လျှိဝှက်ဥယျာဉ်

Search This Blog

အဖွဲ့ဝင်မယ်..Followers

သတင်း


<<<< ကြိုဆိုပါတယ် ပျော်ရွှင်သောနေ့လေးဖြစ်ပါစေ >>>>

Thursday, 15 August 2013

မီးပြတ်၍ ဓါတ်လှေခါးအတွင်း ပိတ်မိသူ အမျိုးသမီးနှစ်ဦး မီးသတ်တပ်ဖွဲ့မှ ကယ်တင်ခဲ့ရ

မီးပြတ်၍ ဓါတ်လှေခါးအတွင်း ပိတ်မိသူ အမျိုးသမီးနှစ်ဦး မီးသတ်တပ်ဖွဲ့မှ ကယ်တင်ခဲ့ရ

သြဂုတ် ၁၄ ရက် ညနေ ၃ နာရီ ၅၅ မိနစ်ခန့်က လျှပ်စစ်မီး ရုတ်တရက် ပြတ်တောက်သွားသဖြင့်    ဗိုလ် တထောင်မြို့နယ် (၁ဝ) ရပ်ကွက် ၄၅ လမ်း(အထက်) -အမှတ် ၁၅၈၊ ၁ ခန်း ရှစ်ထပ်တိုက်၏  ခြောက်လွှာထပ်နှင့် ခုနစ်လွှာအကြားအရောက်၌ ဓာတ် လှေကားရပ်သွားရာ  အမျိုးသမီးနှစ်ဦး   ဓာတ်လှေကားအတွင်း   ပိတ်မိနေ ကြောင်း    မီးပြန်လာသော်လည်း    ဓာတ်လှေကားမှာ  ပြန်လည်အတက် အဆင်းမလုပ်နိုင်ဘဲ   ပိတ်မြဲပိတ်နေ သည်ဟု      ၄င်းတိုက်ဝန်းကျင်မှ သတင်းရရှိသည်။

ဆက်လက်  စုံစမ်းစစ်ဆေးခဲ့ရာ တိုင်းမီးသတ်တပ်ဖွဲ့သို့   သတင်းပေး ထားကြောင်း မီးသတ်တပ်ဖွဲ့ဝင်များ ထွက်လာနေပြီဖြစ်ကြောင်း သိရှိခဲ့ရ သည်။

အခင်းဖြစ်ရာသို့ ကျောက်တံတား မြို့နယ် မီးသတ်တပ်ဖွဲ့စခန်းမှ ဒုတိယ မီးသတ်ဦးစီးမှူး    ဦးကျော်သူရနှင့် မီးသတ်တပ်ဖွဲ့ဝင် ခုနစ်ဦးတို့ ညနေ ၄ နာရီကျော်၌ ရောက်ရှိလာကြောင်း တွေ့ရသည်။

မီးသတ်တပ်ဖွဲ့ဝင်များက  ပိတ် နေသော     ဓာတ်လှေကားတံခါးကို သံတူရွင်းဖြင့် ကြိုးစားဖွင့်ခဲ့ရာ ညနေ ၄ နာရီ ၁၅ မိနစ်ခန့်တွင် တံခါးပွင့်သွား သဖြင့် အတွင်းအပေါက်ငယ်မှ ပိတ်မိ နေသော     အမျိုးသမီးနှစ်ဦးအား ခက်ခက်ခဲခဲ     မတင်ကယ်ထုတ်ခဲ့ရ သည်။ (ဝဲပုံ)

ပိတ်မိနေသော အမျိုးသမီးနှစ်ဦး မှာ ကုမ္ပဏီဝန်ထမ်းများဖြစ်သည်ဟု သိရပြီး အင်းစိန်မြို့နယ် ရွာမအရှေ့ ရပ်ကွက် သီရိမင်္ဂလာလမ်းနေ ဒေါ်မြင့် မြင့်ဦး အသက်(၃၅)နှစ်နှင့် ဒဂုံမြို့သစ် (တောင်ပိုင်း)  မြို့နယ် (၁၇) ရပ်ကွက်   ကံ့ကော်မြိုင် ၂ လမ်းနေ  ဒေါ်ရွှေ ယမင်းဦး    အသက်(၂၂) နှစ်တို့ဖြစ် ကြောင်း စုံစမ်းသိခဲ့ရသည်။

¤င်းအဆောက်အအုံတွင် တပ် ဆင်ထားသော  ဓာတ်လှေကားတွင် န.ျွ.ီစနစ် တပ်ဆင်ထားသော်လည်း  ထိုဓာတ်လှေကားရှိ   ဘက်ထရီအိုးမှာ အားနည်းနေသောကြောင့် လျှပ်စစ် ပြတ်တောက်ချိန်တွင် တစ်ပေခန့်သာ ရွေ့လျားနိုင်ပြီး ရပ်တန့်သွားကြောင်း၊  ထို့အတွက်   တိုက်ခန်းပိုင်ရှင်အား   ဘက်ထရီအိုး   အသစ်လဲလှယ်ရန်  မီးသတ်တပ်ဖွဲ့က အကြံပေးခဲ့သည်ဟု သိရသည်။

No comments:

နောက်ဆုံးတင်ပြီသမျှ..ဆက်ဖတ်ရန်...အောက်သို့