မြန်မာနိုင်ငံမှာ အလိုအပ်ဆုံးဖြစ်တဲ့ စီးပွားရေး ပြန်လည်ရှင်သန်ဖို့ တွန်းအားပေးတဲ့ အနေနဲ့ ရင်းနှီးမြှုပ်နှံမှုနဲ့ အခြေခံ အဆောက်အဦးအတွက် ဂျပန်စီးပွားရေး လုပ်ငန်းတွေက အကူအညီပေးမှာဖြစ်တယ်။ ဂျပန် ကော်ပိုရေးရှင်းကြီးတွေက သီလ၀ါ အထူးစီးပွားရေးဇုံ စီမံကိန်းမှာ ပူးပေါင်းဆောင်ရွက်ဖို့ နားလည်မှုစာချွန်လွှာလက်မှတ်ရေးထိုးပွဲမှာ ဂျပန် ၀န်ကြီးချုပ်က သက်သေအဖြစ်တက်ရောက်ခဲ့တာပါ။
အမျိုးသားစီမံကိန်းနဲ့ စီးပွားရေးဖွံ့ဖြိုးမှုဝန်ကြီးဌာန ဒုဝန်ကြီး ဦးဆက်အောင်က သီလ၀ါအထူးစီးပွားရေးဇုံ ဟာ ၂ နိုင်ငံ အစိုးရအတွက်ရော ပုဂ္ဂလိကကဏ္ဍတွေ အတွက်ပါ သမိုင်းမှတ်တိုင်ဖြစ်ပါတယ်လို့ဆိုပါတယ်။
မြန်မာပြည်အတွက် သိပ်လိုအပ်နေတဲ့ အလုပ်အကိုင်တွေဖန်တီးရေးနဲ့ စက်မှုနည်းပညာအထောက်အကူအတွက်ပါ အကျိုးရှိစေတယ် လို့ဆို ပါတယ်။ မြန်မာလူထုအတွက်သာမက ဂျပန်စီးပွားရေး လုပ်ငန်းရှင်တွေအတွက်ပါ ၂ ဦး ၂ ဘက် အကျိုးဖြစ်ထွန်းကြဖို့ မျှော်လင့်တယ်လို့လည်း ဦးဆက်အောင်ကမှတ်ချက်ချကြောင်း ရန်ကုန်ကလာတဲ့ AFP သတင်းတရပ်မှာ ဖေါ်ပြထား ပါတယ်။
ဗွီအိုအေ (မြန်မာပိုင်း)
 |
| မြန်မာနိုင်ငံကိုရောက်ရှိနေတဲ့ ဂျပန်ဝန်ကြီးချုပ် သီလဝါဆိပ်ကမ်းကို သွားရောက်လေ့လာစဉ်။ ( မေ ၂၅၊ ၂၀၁၃) |
No comments:
Post a Comment