ကပ္ပလီ ပင်လယ်ပြင်နဲ့ ဘင်္ဂလား ပင်လယ်အော် တောင်ပိုင်းတို့မှာ မုတ်သုံလေ အားကောင်းရာမှ အားအလွန် ကောင်းနေပြီး၊ ကျန်ဘင်္ဂလား ပင်လယ်အော်မှာ
မုတ်သုံလေအား ကောင်းနေပါတယ်။ စစ်ကိုင်းတိုင်း ဒေသကြီး အောက်ပိုင်းမှာ နေရာကွက်ကျား၊ မန္တလေးတိုင်း ဒေသကြီး၊ မကွေးတိုင်း ဒေသကြီးနဲ့ ကယား ပြည်နယ်တို့မှာ နေရာကျဲကျဲ၊ စစ်ကိုင်းတိုင်း ဒေသကြီး အထက်ပိုင်း၊ ပဲခူးတိုင်း ဒေသကြီး၊ ရှမ်းပြည်နယ်နဲ့ ချင်းပြည်နယ် တို့မှာ နေရာစိပ်စိပ်နဲ့ ကျန်တိုင်းဒေသကြီးနဲ့ ပြည်နယ် တို့မှာ နေရာအနှံ့အပြား မိုးထစ်ချုန်းရွာပြီး၊ တနင်္သာရီတိုင်း ဒေသကြီး၊ ကချင်ပြည်နယ်၊ ရခိုင်ပြည်နယ်နဲ့ မွန်ပြည်နယ် တို့မှာ နေရာကွက်ပြီး မိုးကြီး နိုင်ပါတယ်။
မြန်မာ့ကမ်းရိုးတန်း တစ်လျှောက်နဲ့ ကမ်းလွန် ပင်လယ်ပြင် တို့မှာ ရံဖန်ရံခါ မိုးသက်လေပြင်းများ ကျရောက်ပြီး၊ လှိုင်းကြီး နိုင်ပါတယ်။ မိုးသက် လေပြင်းကျစဉ် ရေပြင်/မြေပြင် လေဟာ တစ်နာရီကို မိုင် ၃၅ မှ မိုင် ၄၀ အထိ တိုက်ခတ် နိုင်ပါတယ်။ မနက်ဖြန် အတွက် ခန့်မှန်းချက်ကတော့ ကမ်းရိုးတန်း ဒေသတွေမှာ မိုးပို လာနိုင်ပါတယ်။
မှတ်သားဖွယ်ရာ မိုးရေချိန်တွေ ကတော့-
ဘီလင်းမြို့မှာ -(၄.၃၇) လက်မ၊
မြိတ်မြို့မှာ -(၃.၇၁) လက်မ၊
ပလက်ဝမြို့မှာ -(၂.၈၀) လက်မ၊
လောင်းလုံမြို့မှာ -(၂.၃၂) လက်မ၊
ဂွမြို့မှာ -(၂.၂၄) လက်မ၊
ခန်္တီးမြို့မှာ -(၁.၉၃) လက်မနဲ့
ကျိုင်းတုံမြို့မှာ -(၁.၈၉) လက်မတို့ ဖြစ်ကြပါတယ်။
နေပြည်တော်နဲ့ အနီးတစ်ဝိုက် အတွက်နဲ့ ရန်ကုန်မြို့နဲ့ အနီးတစ်ဝိုက်တို့ အတွက် ဒီကနေ့ညနေ အထိ ခန့်မှန်းချက် ကတော့ မိုးတစ်ကြိမ်၊ နှစ်ကြိမ် ထစ်ချုန်း ရွာပါမယ်။ မန္တလေးမြို့နဲ့ အနီးတစ်ဝိုက် အတွက် ဒီကနေ့ ညနေအထိ ခန့်မှန်းချက် ကတော့ နေရာကွက်ကျား မိုးထစ်ချုန်း ရွာပါမယ်။
No comments:
Post a Comment