Search This Blog

အဖွဲ့ဝင်မယ်..Followers

သတင်း


<<<< ကြိုဆိုပါတယ် ပျော်ရွှင်သောနေ့လေးဖြစ်ပါစေ >>>>

Friday 5 July 2013

ရောင်းစားခံရသည့် မြန်မာ လှေလုပ်သား ၃၈ အနက် ၁၁ ဦး ကယ်ထုတ်နိုင်ခဲ့

 စံခလပူရီ (မဇ္ဈိမ)။   ။ မြန်မာနိုင်ငံ တောင်ပိုင်း ကော့သောင်း မြို့နယ်၊ ပေါက်ခေါင်းကျေးရွာ မှတဆင့် တရားမဝင် နယ်စပ် ဖြတ်ကျော်ကာ ထိုင်းနိုင်ငံ၊ ဆမုတ် ပရာကန် ခရိုင်၊ မဲကလောင် (မဲခေါင်) လှေဆိပ်၌ ထိုင်းသူဌေးပိုင် ငါးဖမ်းလှေပေါ်တွင် ရောင်းချခြင်း ခံရသည့် မြန်မာနိုင်ငံသား ၃၈ ဦး အနက် ၁၁ ဦးကို ဗုဒ္ဓဟူးနေ့က ကယ်ထုတ် နိုင်ခဲ့ကြောင်း ဖြစ်စဉ်တွင် ကိုယ်တိုင် ပါဝင်ခဲ့သည့် ထိုင်းနိုင်ငံရောက် မြန်မာ နိုင်ငံသားများ အဖွဲ့ (MAT) မှ ဦးကျော်သောင်း က ပြောသည်။

“ကျနော်ရယ် MAT က လူကြီး သုံးယောက်၊ မနေ့ ဇွန်လ ၃ ရက်နေ့ မနက် ၅ နာရီမှာ လှေပေါ်ကို ရုတ်တရက်တက်၊ ရုတ်ရက်ဝင်၊ ရုတ်တရက် ဆွဲထုတ်ပြီး ပထမ ကောင်လေး တယောက်ကို အရင် ကယ်ခဲ့ရတယ်။ အဲလို ကယ်ရတယ်ဆိုတဲ့ အလုပ်ကလည်း တရားမဝင် အလုပ်ဗျ။ နောက်ကနေ သေနတ်နဲ့ လိုက်ပစ်မှာကိုလဲ စိုးရိမ်ရသေးတယ်” ဟု ရောင်းစားခံရသူများအား ထိုနေ့က ပထမ အဆင့် ကယ်ထုတ်ခဲ့သည့် ဖြစ်စဉ်ကို ဦးကျောင်သောင်း က မဇ္ဈိမကို စတင်ရှင်းပြသည်။

ထို့နောက် ၎င်းကောင်လေးအား ထိုင်းအစိုးရ လူကုန်ကူးမှု တိုက်ဖျက်ရေး အထူးရဲတပ်ဖွဲ့သို့ ခေါ်ဆောင်သွားကာ အမှုဖွင့်ပြီးနောက် ကျန်ရှိနေသူများအား ထပ်မံ ကယ်ထုတ်နိုင်ရန် မဲကလောင် လှေဆိပ်သို့ ပြန်လာခဲ့ကြကြောင်း ၎င်းက ဆက်ပြောသည်။

လှေဆိပ်သို့ ပြန်လည် ရောက်ရှိခဲ့သော်လည်း ထိုင်းဥပဒေကြောင်းအရ ဖမ်းဝရမ်း မပါသဖြင့် လှေဆိပ်ရှေ့ ကိုက် ၅၀ ခန့် အကွာတွင် စောင့်ဆိုင်းနေကြရပြီး မကြာမီ လှေပေါ်ရှိ ရောင်းစားခံရသူများ ရေကူးကာ ထွက်ပြေးလာကြမှသာ ရဲအဖွဲ့မှ ဝင်ရောက် ဖမ်းဆီးခဲ့ကြောင်း ဦးကျော်သောင်း က ပြောသည်။

“အဲဒီအချိန်မှာ အခင်းအကျင်းက ဘာဖြစ်နေလဲဆိုတော့ ဝရမ်းမပါဘဲနဲ့ ကျနော်တို့က ဝင်ဖမ်းလို့ မရဘူး။ ရပ်ပြီးစောင့်ကြည့် နေကြရတယ်။ စောင့်ကြည့်နေတုန်း အတောအတွင်းမှာပဲ လှေပေါ်က အလုပ်သမားတွေ ရေကူးပြီး ထွက်ပြေးကြတာ တန်းရော။ အဲဒီအချိန်ကျမှ ဒါဆိုရင်တော့ ငါတို့ နောက်ဆုတ်လို့ မရဘူး။ မရရအောင် ကယ်ထုတ်ရမယ် ဆိုပြီး ဝင်ဖမ်းတာ” ဟု ပြန်ပြောင်း ပြောပြသည်။

ထိုသို့ ဝင်ရောက် ဖမ်းဆီးပြီးနောက် လှေပိုင်ရှင် ထိုင်းသူဌေးနှင့် အခြေအတင် ဆွေးနွေးကာ လှေပေါ်ပါ လူများကို စာရင်းပေးရန် သဘောတူညီမှု ရခဲ့သည်။

ကနဦး၌ ၃၈ ဦးလုံး ပြန်လည် လိုက်ပါလာရန် သဘောထား ရှိသော်လည်း ၎င်းထိုင်းသူဌေး၏ လူယုံ မွန်အမျိုးသား တဦးက ယခု လာရောက် ခေါ်ဆောင်သည့် လူများ (ဦးကျော်သောင်းတို့ အစု)သည် မြန်မာအစိုးရမှ ဖြစ်ပြီး ၎င်းတို့ (အလုပ်သမားများ)အား ထောင်ချရန် ဖြစ်သည်ဟု လီဆယ်ပြောဆိုခဲ့ပြီးနောက် ၁၁ ဦးသာ ပြန်လည်လိုက်ပါလာခဲ့ကြောင်း ဦးကျော်သောင်း က ဆိုသည်။

ကယ်ထုတ် လာသည့် အလုပ်သမား ၁၁ ဦးအား ထိုင်းလူကုန်ကူးမှု တိုက်ဖျက်ရေး ရဲတပ်ဖွဲ့မှ ထိန်းသိမ်းထားပြီးနောက်တွင် နယ်စပ်သို့ ပြန်လည် ပို့ဆောင်မည် ဖြစ်သော်လည်း ထိုင်းလှေပိုင်ရှင်အား တစုံတရာ အရေးယူခြင်း မရှိသေးကြောင်း ဦးကျော်သောင်း က ပြောသည်။

၎င်းအလုပ်သမားများမှာ ဇွန်လ ၂၁ ရက်နေ့ကပင် ကော့သောင်း မြို့နယ်၊ ဆိပ်ဖူး ကျေးရွာမှ တရားမဝင် နယ်စပ်ဖြတ်ကျော် ဝင်ရောက် လာကြပြီး ယခုနေရာသို့ ရောက်ရန် ကားသုံဆင့် ပြောင်းစီးခဲ့ကြပြီး အချို့နေရာများ၌တောလမ်းခရီးမှ လမ်းလျှောက်ကာ လာရကြောင်း ပထမဆုံး လွတ်မြောက် လာသည့် ကိုမောင်မောင် (အမည်လွှဲ) က ပြောသည်။

“ပထမ ကျနော်တို့ မဲခေါင် တံတားအနီးက ငါးဂိုဒေါင်ထဲမှာ ထားတာ။ ဂိုဒေါင် အပြင်တောင် ပေးမထွက်ဘူး။ ထမင်းစားပြီးရင် လှေပေါ်မှာ အိပ်တယ်။ ဖြစ်နိုင်ရင်တော့ ဒီလိုလှေမျိုးကို ဘယ်သူမှ မလိုက်ချင်ဘူး။ ရနောင်းမှာတုန်းက သုံးဖို့ သူဌေးက ထုတ်ပေးထားတာ ဘတ် ၅,၀၀၀ တော့ ရှိတယ်။ ဒီအထဲက အချို့ကတော့ ရောင်းစား ခံထားရမှန်း အခုချိန်ထိ မသိရသေးတဲ့ လူတွေ ရှိတယ်” ဟု မဇ္ဈိမကို ပြောသည်။

၎င်းတို့ ၃၈ ဦးသည် အလုပ်သမားများ အခေါ် အင်ဒိုလှေ (ထိုင်းနှင့် မလေးရှား၊ အင်ဒိုနီးရှား ကမ်းလွန် ပင်လယ်၌ ငါးဖမ်းထွက်ရန် သွားသည့် လှေ)များတွင် အလုပ်လုပ်ရန် တဦးလျှင် ဘတ်ငွေ ၂၅,၀၀၀ ဖြင့် ရောင်းချခြင်း ခံရကာ ထိုထဲမှ ဘတ်ငွေ ၅,၀၀၀ အား ရနောင်း၌ ထုတ်ပေးခဲ့ခြင်း ဖြစ်သည်။

ပွဲစားများက လာရောက် ခေါ်ဆောင်စဉ် လိမ်လည် ပြောဆိုခဲ့ပြီး ခေါ်ဆောင်သွားခြင်း ဖြစ်ကြောင်းလည်း ကိုမောင်မောင် (အမည်လွှဲ) ၏ မိခင်ဖြစ်သူ ဒေါ်စိုးစိုး (အမည်လွှဲ)က မဇ္ဈိမကို ပြောသည်။

“လာခေါ်တော့ လှေထွက်ရင် ကြာမလားလို့ ကျမ မေးတယ်။ မကြာဘူးတဲ့။ အဲတော့ ထည့်ပေးလိုက်တယ်။ ထွက်စရိတ် ၅,၀၀၀ ပေးတယ်၊ လှေထွက်ဖြစ်ရင် ကျန်တဲ့ ၂၀,၀၀၀ ထပ်ပေးမယ် ပြောတယ်။ နောက်တော့ သားက ဖုန်းဆက် လာတယ်။ အမေ ၆ နှစ်လောက် ကြာမယ်တဲ့” ဟု ပြောပြသည်။

အဆိုပါ ကမ်းဝေး ငါးဖမ်းလှေ ကမ်းတခါ ပြန်ကပ်ရန် ၃ နှစ်မှ ၆ နှစ်အထိ ကြာမြင့် တတ်ကြောင်းလည်း ၎င်းက ဆက်ရှင်းပြသည်။ ထိုသို့ လှေလိုက်ခြင်းသည် ထိုင်းနိုင်ငံရှိ မြန်မာ နိုင်ငံသားများ လုပ်ကိုင်နေသည့် လုပ်ငန်းများအနက် အန္တရာယ် အကြီးမားဆုံးဖြစ်သည့် လုပ်ငန်း တမျိုးလည်း ဖြစ်သည်။

ထိုင်းနိုင်ငံသည် မြန်မာနိုင်ငံ ဒေသစုံမှ လူများ အများဆုံး လာရောက် အလုပ်လုပ်ကြသည့် အိမ်နီးချင်းနိုင်ငံ ဖြစ်ကာ အလုပ်သမား အခွင့်အရေး တက်ကြွှလှုပ်ရှားသူများ၏ ခန့်မှန်းချက်အရ ၂ သန်းခွဲခန့် ရှိမည်ဟု သိရသည်။ နှစ်နိုင်ငံ အစိုးရများအကြား တရားဝင် နားလည်မှုအရ နိုင်ငံကူး လက်မှတ်ဖြင့် တရားဝင် လာရောက်၍ အလုပ် လုပ်ကိုင်နိုင်ကြသော်လည်း ယခုကဲ့သို့ တရားမဝင် ခိုးဝင်မှုများ၊ လူကုန်ကူးခံရခြင်းမှာ ဆက်လက်ဖြစ်ပွားနေဆဲ ဖြစ်
သည်။

No comments:

နောက်ဆုံးတင်ပြီသမျှ..ဆက်ဖတ်ရန်...အောက်သို့