုံးသပ်ရေးနဲ့ ထိုင်းနိုင်ငံရောက်
မြန်မာ အလုပ်သမား ရေးရာ ကိစ္စရပ်များ ဆိုင်ရာ အလုပ်ရုံ ဆွေးနွေးပွဲမှာ တာဝန်ရှိသူ တစ်ဦးရဲ့ ပြောကြားချက် အရ မြန်မာနိုင်ငံမှ လုပ်သား တွေဟာ ပြည်ပနိုင်ငံ တွေမှာ သွားရောက် အလုပ် လုပ်ကိုင်ပါက သက်ဆိုင်ရာ နိုင်ငံတွေရဲ့ ဥပဒေ တွေကို သိရှိထားဖို့ လိုအပ်တယ်လို့ သိရပါတယ်။
အဲ့ဒီလို သိရှိထားဖို့ လိုအပ်တဲ့ အချက်တွေ ကတော့ အခြေခံ အလုပ်သမား အခွင့်အရေးနဲ့ သက်ဆိုင်တဲ့ ဥပဒေများ၊ လုပ်ငန်းခွင် အတွင်း မတော်တဆ ဖြစ်မှုကြောင့် ထိခိုက် ဒဏ်ရာနဲ့ ရောဂါရခြင်း၊ သေဆုံးခြင်းများ အတွက် နစ်နာကြေး၊ လျော်ကြေးများ ရရှိခံစား နိုင်ဖို့အတွက် ဥပဒေများ စတဲ့ ဥပဒေတွေကို သိရှိထား သင့်တာ ဖြစ်ပါတယ်။ အဆိုပါ ပွဲမှာ တာဝန်ရှိသူ တစ်ဦးရဲ့ ပြောကြားချက် အရ ဥပဒေများကို မသိရှိတဲ့ အတွက် မြန်မာလုပ်သား တွေဟာ ပြည်ပနိုင်ငံ တွေမှာ အလုပ်ရှင်များရဲ့ လူမှုရေး ချိုးဖောက်ခံရမှု တွေကို တွေ့ကြုံနေရတာ ဖြစ်ပါတယ်။
ဒါ့အပြင် ယခု လက်ရှိမှာ မြန်မာနိုင်ငံမှ ထိုင်းနိုင်ငံသို့ သွားရောက် လုပ်ကိုင်နေတဲ့ လုပ်သား တွေမှာ အလုပ်ခေါ်တဲ့ အေးဂျင့်များနဲ့ ပွဲစားအချို့ရဲ့ ခေါင်းပုံဖြတ်မှုကို ကြုံတွေ့ နေရတယ်လို့ သိရပါတယ်။ ၂၀၀၃ ခုနှစ်မှာ မြန်မာ-ထိုင်း နှစ်နိုင်ငံ တာဝန်ရှိသူများ ချုပ်ဆိုခဲ့တဲ့ အလုပ်သမား ခေါ်ယူရေး ဆိုင်ရာ စာချုပ်မှာ အလုပ်သမား ခေါ်ယူသူ ကုမ္ပဏီ အနေနဲ့ မိမိ ခေါ်ယူမယ့် လုပ်သားရဲ့ ကုန်ကျစရိတ် များကို ကုမ္ပဏီမှ ပေးဆောင်ဖို့ ပြဋ္ဌာန်းထား ပေမယ့်လည်း ယခုလက်ရှိမှာ မြန်မာ လုပ်သားတွေဟာ ထိုင်းနိုင်ငံသို့ သွားရောက် လုပ်ကိုင်ပါက ကုန်ကျစရိတ် များကို မိမိတို့ဘာသာ ကုန်ကျခံနေ ရတယ်လို့ သိရပါတယ်။
No comments:
Post a Comment