ငြိမ်းချမ်းရေးနိုဘဲလ်ဆု ချီးမြှင့်ခံခဲ့ရတာ (၂၁)နှစ် ကြာမြင့်ခဲ့ပြီးတဲ့နောက် နော်ဝေနိုင်ငံ အော်စလိုမြို့မှာ နိုဘဲလ်ဆု လက်ခံမိန့်ခွန်း ပြောကြားနိုင်ခဲ့ပြီဖြစ်တဲ့ ဒေါ်အောင်ဆန်းစုကြည်ဟာ အလွန့်အလွန် ပြောင်မြောက်တဲ့စွမ်းဆောင်ချက်တွေနဲ့အတူ သန်းနဲ့ချီတဲ့ လူထုတွေအတွက် မျှော်လင့်ချက်ရောင်ခြည် ပေးနိုင်ခဲ့ပါပြီလို့ အီးယူအကြီးအကဲ မစ္စတာ ဟိုဆေး မဲနူယယ် ဘာရိုဆိုက မနေ့က ပြောကြားလိုက်ပါတယ်။
အလားတူ - မြန်ဆန်လှတဲ့ ပွင့်လင်းမှုနဲ့အတူ ဒီမိုကရေစီလမ်းကြောင်းပေါ်ကို လျှောက်လှမ်းလာမယ်လိမ့်မယ်ရယ်လို့ လွန်ခဲ့တဲ့ လေးငါးနှစ်တုန်းက တွေးတောစဉ်းစားလို့ မရနိုင်ခဲ့တဲ့ မြန်မာနိုင်ငံကို ဦးဆောင်ပြောင်းလဲနေတဲ့ သမ္မတ ဦးသိန်းစိန်ဟာလည်း သူရသတ္တိနဲ့ ပြည့်စုံပါပေတယ်လို့ အီးယူအကြီးအကဲက ချီးကျူးပြောဆိုလိုက်ပါတယ်။
မြန်မာနိုင်ငံရဲ့ ပြုပြင်ပြောင်းလဲမှုတွေဟာ ရှေ့ကို ဆက်သွားနေမှာဖြစ်တယ်လို့ မိမိတို့မျှော်လင့်ကြောင်း၊ ပြဿနာတွေ နက်ရှိုင်းလှတဲ့ မြန်မာပြည်အတွက် အမျိုးသားပြန် လည် သင့်မြတ်ရေးဟာ အရေးကြီးနေဆဲဖြစ်ကြောင်း၊ အီးယူအနေနဲ့ ဒေါ်အောင်ဆန်းစုကြည်ကို ဆက်လက် အားပေးထောက်ခံ သွားမှာဖြစ်သလို၊ မြန်မာပြည်ကိုလည်း နိုင် ငံတကာမိသားစုအလယ်မှာ ထိုက်တန်တဲ့နေရာရအောင် ပံ့ပိုးကူညီသွားမှာဖြစ်ကြောင်း ပေါ်တူဂီ ၀န်ကြီးချုပ်ဟောင်း၊ အီးယူအကြီးအကဲ မစ္စတာ ဟိုဆေးဘာရိုဆိုက ပြော ကြား လိုက်ပါတယ်။
နိုဘဲလ်ဆုကော်မတီ ဥက္ကဋ္ဌ Mr. Thorbjorn Jagland ကလည်း ၁၉၉၁ ခုနှစ် ငြိမ်းချမ်းရေးနိုဘဲလ်ဆုရှင် ဒေါ်အောင်ဆန်းစုကြည်ကို ကြိုဆိုနှုတ်ခွန်းဆက်စကား ပြောကြား ခဲ့ရာမှာ တရုတ်ပြည်မှာ အကျဉ်းကျခံနေရတဲ့ ၂၀၁၀ ခုနှစ် ငြိမ်းချမ်းရေးနိုဘဲလ် ဆုရှင် လျူရှောက်ပိုကိုလည်း အော်စလိုကိုလာရောက်ပြီး ဆုလက်ခံနိုင်စေလိုကြောင်း၊ လျူရှောက်ပို အနေနဲ့ ဒေါ်အောင်ဆန်းစုကြည်လောက် နှစ်ကာလကြာရှည်စောင့်ဆိုင်းရမှာ မဟုတ်ဘူးလို့လည်း မျှော်လင့်ကြောင်း ထည့်သွင်းပြောကြားခဲ့ပါတယ်။
ဖမ်းဆီးခံ ရခိုင် ၉ ဦးအား ပြန်လွှတ်ပေးရန် ကျောက်တော်လူထု တောင်းဆို
“စံကားတောင်ရွာကို စစ်တပ်နဲ့ ရဲတွေရောက်နေတဲ့အချိန်မှာ အဲဒီအဓိကရုဏ်းကပြီးသွားပြီ၊ အဲဒီတော့ ရွာထဲက ဘုန်းကြီးကျောင်းမှာ လုံခြုံရေးကင်း စောင့်နေကြတဲ့ ရွာသား ၉ဦးနဲ့ သံဃာ တစ်ပါးကို ဖမ်းဆီးသွားတယ်၊ သင်္ဃာတစ်ပါးကိုတော့ ညတွင်းချင်းဘဲ ပြန်လွှတ်ပေးလိုက်တယ်။ ဖြစ်တာက နှစ်ဘက်လုံးကဖြစ်တာဘဲ၊ အဲဒါ ဘင်္ဂလီမူဆလင်တွေကိုကျတော့ မဖမ်းဘဲနဲ့ ဘုန်ကြီးကျောင်းမှာ လုံခြုံရေးစောင့်နေကြတာကို ဖမ်းသွားတော့ လူထုတွေက မခံမရပ်နိုင်ဖြစ်နေကြတယ်” ဟု ကျောက်တော်မြို့ခံ တစ်ဦးမှ ပြောပြသည်။
ဖမ်းဆီးခံရသူ ၉ဦးအား ပြန်လည်လွှတ်ပေးရန် ကျောက်တော်လူထု ၁၀၀၀ခန့်သည် နံနက်၁၀နာရီတွင် ကျောက်တော်ပန်းခြံထဲ၌ ငြိမ်းချမ်းစွာ တောင်းဆိုနေခြင်းကို အနောက်ပိုင်းတိုင်း စစ်ဌာနချူပ် (စကခ-၉) တပ်ရင်းမှ အင်းအား ၆၀ခန့်ဖြင့် ဤတောင်းဆိုပွဲအား ရပ်တန့်ရန်နှင့် လူစုခွဲရန် သေနတ်ဖြင့် အကျအနချိန်ရွယ်ပြီး ခြိမ်းခြောက်ခဲ့ကြောင်း သိရှိရသည်။
“စကခ-၉ တပ်ရင်းက စစ်သား ၆၀လောက်ရှိက ငြိမ်းချမ်းစွာ တောင်းဆိုနေတဲ့ လူထုတွေကို စည်းသုံးခု ကြောင်းပြီး၊ ဒီစည်းကျော်ရင် ပစ်လိုက်မယ်၊ အခုချက်ချင်း လူစုမခွဲဘူးလား၊ မခွဲရင် ပစ်ထည့်လိုက်မယ်ဆိုပြီး လူတွေကို ခြိမ်းခြောက်ပါတယ်။ အဲလိုခြိမ်းခြောက်တော့ တစ်ချို့လူတွေလည်း ပြန်လိုသူပြန်သွားကြတယ်၊ ဒါပေမယ့် လူ ၅၀၀ကျော်လောက် ကျန်ခဲ့ပြီး ကျနော်တို့ သူတို့ပစ်ရင်လည်း ပစ်ဆိုပြီး ငြိမ်းချမ်းစွာဘဲ ဖမ်းဆီးသွားတဲ့ ၉ဦးနဲ့ သံဃာတော် တစ်ပါးကို ပြန်လွှတ်ပေးရန် ဆက်လက် တောင်းဆိုခဲ့ပါတယ်”ဟု တောင်းဆိုပွဲတွင် ပါဝင်တဲ့ ကိုအောင်ကျော်မြတ်က Arakan Times သို့ပြောသည်။
စစ်တပ်က ငြိမ်းချမ်းစွာတောင်းဆိုနေသူများအား ယခုလို ခြိမ်းခြောက်ပြောဆိုနေစဉ် နေ့လည် ၂း၀၀နာရီခန့်တွင် မြို့နယ်အုပ်ချူပ်ရေးမှူး ရောက်လာပြီး ဖမ်းဆီးခံရသူ ၉ဦးအား စစ်ဆေးမေးမြန်းပြီး ပြစ်မှုတစ်စုံတစ်ရာမရှိက ပြန်လည် လွှတ်ပေးမည်ဟု လူထုကိုပြောကြားပြီး နေ့လည် ၂း၄၅ နာရီတွင် တောင်းဆိုပွဲပြီးဆုံးခဲ့ကြောင်း သိရှိရသည်။
ဖမ်းဆီးခံ ၉ဦးအား ကျောက်တော်မှ စစ်တွေသို့ စစ်တပ်ခေါ်ဆောင်သွား
ကျောက်တော်မြို့ စံကားတောင်ရွာတွင် ဘင်္ဂလီမူဆလင် အဓိကရုဏ်းကြောင့် ဖမ်းဆီးခံခဲ့ရသူ ၉ဦးအား ပြန်လည်လွှတ်ပေးရန် ကျောက်တော်လူထုက ယနေ့ တောင်းဆိုခဲ့သော်လည်း စစ်တပ်မှ ယနေ့ညနေတွင် ကျောက်တော်မှ စစ်တွေသို့ ခေါ်ဆောင်သွားကြောင်း သိရှိရသည်။
ဖမ်းဆီးခံ ၉ဦးအား ပြန်လွှတ်ပေးရန် ယနေ့နံနက် ၁၀နာရီခန့်က ကျောက်တော်မြို့ရှိ လူထု ၁၀၀၀ခန့်က တောင်းဆိုခဲ့ပြီးနောက် နေ့လည် ၂း၄၅ နာရီ လူစုခွဲပြီးနောက်ပိုင်း၊ မြို့နယ်အုပ်ချူပ်ရေးမှူးရုံးတွင် အုပ်ချူပ်ရေးမှူးနှင့် မြို့မိ၊မြို့ဘများ ယင်းဖမ်းဆီးခံ ၉ဦးအား ပြန်လည်လွှတ်ပေးရန် ဆွေးနွေးနေချိန်တွင် စစ်တပ်မှလာပြီး ယင်း၉ဦးအား စစ်တွေသို့ စစ်ကားဖြင့် ခေါ်ဆောင်သွားကြောင်း သိရှိရသည်။
“အခုသူတို့ကို ဘာဖြစ်လို့ဖမ်းသွားတယ်၊ ဘာကြောင့်မလွှတ်ပေးတာလဲ ဘာမှမသိလိုက်ရဘူး။ စစ်တပ်က မတရားအားတင်တယ်၊ ခုဘာလုပ်ဖို့ စစ်တွေကို ခေါ်သွားတာလည်း ခုချိန်ထိ ကျနော်တို့မသိရသေးဘူး။ သူတို့ပြောတာတော့ ဒီမှာထားလို့မဖြစ်တော့လို့ ခေါ်သွားတာလို့ အုပ်ချူပ်ရေးမှူးကပြောတယ်”ဟု ကျောက်တော်မြို့ခံတစ်ဦးမှ ပြောပြသည်။
ဇွန်လ ၁၇ရက် နံနက် ၄နာရီကျော်ခန့်က ကျောက်တော်မြို့ အလယ်တန်း ကုလားရွာတွင် မီးလောင်မှုဖြင့် စုံစမ်းစစ်ဆေးခြင်းမရှိဘဲ စစ်တပ်မှ ဖမ်းဆီးထားသော ရခိုင် ၄ဦးမှာလည်း ယခုချိန်ထိ ရဲစခန်းသို့ မရောက်ရှိဘဲ ကျောက်တော်စစ်တပ်ထဲမှာ ရှိနေသေးကြောင်း သိရှိရသည်။ ကျောက်တော် စကခ-၉ တပ်ရင်းသို့ ဘင်္ဂလီမူဆလင်များ ၂၄နာရီ အ၀င်ထွက်လုပ် သွားလာလျက်ရှိကြောင်းလည်း မျက်မြင်များက ဆိုသည်။
“စံကားတောင်က ၉ဦးကိုတော့ စစ်တပ်က စစ်တွေကိုခေါ်သွားပြီ၊ ကျွန်တော်တို့က ရဲစခန်းကိုသွားမေးတယ် မနက်ကဖမ်းလာတဲ့ အလယ်တန်းရွာက ၄ ယောက် ဘယ်ရောက်နေလို့မေးတော့၊ စစ်တပ်က မပို့လာသေးဘူးလို့ ပြောတယ်။ စစ်တပ်ကိုသွားမေးတော့လည်း ရဲစခန်းကို သွားပို့ပြီတဲ့၊ တပ်ရင်းမှူးနဲ့တွေ့မယ်ဆိုတော့လည်း တွေ့လို့မရဘူးတဲ့။ ခုနလေးကတော့ ၄ယောက်ထဲက ၁ယောက်တော့ လွတ်လာပြီပြောတယ်၊ ကျန်တဲ့ ၃ယောက်တော့ ဘယ်ရောက်နေလဲ မသိဘူး”ဟု ကျောက်တော်မြို့ တစ်ဦးက ဆက်ပြောပြသည်။
No comments:
Post a Comment