နွေရက်ရဲ့ ညတစ်ညမှာ....... လမင်းကြီးကတော်တော် သာနေတယ်...... လရောင်အောက်မှာ အေးမြခြင်းတွေကို ရှာ
ဖွေရတာလဲ လိုချင်တာကို မရပေမဲ့ ခဏတော့ ကျေနပ်စရာတွေ အတိနဲ့ပေါ့...... လရောင်လေး ကွယ်ပျောက်မသွားခင်မှာလေ.....။
ဒီလရောင်ကို ခံစားရင်း လေညှင်းလေးလဲ ပွေ့ဖက်သွားလေရဲ့ နောက်ပြီး ညမွှေးပန်းရနံ့လေးတွေလဲသင်းပျံ့သွားလေရဲ့
နှင်းလိုလို မြူလိုလိုနဲ့ ညကောင်လေးတွေရဲ့ တကျစ်ကျစ်အော်မြည်သံလေးတွေကလဲ ရင်ထဲမှာ လှပနေခဲ့တယ်.....။
နေ့ကို ရင်မဆိုင်ချင်ပါဘူး.. ပူလောင်တဲ့ ဘ၀ကို ဖြတ်သန်းနေရတာ... ပင်ပန်းလွန်းလှပြီလေ..... အေးမြချင်တယ်.....
ငြိမ်းချမ်းစွာ ရှင်သန်နေချင်တယ်... အေးမြငြိမ်းချမ်းခြင်းတွေကိုလဲ.... မျှော်လင့်တမ်းတမိပါတယ်...... တကယ်တော့ အေးမြခြင်းဆိုတာ
ဘယ်လိုအရာလဲလို့......... ယောင်နနနဲ့ ခဏခဏ တွေးလဲ တွေးခဲ့ဖူးပါတယ်..... ဒါပေမဲ့......။
``ကို..... အတူတူနေချင်တယ်ကွာ.....´´ မျှော်လင့်တကြီး ပြောလာတဲ့ ချစ်သူမျက်နှာကို ကြည့်မိတယ်.... ပြီးတော့ တစ်
ခုခုကို ပြောမလို့...... ပြောမထွက်ခဲ့ဘူး...... ``ကိုယ်လဲ အတူနေချင်ပါတယ်...´´ လို့ ပုခုံးပေါ်ကို မှီထားတဲ့ ချစ်သူရဲ့ ခေါင်းလေးကို နမ်းရင်း
မချိတင်ကဲ ပြောဖြစ်ခဲ့တယ်... တကယ်တော့ ဒီစကားလေးမှာ တာဝန်တွေ မဲ့နေခဲ့တယ်..... အားအင်တွေ ဆုတ်ယုတ်နေခဲ့တယ် ဆိုတာကို
ကိုယ်တိုင်အသိဆုံးပါပဲ.........
`` ကို မေလေးကို ချစ်လားဟင်....´´ ခဏခဏ မေးတတ်တဲ့ စကားပါပဲ....... မေးတိုင်းလဲ ဝေေ၀ဆာဆာ ပြန်မဖြေ ဖြစ်
ခဲ့ပါဘူး...... လေပူနောက်က လိုက်လာတဲ့ `` အင်း....´´ဆိုတဲ့ စကားလုံးက လွဲရင်ပေါ့......။ `` မေလေးလေ...... ကို့ကို အရမ်းချစ်တယ်...
သိလား......´´ တစ်ခါတစ်လေမှာ ညှိုးလျော်နေတဲ့ မျက်နှာနဲ့ ချိနဲ့တဲ့ မျက်ဝန်းတွေကို မေလေးကို မတွေ့စေချင်ပါဘူး.... မေလေး ၀မ်းနည်း
မှာ စိုးလို့လေ....... နောက်တစ်ခုကလဲ.........။
`` ကိုလေ....... မေလေးနဲ့အတူ..... လှပတဲ့ ဥယျာဉ်ကြီးထဲကို ရောက်ခဲ့ဘူးတယ်...... နောက်ပြီး တိမ်တွေ ပေါ်မှာလဲ
အတူတူ ပြေးလွှားဆော့ကစားခဲ့တယ်.... ပြီးတော့လေ.... ပန်းတွေ တစ်ပင်လုံးပွင့်နေတဲ့..... မွှေးပျံ့တဲ့ ပန်းပင်ကြီးရဲ့ အောက်မှာ ထိုင်ရင်း
မေလေးကို ဖြည်းဖြည်းလေး နမ်းခဲ့တယ်လို့...... အိပ်မက်မက်ခဲ့တယ်..... ကို အရမ်း ပျော်ခဲ့တယ်မေလေးရယ်... အိပ်မက်ကနိုးတော့လေ
ကိုယ်ကျေနပ်နေတယ်... သိလား......´´ ထူးဆန်းတဲ့ အိပ်မက်ဇာတ်လမ်းလေးကို ပြောပြတော့ မေလေးမျက်ဝန်းထဲမှာ အရောင်တွေလဲ့နေ
လေရဲ့......
`` ဟုတ်လား.... အကြာကြီးပဲလားဟင်.... မေလေးလဲ မက်ချင်လိုက်တာ.... ပန်းပင်ကြီးက ပန်းလေးတွေ ကြွေကျ
နေလား ကို..... မေလေးသာဆိုရင်လေ..... ပန်းပွင့်တွေပေါ်မှာ လှဲချလိုက်မယ်.. ပြီးတော့ ကို့ လည်ပင်းကို လက်နှစ်ဘက်နဲ့ဖက်ထားမှာ..
သိလား..´´ ကျွန်တော် မေလေးကို ပြုံးကြည့်ရင်းကျေနပ်နေခဲ့ပါတယ်......
`` ပြီးတော့ရော..... ဖက်ထားပြီးတော့လေ....´´ မျက်ခုံးလေးချီရင်း မေးလိုက်တယ်.......
`` ပြီးတော့ ကို့ ကို အကြာကြီး နမ်းမှာပေါ့...... ဒီလိုလေ...... ပြောရင်း ပါးကို ဖိနမ်းထားခဲ့တယ်..... အကြာကြီးပါပဲ..။
တကယ်တော့ ဒီအိပ်မက်လေးက ကျွန်တော် အိပ်ပျော်နေတုန်း မက်ခဲ့တဲ့ အိပ်မက် မဟုတ်ပါဘူး..... နိုးနေစဉ်မှာပဲ
မေလေးနဲ့ အတူ ဖြစ်ချင်တဲ့ ဆန္ဒလေးကိုပုံဖော်ထားတဲ့ စိတ်ကူးအိပ်မက်လေးပါ........ ကျွန်တော်နဲ့ မေလေး နှစ်ယောက်အတူ ပျော်စရာ
ကမ္ဘာလေးကို တည်ဆောက်နိုင်ဖို့........ဆိုတာ..... တွေးရင်း ၀မ်းနည်းလာမိတယ်..... ကျွန်တော် ၀မ်းနည်းခြင်းတွေကိုတော့ မေလေးကို
ဘယ်တော့မှ အသိမပေးပါဘူး...... မေလေး ၀မ်းနည်းနေမှာပေါ့..... ပြီးတော့ မေလေးအားငယ်နေမယ်လေ......
အချိန်တွေက တစ်ရွေ့ရွေ့ တိုက်စားလာနေပြီ...... မကြာခင်မှာ ကျွန်တော် မေလေးကို အပြီးတိုင် ခွဲသွားရတော့မယ်
ကျွန်တော့်အတွက် ရက်တွေ သိပ်မကျန်တော့ဘူးလေ...... အဲဒီအချိန်မှာ မေလေး..... တစ်ယောက်ထဲ ဘယ်လိုများ ကျန်ရစ်နေခဲ့မလဲလို့
ခဏခဏ စဉ်းစားဖြစ်ခဲ့တယ်... မေလေးစိတ်ကို ကျွန်တော် နားလည်ပါတယ်.. ခိုင်မာတဲ့ တည်ကြည်တဲ့စိတ်ထားလေးတွေကို မေလေးပိုင်
ဆိုင်ထားတယ်လေ....... ကောင်းတူဆိုးဘက်ဆိုတဲ့ သံယောဇဉ်လေးတွေကိုလဲ မေလေးပိုင်ဆိုင်ထားပါတယ်......
ဆရာဝန်က ပြောထားတယ်.... အဓိကအားဖြင့် စိတ်ချမ်းသာအောင်နေပါတဲ့..... ကိုယ်လက်လှုပ်ရှားလဲ မပြတ်လုပ်
ပေးပါ.... ကျန်းမာရေးကို အထူးဂရုစိုက်ပါတဲ့...... အာရုံကြောအားနည်းတဲ့ ရောဂါရော..... ကားမှောက်ထားတဲ့ ဒဏ်ကြောင့်ကျောရိုး ထိ
ုခိုက်ပြီး အာရုံကြောမကြီး နာနေတာရော...... မကြာခင်ကမှ ရခဲ့တဲ့ နှလုံးရောဂါရော..... ကျွန်တော့်ကို ခြောက်လှန့်နေကြတယ်.....။
ကျွန်တော်လေ..... ပျော်စရာဘ၀လေးကို စိတ်ကူးတွေယဉ်ခဲ့ဘူးတယ်..... ဒီစိတ်ကူးယဉ်မှုထဲမှာ မေလေးက အမြဲ
အနားမှာ ရှိနေခဲ့ဘူးတယ်.... မေလေးနဲ့ လက်ထပ်တယ်... ပြီးတော့ လှပတဲ့ တစ်နေရာကို လျှောက်လည်ကြတယ်.... နောက်မေလေးမှာ
ကိုယ်ဝန်ရလာတယ်.... ကျွန်တော်က မေလေးစားချင်တာတွေကို ကိုယ်တိုင်လုပ်ကျွေးတယ်တဲ့...... အဲဒီထဲမှာ ပင်လယ်ကမ်းစပ်က
သဲသောင်ခုံပေါ်မှာ မီးပုံလေးပုံရင်း မေလေး ကြိုက်တတ်တဲ့ ပုစွန်တွေကို ကင်ကျွေးနေတယ်လို့လဲ....ပါတယ်။ ပြီးတော့ ကိုယ်ဝန်ဆောင်..
မေလေးကို ပါးစပ်တွေကိုလဲ လက်သုပ်ပုဝါလေးနဲ့ သုပ်ပေးခဲ့တယ်ဆိုတာလဲ ပါတယ်...... နောက်ပြီး ရေချိုးပြီးတော့.... မေလေးကို ကိုယ်
တိုင် သနပ်ခါးလေး လူးပေးခဲ့တယ်တဲ့.....
ဒီစိတ်ကူးလေးတွေနဲ့ နေရတဲ့ အချိန်မှာ ကျွန်တော် ကျေနပ်နေခဲ့တယ်လေ....... စိတ်ကူးလေး လွင့်ပျောက်သွားတဲ့
အချိန်မှာ ကြောက်စိတ်တွေ ရောက်ရောက်လာတယ်.... ဒီလို ကြောက်မိတိုင်းမှာလဲ ဘယ်ဘက်ရင်အုံက စူးအောင့်နေအောင် ခံစားရတယ်
ခေါင်းတွေလဲ ထိုးလာတယ်...... မေလေးရေ....... ခွဲခွါခြင်း လက္ခဏာတွေ ကိုယ့်ကို နှိုးဆော်နေကြပြီ.... ကိုယ်ဘာလုပ်ရမှာလဲကွာ..။
တစ်နေ့ညက ရင်ထဲစူးအောင့်ရင်း ကျွန်တော် သတိလစ်သွားခဲ့ဘူးတယ်.... လူလဲ နွမ်းလျလို့ အားအင်တွေလဲ မရှိ
သလိုခံစားရတယ်..... အစာလဲ ကောင်းကောင်း မစားနိုင်ခဲ့ဘူး.....
ကျွန်တော်မေးလေးကို အသိပေးရင် ကောင်းမလား၊ အသိမပေးပဲနဲ့ ဒီအတိုင်း တစ်နေရာရာ ကို ထွက်သွားခဲ့ရင်...
ကောင်းမလားလို့..... အဖြေမရှိတဲ့ အတွေးတွေကို အချိန်များစွာ အကုန်ခံပြီး တွေးနေခဲ့ဘူးတယ်......
``မေလေး..... ´´ ကျွန်တော့်ဘေးမှာ ပြုစုနေတဲ့ မေလေးကို ကြည့်ရင်း ကျွန်တော် ခေါ်လိုက်မိတယ်....
`` ရှင်..´´သူမော့ကြည့်ရင်းထူးလာတယ်....
`` ကို... ဘာလိုလဲ ဟင်......´´
``အော်..... ဘာမှ မလိုပါဘူး...... တစ်ခုလောက်မေးချင်လို့ပါ....´´
`` ဟုတ်ကို.....မေးလေ....´´
`` အခု......ကို နှလုံးရောဂါဖြစ်နေတာ မေလေး သိတယ်နော်.....´´
`` အင်း... သိတယ်လေ.... အဲဒါကြောင့် ကိုယ့်ကို စိတ်ချမ်းသာအောင်ထားမယ်လို့... မေလေး တွေးနေတာ.... ကိုလဲ စိတ်ချမ်းသာအောင်
နေနော်.. စိတ်ဆင်းရဲစရာတွေ မတွေးနဲ့...... နော်.... ´´ မေလေးစကားကိုကြားရတာ ၀မ်းသာပြီး ၀မ်းနည်းသွားမိတယ်..... ရင်ဘတ်ကလဲ
စူးကနဲ အောင့်တက်လာတယ်..... မေလေးမသိအောင် အိနြေ္ဒ ဆည်လိုက်ရတယ်.....
``အင်းပါ..... မေလေးကို ကိုယ် သိပ်.....ချစ်တယ်နော်...´´ တိုးတိုးလေး ကျွန်တော် ပြောလိုက်မိတယ်.... မေလေးကြားယုံလေးပါပဲ........
ဘာကြောင့်မှန်း မသိပဲ ဒီစကားလေးကို ပြောဖြစ်သွားတယ်.... မေလေးမျက်နှာ ကွက်ကနဲ ပျက်သွားတယ်.....
``ကိုကလဲကွာ... ဘာတွေ ပြောနေမှန်းမသိဘူး.... မေလေး စိတ်မကောင်းဘူး.... အားမငယ်နဲ့နော်.. မေလေး အမြဲရှိနေမယ်...တကယ်လို့
ကိုယ် သေဆုံးသွားခဲ့ရင်လဲ မေလေးအနားမှာ ရှိနေမယ်.... ပြီးတော့ ကိုယ့်ကိုပဲ ချစ်နေမှာ.... အင်း........... မေလေးလဲတွေးထားပါတယ်
ကိုယ်အသက်မရှည်နိုင်ဘူးလို့....... ´´ပြောရင်းမေလေး သက်ပြင်းရှည်ကြီး မှုတ်ထုတ်လိုက်တယ်..... အားပေးနေပေမဲ့ သူအားငယ်နေပြီ
ဆိုတာကို ကျွန်တော် သိလိုက်ရတယ်.... ကျွန်တော် မငိုပါပဲနဲ့..... မျက်ဝန်းထဲမှာ မျက်ရည်တွေ ဝေ့လာပြီလေ......
`` ခဏ အိပ်လိုက်ဦးမယ်နော်.........´´ တိုးတိုးလေးပြောရင်း စောင်ခြုံပြီး တစ်ဘက်ကို လှည့်လိုက်မိတယ်..... ဒီမျက်ရည်တွေကို..... မငို
ပါပဲနဲ့ ကျလာမဲ့ မျက်ရည်တွေကို မေလေးကို မမြင်စေချင်ပါဘူး...... မေလေးကို အားနာတယ်.... တစ်ယောက်ထဲ ကျန်ရစ်ခဲ့ရမဲ့ မေလေး
ကိုလေ......
ကျွန်တော် တစ်ဘက်လှည့်နေပေမဲ့ အိပ်မပျော်ပါဘူး.... စောင်ကို မျက်နှာ အထိခြုံထားပေမဲ့ ကျွန်တော်မေလေးရဲ့
လှုပ်ရှားမှုတွေကို သိနေခဲ့တာပဲ..... ပစ္စည်းလေးတွေ သိမ်းဆည်းနေရာချရင်းက တစ်ခါတစ်ခါ နှဖူးလေးကိုလဲ လာစမ်းနေသေးတယ်....
နောက်တော့ မထွက်တဲ့ ချွေးလေးတွေကိုလဲ ယုယုယယလေး သုပ်ပေးနေသေးတယ်..... တော်တော်လေးကြာတော့ ညောင်းသွားလို့ ထင်
ပါတယ်.... ကျွန်တော့်ကုတင်ဘေးကခုံလေးမှာ ထိုင်ရင်း ကုတင်ပေါ်ကိုခေါင်းတင်ပြီး မှေးစက်သွားတယ်.....
ကျွန်တော် မျက်လုံးဖွင့်ပြီး လှည့်ကြည့်လိုက်တော့....... မေလေး အိပ်ပျော်နေလေရဲ့........ ပါးလေးနဲ့ နဖူးလေးကို
အသာအယာလေး နမ်းလိုက်မိတယ်.... မေလေး ကတော့ မသိရှာဘူးထင်ပါတယ်......
ကျွန်တော် အိပ်ပျော်နေတဲ့ မေလေး မျက်နှာလေးကို ကြည့်နေမိတယ်...... လသာတဲ့ ညမှာ လရောင်ရဲ့ အေးမြခြင်း
တွေကို ခံစားရင်း၊ ပျောက်ဆုံးသွားမှာကို နှမြောရင်း ဝေ့ကနဲ တိုက်လာတဲ့ ညလေညှင်းလေးကို သတိရမိတယ်..... ဒီလေညှင်းလေးထဲမှာ
ညရဲ့ နူးညံ့ လှပခြင်းတွေအပြင် ညမွှေးပန်းလေးရဲ့ စွဲမက်ဖွယ် မွှေးရနံ့လေးလဲ ပါနေလေရဲ့....... အခုမေလေးကလဲ တကယ်ကို ကျွန်တော့်
အနားမှာ ဝေ့၀ဲတိုက်ခတ်နေတဲ့ လေညှင်းလေးပါပဲ...... ဒီလေညှင်းလေးသာရှိနေရင်.... အေးမြတယ်ဆိုတဲ့ လရောင်က လိုအပ်ပါဦးမလား
လို့...... တွေးနေမိတယ်... လရောင်ဆိုတာ.... အချိန်အခါအရသာ ဖြာကျနိုင်ပေမဲ့........ လေညှင်းလေးကတော့ အချိန်အခါ နေရာမရွေး
ရောက်လာတတ်ပါတယ်။
ကျွန်တော် တံခါးတွေကို ဖွင့်မထားပါဘူး...... လေညှင်းလေး ၀င်လာလို့ ရအောင်လေ.... အေးမြခြင်း အစစ်တွေကို
ယူဆောင်ရင်းပေါ့...... ကျွန်တော် အခု အတွေး တစ်ခုနဲ့ ဆုံးဖြတ်ချက်တစ်ခုကို ချလိုက်တယ်...... သေသေကျေကျေ လေညှင်းလေးနား
မှာပဲ နေတော့မယ်လို့လေ။
အတွေးအဆုံးမှာ မေလေးရဲ့ နဖူးလေးကို ကြည့်မိတယ်.... ရေစက်လေးလား......ချွေးစက်လေးလား.... ဒါမှမဟုတ်
ဝမ်းနည်းအားငယ်ခဲ့တဲ့ ကျွန်တော့်ရဲ့ မျက်ရည်စက်တွေလား..........လို့။
ရှင်သန်ခြင်းနဲ့ သေဆုံးခြင်း၊ တွေ့ဆုံခြင်းနဲ့ ခွဲခွါခြင်း၊ ကျန်ရစ်ခြင်းနဲ့ ချန်ရစ်ခြင်းဆိုတဲ့...... ဆန့်ကျင်ဘက် ကဗျာ
လေးတွေကို မေလေးနဲ့ အတူတူ ဆိုငြီးမယ်လို့ ဆုံးဖြတ်ထားတယ်....
ကျွန်တော် မေလေးအတွက် ပေးဆပ်နိုင်မဲ့ အကြင်နာတွေက အစက်ကလေး တစ်စက်လောက်ရှိရင်လဲ မေလေး...
အရသာ ရှိရှိ သောက်သုံးနိုင်စေဖို့ ကျွန်တော် ပေးဆပ်ခဲ့ချင်ပါတယ်..... ခွဲခွာခြင်းတွေ မတိုင်ခင်လေ..... တည်ငြိမ်စွာ ကျန်ရစ်မဲ့ မေလေး
အတွက် ပျော်စရာလေးတွေကို တတ်နိုင်သလောက် ကျွန်တော် ချန်ထားရစ်ခဲ့မှာပါ......
ကာရံမတူတဲ့ ကဗျာ နှစ်ပုဒ်ကို ပြိုင်တူ ဆိုငြီးတဲ့ အခါမှာ ဖြစ်ပေါ်လာမဲ့ သံစဉ်အသစ်က သိပ်ကို လှပနေမယ်ဆိုတာ...
တကယ်တော့ မေလေးကို ကျွန်တော် ချစ်ခဲ့တာ... လရောင်ထက်လဲ ပိုလင်းတယ်.... ပန်းရနံ့လေးတွေထက် ပိုသင်းတယ်လို့ တင်စားချင်
ပါတယ်..... ဒါပေမဲ့လဲ........ မေလေးရေ..... အထီးကျန်ခြင်းတွေရဲ့ အလည်မှာ မေလေးကျန်ရစ်ခဲ့မှာကိုတော့.........
ကျွန်တော် ယုံကြည်နေတယ်လေ...... ခွဲခွါခြင်း မတိုင်မီ ရဲရင့်ခြင်းတွေ ဖြစ်ပေါ်ခဲ့တဲ့ ကျွန်တော့်ကို မေလေးက......
တစ်သက်လုံး ချစ်သွားမယ်ဆိုတာကိုပေါ့.........
No comments:
Post a Comment