မစွမ်းနိုင်တာ မရှိပါ
ကြက်တူရွေးပင် စကားသင်ပေး
ပြောတတ်သေး၏။
မျောက်ကလေးပင် လူတို့ သင်ပေး
က တတ်သေး၏။
ငါကား လူသား ၊ ငါလူသားတည်း။
လူသားတို့ မာန် လုံ့ လသန်၍
ဥာဏ်ရည်ကိုပြု ဇွဲဖြင့်တုသော်
ဤလူ့ ပြည်မှာ မစွမ်းရာ
ဘယ်ဟာမရှိကြ။
(တိပိဋကယောဆရာတော်)
အန္တရာယ်ကင်းစွာ ၀တ်ဆင်ပါ
လှပနုနယ် ညီမငယ် ၊ လုံလုံခြုံခြုံ ၀တ်ဆင်ကွယ်။
မလုံမခြုံ ၀တ်ဆင်က ၊ ဘေးရန်ဒုက္ခ တွေ့ တတ်လှ။
မိုးဦးကျတော့ ဖားငယ်ဟာ ၊ သူ့ သဘာဝ အော်တဲ့အခါ။
မြွေရောက်လာကာ အော်နေတဲ့ ၊ ဖားကို ကိုက်ကာ မျိုသကွဲ့ ။
လှပလိုတဲ့ ညီမငယ် ၊ မလုံမခြုံ ၀တ်ရင်ကွယ်။
အန္တရာယ်ကို ကိုယ့်တည့်တည့် ၊ ဖိတ်ခေါ်နေရာ ရောက်တယ်ကွဲ့ ။
ဒါကြောင့်မို့ ကွယ် ညီမငယ် ၊ ဖားသူငယ်လို မဖြစ်ဖို့ ကွယ်။
ကြိုတင်ကာကွယ် အနေနဲ့ ၊ လုံလုံခြုံခြုံ ၀တ်ဆင်ကွဲ့ ။
(ရွှေသုဝဏ်ဆရာတော်)
တောက်ခေါက်သံ(၁၀)ချက်
၁။ ငယ်စဉ်ကလျှင် ၊ ပညာသင် ၊ မသင်နောင်တ ၊ တောက်ခေါက်ရ။
၂။ စီးပွါးဥစ္စာ ၊ ရှာချိန်မှာ ၊ မရှာနောင်တ ၊ တောက်ခေါက်ရ။
၃။ နှစ်ဦးချစ်ခြင်း ၊ ဖြိုဖျက်ခွင်း ၊ မယွင်းနောင်တ ၊ တောက်ခေါက်ရ။
၎။ သတ်ပုတ်ညှင်းဆဲ ၊ ထိုသူလည်း ၊ မလွဲနောင်တ ၊ တောက်ခေါက်ရ။
၅။ သူကြင်မယား ၊ လွန်ပြစ်မှား ၊ ကြီးမားနောင်တ ၊ တောက်ခေါက်ရ။
၆။ ဥစ္စာပေါမူ ၊ မပေးလှူ ၊ ထိုသူနောင်တ ၊ တောက်ခေါက်ရ။
၇။ မိဘကိုပင် ၊ မကျွေးချင် ၊ သေလျှင်နောင်တ ၊ တောက်ခေါက်ရ။
၈။ မိဘစကား ၊ ပစ်ပယ်ရှား ၊ ကြီးမားနောင်တ ၊ တောက်ခေါက်ရ။
၉။ သူကောင်းကျမ်းတတ် ၊ မဆည်းကပ် ၊ မှတ်လေနောင်တ ၊ တောက်ခေါက်ရ။
၁၀။ ကုသိုလ်ကောင်းမှု ၊ ဘာတစ်ခု ၊ မပြုနောင်တ ၊ တောက်ခေါက်ရ။
(နောင်တ တရားဆယ်ပါးပင်တည်း)
လက်တို့ ပြီးတော့ ပြောရအုံးမယ်
အပြုံး တရားကို လူတိုင်းအား ပေးပါ။
အမုန်း တရားကို ဘယ်သူ့ ကိုမှ မပေးပါနဲ့ ။
နှလုံးသား နှင့် ယုံကြည်မှုကိုတော့ ပေးသင့်သူကိုမှ ပေးပါ။
No comments:
Post a Comment