လျှိဝှက်ဥယျာဉ်

Search This Blog

Loading...

အဖွဲ့ဝင်မယ်..Followers

သတင်း


<<<< ကြိုဆိုပါတယ် ပျော်ရွှင်သောနေ့လေးဖြစ်ပါစေ >>>>

Wednesday, 17 July 2013

ပြည်ပနိုင်ငံများမှ Western Union ဖြင့် ငွေလွှဲဝန်ဆောင်မှု ဧရာဝတီဘဏ် ၃၈ခုတွင် လုပ်ဆောင်နိုင်

 ကမ္ဘာတစ်ဝန်းလုံးရှိ နိုင်ငံပေါင်း ၂၀၀ ကျော်ခန့်တွင် ငွေလွှဲဝန်ဆောင်မှု လုပ်ငန်းလုပ်ဆောင်နေသည့် အမေရိကန်အခြစိုက် Western Union က ဧရာဝတီဘဏ်နှင့် ချိတ်ဆက်၍ နိုင်ငံတကာက ငွေလွှဲခြင်းကို ယင်းဘဏ်ခွဲ ၃၈ ခုတွင် မိနစ်ပိုင်းအတွင်း လာရောက်ထုတ်ယူနိုင်ပြီဖြစ်ကြောင်း ဧရာဝတီဘဏ်၏ နိုင်ငံတကာဘဏ်ဌာနမှ ဒေါ်တင်မေဦးက မဇ္ဈိမသို့ပြောသည်။

“ငွေလာထုတ်တဲ့အခါ ငွေလွှဲလိုက်သူပေးလိုက်တဲ့ ကုတ်နံပါတ် ၁၀ ခုပါရမယ် ပြီးတော့ မှတ်ပုံတင်လည်း ပါရမယ်” ဟု ဒေါ်တင်မေဦးက ဆိုသည်။

ပြည်ပနိုင်ငံများတွင် အလုပ်လုပ်ကိုင်လျက်ရှိသော မြန်မာနိုင်ငံသား အလုပ်သမားများနှင့် စီးပွားရေးလုပ်ကိုင်နေသူများသည် ယင်းဝန်ဆောင်မှုကြောင့် မြန်မာနိုင်ငံသို့ အချိန်တိုအတွင်း ငွေလွှဲပို့နိုင်မည်ဖြစ်သည်။

ပြည်ပနိုင်ငံများမှ ငွေလွဲခြင်းကိုသာ လက်ခံနိုင်သေးပြီး မြန်မာနိုင်ငံမှ ငွေလွဲခြင်းကိုမူ ဆောင်ရွက်ပေးနိုင်ခြင်းမရှိသေးကြောင်းနှင့် ၀န်ဆောင်ခမှာ Western Union က သတ်မှတ်သည့်အတိုင်းပင် ဖြစ်သည်ဟု ဆက်ပြောသည်။

ဧရာဝတီဘဏ်သည် တစ်နှစ်အတွင်း ထပ်မံဖွင့်လှစ်မည့် ဘဏ်ခွဲပေါင် ၆၀ ခန့်တွင်လည်း Western Union ၏ ငွေလွှဲခြင်း ၀န်ဆောင်မှုကိုရရှိနိုင်မည်ဟု ယင်းဘဏ်ကထုတ်ပြန်ကြေငြာထားသည်။ အဆိုပါ ငွေလွှဲလုပ်ငန်းကြောင့် ပြည်ပတွင် သွားရောက်အလုပ်လုပ်ကိုင်ကြသော မြန်မာနိုင်ငံမှအလုပ်သမားများ လုံခြုံစိတ်ချစွာ ငွေလွှဲနိုင်မည်ဖြစ်ပြီး ယခင်က ဟွန်ဒီ (တရားမ၀င် ငွေလွဲလုပ်ငန်း) များကဲ့သို့ အမှားအယွင်းမရှိနိုင်တော့သဖြင့် ထိခိုက်နစ်နာမှုများလည်း နည်းပါသွားမည်ဟု မြန်မာနိုင်ငံလတ်မှတ်ရ ပြည် သူ့စာရင်းကိုင်အသင်း ဥက္ကဌ ဦးကျော်တင့်က မဇ္ဈိမသို့ ပြောသည်။

“ဒီလိုငွေလွှဲလုပ်ငန်းတွေက အခုလောလောဆယ်မှာတော့ အခွန်ကောက်တဲ့စနစ် မရှိသေးတဲ့အတွက်ကြောင့် တိုင်းပြည်အတွက် အခွန်ကတော့ရသေးမှာမဟုတ်ဘူး ဒါပေမဲ့ ဒီလိုမျိုးပြည်ပရောက် နိုင်ငံသားတွေရဲ့ စာရင်းဇယားကိုရနိုင်တဲ့အတွက်ကြောင့် စီးပွားရေးပေါ်လစီတွေ ချမှတ်တဲ့အခါ အကျိုးဖြစ်ထွန်းနိုင်တယ်”ဟု ၎င်းက မှတ်ချက်ပြုပြောသည်။

ယခင်က Western Union ငွေလွှဲလုပ်ငန်းသည် ပြည်တွင်းဘဏ် ခုနစ်ခုဖြစ်သော ပထမပုဂ္ဂလိကဘဏ်၊ မြန်မာအရှေ့တိုင်းဘဏ်၊ သမ၀ါယမဘဏ်၊ United Amara ၊ မြန်မာ့ရှေ့ဆောင်ဘဏ်၊ ကမ္ဘာ့ရတနာ အများပိုင်ဘဏ် (မြန်မာမွေးမြူရေးနှင့် ရေလုပ်ငန်းဖွံ့ဖြိုးရေးဘဏ်)၊ ကမ္ဘာဇဘဏ်တို့ နှင့် ချိတ်ဆက်ပြီး နောက်ပိုင်း ဧရာဝတီဘဏ်က ချိတ်ဆက်ခဲ့ခြင်း ဖြစ်သည်။

Western Union ငွေလွှဲလုပ်ငန်းသည် နိုင်ငံတကာမှငွေလွှဲပို့ခြင်းကို မြန်မာနိုင်ငံရှိ ယင်းနှင့်ချိတ်ဆက်ထားသော ပြည်တွင်းဘဏ်များတွင် ထုတ်ယူနိုင်ပြီး ယင်းငွေလွှဲဝန်ဆောင်မှုသည် နိုင်ငံတကာမှ မြန်မာနိုင်ငံအပေါ် ရင်းနှီးမြှုပ်နှံမှုနှင့် ကုန်သွယ်ရေး ပိတ်ဆို့မှုများ လျော့ချခဲ့ပြီးနောက်ပိုင်း ပထမဦးဆုံး ၀င်ရောက်လာသည့် နိုင်ငံတကာငွေလွှဲလုပ်ငန်း ဖြစ်သည်။

ယင်းငွေလွှဲ လုပ်ငန်းသည် စီးပွားရေး လုပ်ငန်းများနှင့် သုံးစွဲသူများအတွက် ကမ္ဘာတစ်ဝန်း ငွေပို့ပေးခြင်း ငွေလက်ခံပေးခြင်းနှင့် ငွေပေးချေခြင်းလုပ်ငန်းများကို နိုင်ငံပေါင်း ၂၀၀ ကျော်ရှိ ကိုယ်စားလှယ်ပေါင်း ငါးသိန်းကျော်ခန့်နှင့် ATM ငွေထုတ် စက်ပေါင်း တစ်သိန်းကျော်ခန့်တွင် ငွေလွှဲဝန်ဆောင်မှုကို ရရှိနိုင်ပြီး သုံးစွဲသူပေါင်း ၂၃၁ သန်းခန့်ရှိကြောင်း၊ စီးပွားရေးဆိုင်ရာ ငွေလွှဲမှုပေါင်း ၄၃၂ သန်းခန့်ရှိကြောင်း Western Union ကုမ္ပဏီ၏ သတင်းထုတ်ပြန်ကြောညာချက်တွင် ဖော်ပြထားသည်။

No comments:

နောက်ဆုံးတင်ပြီသမျှ..ဆက်ဖတ်ရန်...အောက်သို့